ވިހާފައި ކުއްޖަކު އެއްލާލި މައްސަލަ ކުރިއަށް ގެންދެވޭނެ ކަމަށް ނިންމައިފި

ވިހާފައި ކުއްޖަކު އެއްލާލި މައްސަލާގައި ދައުވާލިބޭ މީހާ: އެ މައްސަލަ މަދަނީ މިންގަނޑުން ބަލާއިރު ކުރިއަށް ގެންދެވޭނެ ކަމަށް ވަނީ ނިންމާފައި

މުއިއްޒު އިބްރާހިމް، މިހާރު

29 ސެޕްޓެމްބަރ 2024 - 15:09

6 comments

އދ. ދިގުރަށުގައި ވިހާފައި ކުނިގޮނޑަށް އެއްލާލާފައި އޮއްވާ ފެނުނު ތުއްތު ކުއްޖާގެ މަރުގެ މައްސަލަ ކުރިއަށް ގެންދެވޭނެ ކަމަށް ކްރިމިނަލް ކޯޓުން މިއަދު ނިންމައިފި އެވެ.

މިދިޔަ އަހަރުގެ ޑިސެމްބަރު ދިގުރަށުގައި ވިހެއުމަށް ފަހު، ކޮތަޅަކަށްލާފައި އެ ރަށު ކުނިގޮނޑަށް އެއްލާލާފައި އޮއްވާ ފެނުނު ކުއްޖާގެ މައްސަލާގައި ދައުލަތުން ދައުވާކުރަނީ ސްރީ ލަންކާގެ މީހެއް ކަމަށްވާ ހިރަންޏާ ކުމުދުމާލި ޑި އަލްވިސްގެ މައްޗަށެވެ.

އެ މައްސަލާގައި އޭނާ ހައްޔަރުކުރީ ފުރަން ގޮސް އެއާޕޯޓުގައި ހުއްޓަ އެވެ. އޭނާގެ މައްޗަށް ކުރަނީ އެނގި ހުރެ މީހަކު މެރުމުގެ ދައުވާ އާއި ކުޑަކުއްޖެއްގެ ސިއްހަތަށް އުނިކަން އަތުވެދާނެ ފަދަ އަމަލެއް ކުރުމުގެ ދައުވާ އެވެ.

ކްރިމިނަލް ކޯޓުގައި މިއަދު ބޭއްވި އަޑުއެހުމުގައި ދައުލަތުން ހުށަހަޅާފައިވާ ހެކިތަކަށް މަދަނީ މިންގަނޑުން ބަލާއިރު އެ މައްސަލަ ކުރިއަށް ގެންދެވޭނެ ކަމަށް ނިންމީ އެވެ.

ޝަރީއަތުގެ ކުރީގެ ހުށަހެޅުންތަކަށް ފުރުސަތު ދިނުމުން ދައުލަތުން ބުނީ އެއްވެސް ހުށަހެޅުމެއް ނެތް ކަމަށެވެ. ނަމަވެސް ހިރަންޏާގެ ދިފާއީ ވަކީލް ވިދާޅުވީ ހުށަހެޅުންތައް ހުށަހަޅަން އިތުރު މުއްދަތެއް ބޭނުންވާ ކަމަށެވެ. އެކަމާ ގުޅިގެން ގާޒީ އިބްރާހިމް އިހްސާން ވިދާޅުވީ ކޯޓުގެ ވަގުތު ބޭކާރު ކުރަން އެއްވެސް ހުށަހެޅުމެއް ހުށަހެޅުމެއް ހުށަހަޅައިގެން ނުވާނެ ކަމަށެވެ. އަދި އަންނަ މަހުގެ ހަތް ވަނަ ދުވަހުގެ ކުރިން ހުށަހަޅަންތައް ހުށަހަޅަން ޖެހޭނެ ކަމަށް ގާޒީ ވިދާޅުވި އެވެ.

އެ މައްސަލާގައި ޑީއެންއޭ ރިޕޯޓް ދައުލަތުން މިއަދު ވަނީ ހުށަހަޅައިފަ އެވެ.

