މަޖީދިއްޔާ ސްކޫލަށް 100 އަހަރު ފުރުން ފާހަގަ ކުރުމަށް 1،000 ދުވަހުގެ ކައުންޓް ޑައުން ފެށުމަށް މިރޭ ބެއްވި ރަސްމިއްޔާތުގައި އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވާހަކަ ދައްކަވަނީ.-- ފޮޓޯ: ފަޔާޒް މޫސާ / މިހާރު
23 ޖުލައި 2024 - 22:44
66 comments
ރާއްޖޭގެ ތައުލީމީ ދާއިރާ އަށް ކުރީގެ ރައީސް މައުމޫން އަބްދުލްގައްޔޫމް ގެނެސް ދެއްވި ބޮޑު ބަދަލަށް މިހާރުގެ އެޑިއުކޭޝަން މިނިސްޓަރު ޑރ. އިސްމާއިލް ޝަފީއު މިރޭ ވަރަށް ބޮޑަށް ތައުރީފު ކުރައްވައިފި އެވެ.
މަޖީދިއްޔާ ސްކޫލަށް 100 އަހަރު ފުރުން ފާހަގަ ކުރުމަށް 1،000 ދުވަހުގެ ކައުންޓް ޑައުން ފެށުމަށް އެ ސްކޫލުގައި ބޭއްވި ހާއްސަ އެސެމްބްލީ ޝަރަފުވެރި ކޮށްދެއްވައި ވާހަކަ ދައްކަވަމުން މިނިސްޓަރު ވިދާޅުވީ ރާއްޖޭގެ ތައުލީމު ފުޅާވެގެން އައީ މައުމޫނުގެ މިންނެތް މަސައްކަތްޕުޅުން ކަމަށެވެ.
އޭނާ ވިދާޅުވީ، 2001 ވަނަ އަހަރާ ހަމައަށް ބަލާއިރު ގިނަ ރަށްރަށުގައި އޯ ލެވެލް ފެންވަރަށް ވެސް ކިޔަވައި ނުދޭ ކަމަށާއި އެކަމަކު ހުރިހާ ރަށަކަށް ތައުލީމު ފަތުރައި އެކަމަށް ބޮޑު އިންވެސްޓްމެންޓެއް ކުރެއްވީ މައުމޫންގެ 30 އަހަރުގެ ވެރިކަމުގައި ކަމަށެވެ.
ކުރީގެ ރައީސް މައުމޫން: އެ މަނިކުފާނުގެ ވެރިކަމުގައި ތައުލީމީ ދާއިރާ އަށް ގެނެސް ދެއްވީ މިހާރު ވެސް އެތައް ބަޔަކު ތައުރީފު ކުރާ ހެޔޮ ބަދަލުތަކެއް.
އޭރު ގެނައި އެންމެ މުހިންމު އެއްބަދަލަކީ އިސްމާއިލް ވިދާޅުވި ގޮތުގައި، ފާސްނުވާ ކުދިން ސްކޫލުން ވަކިކުރުން ނިމުމަކަށް ގެނެސް އޯ ލެވެލާ ހަމައަށް ކިޔަވައިދިނުމުގެ ފުރުސަތު ފަހި ކޮށްދިނުމެވެ.
ނަމަވެސް ބަދަލު ގެނައުމަށް އޭރުގެ އެޑިއުކޭޝަން މިިނިސްޓްރީ އަށް ބޮޑެތި ގޮންޖެހުންތަކާ ކުރިމަތިލާން ޖެހުނު ކަމަށް މިނިސްޓަރު ވިދާޅުވި އެވެ.
"[އޭރު މީހުން ބުނަމުން ދިޔައީ] އޮޓޯ ޕްރޮމޯޝަނަށް ލީ ނޫންހޭތި. ކިހިނަކުންހޭ ނަތީޖާ ނެރެވޭނީ، ވަރަށް ބޮޑު ގޯހެކޭ ތި ހަދަނީ. ތައުލީމުގެ ފެންވަރު ދާނީ ދަށަށޭ،" އެ ދުވަސްވަރު އެ ބަދަލާ ގުޅޭ ގޮތުން އާންމުންގެ ވިސްނުން ހުރި ގޮތް ހިއްސާ ކުރައްވަމުން މިނިސްޓަރު ވިދާޅުވި އެވެ.
