ވިޔަފާރި / އަހުމަދު މުނައްވަރު (ގަވަރުނަރު)

ބަޖެޓް ސަޕޯޓަށް ބޭރުން ލޯނު ނުލިބިއްޖެނަމަ ރިޒާވަށް އަސަރު ކުރާނެ: މުނައްވަރު

ގަވަރުނަރު މުނައްވަރު ބަޖެޓު ކޮމިޓީގައި ވާހަކަދައްކަވަނީ: ބަޖެޓް ސަޕޯޓަށް ބޭރުގެ ފައިނޭންސިން ނުލިބޭނަމަ ދައުލަތުގެ ރިޒާވަށް އަސަރު ކުރާނެ ކަމަށް އޭނާ ވިދާޅުވި --- ފޮޓޯ: ނިޝާން އަލީ / މިހާރު

ފާތިމަތު ޝަނާ މުހައްމަދު، މިހާރު

14 ނޮވެމްބަރ 2024 - 16:33

14 comments

އަންނަ އަހަރުގެ ބަޖެޓް ފައިނޭންސިން އަށް 766 މިލިއަން ޑޮލަރު (12 ބިލިއަން ރުފިޔާ) ހޯދަން ޖެހޭއިރު، އެ ފައިސާ ނުލިބިއްޖެ ނަމަ ރިޒާވަށް އަސަރު ކުރާނެ ކަމަށާއި އެކަމަށް މާލީ ރިފޯމްގެ މަސައްކަތް ވަރަށް މުހިއްމު ކަަމަށް ގަވަރުނަރު އަހުމަދު މުނައްވަރު މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ ބަޖެޓް ކޮމިޓީގައި ގަވަރުނަރު މުނައްވަރު ވިދާޅުވީ ސަރުކާރުން ރާވާފައިވާ ގޮތަށް ރިފޯމް މަސައްކަތް ކުރިއަށް ގެންގޮސް، ރިޒާވް އިތުރަށް ބޮޑުވާނެ ގޮތެއް ހޯދަން ޖެހޭ ކަމަށެވެ. އަދި ރާއްޖޭގެ ރޭޓިން ދަށްވުމުން ބޭރުން ފައިނޭންސިން ހޯދުމަށް ބޮޑު ދަތިތަކެއް ދިމާވާނެ ކަމަށް އޭނާ ވިދާޅުވި އެވެ.

މުނައްވަރު ވިދާޅުވީ ރިޒާވް އިތުރު ނުކުރެވޭނަމަ ރޭޓިން ކުންފުނިތަކުން ރާއްޖެއަށް ރަނގަޅު ރޭޓިންއެއް ނުދޭނެ ކަމަށެވެ.

ބަޖެޓު ކޮމިޓީގައި ބައެއް މެންބަރުން. އަންނަ އަހަރަށް 57 ބިލިއަން ރުފިޔާގެ ބަޖެޓެއް ވަނީ މަޖިލީހަށް ހުށަހަޅާފައި -- ފޮޓޯ: ނިޝާން އަލީ / މިހާރު

"ބޭރުގެ ފައިނޭންސިން ހޯދަން މަސައްކަތްކުރާ ފައިސާތައް ހޯދިގެން ޕްރޮޖެކްޓްތައް ފެށިގެން ދިއުން މުހިއްމު. އެހެން އަހަރުތަކެކޭ ވެސް އެއްގޮތަށް ޑޮމެސްޓިކް ފައިނޭންސިން އިން ހޯދަން ވަރަށް ބޮޑު އަދަދެއް އެބަ އޮތް،" އޭނާ ވިދާޅުވި އެވެ.

އަންނަ އަހަރުގެ ބަޖެޓުގައި ޑޮމެސްޓިކް މާކެޓުން ހަތް ބިލިއަން ރުފިޔާ ހޯދަން ހިމަނާފައިވެ އެވެ.

މުނައްވަރު ވިދާޅުވީ ޑޮމެސްޓިކް މާކެޓުން ބޮޑު އަދަދެއް ހޯދަން ޕްލޭން ކޮށްފައި އޮތް ނަމަވެސް އެމްއެމްއޭ މެދުވެރިކޮށް އެ ފައިސާ ހޯދުމަށް ބަޖެޓުގައި ނެތުމަކީ ރަނގަޅު ކަމެއް ކަމަށެވެ. އޭނާ ވިދާޅުވީ ކުރިއަށް އޮތް ތަނުގައި ވެސް އެމްއެމްއޭއަށް ބަރޯސާ ނުވެ، ދައުލަތުގެ ހަރަދުތައް ހަމަޖައްސަން ރޭވުން މުހިއްމު ކަމަށެވެ.

އަންނަ އަހަރުގެ ބަޖެޓް ފައިނޭންސިންގެ ގޮތުގައި 19 ބިލިއަން ރުފިޔާ ހޯދަން ވަނީ ކަނޑައަޅައިފަ އެވެ. އޭގެ ތެރެއިން 6.6 ބިލިއަން ރުފިޔާ ހޯދަން ހަމަޖެހިފައިވަނީ ބޭރުގެ ބޭންކްތަކުންނެވެ.

