ބުޅާ ފެސިލިޓީގެ އަމަލީ މަސައްކަތް ފެށުމަށް ބޭއްވި ރަސްމިއްޔާތުގެ މާލޭގެ މޭޔަރު އާދަމް އާޒިމް އާއި އެނިމަލް ވެލްފެއާ މިނިސްޓްރީގެ ސްޓޭޓް މިނިސްޓަރު މަރިޔަމް ވިޝާމާ އަހްމަދު.-- ފޮޓޯ: ފަޔާޒް މޫސާ | މިހާރު
19 މާޗް 2024 - 12:52
24 comments
މާލޭގެ މަގުތަކުގައި އުޅޭ ބުޅާތައް ބަލަހައްޓަން ހުޅުމާލޭގައި ހަދާ ފެސިލިޓީގެ އަމަލީ މަސައްކަތް މިއަދު ފަށައިފި އެވެ.
މި ފެސިލިޓީގެ އަމަލީ މަސައްކަތް ފެށުމުގެ ގޮތުން މިއަދު ހެނދުނު ވަނީ އެތަނުގައި ހާއްސަ ރަސްމިއްޔާތެއް ބާއްވައިފަ އެވެ. އެ ރަސްމިއްޔާތުގައި މާލޭގެ މޭޔަރު އާދަމް އާޒިމް އާއި އެނިމަލް ވެލްފެއާ މިނިސްޓްރީގެ ސްޓޭޓް މިނިސްޓަރު މަރިޔަމް ވިޝާމާ އަހްމަދު ވެސް ބައިވެރިވެވަޑައިގަތެވެ.
އާޒިމް ވިދާޅުވީ މިއަދު ފެށީ މި ފެސިލިޓީގައި ފެންސު ޖެހުމުގެ މަސައްކަތް ކަމަށާއި ވިއްސަކަށް ދުވަހުގެ ތެރޭގައި އެ މަސައްކަތް ނިމޭނެ ކަމަށެވެ. އަދި އަންނަ ހަފުތާގައި އިމާރާތްކުރުމުގެ މަސައްކަތް ފެށޭނެ ކަމަށް އޭނާ ވިދާޅުވި އެވެ.
ބުޅާ ފެސިލިޓީގެ އަމަލީ މަސައްކަތް ފެށުމަށް ބޭއްވި ރަސްމިއްޔާތު.-- ފޮޓޯ: ފަޔާޒް މޫސާ | މިހާރު
އޭނާ ވިދާޅުވީ މި މަސައްކަތަށް ބޭނުންވާ ހުރިހާ ޓެކްނިކަލް ސަޕޯޓެއް ދެނީ އެނިމަލް ވެލްފެއާ މިނިސްޓްރީން ކަމަށެވެ.
"އަޅުގަނޑަށް އުއްމީދުކުރެވެނީ ކުރިއަށް މަހެއް ދެމަހެއްހާ ދުވަހުގެ ތެރޭގައި މި ފެސިލިޓީ ބިނާކުރެވި، މާލެ ތެރޭގައި އުޅޭ ބުޅާތައް ގެނެވި، އެ ބުޅާތައް ނިއުޓާކުރެވިގެން މިތަނުގައި ގެންގުޅެވޭނެ އިންތިޒާމު ހަމަޖެހިގެންދާނެ ކަމަށް،" އޭނާ ވިދާޅުވި އެވެ.
ބުޅާ ފެސިލިޓީ ހަދަނީ ހުޅުމާލެ ފަރުކޮޅުފުށި ސަރަހައްދުގަ އެވެ. މި ފެސިލިޓީ ހެދުމަށް އެޗްޑީސީން ވަނީ ސިޓީ ކައުންސިލަށް ހުޅުމާލެ ދެވަނަ ފިޔަވަހިން 5،000 އަކަފޫޓުގެ ބިމެއް ދީފަ އެވެ.
ސިޓީ ކައުންސިލުން ބުނި ގޮތުގައި، މި ފެސިލިޓީގެ މަސައްކަތް އެއްކޮށް ނިމޭއިރު އެކި ވައްތަރުގެ ޕެޓް ކެއާ ޕެސިލިޓީއެއް ވެސް އެތަނުގައި ހަދާނެ އެވެ.