އެކަމަކު، މައުމޫން އެ ދުވަސްވަރު ކުރެއްވި މަސައްކަތްޕުޅުގެ ނަތީޖާއަކަށް ވީ، މިއަދު ރާއްޖޭގައި 16 އަހަރު ނުފުރޭ ކުއްޖަކު ތައުލީމުން މަހުރޫމުވުމުގެ ފުރުސަތު ނެތުންކަން މިނިސްޓަރު ފާހަގަ ކުރައްވައި މައުމޫނަށް ތައުރީފު ކުރައްވައިފަ އެވެ.
ކައުންޓް ޑައުން ފެށުމަށް މިރޭ ބެއްވި ރަސްމިއްޔާތުގައި އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު ބައިވެރިވަނީ.-- ފޮޓޯ: ފަޔާޒް މޫސާ / މިހާރު
ރާއްޖޭގައި ވެރިކަން ކުރެއްވި 8 ރައީސުން ވެސް ތައުލީމު ހާސިލް ކުރެއްވި މަޖީދިއްޔާ ސްކޫލުންކަން ފާހަގަ ކުރައްވައި މިނިސްޓަރު ވަނީ އެ ސްކޫލަށް 100 އަހަރު ފުރުން ފާހަގަކުރުން ވާނީ ސަރުކާރު، ހާއްސަކޮށް އެޑިއުކޭޝަން މިނިސްޓްރީން ވަރަށް ބޮޑު އިސްކަމެއް ދީގެން ކުރިއަށް ގެންދާނެ ކަމެއް ކަމަށެވެ.
މަޖީދިއްޔާ ސްކޫލުގައި ކިޔަވައިދޭން ފެށީ އޭޕްރީލް 19، 1927 ގަ އެވެ. އެ ސްކޫލަށް 100 އަހަރު ވާނީ އޭޕްރީލް 19، 2027 ގަ އެވެ.
ދިވެހިންނަށް އަސާސީ ތައުލީމު އުގަންނައިދީ، އެކި ރަށްރަށުގައި އަތޮޅު ތައުލީމީ މަރުކަޒުތަކާއި ކޮމިއުނިޓީ ސްކޫލްތައް ފެށުމުގެ މޭސްތިރިއަކީ މައުމޫނެވެ. ހާއްސަކޮށް، ދިވެހިންނަށް ލިޔަންކިޔަން ދަސްކޮށްދިނުމަށް ސީދާ މައުމޫނާއި އޭރުގެ އެޑިއުކޭޝަން މިނިސްޓްރީގެ އިސްވެރިން އިސްވެ ފެއްޓެވި ޕްރޮގްރާމުގެ ކާމިޔާބީ މިއަދު ވެސް އެތައް ބަޔަކު ފާހަގަކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާޖަރާ
24 July 2024
ރައީސް މައުމޫން އަކީ މިޤައުމުގަިއި ވެރިކަން ކުރެއްވި އެންމެ ރަގަޅު ރައީސް. ރައީސް މައުމޫންގެ ވެރިކަން ނިމުނު ހިސާބުން މި ޤައުމު މިއޮތީ އޮޔާ ގޮއްސަ. މީ ހަގީގަތަކީ
އެމްސް
24 July 2024
ވެރިކަމާއިހެދި އެވަރަށް އުޅުނު މީހަކު ނެތެވެ! އިންތިޚާބުން ބަލިވީމަވެސް 3 ސިޔާސީ ޕާޓީ ހަދައިފިއެވެ! އެކިދަރީން އެކިއެކި ޕާޓީތަކަށް ލައިގެންވެސް ކަމެއްވޭތޯ ބެއްޔެވެ! ނެލްްސަން މަންޑޭލާ ބުނި ކަހަލަ މަސްތެއްގެ ރަނގަޅަށްވެސް މައުމޫނު ޖެހިއްޖެއެވެ!
