ޓޫރިސްޓުން އަމިއްލަ ބޭނުމަށް ގެންނަ ދުންފަތުގެ ބާވަތްތަކުން ޑިއުޓީ ނުނަގަން ނިންމައިފި

މީހަކު ދުންފަތުގެ އިސްތިއުމާލް ކުރަނީ: ޓޫރިސްޓުން އަމިއްލަ ބޭނުމަށް އެތެރެކުރާ ދުންފަތުގެ ބާވަތްތަކުން ޑިއުޓީ ނުނަގަން ވަނީ ހަމަޖައްސާފައި --- ފޮޓޯ/މިހާރު

ފާތިމަތު އަޖްފާން، މިހާރު

09 ނޮވެމްބަރ 2024 - 21:03

34 comments

ރާއްޖެއަށް އަންނަ ޓޫރިސްޓުންނަށް ވަކި މިންވަރަކަށް ދުންފަތުގެ ބާވަތްތައް ޑިއުޓީ ނުދައްކާ އެތެރެ ކުރެވޭ ގޮތަށް ސަރުކާރުން އަނެއްކާވެސް ހަމަޖައްސައިފި އެވެ.

މީގެ ކުރިން ދިވެހިންނާއި ޓޫރިސްޓުން ވެސް އަމިއްލަ ބޭނުމަށް ގެންނަ ދުންފަތުގެ ބާވަތްތައް ޑިއުޓީ ނުދައްކާ ވަކި މިންވަރަކަށް ރާއްޖެ އެތެރެ ކުރެވެ އެވެ. ނަމަވެސް މިމަހުން ފެށިގެން ސަރުކާރުން އޮތީ އެގޮތަށް ލުއި ދިނުން ހުއްޓާލައިފަ އެވެ.

ނަމަވެސް މިއަދު އަމަލުކުރަން ފެށި އާ ގަވާއިދުގެ ދަށުން، ޓޫރިސްޓުން އަމިއްލަ ބޭނުމަށް ގެންނަ ދުންފަތުގެ ބާވަތްތަކަށް ޑިއުޓީ ނުނަގާ ގޮތަށް އެތެރެކުރެވޭ ގޮތަށް އަނެއްކާވެސް ވަނީ ހަމަޖައްސައިފަ އެވެ. އެގޮތުން ޓޫރިސްޓުން އަމިއްލަ ބޭނުމަށް އެތެރެކުރާ 200 ސިގިރެޓް (އެއް ކާޓަން ސިގިރެޓް) ނުވަތަ 25 ސުއްޓާ ނުވަތަ 250 ގްރާމްް ދުންފަތުން ޑިއުޓީ ނުނަގާނެ ކަމަށް އެ ގަވާއިދުގައިވެ އެވެ.

އެގޮތަށް ބަދަލު ގެނައިއިރު، ސަރުކާރުން ވަނީ މި މަހުގެ 15 ވަނަ ދުވަހުން ފެށިގެން ރާއްޖެއަށް ވޭޕް އެތެރެކުރުން މަނާކޮށް، އަދި އަންނަ މަހުން ފެށިގެން އެ ތަކެތި ބޭނުންކުރުން މަނާކުރަން ނިންމައިފަ އެވެ. އޭގެއިތުރުން، ދުންފަތް ކޮންޓްރޯލްކުރުމާ ބެހޭ ގާނޫނަށް މިހާރަށް ވުރެ ހަރުކަށި ކުރުމަށް ބަދަލުތައް ގެންނަން ވަނީ ނިންމައިފަ އެވެ. އަދި ސިނގިރޭޓާއި ބިޑި ފަދަ ދުންފަތުގެ ބާވަތްތަކުން ޑިޔުޓީ ވަނީ މި މަހުގެ އެއްވަނަ ދުވަހުން ފެށިގެން ބޮޑުކޮށްފަ އެވެ.

