ކައުންސިލްތަކުން ދެ މެމްބަރުން ވަކިކޮށްގެން ދައުލަތުގެ ބަޖެޓަށް ލުޔެއް ނުލިބޭނެ: ނިޔާޒު

އެމްޑީޕީން ރޭ ބޭއްވި ހަރުގެ ޖަލްސާގައި އަލީ ނިިޔާޒު ވާހަކަ ދައްކަވަނީ: ކައުންސިލްތަކުން ދެ މީހުން ވަކިކޮށްގެން ދައުލަތުގެ ބަޖެޓަށް ލުޔެއް ނުލިބޭނެ ކަމަށް ވިދާޅުވި. .-- ފޮޓޯ | އެމްޑީޕީ

މާއިދާ މުހައްމަދު ރަޝާދު، މިހާރު

12 ނޮވެމްބަރ 2024 - 10:33

16 comments

ކޮންމެ ރަށެއްގެ ކައުންސިލަކުން ދެ މެމްބަރުން ވަކިކޮށްގެން ދައުލަތުގެ ބަޖެޓް ކުޑަ ނުކުރެވޭނެ ކަމަށާއި އޭގެ ބަދަލުގައި އިންތިހާބު ނުކޮށް މަގާމުތައް ދީފައިވާ މީހުންގެ އަދަދު މަދުކުރަން ޖެހޭ ކަމަށް އެމްޑީޕީގެ ލާމަރުކަޒި ކޮމިޓީގެ މުގައްރިރު އަލީ ނިޔާޒު ވިދާޅުވެއްޖެ އެވެ.

އެމްޑީޕީން "ލާމަރުކަޒީ ރާއްޖެ" ނަމުގައި ރޭ ބޭއްވި ކައުންސިލަރުންގެ ހަރުގެ ޖަލްސާގައި ހުޅުމާލޭ ދާއިރާގެ ކުރީގެ މެމްބަރު ނިޔާޒު ވަނީ ޖުމްހޫރީ ދުވަހުގެ ޖަލްސާގައި ރައީސް ޑރ. މުހައްމަދު މުއިއްޒު ކައުންސިލްތަކާ ގުޅިގެން ދެއްކެވި ބައެއް ވާހަކަފުޅުތަކަށް ރައްދު ދެއްވައިފަ އެވެ.

ނިޔާޒު ވިދާޅުވީ ކައުންސިލުތަކަށް އާއިލާގެ މީހުން ހޮވާފައި ތިއްބަސް އެއީ އިންތިހާބު ކާމިޔާބުކޮށްގެން އެ މީހުންނަށް ލިބުނު މަގާމެއް ކަމަށެވެ.

"ވަރަށް ފާޑަކަށް ރައީސް ކައުންސިލަރުން މުހާތަބުކޮށް ވާހަކަ ދެއްކެވީ. ދެން ކައުންސިލަރުން އެއްވެސް ބައެއް ނޫން ގޮތަށް. 100 މީހުންގެ އަބާދީގައި ވެސް ތިބެއޭ 5 މެމްބަރުން. އޭގެ ތެރެއިން ގިނަ މީހުންނަކީ މަންމަ އާއި ބައްޕަ އާއި ކޮއްކޮއޭ،" ރައީސަށް ރައްދު ދެއްވަމުން ނިޔާޒު ވިދާޅުވި އެވެ.

ނިޔާޒު ވިދާޅުވި ގޮތުގައި މި ސަރުކާރުން 3،000 އެއްހާ މީހުންނަށް ވަޒީފާ ދީފައި ވަނީ އިންތިހާބަކާ ނުލަ އެވެ. އެ މީހުންނަށް ދައުލަތުގެ ބަޖެޓުން ބޮޑު ހޭދައެެއް ކުރަމުން އަންނަ ކަމަށް ވެސް ވިދާޅުވި އެވެ.

އެމްޑީޕީން ރޭ ބޭއްވި ހަރުގެ ޖަލްސާގައި އެ ޕާޓީގެ ބައެއް އިސްވެރިން ބައިވެރިވެވަޑައިގަންނަވަނީ..-- ފޮޓޯ: އެމްޑީޕީ

އަޅުގަނޑު މި ދަންނަވަނީ އިންތިހާބުކޮށްފައި ތިބި ބަޔަކަށް އެހާ ވަރަށް އެއްޗެހި ގޮވަން ޖެހޭ ސަބަބަކީ ކޮބާތޯއޭ." ނިޔާޒް ވިދާޅުވި އެވެ.

