ޕީއެޗްޑީ ގަބޫލުކުރަން އެންގި މައްސަލަ އެމްކިއުއޭއިން ސުޕްރީމް ކޯޓަށް ހުށަހަޅައިފި

ރާއްޖެއިން ބޭރުގެ ޕީއެޗްޑީ ކޯހެއްގެ ސެޓްފިކެޓް ގަބޫލުކުރަން ހައި ކޯޓުން އެންގި މައްސަލަ އެމްކިއުއޭ އިން ވަނީ ސްޕްރީމް ކޯޓަށް ހުށަހަޅާފައި.:--- ފޮޓޯ/މިހާރު

މާއިދާ މުހައްމަދު ރަޝާދު، މިހާރު

20 އޮކްޓޯބަރ 2024 - 14:31

8 comments

މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) އިން ގަބޫލު ނުކުރަން ނިންމާފައިވާ ޕީއެޗްޑީ ކޯހެއްގެ ސެޓްފިކެޓް ގަބޫލުކުރަން ހައި ކޯޓުން ހުކުމްކުރި މައްސަލަ އިސްތިއުނާފް ކުރަން އެމްކިއުއޭއިން ސުޕްރީމް ކޯޓަށް ހުށަހަޅައިފި އެވެ.

ފިލިޕިންސްގެ ކޮލެޖެއް ކަމަށްވާ، އެލްޑާސްގޭޓްގެ ސަނަދު ލިބޭ ގޮތަށް ސްރީލަންކާގެ އެއިމްސް ކޮލެޖުގައި ހިންގާ ޕީއެޗްޑީ ކޯހެއްގެ ކިޔެވުން ބަޔަކު ފެށީ 2016 ގައި އެ ކޯސް އެމްކިއުއޭ އިން ގަބޫލު ކުރާކަން އެންގުމުންނެވެ. އަދި 2018 ގައި އެ ކޯސް ގަބޫލުކުރުން އެމްކިއުއޭ އިން ހުއްޓާލިޔަސް، އެހާތަނަށް ކިޔަވަމުންދިޔަ މީހުންގެ ސެޓްފިކެޓް ގަބޫލު ކުރާނެ ކަން އެންގި އެވެ.

އެކަމަކު އެ މީހުން ކިޔަވާ ނިންމުމަށްފަހު 2021 ވަނަ އަހަރު ސެޓްފިކެޓް ވެލިޑޭޓްކުރަން ހުށަހެޅުމުން އެކަމަށް އެމްކިއުއޭ އިން ދެކޮޅު ހެދި އެވެ. އެ މައްސަލަ ތިން މީހެއްގެ ފަރާތުން ކޯޓަށް ހުށަހެޅުމުން ސިވިލް ކޯޓުން މިދިޔަ އަހަރު ނިންމީ ޕީއެޗްޑީ ސެޓްފިކެޓް ގަބޫލުކުރެވެން ނެތް ކަމަށެވެ. ނަމަވެސް އެ މައްސަލަ އެ މީހުންގެ ފަރާތުން އިސްތިއުނާފް ކުރުމުން ހައި ކޯޓުން މިދިޔަ މަހު ހުކުމްކުރީ އެ ތިން މީހުންގެ ޕީއެޗްޑީ ސެޓްފިކެޓް ގަބޫލު ކުރަން ޖެހޭނެ ކަމަށެވެ.

އެމްކިއުއޭއިން އެ މައްސަލަ އިސްތިއުނާފް ކުރަން ސުޕްރީމް ކޯޓަށް ހުށަހެޅީ މިދިޔަ ހަފުތާގަ އެވެ. އެ މައްސަަލަ ބަލައިގަތުމާ މެދު އެ ކޯޓުން ވަކި ގޮތެއް ނުނިންމަ އެވެ.

PHD gaboolu kuran MQA ge mahchah kuri hukum isthiunaafu kuranee

The most trusted news source in the Maldives

Mihaaru

އެމްކިއުއޭ އިން އެ މީހުންގެ ސެޓްފިކެޓް ގަބޫލު ނުކުރަން ނިންމިޔަސް، ދައުލަތުން ވެސް ހައި ކޯޓުގައި ވަނީ އެ މީހުންގެ ސެޓްފިކެޓް ބަލައިގަންނަން ޖެހޭ ކަމަށް ބުނެފަ އެވެ.

