ރިޓަޔަމެންޓް ޕެންޝަނަށް ބަދަލު ގެންނަނީ މުވައްޒަފުންގެ މެދުގައި އެއްހަމަކުރަން: ފިނޭންސް

އޮޑިޓަ ޖެނެރަލް 2015 ގައި ވެސް ލަފާ ދެއްވާފައި ވަނީ ޑަބަލް ޕެންޝަން ނުލިބޭ ގޮތަށް ޕެންޝަން ނިޒާމު ބައްޓަން ކުރުމަށް.

ރިޓަޔަމެންޓް ސްކީމަށް ބަދަލު ގެންނަނީ އެއް ހަމަ އުސޫލެއް ގެންނަން ކަމަށް ފިނޭންސް މިނިސްޓްރީން ވަނީ ބުނެފައި -- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

01 ޑިސެމްބަރ 2024 - 10:09

90 comments

ސަރުކާރުގެ ވަކިވަކި އިދާރާތަކުން ހިންގާ އަމިއްލަ ރިޓަޔަމެންޓް ސްކީމުގެ ތެރެއިން، ވަޒީފާ އިން އަލަށް ރިޓަޔާވާ މުވައްޒަފުންނަށް މަހުން މަހަށް ދޭން ކަނޑައަޅާފައިވާ އެލަވަންސްތައް ނުދޭން ނިންމަނީ ދައުލަތުގެ މުވައްޒަފުންގެ މެދުގައި މިހާރު އޮތް ހަމަހަމަ ނޫން ނިޒާމު ބަދަލު ކުރުމަށް ކަމަށް ފިނޭންސް މިނިސްޓްރީން ބުނެފި އެވެ.

އެ މިނިސްޓްރީން ބުނީ، ހުރިހާ މުވައްޒަފުން ހިމެނޭ އަސާސީ ޕެންޝަން ނިޒާމާއި އޭގެ ބޭރުން، ވަކިވަކި މުއައްސަސާތަކުން ހިންގާ ޕެންޝަން ސްކީމުގެ ދަށުން ގަނޑުކޮށް އަދި ހިދުމަތުގެ މުއްދަތަށް ބަލައިގެން މަހުން މަަހަށް މުޅި އުމުރަށް ފައިސާ ދިނުމަކީ "ޑަބަލް ޕެންޝަން" ދިނުން ކަމަށެވެ. އެ މިނިސްޓްރީން ބުނީ، ޕެންޝަން ނިޒާމު އެއްހަމަކޮށް، ބައެއް މުވައްޒަފުންނަށް ދެ ޕެންޝަން ނުލިބޭ ގޮތަށް ދައުލަތުގެ ޕެންޝަން ނިޒާމު ބައްޓަން ކުރުމަށް މާ ކުރިން ވެސް ސަރުކާރަށް ލަފާ ލިބިފައިވާ ކަމަށެވެ.

އޮޑިޓަ ޖެނެރަލް 2015 ގައި ނެރުއްވި ހާއްސަ އޮޑިޓް ރިޕޯޓުގައި ވެސް ސަރުކާރަށް ވަނީ އެ ގޮތަށް ލަފާދީފައި ކަން ފިނޭންސް މިނިސްޓްރީން ފާހަގަކުރި އެވެ. އޮޑިޓަ ޖެނެރަލް އޭރު ލަފާ ދެއްވާފައި ވަނީ ޕެންޝަން ނިޒާމު ހާމަނައިޒްކޮށް، ޑަބަލް ޕެންޝަން ނުދެވޭނެ ގޮތަކަށް ޕެންޝަން ނިޒާމު ބައްޓަން ކުރުމަށެވެ.

އެ ސްކީމު ހުއްޓާނުލައި، މިހާރު ދޭ އުސޫލުން ޕެންޝަން ދޭ ނަމަ 2030 ވަނަ އަހަރު ދައުލަތުގެ ބަޖެޓުން 4.3 ބިލިއަން ރުފިޔާ ހޭދަވާނެ ކަމަށް އެ ރިޕޯޓުގައި ވެ އެވެ.

