16 މެއި 2024 - 20:46
30 comments
ދިވެހި ސަރުކާރުގެ 100 ޕަސެންޓް ހިއްސާ އޮންނަ ގޮތަށް ފުރަތަމަ ފަހަރަށް "ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް" ގެ ނަމުގައި ރައީސް ޑރ. މުހައްމަދު މުއިއްޒު މިއަދު ކުންފުންޏެއް އުފައްދަވައިފި އެވެ.
ރައީސް އޮފީހުން ބުނީ އެއީ ކުންފުނީގެ ގާނޫނުގެ ދަށުން ރައީސަށް ލިބިވަޑައިގަންނަވާ ބާރުގެ ދަށުން އުފެއްދި ކުންފުންޏެއް ކަމަށެވެ.
އެއީ ސަރުކާރުގެ ސިޔާސަތުތަކާ އެއްގޮތްވާ ގޮތުގެ މަތިން، ދެމެހެއްޓެނިވި އިގުތިސާދީ އަދި އިޖުތިމާއީ ތަރައްގީ އަށް އިންވެސްޓު ކުރުމާއި އުމްރާނީ ތަރައްގީ އަށް ބޭނުންވާ ފައިސާ ހޯދުމަށް ބޭނުންކުރާނެ ކުންފުންޏެއް ކަމަށް ރައީސް އޮފީހުން ބުންޏެވެ.
ރައީސް އޮފީހުން ބުނި ގޮތުގައި، އެ ކުންފުނި އުފެއްދީ ސިންޑިކޭޝަން ފައިނޭންސް މެދުވެރިކޮށް ޕީއެސްއައިޕީ މަޝްރޫއުތަކަށް ފައިސާ ފޯރުކޮށްދިނުމުގައި ދިމާވާ ގޮންޖެހުންތައް ހައްލުކުރުމަށާއި ރާއްޖޭގެ ބޭންކިން ނިޒާމުގައި ބޭރު ފައިސާ ބެހެއްޓުމުގެ ޝައުގުވެރިކަން އިތުރުކުރުމުގެ ބޭނުމުގަ އެވެ.
"ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑްގެ ރަޖިސްޓްރީ ކުރެވިފައިވާ އެޑްރެހަކީ، މިނިސްޓްރީ އޮފް ފިނޭންސް، އަމީނީމަގު، 20379، މާލެ، ދިވެހިރާއްޖެ އެވެ،" ރައީސް އޮފީހުގެ ވެބްސައިޓުގައި ވެ އެވެ.
ރާއްޖޭގައި ޑިވެލޮޕްމެންޓް ބޭންކެއް އުފެއްދުމަކީ ރައީސް މުއިއްޒުގެ ރިޔާސީ ވައުދެކެވެ. މިދިޔަ ޖެނުއަރީ މަހުގެ ކުރީކޮޅު ސަރުކާރުން ވަނީ ރާއްޖޭގައި ޑިވެލޮޕްމަންޓް ބޭންކެއް ގާއިމުކުރުމަށް ބޭނުންވާ ގާނޫނާއި ގަވައިދުތައް އެކުލަވައިލުމަށް މޯލްޑިވްސް އިންޓަނޭޝަނަލް ފައިނޭންޝަލް ސާވިސް އޮތޯރިޓީ (މިފްޒާ)ގެ ނަމުގައި ހާއްސަ އޮތޯރިޓީއެއް ވެސް އުފައްދައިފަ އެވެ. އެ އޮތޯރިޓީ އަށް ބޭނުންވާ ފަންނީ އެހީތެރިކަން ހޯދުމަށް ބޭރުގެ ފަރާތްތަކާ އެކު ވެސް ސަރުކާރުން މަޝްވަރާ ކުރި އެވެ.
ރާއްޖޭގެ މާލީ ދާއިރާ ފުޅާކޮށް، އެ ދާއިރާއިން ފުރުސަތުތައް އިތުރުކުރުމަށްޓަކައި އިންޓަނޭޝަނަލް ފައިނޭންޝަލް ސެންޓަރުތައް ގާއިމުކުރުމާ ބެހޭ ގާނޫނެއް ވުޖޫދަށް ގެނައުމަށްޓަކާ އެ ކަމާ ބެހޭ ބިލެއް ޑްރާފްޓުކޮށް، އެ ބިލު ރައްޔިތުންގެ މަޖިލީހަށް ހުށައަޅައިގެން ފާސްކުރުމުގެ މަސައްކަތް ވެސް ސަރުކާރުން އަންނަނީ ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާލިހްް
19 May 2024
ރައީސްގެ މިނިންމުމުން އެގެނީ އެމަނިކުފާނު މި ގައުމު ކުރިއަރުވަން ބޭނުންވާ މިންވަރު. މިއީ ހަމަ އެންމެ ތަފާތު ރައީސް
ހައިކަލްް
19 May 2024
ރާއްޖޭގެ ފުނޑިފަވާ އިޤްތިސޯދް ނަގާ ކޮޅަށް ޖެހުމަށް ބޭނުންވާ ހުރިހާ ކަމެއް ރައީސް ކުރައްވާނެ.
