ގެސްޓް ހައުސްއަަކަށް މީހަކު ވައްދައި ފޭރުނު ދެ މީހުންނަށް ދައުވާކުރަން ފޮނުވައިފި

ގެސްޓް ހައުސްއަކަށް ފިރިހެނަކު ވައްދައި، އޭނާގެ އަތުން ފޭރުނު ކަމަށް ތުހުމަތުކުރާ ދެ މީހުންނަށް ދައުވާކުރަން ޕްރޮސެކިއުޓާ ޖެނަރަލްގެ އޮފީހަށް ފޮނުވައިފި އެވެ.

ފުލުހުން މިއަދު ބުނީ މިދިޔަ ޖުލައި މަހުގެ 19 ވަނަ ދުވަހު މާލެ، ޔެލޯ ލައިޓް ސްޓޭ ގެސްޓް ހައުސަށް ދިވެހި ފިރިހެނަކު ވައްދައި، އެ މީހާއަށް ތޫނު އެއްޗެހިން ބިރުދައްކައި، އޮރިޔާންކޮށް އަދި އޭނާގެ ވޮލެޓުގައި ހުރި ފައިސާ ނަގައި އެކައުންޓުގައި ހުރި ފައިސާ ޓްރާންސްފާކޮށް ފޭރުނު ކަމަށް ތުހުމަތުކުރެވޭ މައްސަލައިގެ ތަހުގީގު ނިމިފައިވާ ކަމަށެވެ.

އެހެންވެ، އެ މައްސަލާގައި ތުހުމަތުވާ ދެ މީހުންނަށް ދައުވާކޮށްދިނުމަށް އެދި ޕީޖީ އޮފީހަށް މިދިޔަ ބުރާސްފަތި ދުވަހު ފޮނުވާފައިވާ ކަމަށް ފުލުހުން ބުންޏެވެ.

އެ މައްސަލާގައި ތުހުމަވާ ދެމީހުންނަކީ ގ. އޯލްޕެރިސް، އަހްމަދު މިހާދު، 44 އާއި ގ. ރަނައުރާގެއާގެ، ރިމާނާ މޫސާ، 39 އެވެ.

Meehun geah vaddhai barahanaakoh, feyrey massalagai dhauva kuran fonuvaifi

The most trusted news source in the Maldives

Mihaaru

ފިރިހެނުން ގެއަށް ވައްދައި އެ މީހުން ބަރަހަނާކޮށް، ފޭރޭ މައްސަލައެއްގައި އެހެން ތިން މީހެއްގެ މައްޗަށް ދައުވާކޮށްދިނުމަށް ވެސް ފުލުހުން ވަނީ ޕީޖީ އޮފީހުގައި މިއަދު އެދިފަ އެވެ.

އެއީ މިދިޔަ ޖުލައި މަހު 24 ވަނަ ދުވަހު މއ. މަސްފަން ގެއަށް ދިވެހި ފިރިހެނަކު ވައްދައި، އެ މީހާއަށް ވަޅިން ބިރުދައްކައި އޮރިޔާންކޮށް، އަނިޔާކޮށް އަދި އޭނާގެ މޯބައިލް ފޯނު އަތުލައި އޭނާގެ ބެންކު އެކައުންޓުން ފައިސާ ޓްރާންސްފާކުރި މައްސަލައެއްގަ އެވެ.