ރައްޔިތުންގެ މަޖިލިސް: ދަރިންގެ ހަރަދަށް ދޭ 2000ރ. ބޮޑުކޮށްދޭން ގަލޮޅު އުތުރު ދާއިރާގެ މެމްބަރު މުހައްމަދު އިބްރާހިމް (ކުޑޫ) ވަނީ މަޖިލީހުގައި އެދިވަޑައިގެންފައި.
25 ނޮވެމްބަރ 2024 - 19:35
36 comments
ދެމަފިރިން ވަރިވުމަށް ފަހު، ދަރިންގެ ހަރަދަށް ދޭ 2،000ރ. ބޮޑުކޮށްދިނުމަށް ގަވާއިދަށް ގެންނަން ޖެހޭ ބަދަލުތައް ގެނައުމަށް ރައްޔިތުންގެ މަޖިލީހަށް ހުށަހަޅައިފި އެވެ.
އެ އިސްލާހު ގެނައުމަށް ހުށަހެޅުއްވީ ގަލޮޅު އުތުރު ދާއިރާގެ އެމްޑީޕީގެ މެމްބަރު މުހައްމަދު އިބްރާހިމް (ކުޑޫ) އެވެ.
ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އަށް ފޮނުއްވި ސިޓީގައި އާއިލާއާ ބެހޭ ގާނޫނުގެ 72 ވަނަ މާއްދާގެ ދަށުން އެކުލަވާލާފައިވާ ގަވާއިދާ ހަވާލާ ދެއްވައި ކުޑޫ ވިދާޅުވީ، ކުއްޖާގެ އުމުރުން 18 އަހަރު ފުރެންދެން އެ ކުއްޖާގެ ހަރަދަށާއި ކުއްޖާ ބެލުމުގެ ހަރަދަށް، އެއް ކުއްޖަކު ހުރި ނަމަ 2،000ރ. އަދި އެއް ކުއްޖަކަށް ވުރެ ގިނަ ކުދިން ތިބި ނަމަ އިތުރުވާ ކޮންމެ ކުއްޖަކަށް 1،000ރ. އަށް ވުރެ މަދު ނޫން އަދަދެއް ދޭންވާނެ ކަމަށް ކަނޑައަޅާފައިވާ ކަމަށެވެ.
ހަރަދުގެ ގޮތުގައި ކުއްޖާ އަށް ދޭ ފައިސާގެ އިތުރުން ކޮންމެ ދަރިއަކަށް އަހަރަކު ތިން ހެދުމާއި ކިޔަވައިދިނުމުގެ ހަރަދުގެ ގޮތުގައި އަހަަރަކު ދެ ޔުނިފޯމާއި އެއް ބޫޓާއި ފޮތް ލިސްޓާއި ކިޔެވުމަށް ބޭނުންވާ އެހެނިހެން ތަކެއްޗާއި ބޭސް ފަރުވާގެ ހަރަދު ވެސް ދޭން ޖެހޭ ކަމަށް ގަވާއިދުގައި މިހާރު ބަޔާން ކޮށްފައި ވެ އެވެ.
އެ ހަރަދު ދިނުމުގައި ބަލަނީ ސަރުކާރުގެ ބޭސް ފަރުވާ ކޮށްދޭ މަރުކަޒުތަކުގެ ރޭޓަށް ކަމަށާއި އެކަމަކު ކުއްޖާގެ ހާލަތާއި ބައްޕަގެ ތަނަވަސްކަމުގެ މައްޗަށް ރިއާޔަތްކޮށް އިތުރު ހަރަދުތައް ވެސް ނެގިދާނެ ކަމަށް ގަވާއިދުގައި ބަޔާންކުރާ ކަމަށް ކުޑޫ ވިދާޅުވި އެވެ.
ނަމަވެސް ކުޑޫ ވިދާޅުވީ ހިދުމަތްތަކާއި ތަކެތީގެ އަގު އިންތިހާ އަށް އުފުލިފައިވާއިރު ހަމައެކަނި މަހެއްގެ މައްޗަށް 2،000ރ. އަކީ ދަރީންގެ ހުރިހާ ހަރަދެއް ފުއްދޭ ވަރަށް ވުރެ މާ ބޮޑަށް ވެސް ކުޑަ އަދަދެއް ކަމަށެވެ.
"އެންމެ ކުޑަމިނުން ސްކޫލު ފީ އާއި ޓިއުޝަން ފީތަކަށް އެކަނި ވިޔަސް 2،000ރ. އަކުން ނުފުއްދޭނެ އެވެ. ކުޑަކުދިންނަށް ކާންދޭ ތަކެތީގެ އިތުރުން ނެޕީގެ ހަރަދުތަކަށް އެކަނި ބެލިޔަސް މި ފައިސާ އިން ނުފުދޭނެ އެވެ،" އެ ސިޓީގައި ކުޑޫ ވިދާޅުވި އެވެ.
