ޚަބަރު

ޕީކް ސީޒަން ފެށިއިރު ޓޫރިޒަމަށް ދެ ޕަސެންޓުގެ ދަށްވުމެއް، އެކަމަކު ޖުމުލަ އަދަދު މައްޗަށް

މި މަހުގެ ފުރަތަމަ 11 ދުވަހު ޓޫރިސްޓުން އައި އަދަދު ދަށްވެފައިވިޔަސް، މި އަހަރު ރާއްޖެ އަށް ވަނީ ރެކޯޑް އަދަދަކަށް ޓޫރިސްޓުން ޒިޔާރަތް ކޮށްފައި.

14 ޑިސެމްބަރ 2024 - 09:22

22 comments

ބޭރު ފަސިންޖަރުންގެ އަތުން ނަގާ އެއާޕޯޓް ޓެކްސްތަކާއި ފީތައް ބޮޑުކޮށްފައިވަނިކޮށް، މި ޑިސެމްބަރު މަހު ފެށި ރާއްޖޭގެ ޓޫރިޒަމްގެ ޕީކް ސީޒަންގައި ޓޫރިސްޓުން އަންނަ ނިސްބަތް ދަށްވެފައިވާކަން ތަފާސްހިސާބުތަކުން ދައްކައިފި އެވެ.

ޓޫރިޒަމް މިނިސްޓްރީން އާންމުކޮށްފައިވާ މި މަހުގެ ފުރަތަމަ 11 ދުވަހުގެ ތަފާސްހިސާބުތައް ދައްކާ ގޮތުން، މިދިޔަ އަހަރުގެ މި މުއްދަތުގައި ރާއްޖެ އަށް ޒިޔާރަތް ކޮށްފައިވަނީ 63،523 ޓޫރިސްޓުންނެވެ. ނަމަވެސް، މި އަހަރު އެ އަދަދު ވަނީ 62،249 އަށް ދަށްވެފަ އެވެ.

މިއީ މިދިޔަ އަހަރާ އަޅާބަލާއިރު، ދެ ޕަސެންޓުގެ ދަށްވުމެކެވެ.

މިދިޔަ ނޮވެމްބަރު މަހާ އަޅާބަލާއިރު، ދުވާލެއްގެ މައްޗަށް ރާއްޖެ އަށް ޓޫރިސްޓުން އަންނަ އަދަދު ވެސް މި މަހުގެ ފުރަތަމަ 11 ދުވަހު ވަނީ ދަށަށް ގޮސްފަ އެވެ.

މިދިޔަ މަހު ދުވާލަކު އެވްރެޖުކޮށް 5،766 ޓޫރިސްޓުން ރާއްޖެއަށް ޒިޔާރަތް ކޮށްފައި ވިޔަސް އެ އަދަދު މި މަހުގެ ފުރަތަމަ 11 ދުވަހު ވަނީ 5،659 އަށް ވެއްޓިފަ އެވެ.

މި އަހަރުގެ ޓްރެންޑާ އެއްގޮތަށް، އެއް ގައުމަކުން ރާއްޖެ އަށް އެންމެ ގިނައިން ޓޫރިސްޓުން އައިސްފައިވަނީ އަދިވެސް ޗައިނާ އިންނެވެ. މިދިޔަ އަހަރު ތިން ވަނައިގެ އޮތް ޗައިނާ އިން، މި އަހަރުގެ މިހާތަނަށް 256،197 ޓޫރިސްޓުން ރާއްޖޭގައި ޗުއްޓީ ހޭދަކޮށްފައިވެ އެވެ.

މިދިޔަ އަހަރު އެއްވަނައިގައި އޮތް އިންޑިއާ މި އަހަރު ވަނީ އެ ލިސްޓުގެ ހަ ވަނަ އަށް ވެއްޓިފަ އެވެ. އެ ލިސްޓުގެ ދެވަނައިގައި، ރަޝިއާ، ތިންވަނައިގައި އިނގިރޭސި ވިލާތް އަދި ހަތަރު ވަނައިގައި އޮތީ ޖަރުމަނެވެ.

މި މަހުގެ ފުރަތަމަ 11 ދުވަހު ޓޫރިސްޓުން އައި އަދަދު ދަށްވެފައިވިޔަސް، މި އަހަރު ރާއްޖެއަށް ވަނީ ރެކޯޑް އަދަދަކަށް ޓޫރިސްޓުން ޒިޔާރަތް ކޮށްފަ އެވެ.

