މާބަނޑު އަދި ޅަދަރިމައި މުވައްޒަފުންނަށް އައިޖީއެމްއެޗުން ދިން ލުއިތައް އިޔާދަކޮށްފި

އައިޖީއެމްއެޗް އިމާރާތް.-- ފައިލް ފޮޓޯ: މިހާރު

އާސިމާ ނިޒާރު، މިހާރު

14 އޮކްޓޯބަރ 2024 - 20:19

ޑިއުޓީ އަދާކުރުމުގައި އައިޖީއެމްއެޗުގެ މާބަނޑު އަންހެނުންނާއި ޅަދަރިމައިންނަށް ދީފައިވާ ލުއިތައް އަލުން އިޔާދަކޮށްފި އެވެ.

އެ ހޮސްޕިޓަލުން މިއަދު ނެރުނު ބަޔާނެއްގައި ބުނީ، ފްލެކްސިބަލްކޮށް ޑިއުޓީ ދޭ އުސޫލު ބަދަލުކުރީ އެއީ 24 ގަޑިއިރު ހިދުމަތް ދޭ، ސަރުކާރުގެ މައި ހޮސްޕިޓަލަށް ވުމާއި ޝިފްޓް ޑިއުޓީގައި މަސައްކަތްކުރާ މުވައްޒަފުންގެ މަސައްކަތު ގަޑި ފްލެކްސިބަލް ޑިއުޓީގެ ގޮތުގައި ކުރުމުން ހޮސްޕިޓަލުން ހިދުމަތް ހޯދާ ބަލި މީހުންނަށް އެކަށީގެންވާ ގޮތެއްގައި ހިދުމަތް ދިނުމަށް ދަތިވާތީ ކަމަށެވެ.

އެހެންވެ، ބަދަލުތައް ގެނައީ ދިގުމުއްދަތަކަށް ފްލެކްސިބަލް ޑިއުޓީދޭ ދިނުމަށް ކޮންމެ ވެސް ހަރުދަނާ ކަމެއް ގެނައުމަށާއި ފްލެކްސިބުލްކޮށް މަސައްކަތްކުރުން އެއްކޮށް ހުއްޓާލާފައިވާ ކަމަށް ދޭހަވާ ފަދަ މޭރުމަކުން އިބާރާތް ކުރެވިފައި ވިޔަސް މާބަނޑު މީހުންނާއި ޅަދަރި މައިންނަށް މިހާރު ވެސް ދޭ ލުއިތަކަށް އެއްވެސް ބަދަލެއް ގެނެސްފައިނުވާ ކަމަށް ބުންޏެވެ.

ފްލެކްސިބަލް ޑިއުޓީ ބޭނުންވާ މުވައްޒަފުން ހުށަހަޅާ ހާލަތްތަކަށް ރިއާޔަތްކޮށް، އެ ހާލަތަކާ އެކަށީގެންވާ މުއްދަތަކަށް ފްލެކްސިބަލް ޑިއުޓީ ހަމަޖައްސައި ދޭނެ ކަމަށް އައިޖީއެމްއެޗުން ބުންޏެވެ. ޅަދަރިމައިންނަށް މަސައްކަތް ކުރުމުގައި ލުއިގޮތްތަކެއް ހަމަޖައްސައިދިނުމަށް ޝިފޓް ޑިއުޓީތަކުގައި ލުއިވާނެ ގޮތަށް ޑިއުޓީ ވަގުތު ހަމަޖެއްސުމާއި މަސައްކަތް ލުއި ޑިޕާޓްމަންޓުތަކަށް ވަގުތީ ގޮތުން ބަދަލުވުމަށް އެދޭ ޅަދަރި މައިންނަށް ދަތި ނުވާނެ ގޮތަށް މަސައްކަތްތައް ބަދަލުކުރުމުގެ ލުއިތައް މިހާރު ވެސް ދޭ ކަން ފާހަގަކުރި އެވެ.

ނަމަވެސް، މެނޭޖްމަންޓުުން ގެނައި ބަދަލުގެ ސަބަބުން ހޮސްޕިޓަލުގައި މަސައްކަތްކުރާ ގިނަ މުވައްޒަފުންގެ ކަންބޮޑުވުން ހުރި ކަމަށް ހިއްސާކޮށްފައިވާ ކަމަށް ބަޔާނުގައި ބުންޏެވެ.

"އެ ކަންބޮޑުވުންތަކަށް ރިއާޔަތްކޮށް މި އުސޫލު ކުރިން ވެސް އޮތް ގޮތަށް ބަދަލުކުރުމަށް މެނޭޖްމަންޓުން ނިންމާފައިވާ ވާހަކަ ދަންނަވަމެވެ. އަދި ރައްޔިތުންނަށް މި ހޮސްޕިޓަލުން ދޭ ހިދުމަތްތަކަށް ދަތިނުވާނެހެން މުވައްޒަފުން މަސައްކަތްކުރުމުގައި ފަސޭހަ ގޮތްތައް ހަމަޖައްސައިދީ އެކަށީގެންވާ މާހައުލެއް ގާއިމްކޮށްދިނުމަށް އަބަދު ވެސް އިސްކަންދޭނެ އެވެ،" ބަޔާނުގައި ބުންޏެވެ.

