ހުޅުމާލޭގެ ތިން ވަނަ ފިޔަވަހި ހިއްކުން އަލުން ފަށައިފި

ހުޅުމާލޭގެ ތިން ވަނަ ފިޔަވަހި ހިއްކުމުގެ މަސައްކަތް އިއްޔެ ކުރަނީ.---ފޮޓޯ: އެޗްޑީސީ

ފާތިމަތު ޝަނާ މުހައްމަދު، މިހާރު

25 ޖޫން 2024 - 07:53

ހުޅުމާލޭގެ ތިން ވަނަ ފިޔަވަހީގެ ބިން ހިއްކުން މެދުކެނޑިފައި އޮތުމަށް ފަހު އަލުން އެ ސަރަހައްދު ހިއްކުމުގެ މަސައްކަތް އިއްޔެ ފަށައިފި އެވެ.

އެޗްޑީސީން އެ މަސައްކަތް ކުރަނީ ކެޕިޓަލް މެރިން އެންޑް ސިވިލް ކޮންސްޓްރަކްޝަން (ސީއެމްސީ) އާ ހަވާލު ކޮށްގެންނެވެ. އެ މަޝްރޫއުގެ ދަށުން ޖުމުލަ 63 ހެކްޓަރުގެ ބިން ހިއްކާނެ އެވެ.

މިދިޔަ އަހަރުގެ ސެޕްޓެމްބަރު މަހު ފުރަތަމަ ފެށި އެ މަޝްރޫއުގެ ދަށުން މިހާތަނަށް ވަނީ 23 ހެކްޓަރުގެ ބިން ހިއްކައިފަ އެވެ. އެ އަށް ފަހު، އެ މަޝްރޫއުގެ މަސައްކަތްތައް ވަގުތީ ގޮތުން ހުއްޓާލީ، ރާއްޖޭގެ ފަރުތަކުން ގާ ހުދުވަމުންދާ ކަމަށް ފާހަގަކުރެވިގެން ބިން ހިއްކުމުގެ މަސައްކަތްތައް މަޑުޖައްސާލުމަށް އީޕީއޭގެ އާއްމު އިއުލާނަކުން އޭރު އެންގުމާ ގުޅިގެން ކަމަށް އެޗްޑީސީން ބުންޏެވެ.

މަސައްކަތް މަޑުޖެހިފައި އޮތުމަށް ފަހު، އީޕީއޭގެ ހުއްދަ އަލުން ލިބުމާ އެކު ތިންވަނަ ފިޔަވަހިން ބާކީ 40 ހެކްޓަރުގެ ބިން ހިއްކާނެ އެވެ.

ހުޅުމާލޭގެ ތިން ވަނަ ފިޔައްސަށް ބޭނުންވާ ބިން ހިއްކުމުގެ މަސައްކަތް އިއްޔެ ކުރަނީ.---ފޮޓޯ: އެޗްޑީސީ

ބިން ހިއްކުމުގެ މަސައްކަތް އަލުން ފެށި އިރު، އެ ސަރަހައްދުގެ ފަޅުތެރޭގައި ހުރި ބައެއް އުޅަނދުތައް ނަގާފައި ނުވާތީ، އެ މަސައްކަތް ކުރިއަށް ގެންދަން ވަރަށް ބޮޑަށް ދަތި ވާނެ ކަމަށް އެޗްޑީސީން ބުންޏެވެ. އެހެންވެ، އެ ސަރަހައްދުގެ ފަޅުތެރޭގައި އަޅާފައިވާ އުޅަނދުތައް ވީހާ ވެސް އަވަހަކަށް ނަގައި ފަޅުތެރެ ހުސްކޮށްދިނުމަށް އެ ކުންފުނިން ވަނީ އެދިފަ އެވެ.

އެޗްޑީސީން ސީއެމްސީ އަށް މި މަޝްރޫއު ހަވާލުކޮށްފައި ވަނީ 259.2 މިިލިއަން ރުފިޔާ އަށެވެ. މަޝްރޫއުގެ ޖުމްލަ އަގު އަދާކުރަނީ ހުޅުމާލޭގެ 10 ހެކްޓަރުގެ ބިމާއި ތިލަފުށިން ހިއްކާ 9.8 ހެކްޓަރުގެ ބިން ވިއްކައިގެން ކަމަށް އެޗްޑީސީން ކުރިން ބުނެފައި ވެ އެވެ.

ހުޅުމާލޭ ތިންވަނަ ފިޔަވަހި ހިއްކަނީ މާލޭ ސަރަހައްދުގައި ދިރިއުޅޭ މީހުންނަށް ދިމާވެފައިވާ ބޯހިޔާވަހިކަމުގެ މައްސަލައަށް ހައްލު ހޯދައިދިނުމަށް ސަރުކާރުން ކުރިއަށް ގެންދިޔަ ބިންވެރިޔާ ސްކީމުގެ ދަށުން މާލޭގެ ރައްޔިތުންނަށް ގޯތި ދިނުމަށެވެ. މާލޭގެ ރައްޔިތުންނަށް 9،000 ގޯތި ދޫކުރަން ނިންމާފައިވާ އިރު ހުޅުމާލެ އިން އެކަނި 1،000 ގޯތި ދޭން ވަނީ ކަނޑައަޅައިފަ އެވެ.