އަމިއްލަ ރިޓަޔަމެންޓް ސްކީމު ހިންގާ ދައުލަތުގެ އިދާރާތަކުގެ މުވައްޒަފުންނަށް މަހުން މަހަށް ލިބޭ އަދަދު އަންނަ އަހަރުގެ ޖެނުއަރީ މަހުން ފެށިގެން ކަނޑާލުމަށް ނޭޝަނަލް ޕޭ ކޮމިޝަންގެ ރައީސް އަދި ފިނޭންސް މިނިސްޓަރު މޫސާ ޒަމީރު ސޮއިކުރައްވައި އިދާރާތަކަށް ސިޓީއަކުން ވަނީ އަންގަވައިފަ އެވެ.

އެ މިނިސްޓްރީން ބުނީ، ދައުލަތުގެ ބަޖެޓުން މުވައްޒަފުންގެ ކޮންޓްރިބިއުޝަނެއް ނެތި ހިންގާ ސްކީމަކީ އިންސާފުވެރި ނިޒާމެއް ނޫން ކަމަށާއި އެހެން ރައްޔިތުންނަށް ނުލިބޭ މަންފާތަކެއް ލިބޭގޮތަށް ބައްޓަން ކޮށްފައިވާ ނިޒާމެއް ކަމަށެވެ.

ސަރުކާރުގެ ވަކިވަކި ޕެންޝަން ސްކީމުތައް ހިންގާ ދައުލަތުގެ 13 މުއައްސަސާއެއް އޮތް އިރު އަހަރުން އަހަރަށް އެ ސްކީމަށް ކުރާ ހޭދަ ދަނީ އިތުރުވަމުންނެވެ. އޭގެ ތެރޭގައި ސިފައިންނާއި ފުލުހުންނާއި ޖުޑިޝަރީ އާއި ކަސްޓަމްސް ފަދަ އިދާރާތައް ހިމެނެ އެވެ.

އެއްފަހަރާ ޕެންޝަން ދިނުމަށް ދައުލަތުން މިދިޔަ އަހަރު 46.1 މިލިއަން ރުފިޔާ ހޭދަކޮށްފައިވެ އެވެ. މި އަހަރު 45.2 މިލިއަން ރުފިޔާ ޕެންޝަނަށް އެއް ފަހަރާ ދިނުމަށް ދޫކޮށްފައިވެ އެވެ. މަހުން މަހަށް ދޭ އަދަދުގެ ގޮތުގައި މި އަހަރު އެ ސްކީމަށް 266 މިލިއަން ރުފިޔާ ހޭދަކުރާ އިރު، އަންނަ އަހަރު ރިޓަޔަކުރާ މީހުންނަށް 272 މިލިއަން ރުފިޔާ ހޭދަވާނެ ކަމަށް ބަޖެޓުގައި ލަފާކޮށްފައިވެ އެވެ.

ރާއްޖޭގެ ހުރިހާ ފަރާތްތަކެއް ޝާމިލުވާ ގޮތަށް ރިޓަޔަމަންޓް ޕެންޝަން ސްކީމެއް ތައާރަފް ކުރީ 2009 ގަ އެވެ. އޭގެ ކުރިން ވެސް ދައުލަތުން އައީ ޕެންޝަން ސްކީމުތައް ހިންގަމުންނެވެ. އެ ސްކީމުތައް ހިންގީ މުވައްޒަފުންގެ ކޮންޓްރިބިއުޝަނެއް ނެތި ހަމައެކަނި ދައުލަތުން ކުރާ ހޭދައެއްގެ ގޮތުގަ އެވެ. ގާނޫނަކުން ރިޓަޔަމަންޓް ޕެންޝަން ނިޒާމާ އެކު، އޭގެ ކުރިން ހިނގަމުން އައި ޕެންޝަން ފަންޑުތައް ހުއްޓޭނެ ކަމަށް ބެލެވުނަސް އެކި ސަބަބުތަކާ ހެދި އެކަން އައީ ހުއްޓާނުލައި ކުރިއަށް ގެންދަމުންނެވެ.