ސުޕްރީމް ކޯޓް މަތީ ތައުލީމު ހައި ކޯޓް މިނިސްޓްރީ އޮފް ހަޔާ އެޑިއުކޭޝަން

8 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑުބެގެ ބެއްޔާ

20 October 2024

ގޯސްކޮށްހެދި ޕީއެޗްޑީ އެއް. ގަބޫލުކުރާކަށް ނުޖެހޭ. އެކަމަކު ބަދަލެއް ދޭންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަހެރުވައް

20 October 2024

"2018 ގައި އެ ކޯސް ގަބޫލުކުރުން އެމްކިއުއޭ އިން ހުއްޓާލިޔަސް، އެހާތަނަށް ކިޔަވަމުންދިޔަ މީހުންގެ ސެޓްފިކެޓް ގަބޫލު ކުރާނެ ކަން އެންގި އެވެ." ޓާނިން ޕޮއިންޓަކީ މިއީ. ސުވާލަކީ 2018 އިން ފެށިގެން އެކޯހުގެ ސެޓްފިކެޓް ގަބޫލުކުރުން ހުއްޓާލީ ކީއްވެތޯ. އެހާތަނަށް ކިޔަވަމުންދިޔަ މީހުންގެ ސެޓްފިކެޓް ގަބޫލުކުރާނެކަމަށް ބުނެ ފަހުން ސެޓްފިކެޓްތައް ގަބޫލުނުކުރީ ކީއްވެތޯ. ސެޓްފިކެޓް ގަބޫލުކުރާނެކަމަށް އެންގީ ލިޔުމުންތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

20 October 2024

އެއްކަލަ 30 އަހަރުގެ ވެރިކަމުގަ ހެދި އެއް ގަވައިދަކީ، ރާއްޖޭންބޭރުގަ މާޝްޓާޒު އާއި ޕީއެޗުޑީ ނަގަން ދާނަމަ، ދިވެހި ސަރުކާރުގެ ހާއްސަ ހުއްދައެއް ނަގަން ޖެހުން. ހުއްދަ ނެތި، ބޭރުން މިފެންވަރުގަ ކިޔެވުންވެސް މަނާ. އަދިވެސް އެބަ ތިބި އޮކުޝްފޯޑު ޔުނިވާސިޓީން މާޝްޓާޒު ނެގި ދިވެއްސަކާއި، ލަންޑަން ޔުނިވާސިޓީން ޕީއެޗުޑީ ނެގިމީހަކު، އެ މީހުންގެ ޕީއެޗުޑީ އާއި މާޝްޓާޒު ރާއްޖޭގަ ގަބޫލެއް ނުކުރޭ. އެކަމަކު ޔޫކޭގަ ގަބޫލުކުރޭ. ކަލޭމެން ތިޔައީ މަރުކޮހުންނޭ. ޕޮސް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް + މޮޅޭ

21 October 2024

ތިދެން ކާކު ގަބޫލު ކުރާނެ ވާހަކައެއް؟ އޮކްސްފޯޑުން ނެގިއްޔާ ގަބޫލު ކުރޭ، ކުރާނެ. ކަލެތަ އަނެއްކާ؟ ގަބޫލު ނުކުރިއްޔާ ފޭކެއް ހިފައިގެން އައިމަ ނުކުރާނެ ދޯ؟ ކަލޭ ވިއްޔާ ރަނގަޅީ ގަބޫލުވެސް ނުކުރިއްޔާ. ތިއުޅެނީ މާސްޓަރސް އާއި އޮކްސްފޯޑް ވެސް ރަނގަޅަށް ލިޔަން ނޭނގިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

20 October 2024

އަހުރެންގެ އެއް ނަންބަރު ޕިޔޯނުކަމުގެ ސަނަދު ވެލިޑޭޓު ކުރަންޖެހޭނެތަ؟ ސަނަދު ނެގީ ޔޫކޭ ގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާނުވާ

20 October 2024

މިހާރު ދައުލަތާ އެމްކިއުއޭ ވަކިވީތޯ؟ އެމްކިއުއޭ ހައިކޯޓުގަވެސް ދަށުކޯތުގަވެސް ތަމްސީލުކުރީ ދައުލަތުގެ ފަރާތުން ބަންޑާރަނައިބު. ހައިކޯޓުގަ ނެގި ސްޓޭންޑް ބަދަލުވެ އިސްތިއުނާފު މިކުރަނީ އެމްކިއުއޭއިން އަމިއްލައަށްތަ؟