ވޭޕް މަނާކުރުމާ ހަމައަށް ޑިއުޓީ ބޮޑުކުރަން ފާސްކޮށްފި

މާދަމާ އިން ފެށިގެން އަންނަ މަހުގެ 15 ގެ ނިޔަލަށް ރާއްޖެ އަށް އެތެރެކުރާ ވޭޕުން ޑިއުޓީ ބޮޑުކުރުމަށް ރައްޔިތުންގެ މަޖިލީހުން މިއަދު ފާސްކޮށްފި އެވެ.

ރައީސް ޑރ. މުހައްމަދު މުއިއްޒު ނިންމަވާފައި ވަނީ ނޮވެމްބަރު 15 އިން ފެށިގެން ރާއްޖެ އަށް ވޭޕް އެތެރެކުރުން މަނާކޮށް، ޑިސެމްބަރު 15 އިން ފެށިގެން ވޭޕް ވިއްކުމާއި ބޭނުންކުރުން މަނާކުރާށެވެ. އެކަން ތަންފީޒުކުރުމަށް ގާނޫނު އިސްލާހު ކުރަން މަޖިލީހަށް ވަނީ ހުށަހަޅައިފަ އެވެ.

މަޖިލީހުން މިއަދު ފާސްކުރި އިމްޕޯޓު އެކްސްޕޯޓު ގާނޫނުގައި ވަނީ، ރޯކުރުމަކާ ނުލައި ހޫނުކޮށްގެން ބޭނުންކުރެވޭ ގޮތަށް އުފައްދާފައިވާ ހުންނަ ދުންފަތުގެ އުފެއްދުންތަކުން 50 ޕަސެންޓާއި ވޭޕް ސްޓިކަކުން 8 ރުފިޔާ ނެގުމަށެވެ. ދުންފަތުގެ އިސްތިއުމާލުކުރުމަށް ބޭނުންކުރާ އާލަތްތަކަށް އަޅާ ފްލޭވާ އާއި ކެމިކަލުން 8 ރުފިޔާ ނަގަން ވަނީ ފާސްކޮށްފަ އެވެ.

Raajje ah November 1-15 ah ethere kura vape in nagaa duty bodu kuran islaaheh hushahalhaifi

The most trusted news source in the Maldives

Mihaaru

މި އިސްލާހުތަކުގެ ސަބަބުން ދައުލަތަށް އިތުރު ހަރަދެއް ކުރަން ނުޖެހޭނެ ކަމަށާއި އެކަމަކު ބަދަލު ގެނެސްފި ނަމަ، އިމްޕޯޓު ޑިއުޓީގެ ގޮތުގައި އަންނަ އަހަރު ލިބޭ އާމްދަނީ 1.5 މިލިއަން ރުފިޔާ އަށް އިތުރުކުރެވޭނެ ކަމަށް އަންދާޒާ ކުރެވޭ ކަމަށް ބިލްގައިވެ އެވެ.

އިމްޕޯޓު ޑިއުޓީ އާއި ރޯޔަލްޓީ ރެވެނިއު މާފުކުރެވޭނެ ހާލަތްތަކަށް އިސްލާހު ގެނައުމަށް ވެސް މި ބިލުގައި ހިމަނާފައިވެ އެވެ.

އާއްމުކޮށް ސިނގިރޭޓް ފޮއްޓެއް މިހާރު ވިއްކަނީ 100-110ރ. އާ ދެމެދުގަ އަގެއްގަ އެވެ. ޑިއުޓީގެ ރޭޓުތަކަށް ގެންނަން ނިންމި ބޮޑު ބަދަލާ އެކު އެ އަގަށް 100 އެއްހާ ރުފިޔާ އިތުރުވާނެ ކަމަށް ބެލެވެ އެވެ.

ވޭޕް މަނާ ކުރުމަށާއި ދުންފަތާއި ދުންފަތުން އުފައްދާފައިވާ ތަކެތީގެ ވިޔަފާރީގެ މުއާމަލާތްކުރެވޭނެ އެންމެ ހަގު އުމުރަކީ 21 އަހަރު ކަމަށް ކަނޑައަޅަން ދުންފަތް ކޮންޓްރޯލް ކުރުމުގެ ގާނޫނަށް ވެސް އޮތީ އިސްލާހު ހުށަހަޅައިފަ އެވެ. އެ ބިލު މިވަގުތު އޮތީ ކޮމިޓީގަ އެވެ.