މަކަރާއި ހީލަތުން އޮޅުވާލައިގެން ޑޮލަރުގެ ވިޔަފާރިކުރި މައްސަލައެއްގައި ދިވެއްސަކު ހައްޔަރު ކޮށްފައިވާ ކަމަށް ފުލުހުން މިރޭ ބުނެފި އެވެ.
މި މައްސަލާގައި ހައްޔަރުކޮށްފައި ވަނީ އުމުރުން 46 އަހަރުގެ ދިވެހި ފިރިހެނެކެވެ.
ފުލުހުން ބުނީ މަކަރާއި ހީލަތުން އޮޅުވާލައިގެން ޑޮލަރުގެ ވިޔަފާރިކުރި މި މައްސަލަ އެ އިދާރާއަށް ރިޕޯޓްކޮށްފައި ވަނީ މިދިޔަ ބުދަ ދުވަހު ކަމަށެވެ.
އެ މީހާ ތަހުގީގުގެ ބޭނުމަށް 10 ދުވަހަށް ބަންދުގައި ބަހައްޓަން ކޯޓުން ހުއްދަ ދީފައިވާ ކަމަށް ފުލުހުން ބުންޏެވެ.
ޑޮލަރުގެ ވިޔަފާރީގެ މުއާމަލާތްތަކުގައި މަކަރާއި އޮޅުވާލައިގެން ދޭތެރެދޭތެރެއިން މީހުން ހައްޔަރުކުރެ އެވެ. އަދި ކަޅު ބާޒާރުގައި ޑޮލަރު ވިއްކުމުގެ މައްސަލަތަކުގައި ވެސް ފަހަކަށް އައިސް ބައެއް މީހުން ވަނީ ހައްޔަރުކޮށްފަ އެވެ.