މަރުކަޒީ ބޭންކު، މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ މުވައްޒަފެއްގެ ޒާތީ މައުލޫމާތުތަކެއް ސޯޝަލް މީޑިޔާގައި ލީކުވި މައްސަލައެއް ބަލަމުން އަންނަ ކަމަށް އެ އޮތޯރިޓީން ބުނެފި އެވެ.
އެމްއެމްއޭގެ އިސް މުވައްޒަފެއްގެ ވަޒީފާ އާ ބެހޭ ޒާތީ މައުލޫމާތުތަކެއް މި ހަފްތާގެ ތެރޭގައި ސޯޝަލް މީޑިޔާގައި ވަނީ ލީކުވެފަ އެވެ.
އެކަމާ ގުޅިގެން އެމްއެމްއޭ އިން މިއަދު ބުނީ، މުވައްޒަފުންގެ ޒާތީ މައުލޫމާތަކީ އެ އޮތޯރިޓީން ރައްކާތެރިކުރަން ބޭނުންވާ މައުލޫމާތު ކަމަށެވެ.
އެހެންކަމުން އެ މައުލޫމާތު ލީކުވި މައްސަލަ، އެމްއެމްއޭގެ އިންޓާނަލް އޮޑިޓުން ބަލަމުން އަންނަ ކަމަށް އެ އޮތޯރިޓީން ބުންޏެވެ.
"އަދި މިކަމާ ގުޅޭ ބައެއް ކަންކަމުގައި މޯލްޑިވްސް ޕޮލިސް ސާވިސްގެ ފަންނީ އެހީތެރިކަން ވަނީ ހޯދާފައި،" އެމްއެމްއޭ އިން ބުންޏެވެ.
