ނުދެއްކި ގިނަ ދުވަސްވެފައިވާ ފެނާއި ކަރަންޓު ބިލުގެ ޖޫރިމަނާ މާފު ކޮށްދޭން ރައީސް ނިންމަވައިފި

މޫސާ ރަޝީދު، މިހާރު

24 މާޗް 2024 - 17:44

އާންމުން ދިރިއުޅޭ ގެތަކުގައި ކަރަންޓާއި ފެން ބިލުތައް ނުދެއްކި ގިނަ ދުވަސްވެގެން އަރާފައިވާ ޖޫރިމަނާތައް މާފު ކޮށްދޭން ރައީސް ޑރ. މުހައްމަދު މުއިއްޒު މިއަދު ނިންމަވައިފި އެވެ.

އެމަނިކުފާނު އެކްސްގައި ކުރެއްވި ޕޯސްޓެއްގައި ވިދާޅުވީ، އެއީ އާންމު ރައްޔިތުންގެ މާލީ ހާލަތު ރަނގަޅު ކުރުމަށްޓަކައި ސަރުކާރުން އަޅަމުން ގެންދާ ފިޔަވަޅުތަކުގެ ތެރެއިން އެއް ފިޔަވަޅު ކަމަށެވެ.

މާފު ވާނީ ޑޮމެސްޓިކް ރޭޓުގައި ހުންނަ ގޭގޭގެ ކަރަންޓާއި ފެން ބިލްތަކުގެ ޖޫރިމަނާތައް ކަމަށް ވެސް ރައީސް ވިދާޅުވި އެވެ.

އެކަން ކަމާބެހޭ ކުންފުނިތަކަށް އަންގަވާފައިވާ ކަމަށާއި ނުދެއްކި ހުރި ފައިސާތައް ވެސް ލުއި ގޮތަކަށް ދެއްކުމަށް އެއްބަސްވުމެއް ހެދުމަށް ދަންނަވާފައިވާ ކަމަށް ވެސް ރައީސް މުއިއްޒު ވިދާޅުވި އެވެ.

ރައީސް މުއިއްޒު މިދިޔަ ހަފުތާގެ ބުދަ ދުވަހު "މިހާރު" ގެ ނޫސްވެރިންގެ ސުވާލުތައް އަޑުއައްސަވަނީ.---ފޮޓޯ: ނިޝާން އަލީ| މިހާރު

މި ރޯދަމަހު ކަރަންޓާއި ފެނުގެ ބިލް ބޮޑު ނުވާނެ ގޮތަށް ކެޕް ކުރަން ނިންމާފައިވާ ކަމަށް ވެސް އެ މަނިކުފާނު މީގެ ކުރިން ވިދާޅުވެފައި ވެ އެވެ.

"އާންމު މަހެއްގަ އެ ހުންނަ ރޭޓްގަ ކެޕް ކޮށްފައި. އާންމު މަހެއްގަ ހުންނަ މިންވަރަށް ރަމަޟާން މަހު ކަރަންޓު ބިލާއި ފެން ބިލް ހުންނާނީ،" ބ. އޭދަފުށީގައި މި މަހުގެ ތިން ވަނަ ދުވަހު ވާހަކަފުުޅު ދައްކަވަމުން ރައީސް މުއިއްޒު ވިދާޅުވި އެވެ.

އެ މަނިކުފާނު އެ ދުވަހު ވިދާޅުވީ، ސްޓެލްކޯ އިން ފެނުގެ ހިދުމަތް ދެމުން އަންނަ ރަށްރަށުން ނަގަމުން އަންނަ 30ރ. ޗާޖް އުވާލުމަށް ވެސް އަންގަވާފައިވާނެ ކަމަށެވެ.

ކަރަންޓު ސްޓެލްކޯ އެމްޑަބްލިއުއެސްސީީ ރައީސް ޑރ. މުހައްމަދު މުއިއްޒު ފެން ސަޕްލައިކުރުން

64 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނުރަބޯ

25 March 2024

ބިލްތައް ގަވާއިދުން ނުދައްކާ ގިނައިން އުޅޭނީ ވިޔަފާރިވެރިން. ކޮންމެ ރަށަކަށް ބެލިޔަސް ނިކަމެތި ރައްޔިތުމީހާ ބިލް ދައްކާނެ، ބޮޑެތި ވިޔަފާރިތަކުން ބިލް ނުދައްކާ ހުންނަނީ. އެއިން ތަނަކުން ކަރަންޓެއްވެސް ފެނެއްވެސް ކަނޑައެއްވެސް ނުލެވޭނެ. އެކަމަކު ނިކަމެއްޗަކު 1 މަހު ނުދެއްކިޔަސް އަނެއްމަހު ކަނޑާލާނެ. ރައްޔިތުންނަކަށް ފައިދާއެއްވާނެ ކަމެއް ނޫން ތިއީކީ. ބިލްތައް ނުދައްކާ މަހުޖަނުންނަށް ތިކަމުންވެސް ހުރިހާމޮޅެއްވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަރީރް

25 March 2024

ރައީސް މުއިއްޒުއަށް ފަށްފަށުން ޝުކުރުދަންނަވަން. ތި ކޮށްދެއްވީ ހަމަ އެއްވަނައިގެ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމްނިޔާާ

25 March 2024

ރައީސް މުއިއްޒަކީ ހަގީގީ ދިވެހިންގެ ރައީސްލކަން ކަށަވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުރިއްޔާ

25 March 2024

ހަގީގީ ދިވެހިންގެ އެއްނޫން. ގާނޫނާއި ގަވާޢިދަށް ބޯނުލަބަލާ މީހުންގެ ރައީސް. އަހަރެމެން ޖޫރިމަނާ ވެދާނެތީ އެވެސް އިތުރަށް ދައްކަންޖެހޭނެތީ ނުކައި ނުބޮއިވެސް ބިލްތައް ދެއްކޭތޯ ބަލަނީ. 3 މަހު ނުދައްކައިފިއްޔާ އެބައާދޭ ކަރަންޓް ކަޑަން. ދެން ޖެހެނީ ދަރަންޏަށްވެސް ލާރިހޯދައިގެން ބިލް ދައްކަން. ބިލް ނުދައްކާ ގިނަ ދުވަސްކޮށްފައިވާ މީހުންގެ ޖުރުމަނާ މާފުކޮށް ލުއިކޮށްދިނުމުން އެއީ ހަގީގީ ދިވެހިންގެ ރައީސްކަމަށް ގަބޫލުކުރަން ދަތި. ވަކިބައެްއްގެެ ރައީސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒީނިޔާާ

25 March 2024

ރައީސް ވަނީ ޖުމްލަކޮށް ހުރިހާ ކުންފުނިތަކަށްވެސް ރައްޔިތުންނާ ގުޅުންހުރި ކަންކަމުގައި ވީހާވެސް ލުއިފަސޭހަ ވާނެހެން ކަންކަން ބައްޓަންކުރަން އިރުޝާދުދެއްވާފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންކަރު

25 March 2024

ދެން ކީއްވެހޭ ދެވަނަ މަހު އަހަރެމެން ގެއަށް ރެޑް ނޯޓިސް އަންނަނީ.. ގައިމު ނުދެއްކޭ ވަރަށް ޖުރުމަނާ އަރާނީ ވަރަށް ގިނަ މަހު ފައިސާ ނުދައްކާ ހުރީމަތާ.. އެމީހުންގެ ގެއިން ކަރަންޓް ކަނޑާނުލެވެނީ ކީއްވެތޯ