އޭނާ ވިދާޅުވީ ގަވާއިދުގައި އެ އަދަދު ބަޔާންކޮށްފައި އޮންނާތީ ކޯޓުގެ ދިގު މަރުހަލާތަކަށް ފަހު ވެސް ލިބެނީ ހަމަ އެ އަދަދު ކަމަށެވެ. އޭގެ ސަބަބުން ރޫޅިފައިވާ އާއިލާތަކާއި އެކަނިވެރި މައިންނަށް އުނދަގޫ ކަމަކަށްވެފައިވާ ކަމަށް ކުޑޫ ވިދާޅުވި އެވެ.
އެހެންވެ، އޭނާ އެދިވަޑައިގަތީ ވަނީ ރައްޔިތުންގެ މަޖިލީހުގެ ގަވާއިދު ކޮމިޓީ މެދުވެރިކޮށް، ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީގެ ކަމާ ބެހޭ ބޭފުޅުންނާ ބައްދަލުކޮށް އެ ގަވާއިދަށް އިސްލާހީ ހެޔޮ ބަދަލުތަކެއް ގެނެވޭނެ ގޮތްތައް ފަހިކޮށްދިނުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކރސނ
27 November 2024
މިކޮމެންޓް ސެކްޝަނުންވެސް އެނގެނީ ދިވެހި ފިރިހެނުންގެ ދަހިވެތިކަމާ އަމިއްލަ އެދުމުން ފޯވެ، އަންހެނުންނަކީ ދަށް ބައެއްކަން ދައްކަން މަސައްކަތްކުރާ ވަރު. ކަލޭމެން ދެކޭ ގޮތުގަ އަންހެންމީހާ 2000 ރުފިޔާ އަށް އުޅެނީ ހިލޭފިރިހެނުން ގޮވައިގެން ޑުބާއީގަ.
ކަރާސީނު
27 November 2024
ބަލަ ބޭފުޅާ! 4 މީހުންނާ އިނދެ، 4 މީހުން ކައިރިން ވަރިވެފައި، އެއިން ކޮންމެ ފިރިހެނަކަށް ދަރިއަކު (ޝަރުއީ ގޮތުން ލައްވާފައި) ހޯދައިގެން(އަދިވެސް 18 އަހަރު ނުވާ)، ކޮންމެ ފިރިހެނެއް އަތުން 2000ރ، ޖުމްލަ 8000 ރުފިޔާއާއި އެކު، އެކަނިވެރި މައިންނަށް ލިބޭ ފައިސާވެސް ނަގާ އަންހެނުން އަހަރެމެން ލޯމަތީގައި އުޅޭތީ ދެކެމު.
ކުޑަބޮޑު
26 November 2024
އާންމުން ދޭންޖެހޭ ޢަދަދުތައް ބޮޑުކޮށް، ދައުލަތުން ދޭ އެއްޗެއް ކުޑަކުރުން ނޫންކަމެއް ނުވޭ މިވެރިންނަށް.
ކަރާސީނު
26 November 2024
ވަރި ގިނަކުރުމަށް އުޅޭ ބައެއް. ދެން 3 ނޫނީ 4 ވަރަކަށް ކުދިން ތިބި އަންހެންވެރިން، އެކަނިވެރި މައިންނަށްވީމަ، ސަރުކާރުން ބައެއް، އަދި ދަރިންގެ ބައްޕަ އަތުން، މުސާރައަކާއި އެއްވަރު އަދަދެއް ނެގީމަ ކިހާ ސަޅި ދޯ؟
ކރސނ
27 November 2024
ލޮލް. 3 ނުވަތަ 4 ދަރިން ހޯދީ އަންހެންމީހާ އެކަނިތަ؟ ބަލަ ދަރިން ހޯދި އިރު ނޭގޭތަ ތިމާގެ ދަރިންނަށް ކުރަންޖެހޭ ހުރިހާ ޚަރަދެއް ވާޖިބުވަނީ ތިމާއަށްކަން؟ އަދި މުސާރައާ އެއްވަރު ޚަރަދެއް އެކުދިން ބަލަންދާނެކަން؟
ޗަނބޭލީ
26 November 2024
ދަރިޔެއް ހޯދުމަކީ މިހާރު ދެން ބޮޑު އަދަބަކަށް މިޔޮށްގެން ވަނީ ނޫންތަ؟
މޫސަ ކަތީބު
26 November 2024
ކޮބާ ފިރިންގެ އިނާޢަތް؟ ހުރިހާ ހައްޤެއް އަންހެނުންނަށް. ފިރިންނަށް ލިބޭ އާމްދަނީ ހުރީ މީގެ 10 އަހަރުވެސް ހަމަ ހުރިވަރުގަ. ދިރިއުޅުމުގެ ޚަރަދުދިޔައީ އިންތިހާއަށް މައްޗަށް. ނަމަވެސް އާމްދަނީ ހަމައެއްވަރެއްގަ. ކޮބާތޯ އިންސާފަކީ؟ ހިތައްއެރީމަ ހިތައް އެރިވަރަކަށް ތިބޮޑުކުރަނީ؟ އާމްދަނީ އިތުރުވާނެގޮތްތަކެއް ފުރަތަމަ ހޯދަދީ. ހީވަނީ މިމަޖިލިސް މެންބަރުންގެ ޖީބުންހެން މިވެސް މިދަކަދެނީ
ބަބްސް
26 November 2024
ވ. ރަނގަޅު ކަމެއް .. އެކަމަކު " ސްކޫލު ފީ އާއި ޓިއުޝަން ފީތަކަށް " މިއީ ކޮންމެހެން ކުރަންޖެހޭ ޙަރަދެއް ނޫން. ސަރުކާރު ސްކޫލު ތަކަށް ފީދައްކާކަށް ނުޖެހޭ ، ދެން ޓިއުޝަން އެއީ މަޖްބޫރު ކަމެއް ނޫން. މައްސަލަ އަކީ ދިރިއުޅުމުގެ ޙަރަދު ބޮޑުވުން.