ބުޅާ ފެސިލިޓީގެ އަމަލީ މަސައްކަތް ފެށުމަށް ބޭއްވި ރަސްމިއްޔާތުގައި މާލޭގެ މޭޔަރު އާދަމް އާޒިމް ވާހަކަދައްކަވަނީ-- ފޮޓޯ: ފަޔާޒް މޫސާ | މިހާރު
މާލޭގެ މަގުތަކުގައި ބުޅާ ގިނަވެ، އޭގެ ނަޖިހުން އާންމުންނަށް އުނދަގޫވާ ކަމުގެ ޝަކުވާ ބޮޑުވެ، ރައީސް ޑރ. މުހައްމަދު މުއިއްޒު މާލޭގެ މޭޔަރު ކަމުގައި ހުންނެވިއިރު ވެސް ވަނީ ވިލިމާލޭގައި ބުޅާ ފެސިލިޓީއެއް ހަދައިދޭނެ ބަޔަކު ހޯދަން ތިން ފަހަރެއްގެ މަތިން އިއުލާނުކޮށްފަ އެވެ. އެކަމަކު ފަހުން އެ މަސައްކަތަށް ބަޔަކު ޝައުގުވެރިކަން ފާޅުކުރިޔަސް މަސައްކަތް ނުފެށި ދިގުލައިގެން ދިޔައީ އެވެ.
ރައީސް ވިދާޅުވެފައި ވަނީ އެ މަސައްކަތް ކުރިއަށް ނުގެންދެވުނީ އޭރު ވެރިކަން ކުރެއްވި ރައީސް އިބްރާހިމް މުހައްމަދު ސޯލިހުގެ ސަރުކާރުގެ އެއްބާރުލުން ނުލިބިގެން ކަމަށެވެ.
"ވެލްފެއާ ފޯ އައިލެންޑް ކެޓްސް" (ޑަބްލިޔުއައިސީ) އިން އެންމެފަހުން ބުނެފައިވާ ގޮތުގައި މާލެ ސަރަހައްދުގެ މަގުތަކުގައި 3،000 އަށް ވުރެ ގިނަ ބުޅާ އުޅެ އެވެ. ޑަބްލިޔުއައިސީ އިން ލަފާކުރަނީ އަވަސް ފިޔަވަޅުތަކެއް ނޭޅިއްޖެ ނަަމަ އެ އަދަދު 9،000 އަށް އިތުރުވާނެ ކަމަށެެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބާއުކަލޯ
21 March 2024
ޓަވަރ ތަކާ އެހާ ކައިރީ ބުޅާ ފެސިލިޓީ ހެދީމަ ވަޔާ އެކު ފްލެޓްތަކަށް ބުޅާކެހެރި އޮންނާނީ، ކައިރީގަ އޮތީ ކުޑަކުދިންވެސް ކުޅެންދާ ޕްލޭގްރައުންޑެއް. އެތާގަ މިތަން ހެދުން އެއްގޮތަކަށްވެސް ކަމަކު ނުދޭ
އަފްރާސިޔާބު
20 March 2024
ބުޅަލުގެ ޢާއިލާ ބަލަހައްޓަން ދައުލަތުން ކިހާ ފައިސާއެއް ހޭދަކުރޭތަ؟ އިންސާނުންގެ ޢާއިލާއަށް ވުރެ ބުޅަލުގެ އާއިލާ ބޮޑުވެގެންދާނެ. ކޮންމެ ޢާއިލާއަކަށް 2 ރޫމުގެ އެޕާޓްމަންޓެއް ދީގެން ހުޅުމާލޭގެ ބިމަކުން ނުފުދޭނެ. ބުޅަލަށް ރަށެއް ހަދަންވީނުން.
ޙަސަން އަޙްމަދު
19 March 2024
ތަންދޮރު ނުދަންނަ މީހުން މަލާމާތްކުރިޔަސް މާލޭ މަގުތަކުގަޔާ ތިރި ގޭގޭ ފުރާޅުތަކުގައި އުޅޭ ބުޅަތަކަށް ހައްލެން ގެންނަންޖެހޭ. ރައްޔިތުންގެ ބޯހިޔާވަހިކަމުގެ މައްސަލައާ ބިދޭސީންގެ މައްސަލައަކީ ހައްލުކުރަން ނުޖެހޭ ކަމެކެ ނޫން މި ބުނީ.
ލަމާމް
20 March 2024
މަލާމާތް ކުރަނީ ކަންކަން ޕްރިއޯރަޓައިޒް ކުރަންނޭގޭތީ. އެއީ ބުޅަލުގެ ކަންތައް މައްސަލައަކަށް ނުވާތީއެއްނޫން. ނުބައްދަލު ހައްލު ހޯދުމަކީ ހަމަ ނޭއްގާނީކަން، އެއީ ތަންދޮރު އެނގުމެއްނޫން. ހަމަ ހީވާއެއްޗެއްތީ
ޖޯކް
19 March 2024
މީދާ ވާ ކުރަފި އެއްޗެހި ނައްތާލާހެން ބުޅާތައްވެސް ނައްތާލަންވީ. މިގޭ މަގުގަ ފަރުބަދައެއްހެން ބޮގު ޖަހާފަ. އޭގެތެރޭގަ ހޭކިފަ ސައިކަލް މަޑިމައްޗަށް އަރާ ތިބެނީ. މަގުންދުވާ ނުބައިވަހުން ކެއްނުވޭ. މިޔަށް ހައްލަކީ ނައްތާލުން. ކޮންބޭކާރު ހަރަދެއްކުރާކަށް.