މިހާރު އިސްލާހު ގެނެސްފައިވާ އިމްޕޯޓް އެކްސްޕޯޓް ގާނޫނާއެކު ސިގިރޭޓާއި ބިޑީގެ ޑިއުޓީ 50 ޕަސެންޓު ބޮޑުކޮށް، ސިނގިރޭޓަކުން ނަގާ ޑިއުޓީ 8ރ. އަށް އަދި ރޯކުރުމަކާ ނުލައި ހޫނުކޮށްގެން ބޭނުންކުރެވޭ ގޮތަށް އުފައްދާފައިވާ ހުންނަ ދުންފަތުގެ އުފެއްދުންތަކުގެ ތެރޭގައި ހިމެނޭ ފްލެވާއާއި ސްޓިކުން 50 ޕަސެންޓާއި ވޭޕް ސްޓިކަކުން ނަގާ ޑިއުޓީ 8ރ. އަށް ބޮޑުކުރަން ވަނީ ނިންމައިފަ އެވެ. އަދި އިލެކްޓްރޯނިކް ސިނގިރޭޓާއި ވޭޕްކުރުމަށް ބޭނުންކުރާ އާލާތްތަކާއި ޓޮބޭކޯ ހީޓިން ޕްރޮޑަކްޓްތަކުން ނަގާ ޑިއުޓީގެ މިންވަރު 200 ޕަސެންޓަށް ވަނީ ބޮޑުކޮށްފަ އެވެ.

އާއްމުކޮށް ސިނގިރޭޓް ފޮށްޓެއް މިހާރު ވިއްކަނީ 235ރ. އާއި 250ރ. އާ ދެމެދުގަ އަގެއްގަ އެވެ. ޑިއުޓީގެ ރޭޓުތަކަށް ގެންނަން ނިންމި ބޮޑު ބަދަލާ އެކު އެ އަގަށް 100 އެއްހާ ރުފިޔާ ވަނީ އިތުރުވެފަ އެވެ.

ރައީސް ޑރ. މުހައްމަދު މުއިއްޒު ނިންމަވާފައިވަނީ މިމަހުގެ 15 ވަނަ ދުވަހުން ފެށިގެން ރާއްޖެ އަށް ވޭޕް އެތެރެކުރުން މަނާކޮށް، ޑިސެމްބަރު 15 އިން ފެށިގެން ވޭޕް ވިއްކުމާއި ބޭނުންކުރުން މަނާ ކުރުމަށެވެ.

ވޭޕް މަނާ ކުރުމަށާއި ދުންފަތާއި ދުންފަތުން އުފައްދާފައިވާ ތަކެތީގެ ވިޔަފާރީގެ މުއާމަލާތް ކުރެވޭނެ އެންމެ ހަގު އުމުރަކީ 21 އަހަރު ކަމަށް ކަނޑައަޅަން ދުންފަތް ކޮންޓްރޯލް ކުރުމުގެ ގާނޫނަށް ވެސް އޮތީ އިސްލާހު ހުށަހަޅައިފަ އެވެ.

ދުންފަތް ޓޫރިސްޓުން ކަސްޓަމްސް ސިނގިރޭޓް ރައީސް ޑރ. މުހައްމަދު މުއިއްޒު

34 ކޮމެންޓް, 30 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރިފާމް

10 November 2024

ސިގަރެޓް އަގު އެތައް ތަނެއް ބޮޑުކުރީ..އެކަމު ޕީސްކޮޅުގެ އަގު ޕޮލިހުން އެބުނާ މަގުމަތީ އަގު 20އަހަރުވާއިރު ބަދަލުނުވޭ.. ނުލިބިގެންވެސް ނޫޅޭ..އެކަމު އެތެރެކުރުން މަނާ.ދެން ދިވެހިން ލަންކާއަށް ހިކިމަސް ގެންދާގޮތައް ބޭރުމީހުން އަންނާނީ ސިގަރެޓް ހިފައިގެން މިތަނުން ރަނަށްވުރެ އަގުބޮޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިބޯނި

10 November 2024

ޢަންނަ ކޮންމެ ޕްރެސަރަކަށް ޤަވައިދު ބަދަލް ކުރަންވެއްޖެޔާ މިކަމެއް ނުވާނެ ޓޫރިސްޓުން ލައްވާ ގެސްޓް ހައުސް ތަކުގަ ތިބޭ މީހުން ސިގިރެޓް ގެނެޔަސް ދެން ހަމަ ބަލަން ތިބެން ޖެހޭނީ އެއްމެންގެ ފޮށި ބަލާ ފާސް ކުރާނެ ތަނެއް އަދި ވަސީލަތާ މީހުނެއް ވެސް ކަސްޓަމްސް އަކު ނެތް ދެމީހުނާ ފަޅި ލައިގެން މިފަދަ ކަންކަން ކުރާނެ ގޮތެއް ބުނެދީ ބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަހީހީހީ

10 November 2024

2025 ރާއްޖޭގެ އިގްތިޞާދުގެ ޙާލަތު ވަރަށްބޮޑުތަނުން ދަށްވާނެ. މިިހާރުވެސް ބޭރުގެ އެޖެންޓްތަކުން ބުކިންގތައް ކެންސަލްކުރަން ފަށައިފި. ރާއްޖޭއަށްވުރެ އަގު ހެޔޮކޮށް މިހާރު ދުބާއީގައިވެސް ޗުއްޓީ ހޭދަކުރެވޭކަމަށް ބުނަންފަށައިފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަމްސީދާ

10 November 2024

ޓޫރިސްޓުމީހުން ޑޮމެސްޓިކް ފުލާއިޓްގަ ހިލޭ ދެވޭނެގޮތް ހަދާފަ އަމިއްލަ ގައުމުމީހާގެ ޓިޖެޓް ދެ ގުނަބޮޑުކޮށްލުން ކިހިނެއްވާނެބާ؟ ބޭނުންކުރުން ހުއްދަ އެއްޗެއްވެއްޖިއްޔާ ޓުރިސްޓުންނަށް އޮންނަ މިންވަރަށް އެންމެކުޑަވެގެން ދިވެހިންނަށްވެސް އޮންނަންޖެހޭ އަމިއްލަ ބޭނުމަށްނަމަ. 2028 ގެ ފަހުކޮޅު ހެޔޮފުޅުކަމުން ހުރިހާކަމެއް ދޫކޮށްލައިގެން ހޮވޭވަރެއްނުވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަސަބެ

10 November 2024

ބައިކުޅަބައި ކަންކަން ނުކޮށްބަލަ، ކަންކަން ރަގަޅުކުރަންޔާ ހުރިހާ މީހުންނަށްވެސް އޮންނަންވާނީ އެއްހުކުމެއް. މިސާލަކަށް ސިންގަޕޫރު. ޓޫރިސްޓުން ވިޔަސް، އާންމުން ވިޔަސް އެގައުމަށް ސިގިރޭޓް އެތެރެ އެއްނުކުރެވޭނެ. ބޯންބޭނުމިއްޔާ ޖެހޭނީ އެގައުމުން ގަންނަން. އެއީދޯ ޓެކްސް ނެގުމުގެ ބޭނުނަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުވާންމީހާ

10 November 2024

ދެން 18-21 އަހަރުގެ ޒުވާނުންނަށް ފިހާރަ ސޭޓަކަށްވެސް ނީނދެވުނީ ތި. ސިގިރޭޓް ފޮއްޓެއް ވިއްކަން އޭގަ އަތްވެސް ނުލެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރަތޭރީ

10 November 2024

ސިނގިރޭޓާއި ދުންފަތުގެ ޓެކްސް ބޮޑުކުރެއްވުމަކީ ދުޅަހެޔޮ މުޖުތަމައެއް ބިނާ ކުރުމުގެ ހެޔޮވިސްނުންފުޅުގައި އެޅުެއްވި ވަރަށް މުހިއްމު ފިޔަވަޅެއް. ނަމަވެސް ޓޫރިސްޓުންގެންނަ ސިގިރޭޓުން ޓެކްސް ނުނެގުމަކީ، ހުޅުވިގެންދާ " ލޫޕްހޯލް " އެއް..މަގްސަދު ހާސިލުކުރުމަށް ގޮންޖެހުމަކަށްވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުމްމ

10 November 2024

ރާއްޖެއަށް ފުރަތަމަ މަސްތުވާ ތަކެތި އެތެރެވީ ރިޒޯޓްތަކަށް އައި މީހުންގެ ފަރާތުން. ދެން ތިހެން ހެދީމަ އެމީހުން އަންނާނީ ކޭސް ކޭހުން ސިނގިރޭޓް ހިފައިން. އައިސް އެ ވިއްކާނީ.