ތިން މީހުންނާއެކު މަހަށް ނުކުމެ އުޅެނިކޮށް ގެއްލުނު ޑައިވިން ދޯނި.-- ފޮޓޯ: ޕޮލިސް
20 އެޕްރީލް 2024 - 10:30
10 comments
މ. މަޑުއްވަރީން ތިން މީހުންނާ އެކު ފަރުމަހަށް ނުކުތް ދޯންޏެއް ހޯދަން، ފުރަތަމަ ފަހަރަށް އެމްއެންޑީއެފްގެ އަސްކަރީ ޑްރޯން ބޭނުންކުރަން ފަށައިފި އެވެ. މިއީ މިދިޔަ މަހު ރާއްޖެ އަށް އަސްކަރީ ތިން ޑްރޯން ގެނައި ފަހުން އެ ބޭނުންކޮށްގެން ހިންގާ ފުރަތަމަ ރެސްކިއު އޮޕަރޭޝަނެވެ.
އެމްއެންޑީއެފުން ބުނީ އެ އަތޮޅު ރަތްމަންދޫ ބޭރަށް މަހަށް ނުކުތް "ފަރިހި 2" ނަމަކަށް ކިޔާ ޑައިވިން ދޯންޏެއްގެ ޚަބަރެއް ނުވެގެން ރޭ 11:30 ހާއިރުން ފެށިގެން އެ އުޅަނދު ހޯދަން މަސައްކަތް ފަށާފައިވާ ކަމަށެވެ. އަދި އެ ސަރަހައްދަށް "ޔޫއޭވީ" ނުވަތަ އަސްކަރީ ޑްރޯން އުދުއްސާލާފައިވާ ކަމަށް އެމްއެންޑީއެފުން ބުންޏެވެ.
ފުލުހުން ބުނީ ދޯންޏެއްގައި އިއްޔެ ހަވީރު މަހަށް ނުކުމެ އުޅުނު ދެ މީހެއްގެ ޚަބަރު ނުވެގެން ރޭ 10:00 ހާއިރު ރިޕޯޓުކޮށްފައިވާ ކަމަށެވެ. ނަމަވެސް، އެމްއެންޑީއެފުން ފަހުން ބުނީ ދޯނީގައި ތިބީ ދިވެހި ތިން ފިރިހެނުން ކަމަށެވެ.
ގެއްލިގެން ހޯދާ ދޯނިގައި ތިބީ ކ. މާފުށިން މަޑުއްވަރީއަށް ދިޔަ ބައެކެވެ. އެ މީހުން މަހަށް ދިޔައީ މަޑުއްވަރީގެ ދޯންޏެއްގަ އެވެ.
"ގެއްލުނު ދޯނި ހޯދުމަށް މިހާތަނަށް 440 އަކަ ނޯޓިކަލް މޭލުގެ ސަރަހައްދެއް ކަނޑާއި ވައިގެ މަގުން ބަލާފައިވާއިރު، އަދިވެސް ދަނީ ހުއްޓުމެއްނެ ތި ހޯދުމުގެ މަސައްކަތް ކުރަމުން،" އެމްއެންޑީއެފުން ދެންމެ ބުންޏެވެ.
އެ ދޯންޏާއި ގެއްލިގެން އުޅޭ މީހުންނާ ގުޅޭ އެއްވެސް މައުލޫމާތެއް ލިބިފައިވާ ނަމަ ފުލުހުންގެ އިމަޖެންސީ ނަންބަރު 119 ނުވަތަ ކޯސްޓްގާޑަށް ގުޅައި މައުލޫމާތު ހިއްސާކޮށްދިނުމަށް ވަނީ އެދިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮނިޓައްޕު ހަސަނު
20 April 2024
އިންޑިއާ މީހުން ކައިރީ ހަމަ ނުބުނާ ނަންތަ އެމީހުންގެ މަތިންދާ ބޯޓު ބޭނުން ކުރަން؟
ނާނުު
20 April 2024
ގެއްލުނު ދޯނީގައި މާފުށީ ޑައިވްގެ ވެރިޔާ ސިމްބެ ހިމެނޭ. ސިމްބެއަކީ ކުޅަދާނަ ކައްޕިއެއް، މޮޅު ޑައިވަރެއް ކަންކަމަށް ލޯހުޅުވިފަ ހުރި ޒުވާނެކެވެ. މީހުންނަށް ހެޔޮ އަހުލާގު ރަނގަޅު މީހެކެވެ. މާތްﷲގެ ވާގިފުޅާއެކު އެންމެން ސަލާމަތުން ފެންނާނެއެވެ.