އަފްރާސިޔާބު
24 July 2024
ތިޔަ ދާއިރާ އެކަނިތޯ މައުމޫނު ބަދަލު ކޮށް ދެއްވީ. ރާއްޖޭގެ އިގްތިސާދުވެސް. ހެލްތުވެސް. ޓޫރިޒަމްވެސް. މަސްގަތުންވެސް. މައުމޫނު ޕޮލިޓިކްސް ގައި ކޮންމެ ކަމެއް ކުރެއްވިއަސް ހިފެހެއްޓެވީ މަރުހޫމް ނާސިރުގެ ސިޔާސަތާއެއްގޮތަށް ރާއްޖެ ކުރިއަރުވަން.
މޫސާޅު
24 July 2024
ޒަމާންތަކެއް ވަންދެން ވެރިކަން ކުރިމީހެއް ވީމައި ރ. މަައުމޫންގެ ވާހަކަ ވަރަށް ދިގުކޮށް ދެއްކިދާނެ. އެވެރިކަމުގައި ޒުވާން ދައުރު ހޭދަކުރި ގިނަބަޔަކު މިހަރުތިބީ މުސްކުޅިވެފައި ނުވަތަ ވަނީ ދުނިޔެ ދޫކޮށްފައި. އެއިރުގެ ކަންތައްތައް ހިނގާ ދިޔަގޮތް އަދުގެ ޅަ ޒުވާނުންނަކަށް ނޭނގޭނެ. މައުމޫންގެ ލެގަސީއެއްގެ ގޮތުގައި ރައްޖޭގެ އާބާދީއަށް އަސާސީ ތައުލީމް އުގަންނައިދިނުން ހިމެނޭނެ. ހަމަ އެއާއި އެކު އޭނާއަށް ދެކޮޅަށް އެއްޗެއް ބުނާ މީހާގެ ދުވަސްވެސް ދުއްވާލާނެ.
ރިއަލިޓީއަކީ
24 July 2024
ރަގަޅު ތޯ ނުރަގަޅުތޯ އެގޭނީ ފެކްޓް ތަކަށް ބެލީމާ. ރަގަޅު ތައުލީމް ދެވުނުނަމަ ސަރުކާރުންނާއި ސަރުކާރު ކުންފުނިތަކުން މުޅު ގައުމުގެ ރައްޔިތުންނަށް މުސާރަދީގެން ބަލަހައްޓަން ނުޖެހޭނެ. އަދި ބޭރު ގައުމުތަގެ މީހުން ޕްރައިވެޓް ސެކްޓަރގެ ބޮޑެތި ވަޒީފާތަކުގައިވެސް ނުތިބޭނެ.
ސައުދީ
24 July 2024
ވަރަށް ގިނަ ކޮމެންޓްތައް ކިޔާލުމުން ހީވާކަހަލަ އެކޮމެންޓްތައް ލިޔުނު ބައެއްމީހުން ބުނެލާނެޔޭ، ދަތިހާލުގައި އެމީހުން ބަލާ ބޮޑުކުރި މައިންބަފައިންނާ ދިމާލަށްވެސް ތިޔައީ ކޮންކަމެއް ކޮށްދިންބައެއްހޭ. އަދި ބައެއްފަރާތްތަކުން ލިޔެފަ ހުރިކޮމެންޓްތައް ކިޔާލީމަ އަޅުގަނޑު ހިތައްއަރަނީ އެކޮމެންޓްތައް ލިޔުނު ފަރާތްތައް އެދުވަހުރާއްޖޭގެ ވެރިމީހާގެ މަގާމުގައި ހުރިނަމަ މިއަދު ހަމަ އެކޮމެންޓްތައް ލިޔާނެބާއޭ؟
އެމްސް
24 July 2024
މައުމޫނުގެ ވެރިކަން އެންމެކުރުކޮށް ތިޔަބުނެވުނީއެވެ! ރާއްޖޭގެ ރައީސްގެ އިތުރުން އޭރު މައުމޫނު އަކީ ސިފައިންގެ ވެރިޔާ/ފިނޭންސް މިނިސްޓަރު/އެމްއެމްއޭގެ ގަވަރުނަރު/ތަޢުލީމާއިބެހޭ އެންމެމަތީ މަޖިލިސްގެ ރައީސް ވެސް މެއެވެ! ކެބިނެޓަކީ 2 ފަރާތުގެ ޢާއިލާއާއި، އެކުގަ ކިޔަވަންއުޅުނު ކްލާސްމޭޓުންނެވެ! ދެން ކަމެއް ކިތަންްމެ ގޯސްކޮށް ދިޔަޔަސް ސަނާކިއުން ނޫންގޮތެއް އޮންނާނެހެއްޔެވެ؟