ހުޅުމާލެ ތަރައްގީގެ މަޝްރޫއުތައް ބޯހިޔާވަހިކަން އެޗްޑީސީ ހުޅުމާލޭ ދެ ވަނަ ފިޔަވަހި

17 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަހަސަނާ

25 June 2024

ހިއްކާ ހިއްކާ ހަމަ ނުނިމުނޭ ދޯ ގުޅީފަޅާ ގިރާވަރު ފަޅުވެސް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީތާ

25 June 2024

މިއީ މިސަރުކާރުން ކުޅޭ ޑްރާމާ ސިލްސިލާއެއްތަ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބަލް ކޮރަކަލި

25 June 2024

އަފީފް ހާދަ ވާހަކަ ގިނަވެގެން ތިއުޅެނީ؟ އަފީފުއަށް ހުޅުމާލެއިން ގޯތި ދީފަ އަހަރުންނަށް އަފީފެމެންގެ ރަށު ގޯތިން ބައިއަޅަންވީނު. އޭރަކަށް ތިހުރިހާ ވާހަކައެއް ނުދައްކާނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަނީސާ

25 June 2024

ރައީސް މުއިއްޒުގެ ތާވަލާ އެއްގޮތަށް ރައްޔިތުންނަށް މިތަނުން ގޯތިދެވޭނެކަމަށް ބެލެވޭ. ރައީސް މުއިއްޒު ވައުދުފުޅު ފުއްދަވާނެ. މިއީ ތަފާތު ވެރިޔެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

25 June 2024

ދައުލަތްދަރަނިކޮށް އެތައްހާސް މިލިޔަން ޑޮލަރު ނަގައިގެން ކ.އަތޮޅުމާލޭގެ ކަނޑު ފަޅުހިއްކާފައި އެންމެކުޑަމިނުން ޓެކްސް ފައިސާއިން ހިއްކި ބިމުގެއަގުވެސް ނުލިބޭގަޮތަށް "ޤަބީލާވަންތަ ރޭސިސްޓް ސިޔާސަތެއްގެދަށުން" މާލޭގެ ބިންވެރިން އިތުރަށް ބިންވެރިކޮށް އަދި ތުރާކުނުން އައްޑުއަށްހިމެނޭ ރާއްޖޭގެ ރައްޔިތުން "ކުލީ އަޅުންގެ ގޮތުގައި" ތިރަށަށްޖަމާކުރަން ތިކުރާކަންކަމުގެ ސަބަބުން 150 ބިލިޔަން ރުފިޔާއަށް މިދައުލަތް ދަރަނިވެރިވެއްޖެ. ތިކަންހުއްޓާލާކަށް ނުވޭތޯ!؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

25 June 2024

މިކަން ހުއްޓާނުލެވޭނެ! އައްޑޫމީހުންނަށް ގޯތި ހިލޭ ދޭ އުސޫލުން މާލޭ މީހުންނަށް ގޯތި އެދިނީ! ބޮލަށް ދުންއެރިޔަސް މިކަން ނުހުއްޓޭނެ! އަހަރުމެންގެ ދަރިކޮޅު މާލެއިން ބޭރެއް ނުކުރެވޭނެ! ކުރިޔަކަނުވެސް ދޭނަން! މަށައްވެސް އޮތީ ހުޅުމާލެ ފޭސް3 ކުން ގޯތި ލިބިފަ ރަޖިސްޓްރީ ވެސް ލިބިފަ! އެކަމަކު ހިލެޔެއް ނޫން! މާލޭގަ ހުރި މަގޭ 5 ބުރިގެ ސަރުކާރަށް ދޭގޮތައް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަލްސާ

25 June 2024

ހުޅުމާލެ ފޭސް 3 ގަވެސް އިބޫ ޕްލޭންކުރީ ގެރިކޮށްޓަކަށް ހަދަން. އެކަމަކު ރައީސް މުއިއްޒު އެތަނުގެ ޕްލޭން ބަދަލުކޮށް ދިރިއުޅެން ހެޔޮވާނެފެންވަރަށް އެތަން ތަރައްޤީ ކުރާނެކަމާމެދު ޝައްކެތްނުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

25 June 2024

މަތީގައި ދެންނެވުފަދައިން "ވަކިރަށެއްގެ ވަކި ދަރިފަސްކޮޅަކަށް އިސްކަންދީގެން" ކުރަމުން ތިގެންދާކަމަކީ ކުރީ ޒަމާނުގައި އޮސްޓްރޭލިއާ، ޖަރުމަން، ޒިމްބާބުވޭ އާއި ސައުތުއެފްރިކާ އަދި އަވަށްޓެރި ސިލޯނުގައި ކުރިފަދަ ނޭއްގާނި އަމަލުފަދަ ކަމެއް. # މުޅި ދުނިޔެއިން ކަހަލަގޮތަކަށް ނެތިގެންގޮސްފައިވާ ރޭސިސްޓް ސިޔާސަތެއް 21 ވަނަ ޤަރުނުގައި ދިވެހިރާއްޖޭގައި އާލާކޮށްގެން "އެއްރަށްދައުލަތް ސިޔާސަތެއް ޤާއިމްކޮށް" އެއަށް އަމަލުކުރީމާ ނަތީޖާ ރަނގަޅެއް ނުވާނެ.