ކޮންމެ ރަށަކުން ދެ މެމްބަރުން ވަކިކޮށްގެން ދައުލަތުގެ ބަޖެޓަށް ލުޔެއް ނުލިބޭނެ - ނިޔާޒު

ނިޔާޒު ވިދާޅުވި ގޮތުގައި ރަށްރަށުގައި ތިބެން ޖެހޭ ކައުންސިލަރުންގެ އަދަދު މިހާރު ވެސް ކަނޑައަޅާފައި އޮތީ އާބާދީއަށް ބަލައިގެންނެވެ.

މިސާލެއްގެ ގޮތުގައި އޭނާ ވިދާޅުވީ އާބާދީ ކުޑަ، ބ. ފެހެންދޫގައި ކައުންސިލަރުން ތިބޭ އަދަދަށް ވުރެ ރ. ދުވާފަރު ކައުންސިލާއި މާލޭ ސިޓީ ކައުންސިލުގައި މެމްބަރުންގެ އަދަދު ގިނަވާނެ ކަމަށެވެ.

އެހެންވެ، ކައުންސިލުތަކުން ދެ މެމްބަރުން އުނިކޮށްގެން 30،000ރ. މަދުކުރެވުނަސް ރައީސް އައްޔަން ކުރައްވާފައިވާ ޕޮލިޓިކަލް ޑިރެކްޓަރުންގެ އަދަދު މަދުކޮށްގެން އެ މީހުންނަށް ލިބޭ ބޮޑު މުސާރައިން ގިނަ އަދަދެއްގެ ފައިސާ ސަލާމަތްކުރެވެނޭ ކަމަށް ނިޔާޒު ވިދާޅުވި އެވެ.

އެކަމަކު ސަރުކާރުން އެ މީހުންގެ އަދަދު މަދުނުކޮށް މަސައްކަތްކުރަނީ ރައްޔިތުންގެ ބާރުވެރިކަން ނިގުޅައިގަތުމަށް ކަމަށް ނިޔާޒު ވިދާޅުވި އެވެ.

އެމްޑީޕީން ރޭ ބޭއްވި ހަރުގެ ޖަލްސާގައި އެ ޕާޓީގެ މެމްބަރުން ބައިވެރިވަނީ.-- ފޮޓޯ: އެމްޑީޕީ

ނިޔާޒު ވަނީ މިސަރުކާރުން ކައުންސިލުތަކުގެ ބަޖެޓު ކުޑަ ކުރުމުން ވެސް ފާޑުވިދާޅުވެފަ އެވެ. ކައުންސިލްތަކަށް އަމިއްލައަށް ރަށްރަށުގެ މަޝްރުއުތައް ކުރިއަށް ގެންދަން އެކަށޭނެ ބަޖެޓެއް ދޭން ޖެހޭ ކަަމަށް ވިދާޅުވި އެވެ.

ސަރުކާރުން ކުރަމުން އަންނަ ކަންކަމަށް ފާޑުވިދާޅުވެ ނިޔާޒު ވިދާޅުވީ ކެމްޕެއިން ދުވަސްވަރު ރައީސް ވަނީ 186 ރަށަށް ވަޑައިގެން، އެ ރަށްރަށުގެ މީހުންނަށް ކަންތައްތައް ކޮށްދޭން ވައުދުވެވަޑައިގެންފައި ކަމަށެވެ. އެކަމަކު ސަރުކާރަށް އަހަރެއް ފުރުނު ދުވަހު ހަތް ރަށެއްގައި އާބަން ސެންޓަރު ގާއިމުކުރަން ނިންމައި، 500 އަށް ވުރެ އާބާދީ މަދު ރަށްރަށުން ބޮޑެތި އާބާދީ އޮންނަ ރަށްތަކަށް ބަދަލުކުރަން ނިންމާފައިވާ ކަމަށް ނިޔާޒު ވިދާޅުވި އެވެ.

