ގަވާއިދާ ހިލާފަށް ވިޔަފާރި ހިންގާ ނެޓްވޯކުގެ 100 އަށް ވުރެ ގިނަ ބިދޭސީން މިހާތަނަށް އަތުލައިގެންފި

ރާއްޖޭގައި ގަވާއިދާ ހިލާފަށް އުޅޭ ބިދޭސީން ހުއްޓުވަނީ.-- ފޮޓޯ: އިމިގްރޭޝަން

އިފްރާޒް އަލީ، މިހާރު

10 ޖުލައި 2024 - 12:46

މާލެ އާއި ހުޅުމާލޭގައި ގަވާއިދާ ހިލާފަށް ވިޔަފާރި ހިންގާ ބިދޭސީން ހޯދަން މި ފަހުން ފެށި ރެއިޑް އޮޕަރޭޝަންތަކުގައި މިހާތަނަށް 100 އަށް ވުރެ ގިނަ މީހުން އަތުލައިގަނެ، އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށް އެ އިދާރާ އިން މިއަދު ބުނެފި އެވެ.

އިމިގްރޭޝަނުން ބުނި ގޮތުގައި، ގަވާއިދާ ހިލާފަށް އުޅޭ ބިދޭސީން އަތުލައިގަތުމަށް އެ އިދާރާ އާއި ފުލުހުން ގުޅިގެން ފަށާފައިވާ ބޮޑު އޮޕަރޭޝަންގައި މިދިޔަ މަހުގެ 29 އިން ފެށިގެން އިއްޔެގެ ނިޔަލަށް 101 ބިދޭސީން އަތުލައިގަނެފައިވާ ކަމަށެވެ.

އެ އެންމެންގެ ލިޔެކިޔުންތައް ހަމަކޮށް، ޑީޕޯޓްކުރުމުގެ މަސައްކަތް ކުރަމުން އަންނަ ކަމަށް އިމިގްރޭޝަނުން ބުންޏެވެ.

މި ސަރުކާރު ވެރިކަމަށް އައި ފަހުން މިހާތަނަށް 1،800 އާ ގާތްކުރާ އަދަދަކަށް ރާއްޖެ އިން ވަނީ ބިދޭސީން ޑީޕޯޓް ކޮށްލާފައި ކަމަށް އިމިގްރޭޝަނުން ވަނީ ބުނެފަ އެވެ.

މާލޭގައި ބިދޭސީން ހިންގާ ކުދި ރީޓެއިލް ފިހާރަތަކާއި ޓޭކްއަވޭ ކޮފީތައް ރޭ ވެސް ފާސްކޮށް ބަޔަކު ވަނީ އަތުލައިގަނެފަ އެވެ.

Bidheyseen hingaa kudhi fihaara thakeh faas koh ithuru 6 meehaku hifahattaifi

The most trusted news source in the Maldives

Mihaaru

އެ އޮޕަރޭޝަންގައި ވަނީ މާލެތެރޭގައި ހިންގާ ދެ މާރުކޭޓެއް ދެ ފަހަރެއްގެ މަތިން ރެއިޑްކޮށް، އެ ތަނުގެ ގޮޅިތަކުގައި ވިޔަފާރި ހިންގާ ބިދޭސީން އަތުލައިގަނެފަ އެވެ. ދެ ވަނަ ރެއިޑުގައި އިމިގްރޭޝަންގެ އޮފިސަރުންނާއި ފުލުހުން ގޮސް ބެލިއިރު ތިބި ބިދޭސީން އަނެއްކާ ގެންދިއުމާ އެކު، މަޖީދީ މަގުން ވިލާ މާޓް ކައިރީގައި ހިންގާ "ހާފް ޕްރައިސް" މާރުކޭޓު ވަނީ އެއްކޮށް ބަންދު ކުރަން ޖެހިފަ އެވެ. އެ މާރުކޭޓު ބަންދު ކުރަން ޖެހުނީ ގޮޅިތަކުގައި ވިޔަފާރި ހިންގާނެ ބިދޭސީން ނެތިގެންނެވެ.

ގަވައިދާ ހިލާފަށް ވިޔަފާރިކުރާ ބިދޭސީންގެ ބޮޑެއް މިިދިޔަ ހޯމަ ދުވަހުގެ ރޭ ހޯދައި، ވަނީ ހިފަހައްޓައިފަ އެވެ. އެ ބިދޭސީ މީހާއާ އެކު، އެ ސައިޓުގައި ގަވާއިދާ ހިލާފަށް މަސައްކަތް ކުރަމުންދިޔަ ބިދޭސީ ތިން ފިރިހެނަކާއި އަންހެނަކު ވެސް އިމިގްރޭޝަންގެ ބެލުމުގެ ދަށަށް ގެންދިޔަ އެވެ.

ރާއްޖޭގައި ގަވާއިދާ ހިލާފަށް މަސައްކަތް ކުރާ ބިދޭސީން ހުއްޓުވަން މި ސަރުކާރުން ވަރަށް ބޮޑު އިސްކަމެއް ދޭއިރު، ހޯމް މިނިސްޓަރު އަލީ އިހުސާން ވަނީ އެ ކަމަށް ފުރިހަމަ ހައްލެއް ނުލިބެނީސް ދޫނުދެއްވާނެ ކަމުގެ ޔަގީންކަން ދެއްވައިފަ އެވެ.

ކުށްކުރުން ފުލުހުން ގަވާއިދާ ހިލާފަށް އުޅޭ ބިދޭސީން ބިދޭސީން އިމިގްރޭޝަން މޯލްޑިވްސް އިމިގްރޭޝަން

35 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަބީބު.

