ޚަބަރު / ރާއްޖެ-ލަންކާ

ޒަމީރު، ލަންކާގެ ރައީސް ރަނިލްއާ ބައްދަލުކުރައްވައިފި

ފޮރިން މިނިސްޓަރު ޒަމީރު ލަންކާގެ ރައީސް ރަނިލްއާ ސަލާމްކުރައްވަނީ.--- ފޮޓޯ: ފޮރިން މިނިސްޓްރީ

ފާތިމަތު އަޖްފާން، މިހާރު

05 ޖޫން 2024 - 22:45

6 comments

ރާއްޖޭގެ ފޮރިން މިނިސްޓަރު މޫސާ ޒަމީރު، ސްރީލަންކާގެ ރައީސް ރަނިލް ވިކްރަމްސިންހަ އާ ބައްދަލުކުރައްވައިފި އެވެ.

މިމަހުގެ 3 އިން 6 އަށް ޒަމީރު ލަންކާއަށް ކުރައްވަމުން ގެންދަވާ ރަސްމީ ދަތުރުފުޅަކީ އެ ގައުމުގެ ފޮރިން މިނިސްޓަރު އަލީ ސަބްރީގެ ދައުވަތަކަށް ކުރައްވަމުން ގެންދަވާ ދަތުރުފުޅެކެވެ.

ފޮރިން މިނިސްޓްރީން ބުނީ ރައީސް ރަނިލް އާ އެކު މިއަދު ބޭއްވި ބައްދަލުވުމުގައި ދެ ގައުމުގެ ގުޅުން އިތުރަށް ބަދަހިކުރުމާ ގުޅޭގޮތުން ޒަމީރު މަޝްވަރާ ކުރެއްވި ކަމަށެވެ.

ފޮރިން މިނިސްޓަރު ޒަމީރު ލަންކާގެ ރައީސް ރަނިލްއާ ބައްދަލުކުރައްވަނީ.--- ފޮޓޯ: ފޮރިން މިނިސްޓްރީ

ޒަމީރު ވަނީ މިއަދު ލަންކާގެ ފޮރިން މިނިސްޓަރާ ވެސް ބައްދަލު ކުރައްވައި، ރަސްމީ ވާހަކަތައް ބައްވައިފަ އެވެ. އެ ބައްދަލުވުމުގައި ވަނީ ދެ ގައުމުގެ އިގްތިސާދު ކުރިއެރުވުމާއި ތައުލީމާއި ވިޔަފާރި އަދި ސިއްހީ ދާއިރާ ކުރިއެރުވުމަށް ފުޅާ ދާއިރާއެއްގައި މަޝްވަރާކޮށްފަ އެވެ.

އޭގެ އިތުރުން އިޒްރޭލުން ފަލަސްތީނުގެ ޣާއްޒާގައި ދެ ގައުމުން ވެސް ނަގާފައިވާ ސްޓޭންޑު ތަކުރާރުކޮށް، ވީއެންމެ އަވަހަކަށް ދާއިމީކޮށް ހަނގުރާމަ ހުއްޓާލައި، ޣާއްޒާގެ ރައްޔިތުންނަށް ބޭނުންވާ އިންސާނީ އެހީ ލިބޭނެ ކަމަށް ދެ ގައުމުން ވެސް އުއްމީދުކުރާ ކަމަށް ޒަމީރު ހާމަކުރެއްވި އެވެ.

FM @Moosazameer paid a courtesy call on the President of Sri Lanka, @RW_UNP. Reaffirmed commitment to further enhance the excellent bilateral relations between the two countries.

Expressed appreciation for the enduring friendship & close cooperation between 🇲🇻 & 🇱🇰 pic.twitter.com/kmgl211Cxq
— Ministry of Foreign Affairs 🇲🇻 (@MoFAmv) June 5, 2024

ޒަމީރުގެ މި ދަތުރުފުޅުގައި އިއްޔެ ވަނީ ލަންކާގެ ބައެއް ވިޔަފާރިވެރިންނާއި، ސިޔާސީ ލީޑަރުންގެ އިތުރުން ލަންކާގައި ދިރިއުޅޭ ދިވެހި ރައްޔިތުންނާ ވެސް ބައްދަލުކުރައްވައިފަ އެވެ. ލަންކާއަށް ކުރައްވާ ރަސްމީ ދަތުރުފުޅު ނިންމަވާލައްވައި މިނިސްޓަރު ރާއްޖެ ވަޑައިގަންނަވާނީ މާދަމާ އެވެ.

ފޮރިން މިނިސްޓްރީ ރާއްޖެ-ލަންކާ މޫސާ ޒަމީރު، ފިނޭންސް މިނިސްޓަރު ސްރީ ލަންކާ ޑިޕްލޮމެސީ ޑިޕްލޮމެޓިކް ގުޅުން

6 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒޫނާ މުހައްމަދު

06 June 2024

ލަންކާ އުޅޭ ދިވެހިންނަށް ފަސޭހަވާނެ ގޮތަށް މިހާރުވެސް މިސަރުކާރުން ލަންކާ ސަރުކާރާ ވާހަކަ ދައްކައިގެން ހަމަ ޖައްސައިފި. ބުނެލީ ހަމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްސަލް ހަމިދު

06 June 2024

އިދިކޮޅަށް ވަރަށް ހަޖަމް ނުވާނެ މި ސަރުކާރުން މިހާ ގައުމުތަކާ ގުޅުން ބަދަހި ކުރަންޔާ. ވަރަށް މޭ ކަރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާއިލް އުޝާމް

06 June 2024

ލަންކާ އާ އޮތް ޒަމާނީ ގުޅުން އިތުރަށް ބަދަހިވެގެން ދާތަން މި ފެންނަނީ. މީގެ ސަބަބުން ލަންކާއަށް ދާ ދިވެހިންނާ ދިރިއުޅޭ ދިވެހިންނަށް ނުހަނު ގިނަ ފަސޭހަތަކެއް ފަހިވެގެން ދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސާ ޔައިޝް

06 June 2024

ފެނިގެން މިދަނީ މި ސަރުކާރުން ދޭދޭ ގައުކުތަކާ ގުޅުން ބޮޑުތަނުން ބަދަހި ކުރާތަން. މިއީ މިގައުމަށް އެއްމެ ފަހިވާނެ ގޮތަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމީން މުހައްމަދު

06 June 2024

ވަރަށް ރަނގަޅު. އަބަދުވެސް އަހަރުމެންގެ އަހުންނާ އުހުތުން ކަމުގައިވާ ފަލަސްތީނުގެ ރައްޔިތުންގެ ދިފާއުގައި ވަކާލާތު ކުރާތި. އަހަރުމެންނަށް ވާނެ ކަންކަން ކުރަން ވާނެ