ފެކަލްޓީ އޮފް ހެލްތު ސައިންސްގެ ކްލާސްރޫމެއް: މެޑިސިން ކިޔަވާ ދަރިވަރުންގެ ކްލާސްތައް މެއިން ކެމްޕަހަށް ބަދަލުކުރިޔަސް ޕްރެކްޓިކަލަށް ބުރޫނާރާނެ ކަމަށް އެމްއެންޔޫން ބުނޭ.
25 އެޕްރީލް 2024 - 19:21
22 comments
ދިވެހިރާއްޖޭގެ ގައުމީ ޔުނިވާސިޓީ (އެމްއެންޔޫ) ގައި މެޑިސިން ކިޔަވާ ދަރިވަރުންގެ ކިޔެވުން އެ ޔުނިވާސިޓީގެ މައި ކެމްޕަހަށް ބަދަލު ކުރިޔަސް، އެ ދަރިވަރުންގެ ލެބް ޕްރެކްޓިސްއަށް ބުރޫނާރާނެ ކަމަށް އެ ޔުނިވާސިޓީން މިރޭ ބުނެފި އެވެ.
މެޑިސިން ކިޔަވާ ހުރިހާ ދަރިވަރުންގެ ކިޔެވުންތައް އެމްއެންޔޫގެ މެއިން ކެމްޕަހަށް ބަދަލުކުރަން އުޅޭތީ އެކަމުގެ ކަންބޮޑުވުންތައް ބޮޑުވެފައި ވަނިކޮށް އެމްއެންޔޫން ނެރުނު ބަޔާނެއްގައި ބުނީ މެޑިކަލް ސްކޫލް ދަރުމަވަންތަ ހޮސްޕިޓަލްގައި 2018 ވަނަ އަހަރު ހިންގަން ފެށީ ވަގުތީ ގޮތުން ކަމަށެވެ.
އެމްއެންޔޫން ބުނީ މެޑިކަލް ސްކޫލުގެ ކިޔެވުން އެމްއެންޔޫގެ މައި ކެމްޕަހަށް ބަދަލުކުރަން ނިންމީ ދަރުމަވަންތަ ހޮސްޕިޓަލުގެ ހިދުމަތް ފުޅާކޮށް އާންމު ރައްޔިތުންނަށް ކަންކަން ފަސޭހަ ކުރުމަށް އިތުރު ޖާގަ ބޭނުންވާތީ ކަމަށެވެ.
"މި ގެނެވޭ ބަދަލުގެ ސަބަބުން މެޑިކަލް ސްކޫލުގައި ކިޔަވާ ދަރިވަރުންގެ ކިޔެވުމަށާއި ޕްރެކްޓިކަލް ލެބްތަކުން ދެވޭ އެއްވެސް ހިދުމަތަކަށް ބުރޫނާރާނެ ގޮތަށް އެ އިންތިޒާމު، މި ޔުނިވާސިޓީގައި ގާއިމުކުރުމުގެ މަސައްކަތް ދަނީ ކުރަމުންނެވެ،" އެ ބަޔާނުގައި ބުންޏެވެ.
އެމްއެންޔޫއިން ބުނީ ޕްރެކްޓިކަލް ލެބްތަކުން ދެވޭ ހިދުމަތްތައް ޔުނިވާސިޓީގައި ގާއިމުކުރުމުގެ މަސައްކަތް ކުރާއިރު ހޮސްޕިޓަލުން ލިބެންޖެހޭ އަމަލީ ތަޖުރިބާތަކަށް ކުރިއެކޭ އެއްގޮތަށް ދަރުމަވަންތަ ހޮސްޕިޓަލުން ފޯރުކޮށްދޭނެ ކަމަށެވެ. އަދި މެޑިކަލް ސްކޫލަށް ހާއްސަ ކެމްޕަހެއް ހުޅުމާލޭގައި އެޅުމުގެ މަސައްކަތް ވެސް ސަރުކާރުން ކުރަމުންދާ ކަމަށް އެ ޔުނިވާސިޓީން ބުނެ އެވެ.