ބުޅަލަށް އަނިޔާ ނުކުރޭ
20 March 2024
ދިރޭ ތަކެއްޗަށް ތިހާ އިހާނެތިވާކަށް ނުވާނެ. އެތަކެތީގެ އާބާދީ ކޮންޓްރޯލް ކުރެވޭނެ ގޮތެއް އެ ހޯދައިދެނީ. މައްސަލަ ހައްލު ކުރާނީ އެއްލަކިންނެއް ނޫން، މަޑު މަޑުން.
ޖޯކް
20 March 2024
ދެން ކުރަފި މީދާ ވާ މިހުރިހާ އެއްޗެއްސައް ރިސޯޓްހަދާދޭންވީނުން. ހުވަނި އަޅައިފިއްޔާ އެޔަށްވެސް ސްޕްރޭ ކޮށްފަ ނައްތާލާނެ ކަމެއްނެތް. ގައިކަހަކަހަ ހުރެގެންވެސް ދިރޭ ތަކެއްޗަށް އިހާނާތް ތެރިވާކަށް ނުވާނެ.
ފަޓާސް
19 March 2024
ދިވެހީންގެ ރާއްޖޭގަ ރައްޔިތުންނަށް ބޯހިޔާވަހިކަން ފޯރުކޮށްދިނުމަށްވުރެ ބުޅަލަށް ދެވޭ ގަދަރު ބޮޑު. ދެރަ ކަންކަން
ބޮޑު ވަރު
19 March 2024
މައިކު ކުރިމަތީހުރެ ވަރުބަލިވަންދެން vaahaka ދެންކީއިރު މަސައްކަތް ހަވާލުކުރީ ކޮށްބަޔަބާއި ކަމެއްނޭންގުނު އަދި ކިތައް މިލިޔަނަށްކަމެއްކަށްވެސް ނޭނގުނު ހީވަނީ އާސަހަރާ މިސްކިތް ގޮތަށް މިކަށްވެސް ދުއްވާލީހެން ސާބަސް ސާބަސް ހަމަސާބަސް.
ބުޅޭ
19 March 2024
ތިޔަ ބުޅާ ގަނޑުވަރު އަޅަން ޙަވާލުކުރީ ކޮން ކުންފުންޏަކަށްކަން ކީއްވެގެންތަ ހާމަނުކުރެވުނީ؟؟؟
އަހުމަދު
19 March 2024
ޕެލަޓްތައް ނަގައިދީ މިކަމަށް ދާއިމީ ހައްލެއް ގެނެސްދީ....
ފެންނަ މަންޒަރު
19 March 2024
ލައްކައަކަށް ވުރެން ގިނަ ބަންގާޅިން އެބައުޅޭ އަދި އެމީހުންގެ ކަންތައް އަތްނުފޯރާ ހިސާބަށް ގޮއްސި , ކަންމަތި ކަޑައިން ފެށިގެން ގެސްޓު ހައުސް , ގަރާޖު , މާރުކޭޓު ގޮޅި, ތިޔަ ބުޅާތަކަށްވުރެން މަގުމަތީގަ އެމީހުންގެ މުޑުދާރުކަން ކުޑައެއްނޫން , ދުނިޔޭގެ އެހެން ގައުމުތަކުގައިވެސް ލޭބަރުންނާއި އަދިވެސް އެހެނިހެން ވަޒީފާތަކުގައި އެހެންގައުމުގެ މީހުން އުޅޭ މިހާ މިނިވަންކޮށް ބޭނުންކަމެއް ހިންގާލެވޭ ގައުމެއް މިނޫނީނެތް, ބޭރުމީހުންގެ ކައިރިއަށް ގޮސް އަޑިން ފައިސާ ނަގައިގެން އެވުޒާރާތަކުގަ އުޅޭ ބައެއް މީހުން އަލިފާން އެކަނީ , އެހާ ދަށުދަރަޖައަކަށް ދިވެހިންގެ ތެރެއިން ބަޔަކުވަނީ ވެއްޓިފައި , މަދު ފައިސާކޮޅަކަށް ގައުމު ވިއްކާލަންވެސް ޖެހިލުމެއް ނުވާނެ , ގައުމު ސަލާމަތުގެ އައްސޭރީގައި ބޭއްވުމަށް ދީންވެރި ހެޔޮލަފާ މީހުން މަގާމްތަކަށް ކުރިމަތިލާންޖެހޭ , ކިޔަވައިގެން ގައުމަށް ޚިދުމަތް ކުރަންޖެހޭ , ލާޗާރު ބިޗާރު މީހުންނަށް މަޖުލީހަށް ކުރިމަތި ލެވިގެން ނުވާނެ , ޖަލުގަ އުމުރު ދުވަހު އޮވެފައި އައިސް މަޖުލީހަށް ???? މީތިކަޑައޭ !!!! ކުރިމަތި ލެވިގެން ނުވާނެ , ޖަލުން ނިކުންނަށް މީހާއަށްވެސް އޭނާއާއި އެކަށީގެންވާ ވަޒީފާއެއް ސަރުކާރުން ހަމަޖައްސައި ދެވިދާނެ , އެކަމް ސްޓޭޓް މިނިސްޓަރުކަން , މެމްބަރުކަން, މިކަންކަމަށް އަންނަންވާނީ ކިޔަވއިގެން ތިބި ދީންވެރި މީހުން.. ގައުމު ހަމަ މަގަށް އަޅުވާނީ ގައުމުގެ ދަރިން.