ސިވިލް ސާވިސް ފިނޭންސް މިނިސްޓްރީ ރިޓަޔަމެންޓަ ޕެންޝަން ޕެންޝަން ސްކީމް

90 ކޮމެންޓް, 49 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޮޅު ހުސޭނު

03 December 2024

މަދަނީ ހިދުމަތަކީ ތިޔަހެން ލިބޭ ވަޒީފާޔެއް ނޫން އެކަނި ވެރިން އަނބިނާއި މުސްސަދިންގެ މައިންނާއި ބަފައިން ނާއި މަގުތައްމަތީ ނިދިޖެހި ކަކުލުން ބިނދާގެން ލެބިފައިވާ މީހުނާއި ހަމަ ސިސީޔެއް ލާއިރަން ބޭސްފަރުވާޔަން ފޮނުވާ ފަރާތްތަކާއި އެންމެ ފަސް އަހަރު ސިޔާސީ 5 ފަސް އަހަރު ވިޕްލައިނަން ފިތާލާތީ ހުރިއްޔާ ހުރި ސަންދަޔަކާއި ސިވިލްސާރވިސްގެ ވަޒީފާޔެއްވިއްޔާ ހުރިހުރިހާ ޒަޒީފާޔަން އަތްބޭނީމާ ހަމަޖެހޭ އުސޫލު ދޫނޮއްލަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުކުން

02 December 2024

ވަރަށް ރަނގަޅުކަމެއް.މިހާރުން މިހާރަށްވެސް ހުއްޓާލަންވީ.ވަކިބަޔަކަށް ދެވިގެންނުވާނެ.ސިވިލްސާވިސްގަ 25 އަހަރު ހޭދަކޮށްފަ މިވަކިވީ.އެކައްޗެއްވެސް ނުލިބޭ.ހަދާނީ ލިޔުމެއްވެސް ނުލިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިރާސާ ދަރިވަރު

02 December 2024

ތިޔަފަދަ ބައެއް މައްސަލަތަކަށް މީގެ ކުރިންވެސް އަތްނުލައި ތިބީކީ ރަނގަޅުގޮތާއި މޮޅުގޮތާއި ފަޔާއިއަތް ދާވާގޮތް އެމީހުންނަށް ނޭގޭތީކީނޫން. ޙިކުމަތު ޢަމަލީއަށް.ސިފައިންނާއި ފުލުހުންނަކީ ދައުލަތެއްގައި ތިބޭ އާދައިގެ މުވައްޒަފުންގެ ގޮތުގައި ބަލައިގެންވާނޭ ބަޔެއްކަމަކަށް ނުދެކެން. ސޮކަރ ޓީމެއްގައި ގޯލްކީޕަރެއް ޑިފެންޑަރެއްނެތި، ނުވަތަ ކަޑަވެ ކޮރަޕްޓް ވެއްޖިއްޔާ ދެންވެދާނެ ގޮތެއްވިސްނަންޖެހޭ. ޕޭހާމަނައިޒް ކުރަންޏާއި ހުރިހާގޮތަކަުން ހަމަހަމަ ކުރެވޭނެތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބަލް ވަޑާންކަށި ޔޫސުބު

01 December 2024

ހަމަހަމަ ކުރަން ޕެންޝަނަށް ދޭންޖެހޭ ފައިސާ ނުދީ އެ ފައިސާތަކުން އިތުރު ސިޔާސީ މަގާމުތައް އުފެއްދޭދުމުން ސަރުކާރު ވަޒީފާ އިތުރުވާނެ . ގައުމަށް ފައިދާވާނެ ގައުމު ކުރިއަރާނެ ގައުމަށް ބޭނުމީ ބިޔަ ބޮޑު ސަރުކާރެއް . ފެއްސާ ރަތާއި ހުދު ގޮވަމުން ދަނީ ސަރުކާރު ކޮށްދޭނެ ކަމެއް ނާހާ ސަރުކާރަށް އެންމެން ހިލޭ ސާބަހަށް މަސައްކަތްކުރާށެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނޑުހަސަނު

01 December 2024

މިނިސްޓަރޫ... ހަމަހަމަކުރަންޏާ އާސަންދަ ނޫން ސްކީމަކުން އެއްވެސް މުވައްޒިފަކަށް ބޭސް ފަރުވާ ނުކުރެވޭގޮތް ހަދައި 65 އަހަރުވީމަ ލިބޭ 5000 ރުފިޔާ ނޫން އެއްޗެއް ޕެންޝަނަށް ވެސް ނުލިބޭގޮތް އެންމެންނަށް ވެސް ހަދާބަލަ. ރައީސެއް މެންބަރެއް ޢާންމު މީހެއް ތަފާތުވެގެން ނުވާނެ. އެހެން ރައްޔިތުންނަށް ނުލިބޭ މަންފާއެއް އެމީހުންނަށް ވެސް ލިބިގެން ނުވާނެ. ސާފުތަ! ކަލޭމެން ހަމަހަމަކުރަން އުޅޭގޮތް ފެނިފަ ހިނިވެސް އާދޭ ރުޅިވެސް އާދެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯދޫ

03 December 2024

ތުނޑޫ، 65ވީމަ 5000ގެ އިތުރުން ސިވިލް ސަރވަންޓުންނަށް އެލިބޭއެއްޗަކީ އޭނަގައިގަ ވަރުހުރިއިރު ކުރިމަސައްކަތުން އޭނައަތުން އެބައި އުނިކޮށް ތުނޑުއަށްވެސް ފައިދާވާނެހެން ދައުލަތުން ކަންކަމަށް އިންވެސްޓްކުރަން ނެގިބައި. ގެޓް؟ މީހަކު ނުހައްގުންދޭ އެއްޗެއްނޫން. އިންވެސްޓްކޮށްފަ އެކެނޑިބައި އިންވެސްޓްކުރީމަ އެއްޗެއް އެއަށްލާފައެދެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑި ހުސޭނު

01 December 2024

އަހަރެމެން ބޭނުމެއްް ނޫން އަހަރެމެންގެ ފައިސާއިން ކަލޭމެން ފަސާދަކިރަން ހިންގާ ޕާޓީތަކަށް ލާރި ދޭކަށް. އަހަރެމެންގެ ފައިސާއިން ކުރީގެ ރައީސުންނަށް ދޭ ލާރި ގަނޑުވެސް ކަނޑާލަން ޖެހޭ. އަދި އަމިއްލައަށް އިއްޒަތް ލިބިގެން ތިބި މީހުނަށް ދޭ އިނާޔަތްތަށްވެސް ކަނޑާލަން ޖެހޭ. އަންގަޔާ އަތާ ދިމާ ނުވައިރު އެމީހުނަށް ދޭކަށް ނުޖެހޭ ރައްޔިތުންގެ ފައިސާއިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޅުވެތި ކުރުން

01 December 2024

ޑިމޮކްރަސީގެ އަސާސަކީ ރައްޔިތުން ބޭނުންވާގޮތަށް ދިރިއުޅުމުގަ ކުރިއަރާ ދިއުން. މިހާރު މިދަނީ އަޅުވެތިކުރުމަކަށް. އުމުރުގެ 20/25/30/40 އަހަރު ދައުލަތަށް ޚިދުމަތް ކޮށްފަ ނިކުންނަ މީހުންނަށް އުމުރު ފަހަނަ އަޅާ ދިއުމުން ސިޔާސީނުވެ ވަޒީފާއެއް ނުލިބޭ މިހާރު. ވައްކަން ނުކޮށް ހަލާލުގޮތުގައި އުމުރުގެ ބާކީ ހޭދަކުރަނީ ތިޔަ ޕެންޝަނަކުން ލިބޭ ފައިސާ ފޮތިން. އެކަނޑާލަން ސަރުކާރުން ނިންމުމުގެ މާނައަކީ ޚިދުމަތްތެރީން ބިކަ ހާލުގަ ޖެއްސުން. ކުށް އިތުރުކުރުން.