ހުޅުމާލެއިން ދޫކުރާ ބިމެއް ބަޔަކާ ހަވާލުކުރަނީ.-- ފޮޓޯ: ހައުސިން މިނިސްޓްރީ
23 ޖުލައި 2024 - 10:59
71 comments
ބިންވެރިޔާ ސްކީމްގެ ދަށުން މާލޭ މީހުންނަށް ހުޅުމާލެ 2 އިން ލިބިފައިވާ 600 އަށް ވުރެ ގިނަ ގޯތި ހަވާލުކޮށް 400 އަށް ވުރެ ގިނަ ގޯތީގައި ކަންމުޑި ޖަހައިފި އެވެ.
ހައުސިން މިނިސްޓްރީން އިއްޔެ ބުނީ، ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި ފެށި ބިންވެރިޔާ ސްކީމްގެ ދަށުން މާލޭ މީހުންނަށް ހުޅުމާލެ 2 އިން ދިނުމަށް ހަމަޖެހިފައިވާ 1،408 ގޯތީގެ ތެރެއިން މިހާތަނަށް 624 ގޯތި ހަވާލުކޮށްފައިވާ ކަމަށެވެ. އޭގެ ތެރެއިން 18 ގޯތި ހަވާލުކުރީ އިއްޔެ ކަމަށް މިނިސްޓްރީން ބުންޏެވެ.
ހުޅުމާލެއިން ދޫކޮށްފައިވާ ބިންތަކުގައި ކަންމުޑި ޖަހައިފައި.-- ފޮޓޯ: އެޗްޑީސީ
އެ ގޯތިތަކުގެ އިން ވަކިކޮށްދިނުމަށްޓަކައި އެޗްޑީސީން އަންނަނީ ކަންމުޑި ވެސް ޖަހައިދެމުންނެވެ.
އެ ކުންފުނިން ބުނިގޮތުގައި، މިދިޔަ ހަފުތާގެ ނިޔަލަށް 486 ގޯތީގައި ކަންމުޑި ޖަހައި ވަނީ ނިމިފަ އެވެ. ބާކީ ގޯތިތަކުގައި ކަންމުޑިޖެހުމުގެ މަސައްކަތް ކުރިއަށް ގެންދާ ކަމަށް ވެސް ބުންޏެވެ.
ބިންވެރިޔާ ސްކީމްގެ ދަށުން މާލޭ މީހުންނަށް ހުޅުމާލެ އިން 1،400 އަށް ވުރެ ގިނަ ގޯތި ދޫކުރާއިރު، ހުޅުމާލެ، ގުޅިފަޅު އަދި ގިރާވަރުފަޅު ހިމެނޭ ގޮތަށް 9،000 ގޯތި ދޫކުރަން ވަނީ ނިންމައިފަ އެވެ.
ހުޅުމާލެއިން ދޫކޮށްފައިވާ ބިންތަކުގައި ކަންމުޑި ޖަހައިފައި.-- ފޮޓޯ: އެޗްޑީސީ
މި ސްކީމްގެ ދަށުން ގޯތި ދިނުމަށް ހިއްކަމުން އަންނަ ހުޅުމާލެ 3 އާއި ގުޅިފަޅު އަދި ގިރާވަރުފަޅުގެ ބިން ހިއްކުން އަދި އެއްކޮށް ނުނިމެ އެވެ.
ބިންވެރިޔާ ސްކީމަށް ހުޅުމާލެ އިން ހިލޭ ދޫކުރާ މި ބިންތަކުގެ ސަބަބުން އެޗްޑީސީއަށް 10.5 ބިލިއަން ރުފިޔާގެ ގެއްލުން ލިބޭނެ ކަމަށް އޮޑިޓް އޮފީހުން މިދިޔަ މަހު އާންމުކުރި މިދިޔަ އަހަރުގެ ބަޖެޓު ރިވިއު ރިޕޯޓްގައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނ. ރައްޔިތުމީހާ
24 July 2024
ގޯތިދެވޭ، ފްލެޓްތަކަށް ވާއެއްނުވާއެއްނޭނގޭ، މީ ކިހިނެއްވާކަމެއްތޯ ރައްޔިތުންބަލަންޖެހޭއެބަ، ޕީ އެން ސީ މީހުންނަށް ބަހާލަން ލިސްޓެއް އެކުލަވާލުމާ ވައްތަރީ، ޕާޓީއަކަށް ނިސްބަތްނުވާ ނިކަމެތި ރައްޔިތަކަށް މި ޤައުމަކުން ފްލެޓެއް ނުލިބޭނެ، ފްލެޓް ދޭނީ ސިޔާސީ މީހުންނަށް، އެއީ ޙައްޤުވެރިންނަކީ،
ސިކުބެގެދަރި
24 July 2024
1 މިލިޔަން ރުފިޔާގެ ފުލެޓުގަނޑު 2 މިލިޔަން އަތުލާގޮތަށް އަހަރުންނަށް ދިނީ! 15 މިލިޔަން ރުފިޔާގެ ގޯތި ހަމަ މުޅިން ހިލޭ މާލޭ ބޭފުޅުންނަށް! ޢަހަރުން ބޮލުގަ ބޮޑު ލޯނު! ހަމަ ހުވާ މިބުނި ފުލެޓަކަށް ދެން ބައި ރުފިޔާ އެއްވެސް ނުދޭނަން! ވަރަށް ސަލާން!