ރަންތިރީސް
24 July 2024
ރާއްޖޭގެ މުޖުތަމައަށް މިހާރު ދިމާވެފައިވާ އެންމެ ބޮޑު މައްސަލަ އަކީ ޑްރަގްގެ ވަބާކަން އެންމެންވެސް ގަބޫލްކުރާނެއެވެ.. ޢެކަން ރާއްޖޭގައި ފެށިގެން އާލާވެގެން ދިޔައީ މައުމޫން ދައުރުގައެވެ. އެ ޒަމާނުގައި އެކަން ހުއްޓުވަން ސަރުކާރުން ބޭނުން ގޮތަކަށް ބޭނުން ފިޔަވަޅެއް އެޅެން އޮތް އިރުވެސް އެކަށިގެންވާ ފިޔަވަޅެއް ނާޅައި އަޅާނުލާ ދޫކޮށްލީއެވެ. ރާއްޖޭގައި މި ވަބާ ފެތުރި ގޭންގްތައް އުފެދިގެން ދިޔައީ އެޒަމާނު ގައެވެ.
ސުހާނާ
24 July 2024
ޑްރަގުގެ ކަންތައް ރާއްޖޭގައި ފެށުނީ މައުމޫނުގެ ވެރިކަމުގައެއް ނޫން. އެކަން ފެށުނީ ނާޞިރުގެ ވެރިކަމުގައި. އެކަން ފެށުމުން އެކަމާ ގުޅިގެން ފުރަތަމަ ހެދި ޤާނޫނު ހެދީ 1977 ވަނަ އަހަރު. އެއީ ޤާނޫނު ނަންބަރު 17/77 (މަސްތުވާތަކެއްޗާބެހޭ ޤާނޫނު). އެ ޤާނޫނުގެ ދަށުން ނާޞިރުގެ ވެރިކަމުގައި އަދަބު ލިބުނު ބައެއް މީހުން މިހާރުވެސް ދުނިޔޭގައި އެބަތިބި. އެ ޤާނޫނު އުވާލައި އެކަމާބެހޭ އައު ޤާނޫނެއް މިހާރު ވަނީ ހަދާފައި. އެއީ ޤާނޫނު ނަންބަރު 17/2011 .
raajje
24 July 2024
އެމްޑީޕީގެ ސަރުކާރުދުވަސްވަރު ހުރި އަންހެން އެޑިއުކޭޝަން މިނިސްޓަރުވަނީ ތައުލީމީނިޒާމް ގަޑުބަޑުކޮށް ހަލާކުކޮށްލާފަ،، ކުދިންގެ އަހުލާގީފެންވަރު އެހާދަށް، ސުކޫލުމާހައުލުގައި ޑުރަގުބޭނުންކުރުމާ ވިޔާނުދާއެތައްކަމެއް، އެހެންތާވަނީ ކޮންމެކަމެއްކުރިޔަސް ކުދިންނަށް އަދަބުދިނުމެއްނޯވޭ އެއީނަފުސާނީބަލިޖެހޭކަމެކޯލަ! ނުވިތާކަށް ޓެކުސްޕޮތްތަކަށް ބަދަލުގެނެސް އެގޮތްމިގޮތްހަދާފަ، ކުދިންއަރަނީ ޓީޗަރުންގެބޮލަށް، ނަތީޖާއަކީ ޓީޗަރުންވެސް ކުދިންނާމެދު ފަރުވާކުޑަވުން
އެމްސް
24 July 2024
ސިންގަޕޫރުގެ ބާނީވެސް ކުރީ 30 އަހަރުގެ ވެރިކަމެކެވެ! އެމުއްދަތުގަ އެއްވެސް ޤުތުރަތީ ވަސީލަތެއް ނެތްތަނެއް ދުނިޔޭގެ އެންމެ އުހަށް އޭނާ ޖައްސާލިއެވެ! މެލޭޝިއާގެ ބޮޑުުވަޒީރު ވަނީ ހަމަ އެވަރުގެ މުއްދަތެއްގަ އޭގޭ 10 ގުނަ އާބާދީވެސް/ބިންވެސް ބޮޑު ޤައުމެއް ދުނިޔޭގެ ލެވެލްއަށް ނަގާފައެވެ! އެމުއްދަތުގަ އެ 2 ޤައުމަށް އެންމެ ގިނައިންދިޔަ އެކަކަށް މައުމޫނު ވާނެއެވެ!