ދައުލަތުގެ ބަޖެޓް އެމްއެމްއޭ އަހުމަދު މުނައްވަރު (ގަވަރުނަރު) ދައުލަތުގެ ބަޖެޓް 2025 އިގްތިސާދު

14 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައްސިދަ

14 November 2024

ކެންޕޭނުގައި ވީވައުދުތައްގިނަކަމުން ރައްޔިތުންނައްހީވީ މިގައުމުގެ ޚަޒާނާ ފުރިބަންޑުންވަނީޔޭ. ވެރިކަން ލިބުމުންވެސް ހޭބޯނާރާ ސުރިހީތައްހެދުމާ މޮޅު ބައިސާކެނޑުމުގަ، އެންމެފަހުން ޓެކޮސްތައްބޮޑުކޮއް އާސަންދަޔާ ސަބޮސިޓީތައްވެސް ސަލާންޖަހަންޖެހޭ ސިސްޓަމައް ބަދަލުވެނިމުނީ، މިވަރުންވެސް އިސްރާފުކުޑަކޮއް ސިޔާސީވަޒީފާތައް މަދުކުރުމުގެވިސްނުމެއްނެތް، އިތުރައްދަރުވާލާ ބަނގުރޫޓްކޮއްލެވޭތޯ އަވަދިނެތި ތެލިފޮޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤައުމިއްޔަތު

14 November 2024

ފެހިބޮކި ތަޅައިގެން ދިޔައީ ދެއްތޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަކަމީހާ

14 November 2024

ބަލަ އިކޮނޮމިކް މިނިސްޓަރު ކިޔަނީ އެހެން ލަވައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައިކައި

14 November 2024

ބަލަ ވެރިކަން ހޯއްދަވަން އުޅުއްވި އިރު ރައީސް ބުނީ ރާއްޖެ ދަތިތަކުން ސަލާމަތް ކޮށް ޓެކްސް ބޮޑު ނުކުރާނެ ކަމަށް؟؟ މިހާރު މިލައިގެން އުޅެނީ ކޮންކަމެއް؟؟ ސަރުކާރު ހަނދާން ބަލީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބްސް

14 November 2024

ބޮޑު ސުވާލަކީ މިވަރު ވާއިރުވެސް ސަޔާސި ވަޒީފާތަށް މަދުކުރަނީޔޭ ކިޔައިގެން އޮޅުވާލައިގެންވެސް އެމީހުން ހަމަ ބޮލަށްލައިގެން ގެންގުޅެންޖެހޭ ހެއްޔޭ. މިނިސްޓްރީތަށް އެކަންޏެއް ނޫނޭ ސަރުކާރުހިއްސާވާ ކުަންފުނިތަކުގައިވެސް މިއެއްޗެހިތަށް ބައިވަރު. މަދުވެގެން 30 ހާސް ދޭންޖެހޭ. މިހުރީ ހަމަ ދައުލަތަށް އުފުލަން ޖެހޭ ބުރަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަސދފ

14 November 2024

ކެންޕެއިންގަ ބުނީ ތިހިނެއްނޫން.. ހުރިހާ ފައިސާއެއް ހަމަޖެހިނިމިފަ ހުރި ކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

14 November 2024

ގައުމައް ލިބޭވަރައް ބަޖެޓު ހަދާ މިއައްވުރެ ކުޑަކޮއް އާންމުދަނީ ލިބުންއިރުގަވެސް ރައްތަކުގަ ދިރިއުޅުން ރަސްމާލެ ހުވަފެނުގަ ގައުމު ދަރުވާނުލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާ،،،

14 November 2024

ކުރީގެ ރައީސުންނާ ކުރީގެ މަޖްލިސް މެމްބަރުންނަށް ދޭ އިނާޔަތް ކަނޑާލީމާ ތި ބައި ލިބޭނެ. މި ސިޔާސީ މީހުންނާއި ހެދި ނިކަމެތި ރައްޔިތުމީހާ ހަނާވަނީ. ނުޖެހޭ ރައްޔިތުމީހާ ބިކަ ކޮއްފަ، ވެރިން އުމުރު ދުވަހަށް ބަލަހައްޓާކަށް. ގާނޫނު ހަދާ މަޖިލީހަށް ވަދެވުނީމަ މި އިއްޒަތްތެރި ބޭފުޅުންވެސް ތިބެނީ ތިމާމެން ހޮވި ރައްޔިތު މީހާ ބޮލައް ފައިން އަރަން ތައްޔާރަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން

14 November 2024

ކުދިންނޭ މަތިފަޑި ކުޑަކޮށް އެއްކަމެއްކުރާ ސަރުކާރުގެ ވުޒާރާތައް މަދު ކޮށްބަލަ ނޫނީ އެއްކޮށްލަބަލަ ، މިސާލަކަށް ޔޫތު ، ސުޕޯޓްސް މީ 4 ލައްކަ މީހުން އުޅޭ ޤައުމެކޭ ،، ސިޓީ ތަކާ ބެހޭ ވުޒާރާއެއް ބޭނުމެއްނޫން ކައުންސުލްތަކުން ކަމާ ގުޅޭ ވުޒާރާ އަކާ މުޢާމަލާތު ކުރާނީ ، ލޭޔަރުތައް ގިނަވާވަރަކަށް ސުޕީޑް ލަސްވެ ޚަރަދު ބޮޑުވާނީ ، އިފެސެންޓް ކޮށްބަލަ ،