ވިހާފައި އެއްލާލި ކުއްޖާގެ މަރު: ޑީއެންއޭ ރިޕޯޓް ލަސްވާތީ ހުށަހަޅަން ފަހު ފުރުސަތު

ދިގުރަށުގައި ކުއްޖަކު ވިހާފައި އެއްލާލި މައްސަލާގެ ދައުވާލިބޭ ބިދޭސީ މީހާ: އޭނާގެ މައްޗަށް ދެ ދައުވާއެއް ދައުލަތުން ކުރޭ -

މުއިއްޒު އިބްރާހިމް، މިހާރު

03 ޖުލައި 2024 - 11:36

10 comments

އދ. ދިގުރަށުގައި ވިހާފައި ކުނިގޮނޑަށް އެއްލާލާފައި އޮއްވާ ފެނުނު ތުއްތު ކުއްޖާގެ މަރުގެ މައްސަލާގައި ޑީއެންއޭ ރިޕޯޓް ލަސްވުމުން އެ ރިޕޯޓް ހުށަހަޅަން އެންމެ ފަހުގެ ފުރުސަތު ކްރިމިނަލް ކޯޓުން މިއަދު ދީފި އެވެ.

މިދިޔަ އަހަރުގެ ޑިސެމްބަރު މަހު ދިގުރަށުގައި ވިހެއުމަށް ފަހު، ކޮތަޅަކަށް ލާފައި އެ ރަށު ކުނިގޮނޑަށް އެއްލާލާފައި އޮއްވާ ފެނުނު މައްސަލާގައި ދައުލަތުން ދައުވާކުރަނީ ސްރީ ލަންކާގެ ރައްޔިތެއް ކަމަށްވާ ހިރަންޏާ ކުމުދުމާލި ޑި އަލްވިސްގެ މައްޗަށެވެ.

އެ މައްސަލާގައި އޭނާގެ މައްޗަށް ކުރަނީ އެނގި ހުރެ މީހަކު މެރުމުގެ ދައުވާ އާއި ކުޑަކުއްޖެއްގެ ސިއްހަތަށް އުނިކަން އަތުވެދާނެ ފަދަ އަމަލެއް ކުރުމުގެ ދައުވާ އެވެ.

ކްރިމިނަލް ކޯޓުގައި މިއަދު ބޭއްވި އަޑުއެހުމުގައި ޑީއެންއޭ ރިޕޯޓާ ބެހޭގޮތުން ސުވާލު ކުރުމުން ދައުލަތުން ބުނީ އެ ރިޕޯޓް އަވަހަށް ހޯދަން ފުލުހުންގެ ކިބައިން އެދިފައިވާ ކަމަށެވެ. ނަމަވެސް މިހާތަނަށް އެ ރިޕޯޓް ނުލިބޭ ކަމަށް ދައުލަތުން ބުންޏެވެ.

އެ މައްސަލަ ބައްލަވާ ގާޒީ އިބްރާހިމް އިހުސާން ވިދާޅުވީ، އެ ހާދިސާ ހިނގި ފަހުން ގާތްގަނޑަކަށް ހަ މަސް ދުވަސް ވެފައިވާއިރު، ދައުވާ ލިބޭ މީހާ އަދިވެސް ހުރީ ބަންދުގައި ކަމަށެވެ. ނަމަވެސް މައްސަލަ ކުރިއަށް ގެންދިއުމާ މެދު މަދަނީ މިންގަނޑުން ގޮތެއް ނިންމޭނީ ޑީއެންއޭ ރިޕޯޓް ލިބިގެން ކަމަށާއި އެހެންވެ، އެންމެ ފަހު ފުރުސަތެއްގެ ގޮތުން މި މަސް ނިމުމުގެ ކުރިން އެ ރިޕޯޓް ހުށަހަޅަން ފުރުސަތު ދެއްވީ ކަމަށް ގާޒީ ވިދާޅުވި އެވެ.