އޭނާމީނާ
24 July 2024
އެހެންވެގެންދޯ ރާއްޖޭގައި މަތީ ތަޢުލީމަށް ކިޔަވައިދޭންފެށީ. އަންނި މީ ހާދަ ސަކަރާތް ވެރިއެކޭ ދޯ؟ އަންނިގެ ވެރިކަމުގެ ކުރިން އޭލެވެލް ނިމުނީމާ ޤައުމުން ކިޔެވެން ހުރިވަރަކަށް ކިޔަވާ އެ ނިމުނީ. އެބޭފުޅާ އެކަން ބަދަލުކުރީ ޤައުމު ހަލާކުކުރަންކަން އަދިކިރިޔާ މިއެނގުނީ
ބާބް
24 July 2024
އެމްސް ގެނަމުގައި ކޮމެންޓް މިކުރާ މީހާ އަށް އެނގެނީ ހަމައެކަނި 30 ކިޔަން ތޯއެވެ. ސިންގަޕޫރުގެ 30 އަހަރު ފެށީ ސްކިލްފުލް އާބާދީ އަކާއެކުގައެވެ. ސިންގަޕޫރަށް ހިޖުރަކުރި މެލޭ ޗައިނީޒް އިންޑިޔަނުންނަކީ މުއްސަނދި ހުނަރުވެރި ބަޔެކެވެ. މައުމޫނު 30 އަހަރުފެށީ 1 ރުފިޔާ ފީއަށް ދައްކަން ޖެހިގެން ދަރިން މަކުތަބަށް ނުފޮނުވައި އުޅުނު އާބާދީ އަކާއިގެންނެވެ
އެމްސް
24 July 2024
ސިންގަޕޫރަކަށް ބަޔަކު ހިޖުރަކުރާކަށް ނުޖެހެއެވެ! އެތަނަކީ ފެށުނީއްސުރެ އެތައް ނަސްލެއްގެ/ދީނެއްގެ/ސަޤާފަތެއްގެ/ބަހަކުން ވާހަކަ ދައްކާ ބަޔެއްގެ ޤައުމެކެވެ! ކުރިން އެއީ މެލޭޝިއާގެ ބަޔެކެވެ!