މިއަދުގެ އަޑުއެހުމުގައި ހިރަންޏާ ބުނީ އޭނާ ބަންދުގައި ހުންނަތާ 10 މަސް ދުވަސް ވެފައިވާ ކަމަށާއި ޖަލުގައި ހުންނައިރު އެހީތެރިވާނެ މީހަކު ނެތް ކަމަށެވެ.

ގާޒީ ވިދާޅުވީ އެ މައްސަލާގެ ޝަރީއަތުގެ އަޑުއެހުންތައް އަންނަ ނޮވެމްބަރު މަހު ކުރިއަށް ގެންދަވާނެ ކަމަށާއި އަދި އަޑުއެހުންތައް ވެސް ކުރިއަށް ގެންދާނީ މެދުކެނޑުމެއް ނެތި ކަމަށް ގާޒީ ވިދާޅުވި އެވެ.

ގާޒީ ވިދާޅުވީ އެ މައްސަލާގައި ދެ ފަރާތަށް އެއްބަސްވެވޭ ކަމެއް އޮތް ނަމަ އެކަން ފާހަގަ ކުރެވިދާނެ ކަމަށެވެ. އޭރުން ހެކިބަސް ނަގަންޖެހޭ ހެކިންގެ އަދަދު މަދުވެ، މައްސަލަ އަވަހަށް ނިންމޭނެ ކަމަށް ގާޒީ ވިދާޅުވި އެވެ. އަދި އިއުތިރާފް އެއްބަސްވުމެއް ހަދަން ބޭނުންނަމަ އެ ފުރުސަތު އޮތް ކަމަށް ގާޒީ ވިދާޅުވި އެވެ.

ކުށްކުރުން ކުޑަކުދިން ކްރިމިނަލް ކޯޓް މީހުން މެރުން އދ. ދިގުރަށް

6 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހާމިދު ޝާހިދު

01 October 2024

ތިމައްސަލައިގައި މައުސޫމު ފުރާނަ ވަނީ ގެއްލިފައި. އެތުއްތު ކުއްޖާގެ ބައްޕައަކީ ކާކުކަމެއް ނޭންގޭކަންނޭންގެ. މިއީ ބިދޭސީ އެއްކަމަށްވާއިރު، އޭނާ ފުރާނައަށް ނުރައްކާކުރީ ދިވެއްސަކަށްކަން ވެސް ނޭނގޭހިނދު އޭނާ 10 މަސްދުވަސް ވަންދެކަށް ބަންދުގައި ބަހައްޓައިގެން ދައުލަތުން އޭނާއަށް ލައްކައިން ހަރަދު ކުރީމާ މިވަނީ ކޯޗަކަށް. ރިޕެޓްރިއޭޝަން ޕްރޮގްރާމުގެ ދަށުން އޭނާއަށް އަދަބު ދިނުން ލަންކާ ސްރުކާރާ ހަވާލުކޮށްފައި ކުށުގެ ބާވަރުން ނާދެވޭގޮތަށް ޑީޕޯޓްކުރަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެބޯޓަން

30 September 2024

މަރައެއްނުލާ. އެބޯޓްކުރީ. ރާއްޖޭމީހުން އާއްމުކޮށް ކޮށްއުޅޭކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

raajje

29 September 2024

ލަންކާމީހެއް އޭނަމަރާލީ އޭނަގެދަރިފުޅު، މިފަދަމީހުން ހައްޔަރުކޮށްގެން ކާންދީ ބޭސްފަރުވާދީ އަދި މައްސަލަސާބިތުވެއްޖެނަމަ ޖަލުގައިބާއްވައިގެން ބެލެހެއްޓުމުގެ ބަދަލުގައި ހުރިއިވިޑެންސްތަކާއެކު އެމީހެއްގެގައުމުގެ ކަމާގުޅޭއިދާރާތަކަށް މައްސަލަ ޓުރާންސްފަރކުރުން މާރަނގަޅުވާނެ، މީނާގެމައްޗަށްކުށްސާބިތުވިޔަސް މިތާބަންދުކޮށްފައި ބާއްވައިގެން ރާއްޖެއަށްލިބެނީކޮންފައިދާއެއް؟ ބޭރުމީހުންހިންގާ ޖަރީމާތައް މެނޭޖުކުރާނެ ފައިދާހުރި ގޮތްތަކެއްހޯދަންޖެހޭކަމަށްފެނޭ!