އެ މައްސަލާގެ ޑީއެންއޭ ރިޕޯޓް ހުށަހަޅަން އެންމެ ފަހު ފުރުސަތު ދިން އިރު، މިދިޔަ އަހަރުގެ ޑިސެމްބަރު މަހުގެ ފަހުކޮޅު ތުއްތު ކުއްޖާގެ ހަށިގަނޑު އިންޑިއާ އަށް ގެންގޮސް ޕޯސްޓްމޯޓަމް ހެދުމަށް ފަހު ވަނީ ރާއްޖެ އަނބުރާ ގެނެސް ވަޅުލައިފަ އެވެ.

އެ މައްސަލާގައި ހިރަންޏާ ހައްޔަރުކުރީ ފުރަން ގޮސް އެއާޕޯޓުގައި ހުއްޓަ އެވެ.

ކުށްކުރުން ކްރިމިނަލް ކޯޓް މީހުން މެރުން އދ. ދިގުރަށް

10 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޚައި

03 July 2024

މަށަށް ފެންނަނީ ނޫސަންދަތަކާއި އިންސޫރަންްސްތައް ވެސް ދެބެންގެދެދަރިންނާއި މުނިކާފައިންނާ ހިސާބަށް ފުޅާކޮށްލަން... އޭރުން ތަންކޮޅެއް ޚިދުމަތް އަވަސް ވެދާނެ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިހާނިއޯ

03 July 2024

ކީއްވެތަ ދިވެހިންގެ ފޮޓޯ މިގޮތަށް ނުޖަހަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑީދީ

03 July 2024

މުސާރަ އަށް ލިބުނު ފައިސާ ގުނާފަ ޓެސްޓު ހަދަން ޖެހޭތީ ލަސްވަނީ. މިހާރު ވަރަށް މުސާރަ ބޮޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮހޮރުބެ

03 July 2024

ތުއްތުކުއްޖެއްނޫން. 1 މަސްނުވާ ފީޓަސްއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދބެ

29 September 2024

މަނިކުފާނަށް ދުވަސް ވެސް ބުނަން އެނގިއްޖެދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޭރަވާ

03 July 2024

ހިރަންޏާގެ ބަހަކީ ކޮބައިތޯ ތިކަމުގައި. ހަމައެކަނި ޑީއެންއޭ ރިޕޯޓް ނުލިބިގެންނޭ ކިޔާއިރު އެ އަންހެންމީހާ އެކަމަށް އިންކާރުކުރޭތޯ ނުވަތަ ނޫންތޯ ބަލާކަށް ނުޖެހޭތޯ؟ އޭނާ އެކަމަށް އިންކާރުކޮށްފިއްޔާ ނޫންތޯ ތިހުރިހާ ސަކަރާތެއް ޖަހަންޖެހޭނީ. ޑީއެންއޭ ޓެސްޓްގެ ނަތީޖާ ނުލިބި 6 މަސް ކީއްކުރަން 6 އަހަރުވެސް ވެދާނެ. އެއީ އެކަމަށް ބޭނުންވާ މެޝިނަރީސްތައް އުފައްދައިގެން ކުރެވެން އޮތްކަމަކަށްވާތީ. މިއޮތީވާ ޤައުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުކުޅުރިހަ

03 July 2024

ކުއްޖާގަ ބައްޕަ ކޮބާ؟ ޑީއެންއޭ ރިޕޯޓު ލަސްވަނީ ބައްޕަގެ ނުފޫޒުން ނޫން ބާ؟ ވެދާނެ ދޯ ދިވެއްސަކަށްވެސް. މިގޮތަށް ވަޒީފާގަ ތިބޭ އަންހެނުންނަށް ނުފޫޒުގެ ބޭނުންކޮށްގެން ގޯނާ ކުރޭތޯވެސް ބަލަން ޖެހޭނެ. ކޮބާތަ ކޮމިޝަންތަކާ ފާޑުފާޑު ބޮޑެތި އިނގިރޭސި ނަންތައް ކިޔާފަ ހުންނަ އޮފީސްތައް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެލްކާވް

03 July 2024

މުސާރަ ޑަބަލް ކުރީމަ ހައްތަހާ ގޯސް ދޯ މިވީ. މިހާރު ކުރިޔަށް ވުރެ މަސައްކަތް ލަސްވެއްޖެހެން ހީވަނީ. އެހެންނު ވާނީ. ބޮޑު މުސާރަ ހިފައިގެން ދެން ކުރާނީ ވިޔަފާރި ދޯ.