އެ ޔުނިވާސިޓީން ބުނީ އެ ޔުނިވާސިޓީގެ ކަންތައްތައް އިންތިޒާމު ކުރުމުގައި އަބަދުވެސް އިސްކަން ދޭނީ ދަރިވަރުންގެ ކިޔެވުމަށް ބުރޫނާރާނެ ގޮތަށް ފެންވަރު ހިފެހެއްޓުމާއި ދަރިވަރުންގެ ރައްކާތެރިކަމާއި ހެވާ ލާބައަށް ކަމަށެވެ. އަދި ކަމުގެ ހަގީގަތް އޮޅޭ ގޮތަށް މައުލޫމާތު ނުފެތުމަށް އެ ޔުނިވާސިޓީން އިލްތިމާސްކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހައްމަދު ފާތުން.
26 April 2024
މިދިޔަ ސަރުކާރުން ޢަރަބިއްޔާ ކުދިން މަގުމަތިކޮށްލީ. ރައީސް މުއިއްްޒް މިކުދިންނަށް ވެސް ގޮތެއް މި ހޯދީ
އަހްމަދު ނައުޝޫދު
26 April 2024
މެޑިކަލް ކޮލެޖްގެ ދަރިވަރުންނަށް ވެސް ކަން ބޮޑުވުމަށް ހައްލު މި ހޯދަދިނީ
އާދަމް އާޒިމް
26 April 2024
މިހެންވެ ބުނަނީ މިއީ އޯގާތެރި ސަރުކާރެކޭ. އަމަލުން ވެސް މި ދައްކަނީ އެކަން
މުޒުހިން
26 April 2024
މި ސަރުކާރު ހައްލު ހޯދާނެ. އެކަން މި ފެންނަނީ
ފައްސާން ވަލީދު
26 April 2024
މުއިއްޒު މެން ހައްލު ގެންނާނެ. އެކަން މި ފެންނަނީ
މޫސަބޭ
26 April 2024
ކޮންމެ އެއްޗެކޭ މެނޭޖްމަންޓުން ބުންޏަސް މީ ކުރެވޭނެ ކަމެއް ނޫން. ދަރިވަރުންނަށް ވަރަށް ގިނަ ތަކުލީފު އުފުލަންޖެހޭނެ. އެބަދަލުވާން އުޅޭ ތަނުގައި ވެސް ޖާގައެއް ނުހުންނާނެ. ބާޖަމާލުއްދީންނާއި މަންދު ކޮލެޖާއި ސަލާހުއްދީން ބިލްޑިންގ އިން ނެރުނު ހުރިހާ ކުދިންނެއް ސެންޓްރަލް އިމާރާތަށް ލައިގެން އުޅެނީ ވަރަށް ހާލުގައި. ބައެއް ކޯސްތައް ހުއްޓި އަނެއްބައި ކޯސްތަކަށް ދަރިވަރުން ނުނަގަނީ ޖާގަ ނެތީމަ ކަމަށް ވަނީ. ޔުނިވަރސިޓީ ބަންދުކުރަންވީނު!
ދަންނަ ނުދަންނަ
25 April 2024
އަމިއްލަ ޤައުމުގައި ކުރާ އެއްވެސް ކަމެއް ދިވެހިންނަކީ.
ޓީޒާ
25 April 2024
ވަރަށް ދޮގު ހަދާ ބައެއް
ސައްޙާފް
25 April 2024
ހަދާނެ ގޮތް ހުސްވީތޯ؟ ކުރީގެ ހިތަދޫ ރީޖަނަލް ހޮސްޕިޓަލަކީ 50 އެނދުގެ ހަސްފަތާލެއް. އެމްއެންޔޫއަށް ދޭންވީނުން. އެތަނުގައި އެކޮމޮޑޭޝަން ބްލޮކް އަޅާފަ ދަރުވަރުންނަށް ހެޔޮ އެގުގައި ދެވޭނެ. އެއީ 35000 ރައްޔިތުންގެ އާބާދީއެއް.
ހަސަދު
25 April 2024
އެމް އެން ޔޫ އިން ކިޔަވާ ދަރިވަރުންގެ ފެންވަރު ރަނގަޅު ވާނެ. ކިޔަވާ އެއްޗަކަށް ފަރުވާ ކުޑަކޮށްފާ ކިޔެވޭ އެއްޗަކަށް ނުވިސްނާ ޑަކްޓަރުން ކޮންމެ ތާކުން ކިޔެވިއަސް ފެންވަރެް ނުހުންނާނެ. ރާއްޖޭން ހަމަ އެކަނި ފައިސާ އަށް އުޅޭ އެތަށް ބައިވަރު ޑަކްޓަރުން އެބަފެނޭ.