އެޑްމުންޑޯ
24 July 2024
މައުމޫނުގެ ވެރިކަމުގައި އިންގިލާބީ ބަދަލު ގެނައި ހަމަ އެކަނި ތައުލީމީ ދާއިރާ އެކަނިނޫން ، ސިއްޙީދާއިރާ އަށް ވެސް އިންގިލާބީ ބޮޑެތި ބަދަލު ގެންނެވި ، ޖުމްލަކޮށް ހުރިހާ ދާއިރާ އަކަށް އިންގިލާބީ ބަދަލުގެނެސް ދެއްވާފައި ވެރިކަމުން ވަކިވެ ވަޑައިގަތީ ، މިއަދުވެސް ރައްރަށައް އަރާފަރާތްތަކުން ފެންނަން ހުންނާނެ އުމްރާނީ ވަސީލަތްތަކީ މައުމޫނުގެ ވެރިކަމުގެ ހަދާފައި ހުރިތަންތަން ، މިއަދު މިތިއްބެވި ވެރިން ލަދުގަންނަންޖެހޭ ހަގީގަތުގައި ،
އެމްސް
24 July 2024
އިންޤިލާބީ އެންމެބޮޑު ބަދަލަކީ ތަޢުލީމީނިޒާމް ޚަރާބުކޮށްލުމެވެ! ސައެންސް ސްޓްްރީމް އަށް ކިޔަވަންދިޔަ ދަރިވަރުންގެ ބޮލަށްވެސް . . . ! މިއަދު މަސައްކަތްތެރިން ނެތިގޮސް ބިދޭސީންގެ ހާއްޔަކަށް ޤައުމުވީ މައުމޫނުއަށް ނޭނގި ކުރިކަމަކުންނޭ ބުނެވޭކަށް ނެތެވެ! މައުމޫނު ވެރިކަމަށް އެރިއިރުވެސް އޮޑިދޯނި ބަނުމާއި ޢިމާރާތްކުރުންފަދަ އެތައް ސިނާޢަތެއް ރާއްޖޭގަ އޮތެވެ! މިއަދު އޮތީ ގަލްފްކްރާފްޓް އާއި ބިދޭސީންނާއި ނުލާ ނުހިންގޭނެ ކޮންސްޓްރަކްޝަން/ޓްއަރިޒަމް . . !
ސާރާ.
24 July 2024
ދިވެހީންނަށް އަސާސީ ތަޢުލީމުގެ ޕްރޮގްރާމް ހިންގިގޮތަށް ރާއްޖޭގެ އާބާދީ މަދުކުރަން މައުމޫނު ހިންގި ޕްރޮގްރާމްގެ ވާހަކަވެސް ދައްކާލަން ރަނގަޅު.
އެމްސް
24 July 2024
ވިހިވިހީގެ ތަސައްވުރަކީ ބިދޭސީންގެ އުނދަގުލާއި ހެދި ދިވެހީން އެއްކޮށް މަސްތަށް ދިއުމެއް ނޫންތޯ؟ ބަންގްލަދޭޝް މީހުންނަކީ މިޔަންމާގަވެސް ނުސީބާތަކަށްވެ މިއަދު މެލޭޝިިއާގަވެސް އެޤައުމަށް ނުކަތައިގެން އުޅޭ ބަޔެކެވެ!
ހަގީގް
24 July 2024
30 އަހަރުދުވަހަކީ ހާދަ ދުވަހެކޭ. ހުރިހާ ކަމެއްވެސް ދިޔައީ އެއްވެސް ޕްރެޝަރެއްނެތީމާ ވަރަށް ސްލޯކޮށް. އެކަމާހުރެ ލިބެންޖެހޭ ކުރިއެރުމެއް ނުލިބޭ.
އޯއި
24 July 2024
ހެލޯ... ނެތް ފެންވަރު ދައްކަން، ބާރަށް ކުރިއަށް ދިޔައީމަ ވާގޮތް ނުފެނޭތަ؟
ސުހާނާ
24 July 2024
މައުމޫން ކަންތައްތައް ކުރައްވަމުން ގެންދެވީ ގައުމު ދަރުވާނުލައްވައި، ރައްޔިތުން އަތުން ޓެކް ނުނަގައި ދައުލަތަށް ލިބޭ އެއްޗަކުން ދެކޮޅުޖައްސަވަމުން. އޭގެ ފަހުން އައި މީހުން މިއޮތީ ގައުމު ދަރުވާލައި ބަނގުރޫޓްކޮށްލާފައި. ރައްޔިތުން އަތުން ޓެކްސްއަށް އެތައް ބިލިއަން ރުފިޔާއެއް ކޮންމެ އަހަރަކު ލިބޭއިރުވެސް ކޮންމެ އަހަރަކު އެތައް ބިލިއަން ރުފިޔާއެއް ގައުމުގެ ދަރަނި މައްޗަށް ދޭ. މަޝްރޫޢުތައް ހިންގަނީއޭ ކިޔާފައި ބޮޑުން ލާރިގަނޑު ކާލަނީ.