އަލިބެ
20 April 2024
ފޮލޯމީ ވެސް ނުލާތަ ދަތުރުކުރަނީ...
MySuperGreenDOTcom
20 April 2024
އަޅުގަނޑުވެސް ޑުރޯނެއް ގެންގުޅެން، އަޅުގަނޑުގެ ޑުރޯންދުއްވެނީ މައްޗަށް 100 މީޓަރު، ވަށައިގެން (ހުރިތަނުން ދުރަށް) 1000 މީޓަރ، މިވަރުންވެސް ލ.ގަން ފަދަ ރާއްޖޭގެ އެންމެބޮތި ރަށްރަށުގެ ފަށައިގެން ބަލާލާ ވީޑިއޯކޮށްލާހެދޭ! މިހާރު އަޅުގަނޑުގެ ހުވަފެނަކީ އެމްއެންޑީއެފުން ބޭނުންކުރާކަހަލަ ދުރަށްދުއްވޭ ޑުރޯނެއްހޯދުން، "އަސްކަރީ" ބައިކަނޑާލާފަ އެވަރުގެ ރޭންޖެއްބޭނުންވަނީ! އޭރުން ރަށުގަހުރެފަ ކައިރިރަށްރަށަށް އެއްޗެހި ޑެލިވަރީވެސްކޮށްލެވޭނެދޯ!
ގެދާނޯމޮސް
20 April 2024
ތިޚަރަދު ހިންގަން ޖެހެނީ ސަރުކާރުން މިގޮތަށް މަހަށް ނުކުތުމަށް އެކަށީގެންވާ ގަވައިދެއްވެސް ނެތީމައެވެ. މިސާލަކަށް އެންމެ އާދައިގެ ދަތުރަކަސް ފުރުމުގެ ކުރިން އަންގަން ޖެހޭފަރާތަކާއި އެކު އެނބުރިއާދެވެން ދެން އޮންނަން ޖެހޭ ގުޅުން ބޭއްވޭނެ ގަވައިދެއް ހަދަންޖެހިއްޖެއެވެ. އަދަބެއްގެ ގޮތުން އަމަލު ނުކޮށްފިނަމަ އެފަރާތެއްގެ ސިމްކޮންޓެކްޓް ބޭނުން ކުރުން ވަކިމުއްދަތަކަށް ހުއްޓުވޭނެ ގަވައިދެއް އޮތުމަކީ ރަނގަޅު ގޮތެއްކަމުގަ ދެކެމެވެ.
ބޯބުރާންތި
20 April 2024
ކޮންމެ ކަމަކީ ގަވާއިދަކުން ހައްލުކުރެވޭނެ ކަންކަމެއް ނޫން. ގަވާއިދެއް ހެދޭނީ ގަވާއިދަށް އަމަލުކުރާނެ ބަޔަކު ތިބެގެން. ގަވާއިދެއް ނެތަސް ކަމެއް ދިމާވުމުގެ ކުރިން ފަރުދީގޮތުން އަދާކުރަންޖެހޭ ޒިންމާ އަދާކުރާނަމަ މައްސަލަތައް ދިމާވުން މަދުވާނެ.
ފެންނަގޮތް
20 April 2024
އަމިއްލަ ފައިމައްޗަށް ތެދުވުމަކީ ފަހުރެއް.. އުންމީދަކީ އެންމެން ހެޔޮހާލުގައި ތިބެ، ސަލާމަތްވުން.. ކުރިއަށް ދިވެހިންގެ ގައުމު
ސަދަން
20 April 2024
ހާދަ އެހެން ކަހަލަ ފަރު މަހެއް ކުރަން ދިޔަ ބަޔެކޭ ދޯ ތިއީ. ކ. މާފުށި ބަޔަކު މަހަށް ދާން ތިހާ ދުރު ހިސާބަކަށް ދާން ޖެހުނީ ކީއްވެބާ. ޑަވިޔަނި ރާ ގާފު ކަމެއްގަބާ؟
ރައައިވެރި
20 April 2024
މ. އަތޮޅު އެއީ ރަތް މަސް ޕޮއިންޓެއް
ގެދާނޯމޮސް
20 April 2024
ސެޓްލައިޓުން މަސްއުޅޭތަންތަން ހޯދައިން ކަލޭމެން ފަރުމަސް ހުސްކުރާތީ ވާނުވާ ނޭންގި ހޯދަން ދެވެނީ އެވެ!