އައިޖީއެމްއެޗު ޑޮކްޓަރުން ނަރުހުން މާބަނޑުވުން ސިއްހަތު

12 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހާނިމް ދީދީ

15 October 2024

ނަރުހުންގެ ވެރިން ޑިސެންބަރު މަހުގައި ޗުއްޓީއަށް ޝެޑިއުކޮށްފައި އޮތުމުން ކުރިކަމެއް ކަމަށް ވަނީ ، އަދި އެސާރކިއުލަރ ނެރެގެން ނަރުހުންގެ ވެރިން / އިންޗާޖުން ވަރަށް އުފާފާޅުކުރިކަމަށް ވަނީ ، ސާބަހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

15 October 2024

ކުއްޖާގެ އުމުރުން 6 މަސްވުމުނެ ސޮލި ކާން ފަށާނެ. ދެން ގާތުން ދޭން ބޭނުންވާ ކިރު ދެވޭނެ ގޮތް މިހާރު ބައިވަރު އެބަ ހުރި.. ދެން ޚާއްސަ ހާލަތެއް ދިމާވެގެން ކުއްޖާއަށް ޚައްސަ ސަމާލުކަންދޭންޖެހޭ ހާލަތުގައި އެފަދަ ކޭސްތަކަށް ޚައްސަ ލުއިތަކެއް ދެވިދާނެ. ޚިދުމަތް ކުރަން ތިބޭ މީހުން އަހަރު 2 ކޮލު ވިހާ އެކުދިން 3-4 އަހަރި ވަނދެން ފްލެކްސީ ދީގެން ކިހިނެތް ތަނުންދޭ ޚިދުމަތް ރަގަޅު ކުރަނީ. ރާއްޖޭގެ ވޯކް ފޯސްގައި އަދި ނެތް އެވަރުގެ ޑިސިޕްކިންއެއްވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާކަލޯ

15 October 2024

ކަލޯ ތި ތަންތަނުގެ މުވައްޒަފުންގެ އަދަދު މަދުވެ އަންޑަރ ސްޓާފްކޮށް ތިޔަ ތަންތަން ހިންގާހާ ހިނދަކު ދެވޭނެ ލުޔެއް ނޯންނާނެ ދޮއްތޮ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަންސިމުސިމު

15 October 2024

މި ޤައުމުގައި ވިހަނީ މިހާރު ހަމައެކަނި އަންހެން ނަރުހުން. އެހެން މީހުން އެވަރަކަށް ނުވިހާ. އެބަ ޖެހޭ ދިރާސާއެއްކުރަން. އާބާދީ ކޮންޓުރޯލުކުރަން ކިޔާފަ އެއްޗެއް ދިންތޯވެސް އެހެން ކިޔަން ފެށި ދުވަސްވަރު އޭރުގެ ދިވެހީންނަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

15 October 2024

ލޭ ނަގަންދޭ މާބަނޑު މީހުންނާއި ބައްގެ ސަބަބުން ގިނައިރު މަޑުކޮށްގެން ނުތިބެވޭ މީހުން. އެކަމަކު އެކަމަށް ޚާއްސަ ނަންބަރެއް ލިބެން ނުހުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްބޯ

15 October 2024

މަގޭ ޚިޔާލަކީ މާބަނޑުވެ ވަޒީފާއަށް ނިކުންނަން ދަތިވާ ހިސާބުން ފެށިގެން ދަރިފުޅަށް 2 އަހަރު ފުރެންދެން ހާފްޕޭ ލީވްއެއް ދިނުން. މިމުއްދަތުގެ ތެރޭގައި ވަޒީފާއަށް ނިކުންނަން ބޭނުންވާ މުވައްޒަފުންނަށް އެ ފުރުސަތު ހުޅުވާލާފަ ބޭއްވުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

15 October 2024

ތީ ދައުލަތުގެ ހުރިހާ ތަނެއްގައި ގެންގުޅެންޖެހޭ އުސޫލެއް. އަދި މިފަދަ ކަންކަމުގައި ވަކި މުައްސަސާއެއް ތަފާތު ކުރުން ނެތި ހަމހަމަ ގޮތެއްގައި ލުއި ދެވެންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކުސް

15 October 2024

ދުވަހަކު ލުޔެއް ނުދެ.ބަލަނީ އޮބި އެޅޭތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބީބާ

14 October 2024

ވާނުވާއެއްނޭނގެ. މާބަނޑު މީހުންނާއި ޅަދަރިމައިންނަށް ލުއިތަކެއް އޮތުން މުހިންމު. ނަމަވެސް ބަލިމީހުންގެ ގޮތުގައިވެސް މާބަނޑުމީހުންނާއި ޅަދަރިމައިންނާއި އަދިވެސް ބޮޑެތި ޢުޒުރުވެރިން ޚިދުމަތް ހޯދުމަށް އެބަދޭ. އެހެންކަމުން ޚިދުމަތަށް ބުރޫނާރާނެހެން ތަރުތީބުކުރުމަކީ މެނޭޖްމަަންޓްގެ މަސްއޫލިއްޔަތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލުވީގޮތް

14 October 2024

ނޭނގުނު ހަމަ އެއްގޮތަކަށްވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންދިރާ

14 October 2024

އަސްލު ބުނަން ތިއުޅެނީ މާބަނޑު އަދި ޅަދަރިމައި މުވައްޒަފުންނަށް އައިޖީއެމްއެޗުން ދިން ލުއިތައް އުވާލައިފިއޭތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާންދީ

14 October 2024

މަވެސް ހީކުރީ އެހެންކަމަށް. ބަލާލިއިރު މިއޮތީ އުސޫލު އިޔާދަކޮށްފަ. ހިތާމައަކީ މެޑިކަލް ދިރެކްތަރުން ފެށިގެން ގޮސް ހެޑުންނަށްވެސް އަންހެނުން ތިބެގެން ތިޔަ އުސޫލު އުވާލަން އުޅުން. ވިމެން އެމްޕަވަރމަންޓް ދެއްތޮ