ޚަބަރު / އޯލެވެލް އިމްތިހާން

7،000 އަށް ވުރެ ގިނަ ކުދިންނާ އެކު އޯލެވެލް އިމްތިހާނު ފަށައިފި

ހިރިޔާ ސްކޫލްގެ ކުދިން މިއަދު އެސްއެސްސީގެ އިސްލާމް ޓެސްޓް ހަދަނީ.---ފޮޓޯ: ނިޝާން އަލީ| މިހާރު

ފާތިމަތު އަޖްފާން، މިހާރު

25 އެޕްރީލް 2024 - 10:06

6 comments

މި އަހަރުގެ އޯލެވެލް އިމްތިހާނު 7،000 އަށް ވުރެ ގިނަ ކުދިންނާ އެކު މިއަދު ފަށައިފި އެވެ.

އައިޖީސީއެސްއީ އަދި އެސްއެސްސީ އިމްތިހާނު ހިމެނޭ ގޮތަށް 7،501 ކުދިން މި ފަހަރުގެ އިމްތިހާނުގައި ބައިވެރިވި އެވެ. އިމްތިހާނު ބާއްވަނީ ރާއްޖޭގެ 257 ސެންޓަރެއްގަ އެވެ.

އެއީ އައިޖީސީއެސްއީ ހަދާ 7،155 ކުދިންނާއި އެސްއެސްސީގެ 346 ކުދިންނެވެ. އައިޖީސީއެސްސީ ފަށާނީ އަންނަ މަހުގެ ދެ ވަނަ ދުވަހު އެވެ.

މިއަދުން ފެށިގެން މި އަހަރުގެ ޖޫން 13 ގެ ނިޔަލަށް ކުރިއަށް ގެންދާ އިމްތިހާނުގައި މިއަދު އޮތީ އިސްލާމް މާއްދާ އެވެ.

އިސްކަންދަރު ސްކޫލްގެ ކުދިން މިއަދު އެސްއެސްސީގެ އިސްލާމް ޓެސްޓް ހަދަނީ.---ފޮޓޯ: ނިޝާން އަލީ| މިހާރު

މި ސަރުކާރުން ވަނީ އޯ ލެވެލް އިމްތިހާނުގައި ބައިވެރިވާ ކުދިން މަޖުބޫރު ހަތަރު މާއްދާ ހަދަން ޖެހޭ ގޮތަށް ބަދަލުކޮށް، އެ މާއްދާތަކަށް ސަރުކާރުން ފައިސާ ދައްކާ ގޮތަށް ވެސް ނިންމައިފަ އެވެ.

އަހަރުގެ މެދުތެރެއިން ކިޔެވުން ފަށާ ގޮތަށް މިހާރު އޮތް އޮތުން ބަދަލުކޮށް 2026 އިން ފެށިގެން ދިރާސީ އަހަރު ޖެނުއަރީގައި ފަށަން ވެސް މި ސަރުކާރުން ވަނީ ނިންމައިފަ އެވެ. އެގޮތަށް ބަދަލުކުރާތީ ގްރޭޑް 8ގެ ކުދިން އަންނަ އަހަރު ފަހުކޮޅު އޯ ލެވެލް އިމްތިހާނު ވެސް ހަދާނެ އެވެ.

އިސްކަންދަރު ސްކޫލްގެ ކުދިން މިއަދު އެސްއެސްސީގެ އިސްލާމް ޓެސްޓް ހަދާއިރު، ހޯލްގައި އިމްތިހާނު ކުރިއަށް ދަނީ އަންގަން ބޯޑެއް ބަހައްޓާފައި.---ފޮޓޯ: ނިޝާން އަލީ| މިހާރު

އޯލެވެލް އަދި އޭލެވެލް އިމްތިހާނުގައި ދިވެހި ކުދިން ހޯދާ ނަތީޖާ ފަހަކަށް އައިސް ވަރަށް މައްޗެވެ. އިމްތިހާނުގެ ގަދަ 10 ގައި ހިމެނޭ ކުދިންގެ އަދަދު އިތުރު ވަމުން އަންނައިރު ދުނިޔޭގެ ފެންވަރުގެ ވަނަތައް ވެސް އަންނަނީ ހޯދަމުންނެވެ.

ތައުލީމް އެޑިއުކޭޝަން މިނިސްޓްރީ އޯލެވެލް އިމްތިހާން

6 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިކުރ

25 April 2024

7500 ކުދިންނަށް މަޖްލސް މެމްބަރުކަން ދޭން ހަމަ ސަޅ. އެހެން ވަޒފާ އެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

25 April 2024

ވަޒީފާ އެއްނެތެވެ. ހުރިހާ ހޮޓާ ކެފޭ ރެސްޓޯރަންޓް ފަދަ ވިޔަފާރި ތަކުގަ 100 ޕަސެންޓް ބިދޭސީންނެވެ. އެންމެ ދިވެއްސަކު ވެސް ނެތި އެތައް ބައިވަރު ވިޔަފާރި އެއް ހިންގާ އިރު ބަލާވެސް ނުލަ އެވެ. ސްކޫލް ނިމި ވަޒީފާ ނުލިބި މައިންބަފައިންގެ ބެލުމުގެ ދަށައް ދާ ކުދީން ގިނަ އެވެ. ދެން ކަމެއް ނެތި ނުބައި މަގު ތަކާ ދިމާ އަށް ދެ އެވެ.