އޭނާ ވިދާޅުވީ ކުދި ރަށްތަކުގެ މެޖޯރިޓީ ހޯދީ އެގޮތަށް ނަމަވެސް މި ކަންކަމަކީ މެނިފެސްޓޯގައި ލިޔެ، ކެމްޕެއިންގައި އިއުލާންކުރަން ޖެހޭ ކަންކަން ކަމަށެވެ. ރާއްޖެ ތަރައްގީކުރަން ވާނީ ގުދުރަތީ ގޮތުން ރާއްޖެ އޮތް ގޮތަށް ވިސްނައިގެން ކަމަށާއި ރާއްޖެ ގުދުރަތީ ގޮތުން އުފެދިފައި އޮތީ ލާމަރުކަޒީ އުސޫލުން ހިންގޭ ގޮތަށް ކަމަށް ވެސް ވިދާޅުވި އެވެ.

އެމްޑީޕީ ދިވެހި ސަރުކާރު ރަށު ކައުންސިލް ލާމަރުކަޒީ ހިންގުން އަހުމަދު ނިޔާޒް (ނިޔާ)

16 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަމަދޯ

13 November 2024

އެންޑީޕީން 2700 ސިޔާސީ ވަޒީފާ ދީފަހުރި އިރު އޯކޭ ދޯ. އޭރު ހަރަދެއް ވެސް ބޮޑެއް ނުވޭ އަދި 120 ބިލިއަނުން ރާއްޖެ ދަރުވާލި އިރުވެސް އޯކޭދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާމަސީލު

12 November 2024

އަޅުގަނޑަށް އެގެނީ އެމަދުކުރާ 200 ރަށުގެ 400 ކައުންސިލަރުންގެ ބޮޑުމުސާރައިގެ ބަދަލުގަ އެފައިސާއިން އާދައިގެ ވަޒީފާ ދީގެން 800 ވަރަކަށް އާއިލާ ކައިބޮއި އުޅޭނެކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިޔާޒުއްދީން

12 November 2024

ސިޓީތައް ފިޔަވާ ހުރިހާ ރަށަކައްވެސް ރައީސް އައްޔަނު ކުރަންވީ ރައީސަކާ ނައިބެއް. ރައްޔަތުން ހޮވަންވީ އާބާދީގެވނިސްބަތުން ރައްކުރިއަރުވާ ކޮމެޓިއެއް. މެމްބަރުން ހޮވާނީ ރަށުގަ ދިރިއުޅޭ މީހުންގެ ވޯޓުން. މެމްބަރަކައް ހޮވޭ.ކޮންމެ މީހަކައްވެސް އެލަވަންސް އެއް ދިނީމަ ނިމުނި. ޓީޗަރުން ނާ ޑޮކުޓަރުން ނަރުހުން މުދިމުން މި އެންމެންނައްވެސް ކޮމެޓީއައް ކުރިމަތި ލެވޭގޮތް އޮތިމަ ރަގަޅުވާނެ. ޢޭރުން ތިބޭނީ އިލުމީ މީހުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންނަގޮތް

12 November 2024

ތީ ވ ބޮޑު ތެދެއް. އެމްޑީޕީއިން ނެގި ލޯނުތައް ދައްކަން، މިޖެހޭ ބުރައަށް ވުރެ، އިތުރު ބޮޑު ބުރައެއް ނޯންނާނެ.. އެމްޑީޕީ ނުދައްކާ ހުރި ބިލްތައް ދެއްކުމަށް ވުރެ ބޮޑު ބުރައެއް ނޯންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރގް

12 November 2024

ގިނަކައުންސިލްތަކުގަ ގިނައީ ނާގާބިލްމީހުން ޕުރޮޖެކްޓް ޕްލޭއެއްވެސް ނުވަތަ ސްޕަވައިޒް ކޮއްލަންވެސް ނޭންގޭ ސިޔާސީ މީހުން ދެންވީ މިމީހުންނަށް 5 އަހަރުދުވަހު މިކަންދަސްކުރަންދެން، ތަޖުރިބާދަތުރު ތަކާއި، އަގުބޮޑުކޮށް ކޮންސަލްޓަންޓުން ހަޔަރ ކުރުވުމާއިން، މިއީތަ އެމްޑީޕީ ތިބުނާ ނިޒާމަކީ، އަންހެނުން ކޮމެޓީތަކެއްވެސް ހޮވާފަ ވީފައިދާއެއް ބުނެބަލަ، މަށަށް ހީވަނީ ރަށުގަ ކަތީބަކު ބަހަށްޓާ އޭނަކައިރީ ކޮންސަލްޓަންޓް ބޭތިއްބިއަސް މިކަން ކުރެވޭނޭ މާއެފިސެންޓްކޮށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްތިންސޮރު

12 November 2024

މަނިކުފާނުގެ ބޭބޭފުޅު ހުންނެވިއިރު ސިޔާސީ މަގާމު ހަމަ އެ އަދަދަށް އޯކޭ، މިހާރު ސަކަރާތް؟ 2 ކައުންސިލަރުން ރަށަކުން އުނިކުރީމަ، 190 ރަށުގެ ރޭޓުން އެ ސަލާމަތްވީ 5.7 މިލިޔަން (15000 × 2 × 190) މަހެއްގެ މައްޗަށް. އަހަރަކަށް 68.4 މިލިޔަން. އެއީ ކުޑަ ރަށެއްގެ އެތައް ޕްރޮޖެކްޓެއް. އެ އަދަދަށް ވަރަށް ކަންކަންވާނެ، ކުރަން އެނގިއްޖެއްޔާ.... މުއިއްޒަށް ވޭތޯ ބަލަމާ. ނުވިއްޔާ 2026 ގަ ލޯކަލް ކައުންސިލް އިދިކޮޅަށް ލިބޭނެ. 2028 ޔަގީންވީ މަނިކުފާނަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެއްފަސްކުރުމަށް ތާއީދު

12 November 2024

ބަލަ އެއްފަސްނުކޮށް މިގައުމު ތަރައްގީ ނުކުރެވޭނެ ކަލޭމެންވެސް މިގައުމުގައި ވެރިކަން ކޮށްފި 5 އަހަރު އެޅެނީ މަށިކޯޓަކާ ހެލްތް ޕޯސްޓެއް އެވަރު ވާއިރުވެސް ދައުލަތް އޮންނަނީ ދަރާ އަޅިއަށްވެފަ އަދި މިކިޔަނީކީ އިންސާނުންނަށް އެތަނެއްގަ އުޅޭވޭވަރު ހިދުމަތެއްގެ ވާހަކައެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު..

12 November 2024

ހަހަހާ މަހީހީހީހީހީހީ ހަލާކުވެއްޖެ ކޮމެންޓްތައް ފެނިފަ. ނިޔާޒަށް މިކޮމެންޓްތައް ދައްކާލަދޭނެ ކުއްޖެއް ނެތް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބ‫ިރޭ

12 November 2024

އެޗްޑީސީ ތެރެއިން ކާލި ހުރިހާ ފައިސާއެއް ދެއކީމަ ބަޖެޓަށް ލުއިވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

12 November 2024

މިއަދު ތިވާހަކަދެއްކިޔަސް އަޑުއަހާނެ އިތުރު ބަޔަކު (ރޫޅިފައިވާ އެމްޑީޕީގައިތިބި ކުދިންކޮޅު ފިޔަވާ) ވާނެހެނެއް ހީއެއްނުވޭ. މައުމޫނުގެ ވެރިކަން ބަދަލުކުރާން މަރަށް ފުރާނައަށް ބެލުމެއްނެތި ޖާނާއި މާލުދީފައި ނިކުތް މީހުން މިހާރުތިބީ "ނިޔާމެންގެ ޕާޓީއާއި އެކުގައި" ސިޔާސީ އެއްވެސް މަސައްކަތެއްގައި ބައިވެރިވާކަށްނޫން. އާރާއި ބާރުވެރިކަން ޕާޓީއަށް ދިނުމުން އެމްޑީޕީގެ ފަރާތުން ކަންކަން ކުރިގޮތް އަހަރުމެނަށް ފެނިގެން ހިގައްޖެ. ދެން ތިވާހަކަ ނުދައްކާ.