ށުވެއިބު
19 March 2024
ޢެެްއްކަމެއވެސް ނުކުރެވޭނެ ޢަހަރެމެންނަށް މިރަށު ބިން ވެސް މިލުކުވާންޖެހޭ ވެރިކަމަށް ގެނެސްދިނީ އަހަރެމެން rufiyaa ދީގެން އެހެންވީމަ ކޯޓާ އަލުން ލިބުނީ ސަލާމަތޭ ސަލާމަތޭ ނުކިޔާ މަށުކޮށް ތިބޭ އަހަރެމެން ދިނީމަ ކާލައިގެން މަދުކޮށް ތިބޭފުއްޕަން ނޫޅެ ސައިޒް އެގެނީތަ މީ މޯލްދިވްސް ނު ދޯ
ބިންވެރިޔާ
19 March 2024
މިހާރު ސްޓޭޓް މިނިސްޓަރުކާއި. ކުންފުނިތަކުގެ މަތީ މަގާމު ލިބޭނީ ކިޔަވައިގެން ތިިބި މީހުންނަަކަށް ނޫން. ނަމަވެސް މަގުމަތީގައި އުޅޭ މީހުންނާއި، ޕާޓީތަކުގެ މީހުންނާއި އަދި ޒުވާނުންގެ ޖަމިއްޔާތަކުގެ ބައިވެރިންނަށް
މަ ބުނީ
19 March 2024
މަ ބުނީ އެއީ މި ޤަޢުމުގެ ބޮޑުންނާއި ވެރިންނާއި މަހުޖަނުންގެ ބޮޑު ވިޔަފާރިއެއް.
މާލު
19 March 2024
އޭ "ފެންނަ މަންޒަރު" ކިހިނެއްތަ ތިޔަހާ ދިގު ކޮމެންޓް ލިޔަނީ؟ އަހަރުމެން ކޮމެންޓްއެއް ލިޔަން ފަށާއިރަށް 450 އިން ފެށިގެން ކައުންޓް ޑައުން ކުރަން ފަށާ. ޢިސާހިތަކު 0 އަށް އަރާފައި ދެން އިތުރަކަށް ނުލިޔެވޭ.
ބަންގާޅީ
20 March 2024
ބަންގްލަދޭޝް މީހުން އެކަންޏެއް ނޫން. މި ރޯދަ މަހާ ދިމާކޮށް ދިވެހީންގެ މުޑުދާރުކަންވެސް ދައްކާލިއެއްނު. ދެކުނިންތަ؟
ފެންނަގޮތް
19 March 2024
5000 އަކަފޫޓު ބޫޅަލަށް ދެވެންޏާ، 5000 އަކަ ފޫޓުގައި 1 ކޮޓަރީގެ ފުލެޓް އަޅައި، ކިޔާވާ ކުދީނާއި ވަޒީފާއަށް ދާ ކުދިންނަށް ، ދޭގޮތަށް އިމާރާތެއް އަޅަންވީނުން..
ނުފެންނަގޮތް
19 March 2024
ބޯގޯސް.
ނުފެންނަގޮތް
20 March 2024
ތަނެއްގަ ހުސްތަންކޮޅެއް އޮތިއްޔާ ޖެހޭތަ އެތަނެއްގަ ފްލެޓް އަޅާފަ ޕާކިންގ ޒޯން ހަދަން. ދުނިޔެއަކީ ހަމައެކަނި އިންސާނުން އުޅޭ ތަނެއްނޫން.. ހާދަ އަމިއްލަ އެދުން ބޮޑޭ.