މާކުންބޭ
23 July 2024
މުއިއްޒަށް ދިވެހިން ވޯޓް ދިނީ މި ޖަރީމާ އިން ބަރިއަ ވުމަށް، އެކަމަކު އިބްރޙިމް ހިންގި ރޭސިސްޓް މި އަމަލުގައި މިވީ ބައިވެރި. ކެންސަލްކުރައްވާ، އަހަރެމެން މަޖްލިސް މުއިޒަށް ދިނީ ތި ޖަރީމާ ކެންސަލްކުރުމަށް. މާލެ މީހަކަށްވީތީ 30 މިލިއަން ރުފިޔާ ގެ ބިމެއް ހިލޭ، އެހެން މީހުން މިޖެހެނީ ފްލެޓް ގަނޑެއް 5 މިލިއަނަށް ގަންނަން، ގަނެފިއްޔާ ދެން އެމީހަކަށް ބިންކޮޅެއްވެސް ނުދޭ. މިއީ ނާއިންސާފު
ނޫނު
23 July 2024
އެސަރުކާރު އުފެދުމުގައިވެސް ކޮރަޕްޓް ތި ގޯތިތައްވެސް ދީފައި ހުރީ ކޮރަޕްޓް ފުލެޓްތައް ދިން އުސޫލުން ކަމާމެދު ސައްކު ހިންގާފައިއޮތް ޖަރީމާ ބެލުން ވ މުހިއްމުކަމެއް
ޔަގީނެއްނު
23 July 2024
އެސަރުކާރަށް މިސަރުކާރުން ތައުރީފުކުރާނެކަމެއް މިއީ. އެސަރުކާރާ މިސަރުކާރާ ކިހާ އެއް ގޮތް.
އޮނަރަބްލް އަފީފު ދީދީ
23 July 2024
ޤުނޫތުގައި ހަމައެކަނި އިޒްރާއީލްގެ މުސީބާތުން ސަލާމަތް ވުމަށް ދުޢާކޮށްގެން ހިތް ހަމަޖައްސާލުމުގެ ބަދަލުގައި މިމުސީބާތުން އަރައިގަނެވޭތޯވެސް ދުޢާކުރުން ރަނގަޅު.
ާނާއިންސާފުގެ އިންތިހާ
23 July 2024
މިނޫނީ ނެތޭ ދުނިޔޭގެ އެއްވެސް ގައުމެއް ކެޕިޓަލް ސިޓީގެ ޕްރައިމް ބިންތަކެއް ހިލޭ ތާއަބަދަށް، ވަކި ބަޔަކަށް ބަހާލި ގައުމެއް! ކޮންމެ ބިމެއްގެ އަގަކީ މިޔަދު މަދުވެގެން 10 މިލިޔަން ރުފިޔާ.. މިހެން ބުނީމަ ބުނާނެ ތިމީހުން ރަށުގަ ބިން ހުރި މީހުން އެބަތިއްބޭ.. މާލެ ކާރި ރަށެއް ނަމަ ގެސްޓު ހައުސްއޭ.. ބަލަ ހުޅުމާލެ އިން ތި ހިލޭ ބަހާލި ބިމުގަ މާދަމާ ޓިނުން ގުދަނެއް ޖަހާލިޔަސް އެތަށް ހާސް ރުފިޔާ އޮހެންފަށާނެ! އެބިން ލިބިނުމީހުން މަހުޖަނުވީ..
ޖަމީލު
23 July 2024
ލިބޭ ގޯތި ވިއްކާލާފަ ދައުރު ނިމެން ކައިރި ވީމަ ބުނަންވީ ވަންނާނެ ތަނެއް ނެތޭ،
ހޮޓްކިންގ
23 July 2024
ހުޅުމާލެއިން ގޯތި ވަކިބަޔަކަށްދީ އެއްބަޔަކު ގިރާވަރުފަޅަށް އަނެއްބަޔަކު ގުޅީފަޅަށްވަނީ ފައްތާ އޮޔާދާން ދޫކޮށްލާފަ. ވަރަށް ވަނދު ސަރުކާރެއް. މުޅިން މާޔޫސްކަން ދެނީ. މަސައްކަތް ނުވެސްކުރަނީ އެއިންތާކު.
ޞީރައްޓެހި ކާޅު
23 July 2024
ޢަހަރުން 1 މިލިޔަން ރުފިޔާގެ ފުލެޓުގަނޑު 2 މިލިޔަން އަތުނުލާ ހިލޭ ދޭން ބުނީމަ ބަޔަކު ވަރަށް ރުޅި އާދޭ! 15 މިލިޔަން ރުފިޔާގެ ގޯތި ހަމަ މުޅިން ހިލޭ! ޢަހަރުން ބޮލުގަ ބޮޑު ލޯނު