ކރސނ
27 November 2024
ދިވެހި ފިރިހެނުން ވަރިވުމަށްފަހު އޭނާގެ އަމިއްލަ ދަރިންނަށްވުރެ ދޮންދަރިންނަށްވެސް ހެޔޮވާނެ. ޢެއީ އާ އަނބި ހައްލަން.
ކަރީމު
26 November 2024
ކީއްވެބާ 05 ފަސްއަހަރު ހުރިހާ ބާރަކާ އެކު ތިބިއިރު މިއިން އެއްވެސް ކަމެއް ކުރަން ނުހަށަހެޅި
ކރސނ
27 November 2024
1400 އަހަރުކުރިންވެސް އޮންނަނީ ދަރިންގެ ހުރިހާ ޚަރަދެއް ބައްޕައިންނަށް ވާޖިބުވެފަ. 4 އަނބިންގެ ސުންނަތްމަތިން އެކަނި ދޯ ހަނދާން ހުންނަނީ
ހަސަންދީ(ލ)
26 November 2024
ބައެއްފަހަރު ހިތާވެގެން އުޅޭ ގޮއްޔެ އާދޭސްކުރާވަރުންވެސް ތިބާވަތުގެ އެދުންތަކަށް އެދެވޭ ފިރިހެނުންނަށް، އެހެން ނޫނަސް ދަރިއަކީ ދެމީހުންގެ ދަރި، ދެމީހުން ޚަރަދުވެސްކުރަންވާނީ! މީގެ ބަދަލުގައި މިހާރު ދޭން އޮންނަ 2000ރ ބަރާބަރަށް ލިބޭނެ އިންތިޒާމެއް ހަމަޖެއްސިއްޔާ މާރަނގަޅު، އިއްޒަތްތެރި މެންބަރު ހިތާވެގެން އުޅުއްވާ ގޮއްޔެގެ ކުރީގެ ފިރި އެބަދޭތާ 2000ރ ގަވާއިދުން، އެނުދޭ ބަފައިން ގިނައީ! ސިކުނޑިން ނުވިސްނާ ބޮލުން ވިސްނީމާ ވާނީ ތިހެން!
ބަލަންޖެހޭ ކަމެއް
26 November 2024
ސަރުކާރު ވަޒީފާ އެއްގަ އުޅެންޏާ އެކަނިވެރި މައިންގެ ރުފިޔާ ނުލިބޭ. މަ ދަންނަ މީހެއް 3 ދަރިން ތިބި މީހެއް. ކުދިންގެ ބައްޕަ ދެނީ 4000 ރުފިޔާ. މުސާރައަށް މި ލިބެނީ ކިރިޔާ 10000 ރުފިޔާ. އެކަނިމާ އެކަނި ގޭގެ ޚަރަދުތަކާ ޓިއުޝަނާ ދަރިންގެ ދެން ކުރަންޖެހޭ ޚަރަދުތައްވެސް ހަމަޖައްސަންޖެހެނީ އެއިން.. ބައްޔެއް ވެއްޖެއްޔާ ގިނަ ފަހަރު ފުރައިގެން ދާންޖެހެނީ އެހެން އަތޮޅެއްގެ ހޮސްޕިޓަލަށް. މަޖިލިސް މެންބަރަށް 65 ވެފަ ހުރިއްޔާ 5000 ރުފިޔާ ލިބޭ
ތޮލާލް
26 November 2024
ކޮބާތަ އެކަނިވެރި މައިންނައް ދޭ އުޖޫރަ ؟؟؟؟؟؟