ޔޫޕީއައި ތައާރަފުކުރަން ކޮންސޯޓިއަމެއް ގާއިމުކުރަނީ

އިންޑިއާގެ ޔުނިފައިޑް ޕޭމަންޓް އިންޓަފޭސް ނުވަތަ ޔޫޕީއައި ރާއްޖެ އަށް ތައާރަފުކުރުމަށް ކޮންސޯޓިއަމެއް ގާއިމުކުރުމުގެ މަސައްކަތް ފަށައިފި އެވެ.

ރައީސް އޮފީހުން ބުނީ މިއަދު ބޭއްވި ކެބިނެޓްގެ ބައްދަލުވުމުގައި ރައީސް ޑރ. މުހައްމަދު މުއިއްޒު އެގޮތަށް ނިންމެވީ އިކޮނޮމިކް މިނިސްޓްރީން ހުށަހެޅި ކަރުދާހަކާ މެދު މަޝްވަރާ ކުރެއްވުމަށް ފަހު ކަމަށެވެ.

ޔޫޕީއައި ތައާރަފުކުރުމަށް ކޮންސޯޓިއަމެއް ގާއިމުކުރުމަށް ރައީސް ނިންމެވިއިރު، އޭގައި ރާއްޖޭގެ ބޭންކުތަކާއި ޓެލެކޮމް ކުންފުނިތަކާއި ސަރުކާރުގެ ކުންފުނިތަކާއި ރާއްޖޭގައި ހަރަކާތްތެރިވާ ފިންޓެކް ކުންފުނިތައް ހިމެނުމަށް އެ މަނިކުފާނު ވަނީ ކަނޑައަޅުއްވައިފަ އެވެ.

އެ ކޮންސޯޓިއަމާ ގުޅޭ ކަންކަމުގައި އިސް ދައުރެއް އަދާކުރުމަށް ރައީސް މުއިއްޒު ހަމަޖެއްސެވީ ޓްރޭޑްނެޓް މޯލްޑިވްސް ކޯޕަރޭޝަން ކަމަށް ރައީސް އޮފީހުން ބުންޏެވެ.

ކެބިނެޓްގެ މިއަދުގެ ބައްދަލުވުމުގައި ރައީސް ވަނީ ޔޫޕީއައި ގާއިމުކުރުމުގެ މަސައްކަތް ވިލަރެސް ކުރުމަށް އިކޮނޮމިކް މިނިސްޓްރީން އިސްދައުރެއް އަދާކުރާ ގޮތަށް ޓީމެއް އެކުލަވާލައްވައިފަ އެވެ. އެ ޓީމުގައި ފިނޭންސް މިނިސްޓްރީ އާއި ހޯމްލޭންޑް ސެކިއުރިޓީ މިނިސްޓްރީ އާއި މަރުކަޒީ ބޭންކް އެމްއެމްއޭ ހިމެނެ އެވެ.

މި ފަހުން ރައީސް އިންޑިއާއަށް ކުރެއްވި ފުރަމާނަ ދަތުރުފުޅުގައި އެ މަނިކުފާނު ވަނީ ޔޫޕީއައިގެ ދަށުން ރޫޕޭ ކާޑު ރާއްޖެއަށް ތައާރަފްކޮށްފަ އެވެ. ރައީސް މުއިއްޒާއި އިންޑިއާގެ ބޮޑުވަޒީރު ނަރެންދުރަ މޯދީގެ ބައްދަލުކުރެއްވުމަށް ފަހު، ދެ ބޭފުޅުން އެކުގައި ދެއްވި މީޑިއާ ސްޓޭޓްމަންޓް ފެއްޓެވުމުގެ ކުރިން ރާއްޖޭގައި، ރުޕޭ ކާޑުގެ ފުރަތަމަ ޓްރާންސެކްޝަން ހެދި މަންޒަރު ލައިވްކޮށް ދެއްކި އެވެ.

India ge UPI payment hidhumaiy Rajjey gai beynun kurevey goiy hadhaifi

The most trusted news source in the Maldives

Mihaaru

އެ ހިދުމަތް ރާއްޖޭގައި ފެށިއިރު، މީގެ ކުރިން ސިންގަޕޫރާއި ޔޫއޭއީ ފަދަ ގައުމުތަކާ އެކު ޖުމްލަ 185 ގައުމެއްގައި ރުޕޭ ކާޑު ބޭނުން ކުރެ އެވެ.

ޔީޕީއައި ޕޭމަންޓް އިންޑިއާގައި ތައާރަފުކޮށްފައި ވަނީ 2016 އިގަ އެވެ. އެއީ މޯބައިލް ފޯނު މެދުވެރިކޮށް އިންޓަ ބޭންކް މުއާމަލާތްތައް ކުރެވޭނެ އިންތިޒާމު ހަމަޖެއްސުމަށް އެންޕީސީއައި އިން އުފައްދާފައިވާ ރިއަލް ޓައިމް ޕޭމަންޓް ސިސްޓަމެކެވެ.