ލަމާންް
19 May 2024
ރައީސް މުއިއްޒުގެ ހިންގުމުގެ ހު8ނަރަށް ސުވާލެއްނުކުރަން. އެމަނިކުފާނަކީ އެތަކެއް ރޮގަކުން ތަޖުރިބާ ލިބިފައިވާ ހީވާގި މަސައްކަތްތެރި ބޭފުޅެއް.
އަސްމާާ
19 May 2024
މި ބޭންކުން ރާއްޖޭގެ ތަރައްޤީއަށް ނުހަނު ބޭނުންތެރިކަންތަށް ކުރެވިގެންދާނެކަން ކަށަވަރު.
އީސާ ޝަރީފްް
19 May 2024
ސާބަހޭ ރައީސް މުއިއްޒު. މިއީ ހަމަ މާ ބޮޑަށްވެސް ތަފާތުދައްކަވާ ރައީސެއް.
މިނިސްޓަރު1
18 May 2024
ގައިމު އިހަކަށްދުވަހު ސައީދު ވިދާޅުވި ޑިވެލޮޕްމަންޓް ބޭންކުގައި އިންވެސްޓްކުރަން ވަރަށް ގިނަ ފަރާތްތައް މިހާރުވެސް ތިބީ ތައްޔާރަށޭ. މިނިސްޓަރ، ކިހިނެއްތޯ މިވީ؟؟ ސަރުކާރު އެކަނިތޯ މިކަމާ މިއުޅެނީ.
ސޯލާ
17 May 2024
ގައުމަށް ލިބޭ ޑޮލަރުގެ ދެބައިކުޅަ އެއްބައި ހަރަދުކުރަންޖެހެނީ ތެޔޮ އިމްޕޯޓުކުރަން އެހެންކަމުން ގިނައިން ތެޔޮހަރުވާކަންކަމުގަތެރޭގާ ހިމެނޭ ދަރުފަތުރު މަދުކުރުމަށް ކުދި ރައްތައް އެއްފަސްކޮށް އިއާދަކުރަނިވި ހަކަތަ އުފެއްދުން މިހާރަށްވުރެ ގިނަކުރަންވީ މިކަންކަމުން އިގްތިސޯދު އެތައް ގުނައަކުން ރަނގަޅުކުރެވޭނެ
ހާމަ333
17 May 2024
ރާއްޖެއަށް ވަންނަ ޑޮލަރު ބޭރުވުން މަދުކުރުމަށް ފިޔަވަޅުތަކެއް އެޅުން މުހިއްމު..ބަންގާޅީންނާއި އެމީހުންގެ މުސާރަ އަދި ބޭރުކުރާ އަދަދު ބެލެހެއްޓެން އެބަޖެހޭ....ބޭސްފަރުވާ ހަރުދަނާކޮށް 3 ސަރަހައްދުގައި އެންމެ މަތީ ފެންވަރުގެ ބޭސްފަރުވާގެ އިންތިޒާމް ގާއިމުކުރަން އެބަޖެހޭ....މުއްސަދިންގެ އަތުން ޓެކްސް ނޫނީ އިންކަމްޓެކްސް ވެސް ނެގެން އެބަޖެހޭ...
އަބްޑޫޅް +
17 May 2024
"ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް"" ބަލަ ބަލަ ކޮބާ ދިވެހިބަސް؟
ގޯޕާ ލު
17 May 2024
ދިވެހި މީހުންގެ ނަމުގަައި ބޭރު މީހުން ރާއްޖޭގައި ޤަވާއިދާއި ޚިލާފަތް ކުރަމުންދާ ވިޔާފާރި ހުއްޓުވަން މިސަރުކާރުން ވެސް މަސައްކަތެއް ކުރާ ތަނެއް އަދި ނުފެންނަ ކަމަށާއި، އެހެންވީމާ ތި ބޭންކުން ވެސް ދިވެހީންނަށްވުރެ ބޮޑަށް ރާޖޫމެން ޑިވެލޮޕުވުމަކީ އެންމެ ގާތް ފެންނަ ކޮތް