ފ.ނިލަންދޫ. އެ ރަށަށް ދިޔަ ދެ ނޫސްވެރިއަކަށް ބިރުދެއްކުމުން ފުލުހުން ވަނީ ހިމާޔަތް ދީފައި.
02 މާޗް 2017 - 11:38
82 comments
ސައުދީ އަރަބިއްޔާގެ އިސް ފަރާތްތަކަކާ ހަވާލުކޮށްގެން ފ. އަތޮޅުގައި ހިންގަން ސަރުކާރުން ރާވާފައިވާ މަޝްރޫއުއާ މެދު ރައްޔިތުން ދެކޭގޮތުގެ ހިޔާލު ހޯދަން އެ އަތޮޅަށް ދިޔަ ދެ ނޫސްވެރިއަކަށް ރޭ ބަޔަކު ބިރުދެއްކުމުން، ފުލުހުން ހިމާޔަތް ދީފި އެވެ.
ފ. އަތޮޅު މަޝްރޫއޫގެ ކަވަރޭޖް ހަދަން އެ އަތޮޅު ނިލަންދު އަށް ދިޔައީ މޯލްޑިވްސް އިންޑިޕެންޑެންޓުގެ ހަސަން މުހައްމަދާއި ހަސަން މޫސާ އެވެ. މި ދެ ނޫސްވެރިންނަށް ފާރަލައި، އެ މީހުންނަށް ބިރުދެއްކީ މަގުމަތިން ހުއްޓުވުމަށް ފަހު އެވެ.
ހަސަން މުހައްމަދު ބުނިގޮތުގައި އެ ދެ މީހުންނަށް ބިރުދެއްކި މީހުން ތުހުމަތުކުރީ، އެ މީހުން އެ ރަށަށް ދިޔައީ ފިތުނަފަސާދަ އުފައްދާށެވެ. އެހެންވެ ކެމެރާ އާއި އެހެން ވެސް ސާމާނު ހަލާލުކުކޮށްލާނެ ކަމުގެ އިންޒާރު ދިން ކަމަށް އޭނާ ބުންޏެވެ.
މި އިންޒާރަށް ފަހު އެ މީހުން ތިބި ގޭދޮށަށް ވެސް ބަޔަކު އެއްވި ކަމަށް އޭނާ ބުންޏެވެ.
"އެކަން ފުލުހުންނަށް ރިޕޯޓްކުރީމަ، އަޅުގަނޑުމެން ޕޮލިސް ސްޓޭޝަނަށް ގެންދިޔައީ. ދެން ވިދާޅުވީ ރައްކާތެރިކަމުގެ ދަށުގައޭ ބައިތިއްބާފައި ތިބީ،" ހަސަން ބުންޏެވެ.
ޕޮލިހަށް ގެންގޮސް ފޯނު އަތުލައި އެކަކު އަނެކަކާ ވާހަކަ ނުދެއްކޭ ގޮތަށް ތިންގަޑިއެއްހާއިރު ބޭތިއްބުމަށް ފަހު، ކާންދީ، ނިދާނެ ސޯފާއެއް ވެސް ދެއްކި ކަމަށް ހަސަން ބުންޏެވެ.
"އަޅުގަނޑުމެންނަށް ބަޔަކު ކުރި ތުހުމަތާ ގުޅިގެން ފުލުހުން ބަލަން ބޭނުންވުމުން، ނެގި އިންޓަވިއުތަކުގެ ނޯޓްސް ވެސް ބަލާ ހެދި،" ހަސަން ބުންޏެވެ.
ފުލުހުން ބުނިގޮތުގައި ނިލަންދޫގައި ތިބި ދެ ނޫސްވެރިއަކަށް ނުރައްކާ އޮތް ކަމަށް ތުހުމަތު ކުރެވިގެން ހިމާޔަތާއި ރައްކާތެރިކަން ވަނީ ފޯރުކޮށްދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރީތި މޫސަ
04 March 2017
ނިލަންދޫއަކުން ނޫސްވެރިންނަކަށް ބިރެއްނުދަށްކާނެ ނިލަންދޫމީހުންނަކީ ތަންދޮރުއެނގޭ ބަޔެއް
ޓާޓާ
03 March 2017
ތީ ނޫސްވެރިންތަނޫނީ ޕުރޮޕެގެންޑާ އެޖެންޓުންތަ. ވަރަށް ސާފު. ބޭނުންވަނީ ހަމަޖެހެން. ހަލަބޮލި ވެގެން ހިލޭނީ ބޮލި. އެޒަމާން ހިގައްޖެ.
ތާ
02 March 2017
ކެކެ. ފާފު ނަމުގައި ކޮމެންޓްކުރިމީހާގެ ފެންވަރު ގިނަ އެމްޑީޕީ މީހުންގެވެސް ހުންނާނީ.
ސާދު
02 March 2017
ބިރުދެއްކުން ޓެރަރިޒަމްއަށް ނުވޭތަ؟؟؟؟
ދޮންދީނި
02 March 2017
މަށަށް އޮޅިއްޖެ މިހާރު ހިމާޔަތް ދިނުމަކީ ކޮބައިކަން...މިތާނގައި މަހު މުސާރައަށް ކޮމެންޓްކުރާ ޕިންކީސް ކޮމެންޓޭޓަރ މިކަން އޮޅުންފިލުވައިދިނިއްޔާ ވ ރަގަޅު.
އުދުހޭ
02 March 2017
ބިރުދެއްކި މިހުން ހޯދާ ގާނޫނީ ފިޔަވަޅު އެޅުން އޮތީ ކިހާހިސާބެއްގަތޯ؟
މަންޑޭލާ
02 March 2017
މީގެންވެސް އެގުނީ ފާފުއަތޮޅު މީހުން މިގެންނަން އުޅޭ ތަރައްގީ ބޭނުންވާކަން ސާބަހޭ ރައިސް ޔާމިން.
ކޮމެންޓޭ
02 March 2017
"ނޫސްވެރިން"ތަ ނޫނީ ފަސާދަ ކުރާމީހުން
މަންސޫރު
02 March 2017
ތިޔަ ކޮމެންޓު ކުރީ އެއްޗެއް ކިޔާފަތަ ނޫނީ ފަސާދަ ބޮލަށް ލައިގެންތަ؟
ޔޫކޭ
02 March 2017
ފ.ދ.ތ އަތޮޅެއްނޯންނާނެ.. ހުރިހާ ރަށަކަށްވެސް އެރޭނެ.. ތިގޮތަށް ބިރުދައްކަން އުޅެންޔާ ހުރިހާނޫސްވެރިން ގޮވައިގެން ތިރަށަށް އަރަންޖެހިދާނެ..
އަހުމަދު
02 March 2017
ދޮންކަލޯ ތިފާޑަށް ގޮސްގެން އަދި ނޭރޭނެ..ދޭބަލަ ޔޫކޭއަށް އަރަން
ކީބޯޓް
02 March 2017
ދިވެހި ރާއްޖޭގައި، އެއްވެސް ރައްޔިތަކަށް އާމާންކަމެށް، ނެތްކަން، ކުރީ ގެ މިސަރުކާރުގެ ޑިފެންސް މިނިސްޓަރު އޮތީ އަންގާފަ! އެކަންތަކަށް ބަލައިގެން، މި ރާއްޖޭގައި އުޅުން ބުއްދިވެރީ އެއީ ތޯތޯ ވާހަކައެއްނޫން!