13 July 2024

މާލޭގެ ކުދިފިހާރަތައް ބަލާބަލަ އެއީ ކޮންކަމަކު އައިސްތިބި ބައެއްތޯ ބާޒާރުމަތިން ސައިކަލުގަ މުދާބަރުކޮއްގެން އެދަނީ ކޮންމަސަތްކަތަކު އައިސްތިބި ބައެއްތޯ ބަލާބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަބީބު.

13 July 2024

އަޅުގަނޑަކީ ސެލޫން ނަކައް ކޯޓާޔައް އެދި ފުރިހަމަކޮއް ނަގަންޖެހޭ ހުއްދަތައްް ނަގާފަވާ ފަރާތެއް ނަންފާސްކުރެވެނީ އަގުދީގެން ވިޔަފާރި ހުއްދަޔާ ހުރިހާ ކަމެއް ރެޑީކޮއް ސެލޫންގެ ހުރިހާ އިކްއިޕްމަންޓެއް ފުރިހަމަކޮއް ކޯޓާޔައް ހުށައެޅީމަ ރިޖެޚްޓްްކޮއްފަ މިކިޔަނީ ވިސާގަ ވަކިކަމަކު އަންނަ ބަޔެއް ފިޔަވާ އިތުރު އެހެން ކޯޓާއެއްގަ ބަޔަކުތިބިނަމަ ފިޔަވަޅުއަޅާނަމޭ މީ ކޮންކަހަލަ ދައުލަތެއް އެންމެންނަކީ ގޯސްބައެއްތަ އަޅެފަހެ ކޮބާ ދޭންޖެހޭ ކޯޓާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު ރައޫފު

11 July 2024

ކިތައް ބިދޭސީންތަ ރިސޯޓްތަކުގައި މަސައްކަތް ކުރަނީ ޕްރޮފެޝަނަލް ލެވެލްގަ ޑިގްރީއެއް ނެތި މިކަން ބަލާނެ މީހަކު ނެތް، މަގާމު އަދާކުރަނީ މެނޭޖަރ ނަމަވެސް ޑިގްރީއެއް ނެތުމުން އާދައިގެ މަގާމަށް ގެނެސް ވަރކްޕާރމިޓް ދޫކުރާ ގަވައިދު ބުނާ ގޮތާ ހިލާފަށް އެތަކެއް ރިސޯޓް ތަކުން އަމަލުކުރޭ، މިބަލާނެ މީހަކު ނެތް، މިއީ މަނާކަމައް،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާާ

11 July 2024

މި ސަރުކާރުގެ ލީޑަރޝިޕްގެ ދަށުން އަޅުގަނޑުމެންނަށް ފެންނަމުން މިދަނީ ޤާނޫނާ ޚިލާފު ކަންތައްތައް ވަރަށް ބޮޑަށް މައިތިރިކުރެވިގެންދާތަން. އަޅުގަނޑުމެންގެ މުޖުތަމަޢުތަކުގައި ހަމަޖެހުން އަލުން އުފެދިގެންދާތަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާޖަރްް

11 July 2024

ގަވާއިދާ ހިލާފަށް އުޅޭ ބިދޭސީންގެ މައްސަލައަށް ހައްލެއް ހޯދައިދިނުމުގައި ސަރުކާރުން ގެންގުޅޭ ފަސްނުޖެހޭ އަޒުމަކަށް އަޅުގަނޑު އަތްތިލަބަޑި ޖަހަން. އެންމެ ފަހުން އަޅުގަނޑުމެންނަށް ފެންނަމުން މިދަނީ ޢަމަލާއި ނަތީޖާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުމާންް

11 July 2024

ފައްޔާޒްގެ ނާޤާބިލުކަމުގެ ސަބަބުން ސީދާ އަޅުގަނޑުމެންނަށް މިހާރުގެ ދަތިކަމަށް މެދުވެރިވާންޖެހުނީ. ބަދަލު ގެނައުމަށް ވައުދުވި ނަމަވެސް އަޅުގަނޑުމެން ރައްޔިތުންނަށް ފޯރުކޮށްދިނީ ހަމައެކަނި އިތުރު ދަތިތަކެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާސިފާާ

11 July 2024

ބިދޭސީންގެ މައްސަލަ ހައްލުކުރަން އިބޫ ވައުދުވި ނަމަވެސް އޭގެ ބަދަލުގައި އިތުރު ހަލަބޮލިކަމާއި އިގްތިސާދީ ހާލަތު ގޯސްވަމުން ދިޔައީ ކޮންޓްރޯލް ނުކުރެވިގެންދިޔަ ބޭރުގެ ލޭބަރުގެ ސަބަބުން. ފައްޔާޒް އަށް މިހާރު އިހްސާސްވާނެ ތިމަންނައަށް ފަސްއަހަރުތެރޭ އެއްކަމެއްވެސް ނުކުރެވެޔޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައިލަމްް

11 July 2024

މިފަދަ މައްސަލަތަކާ ކުރިމަތިލާއިރު ރައީސް މުއިއްޒު ފާޅުވަނީ އިގްތިސާދީ ސެންޓިނެލެއްގެ ގޮތުގަ. ރައީސްގެ ސިޔާސަތުތަކުން އަޅުގަނޑުމެންގެ ދިރިއުޅުން ރައްކާތެރިކޮށްދޭނެ. ބިދޭސީން ޒަމާނުއްސުރެ ނަގަމުން އައި ކޮންޓްރޯލް ގެއްލި ގައުމަށް ހަމަޖެހުން ގެނުވާނެ.