މަގުމަތިން 1.3 މިލިއަން ރުފިޔާ ފޭރުނު މީހަކު ފަސް އަހަރަށް ޖަލަށް

ފުލުހުންގެ ވެހިކަލެއްގައި ފުލުހަކު މަގުމަތީގައި މަޑުކޮށްލައިގެން: މިލިއަނަކަށް ވުރެ ގިނަ ރުފިޔާ ފޭރުނު މީހަކު ފަސް އަހަރަށް ޖަލަށްލާން ވަނީ ހުކުމް ކޮށްފައި --- ފޮޓޯ/މިހާރު

މުއިއްޒު އިބްރާހިމް، މިހާރު

10 ޖޫން 2024 - 15:45

9 comments

މާލޭގެ މަގުމަތިން 1.3 މިލިއަނަށް ވުރެ ގިނަ ރުފިޔާ ފޭރުނު މައްސަލައިގައި އެކަކު ފަސް އަހަރަށް ޖަލަށްލާން ކްރިމިނަލް ކޯޓުން މިއަދު ހުކުމްކޮށްފި އެވެ.

އޮގަސްޓް 2021 ގައި މަނީ އެކްސްޗޭންޖް ކުންފުންޏެއްގެ މުވައްޒަފުންތަކެއް މަގުމަތިން ދަނިކޮށް ދެ މީހަކު ވެގެން ގޮސް ވަޅިން ބިރު ދެއްކުމަށް ފަހު ނުވަ ލައްކަ ރުފިޔާ އާއި 27،000 ޑޮލަރު (ހަތަރު ލައްކަ ރުފިޔާ) ފޭރުނު މައްސަލާގައި ދައުލަތުން ދައުވާކުރީ ގ. ހިޔަރޯދި މުހައްމަދު ޝަމްއާން ސަލީމްގެ މައްޗަށެވެ.

ކްރިމިނަލް ކޯޓުން އިއްޔެ ކުރި ހުކުމުގައިވަނީ ޝަމްއާން އިތުރު މީހަކާ އެކު ސައިކަލުގައި ގޮސް ފައިސާ ދަބަސް ފޭރުނުއިރު، ސައިކަލް ދުއްވަން ހުރީ އޭނާ ކަން ހެކިންގެ ބަހުން އެނގޭ ކަމަށެވެ. ދައުލަތުން ހުށަހެޅި ވީޑިއޯ ފުޓޭޖްތަކުން އެކަމަށް ބާރު ދޭތީ އޭނާގެ މައްޗަށް ކުށް ސާބިތުވާ ކަމަށް ހުކުމުގައިވެ އެވެ.

ގާޒީ އަލީ އާދަމް ކުރެއްވި ހުކުމުގައި ވަނީ އެ ކުށުގެ އަސްލު އަދަބަކީ 8 އަހަރަށް ޖަަލަށްލުން ކަމަށް ވިޔަސް، އޭނާ އެ މައްސަލާގައި ދެ އަހަރާއި 10 މަސް ދުވަސް ބަންދުގައި ހޭދަ ކޮށްފައިވާތީ އެ ބައި ހުކުމުގެ މުއްދަތުން އުނި ކުރުމަށް ފަހު ފަސް އަހަރާއި އެއް މަހަށް އޭނާ ޖަލަށް ލާން ހުކުމްކުރީ ކަމަށެވެ.

އެ ފައިސާ ފޭރުނީ އެ ތަނުގެ ވެރިމީހާ އާއި މުވައްޒަފަކު ސައިކަލުގައި ދަނިކޮށް ބިންމައްޗަށް ވައްޓާލުމަށް ފަހު ވަޅިން ބިރު ދައްކައިގެންނެވެ.

ކުށްކުރުން ފުލުހުން ކްރިމިނަލް ކޯޓް ވައްކަމާއި ފޭރުން ޖިނާއީ އަދުލުގެ ނިޒާމު

9 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަރުބާދު

11 June 2024

ރިހާކުރުފުޅިއައް 1 އަހަރު، 1.3 މިލިއަން އައް 8 އަހަރު. އިންސާފު ކުޑަތެޔޮކޮޅަކުން މެކުހަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެނީ

11 June 2024

އެއްވެސް މާނައެއް އޮތް އަދަބެއް ނޫން. 5 އަހަރު މަސައްކަތް ކޮށްގެންވެސް އެވަރު އަދަދެއް ސޭވް ކޮށް ނުލެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާނަކޮށި

11 June 2024

އޭނާ އެ މައްސަލާގައި ދެ އަހަރާއި 10 މަސް ދުވަސް ބަންދުގައި ހޭދަ ކޮށްފައިވާތީ އެ ބައި ހުކުމުގެ މުއްދަތުން އުނި ކުރުމަށް ފަހު ފަސް އަހަރާއި އެއް މަހަށް އޭނާ ޖަލަށް ލާން ހުކުމްކުރީ ކަމަށެވެ. އެހެންވީމާ އެމީހައަކީ ބަންދުގައި ގޭގަތޯނޫނީ ޖަލުގައި ހުންނަމީހެއްތޯ ސުވާލު އުފެދޭ.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަތިރީ އާދަނު

11 June 2024

އަދި ފޭރޭމީހުން ދެރަވާކަށް ނުޖެހޭ. ފޭރޭއޭ މިބުނީ ވައްކަމަކީ ވަގުން ސިއްރުން ބިރުންތިބެ ކުރާކަމެއް ވީމާ. މަތީ ކޯޓުތަކުގައި ދަންނަވާލާ! ނެގި ފައިސާއިން ކުޑަ މުއްވަރެއް ދިޔަސް އޯކޭއެއްނު؟ މިހާރު ވައްކަމަކަށް ނުވެސްވާނެ މިލިޔަނަށް ނާރާ ނަމަ. ނިކަމެތިންގެ އެތިކޮޅު ގެންދިޔަޔަސް އަދި ހެއްދި ދަނޑު ކޮށާލިޔަސް ޕްރޮސެކިޔުޓް ވާވަރަށްވެސް ހެތްކެއް ނުލިބޭނެ. ހެކި އަހާނީ ފޮރެންސިކް ނަގާނީ އެ ނިކަމެތި މީހާކުރެން!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަދުބައެއްތަ

11 June 2024

"އެ ފައިސާ ފޭރުނީ އެ ތަނުގެ ވެރިމީހާ އާއި މުވައްޒަފަކު ސައިކަލުގައި ދަނިކޮށް ބިންމައްޗަށް ވައްޓާލުމަށް ފަހު ވަޅިން ބިރު ދައްކައިގެންނެވެ." އެހެންވީމާ އަދި މިޝަރީޢަތް އޮންނާނެތާ. ޏުނިމޭ ބައިގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުޅާގޯނި

10 June 2024

ފޮޓޯ ޖަހާނީ ދެރަނިކަމެތި މީހާގެ ދަރީގެ ފޮޓޯ ޖަހަން ކެރޭނީ މަށަށް ހީވަނީ އެވާނީ ބޮޑު ގޭންގެއްގެ މީހަކަށް ވާނީ އެހެން ނޫނީ އެންމެ އަވަހަށް ޖަހާނީ ފޮޓޯއެއް