މި މަހުގެ 11 އާ ހަމައަށް 1،899،884 ޓޫރިސްޓުން ރާއްޖޭގައި ޗުއްޓީ ހޭދަކޮށްފައިވާއިރު، މިއީ މިދިޔަ އަހަރާ އަޅާބަލާއިރު 8.7 ޕަސެންޓުގެ ކުރިއެރުމެކެވެ.

މިދިޔަ އަހަރު ރާއްޖެއަށް ޒިޔާރަތްކޮށްފައިވަނީ 1،747،370 ޓޫރިސްޓުންނެވެ.

އެއާޕޯޓު ޑިވެލޮޕްމެންޓް ފީ (އޭޑީއެފް) އާއި ޑިޕާޗާ ޓެކްސް އަށް ބޮޑެތި ބަދަލުތަކެއް ގެނެސް، ރާއްޖޭގެ އެއާޕޯޓަކުން ބޭރަށް ފުރާ ފަސިންޖަރުންގެ އަތުން ޓެކްސް އާއި ފީ ބޮޑުކޮށްފައިވަނީ މި މަހުން ފެށިގެންނެވެ.

އެއާޕޯޓު ޑިވެލޮޕްމެންޓް ފީ އާއި ޑިޕާޗާ ޓެކްސްއަށް ގެނައި ބަދަލާއެކު، އިކޮނޮމީ ކްލާހުގައި ރާއްޖެއިން ބޭރަށް ދަތުރުކުރާ ދިވެހިންގެ އަތުން ނަގާ ޓެކްސްއަށް ބަދަލެއް ނަޔަސް، ބިދޭސީންގެ އަތުން ނަގަމުން އައި 30 ޑޮލަރުގެ ބަދަލުގައި 50 ޑޮލަރަށް ބޮޑުވާނެ އެވެ.

ބިޒްނަސް ކްލާހުގައި ދަތުރުކުރާ ދިވެހިންނާއި ބިދޭސީންގެ އަތުން ނަގާ ފީ ވެސް 120 ޑޮލަރަށް ބޮޑުވާއިރު، ފަސްޓް ކްލާހުގައި ދަތުރުކުރާ މީހުންގެ އަތުން ނަގާ ފީ 240 ޑޮލަރަށް ބޮޑުވާނެ އެވެ.

މީގެ އިތުރުން ޕްރައިވެޓް ޖެޓުގައި ދަތުރު ކުރާ މީހުންގެ އަތުން 480 ޑޮލަރު ނަގާނެ އެވެ. އެއީ ކުރިން ނަގަމުން އައި އަދަދަށް ވުރެ 300 ޕަސެންޓުގެ އިތުރުވުމެކެވެ.

ޓޫރިސްޓުން ޓޫރިޒަމް ރާއްޖޭގެ އިގްތިސާދު އިގްތިސާދު

22 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢެޑްމުންޑޯ

14 December 2024

ރިކޯޑް އަދަދަކަށް ޓޫރިސްޓުން އައިސް އައިސް ތިއްބާ ޓެކްސް ބޮޑުކޮށް އެެމީހުންގެ ކަރުގެ ހިފީމާ ދައްވާނެތާ ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަން ބިސް ކުކުޅަެ

14 December 2024

ގެސްޓު މީހާ ދައްކަން ޖެހޭ ޓެކުސް ޚިދުމަތަށްވުރެ އަގު ބޮޑު ވީމާ އަންނަން ބިރު ގަންނަ ކަމަށް ބެލެވެނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން

14 December 2024

އިންޑިޔާ ޗައިނާ ޓުއަރިސްޓުންނަކީ ވަރަށް ލާރިއަށް ބަލާ ބަޖެޓް ކުރާބަޔެއް ، އެހެންކަމުން އައުމާއި ފުރުމަށްވެސް އެކަކު އަތުން 2 ފަހަރު ޓެކްސް ނެގުމަކީ ޓުއަރިޒަމް އަޑިއަޅާލާނެކަ މެއް އެކަން އެބަފެނޭ ، އެކަން ފެންނާނީ ނިއުބުކިން ތަކާއި އޮފް ސީޒަނުގައި ، އެހެން ގައުމުތަކުން ޓެކްސްތައް ކަނޑަނީ ގިނަ މީހުން ގެންދަށް މިހާރު ރާއްޖެފަދަ އެތަން ތަނެއް އެބައޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރާށޭ

14 December 2024

މާލެ ސަރަހައްދުގައި ހުރި ރިސޯރޓް ތަކަށް ލޯންޗް ތަކުގައި ދަތުރުކުރަން ޖެހުން އެއީ ވެސް ވަރަށް ބޮޑު ޚަރަދެކޭ އަދި ވަގުތުވެސް ހޭދަވާ ކަމެކޭ އެކަން ހައްލު ކުރުމަށް ޓަކައި މާލޭން ފެށިގެން ގޮސް ކާށިދޫ އާއި ހަމައަށް އަނެއް ބިތުން މާލޭން ފެށިގެން ގޮސް ރިހިވެލި އާއި ހަމައަށް ރިންގް ޝޭޕް ބްރިޖް އަޅަންވީ ޑަބަލް ޑެކް ހިމެނޭ ގޮތަށް މަތީ ޑެކް އެއީ ރިސޯރޓް ތަކަށް އެކަނި ދަތުރުކުރެވޭނެ ޑެކް ކަމަށް ހަދާ އެބްރިޖް ތައް ޗައިނާ އާއި ގުޅިގެން އަޅަން ލޯން ނަގާ އެކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާށޭ

14 December 2024

ރާއްޖޭގެ ރިސޯރޓް ތައް މިހާރު އެދަނީ ނުކަތާ ވަރަށް އަގުބޮޑުވެ ޚަރަދު ތައް އިންތިހާ އަށް މަތިވަމުން ވަރަށް ގިނަ ރިސޯރޓް ތަކުގައި ގެސްޓުންގެ ފުޑްގެ ފެންވަރު ވެސް ވަނީ ވަރަށް ބޮޑު ތަން ދަށްކޮށްފައޭ މިކަން އެންމެ ބޮޑަށް ފާހަގަ ކުރެވެނީ ޗައިނީސް ގެސްޓުންނަށޭ ރިސޯރޓް ތަކަށް ލުޔެއް ދިނުމުގެ ގޮތުން ކޮންމެ ރިސޯރޓަކަށް 100 އަހަރުން ކުލި ދައްކާ ގޮތަށް ހުޅުމާލޭ އިރުން އޮތް ބޮޑު ފަޅު ހިއްކާ ފައި އެތަނުން ކޮންމެ ރިސޯރޓަކަށް 1 ހެކްޓަރުގެ ބިން ދޭށޭ 100 އަހަރަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަަަސް

14 December 2024

ފުރާ ޓެކްސް މިގޮތަށް އޮވެއްޖެ ނަމަ މާ ބޮޑު ތަަނުން އަދި ދައްވާނެ، މިހާރު ވެސް އެއަންނަނީ މަދުވެގެން 2 ނުވަތަ 3 މަސް ކުރިން ހަދާފައި ހުރި ބުކިންތަކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބަލް ކުދު ބެއްޔާގެ އަފީފު ދީދީ .

14 December 2024

ގައުމު ދަރަނިވެރި ކުރުވާ ވަހުތާނު ސިޔާސަތެއްގައި ޕަސެންޓު ދައްނުވާނީ ކޮން ވިޔަފާރިއެއްގައިތޯ ؟ ހުރިހާ ވިޔަފާރިއެއް އިދަޖެހިޖެ. ގިނަ ފިހާރަތައް ބަންދުކޮއްފި. އެތަކެއް ހާސް ވަޒީފާއެއް ގެއްލިޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަދާށޭ

14 December 2024

ރާއްޖެ އަގުބޮޑީ މާބޮޑަށް ވެސް އަގުބޮޑީ ރިސޯރޓް ތަކުގައި ގެސްޓް ހައުސް ހަދަން ހުއްދަ ދޭށޭ އަދި 30 އިން ސައްތައިގެ ބިލްޑް އަޕް އޭރިޔާ 90 އިން ސައްތަ އަށް ބަދަލު ކުރާށޭ ރިސޯރޓް ބޮޑު ކުރަން ރިސޯރޓް އަމިއްލަ އަށް ހިއްކަން އީއައިއޭ ހަދަން ނުޖެހޭ ގޮތް ހަދާށޭ އީއައިއޭ އެއީ ބޮޑު ދުއްޕާނެކޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސަރު

14 December 2024

ޓެކްހަށް މިގެނައި ބަދަލުގެ އަސަރު އަދި ފެންނާނީ ދުވަސްކޮޅެއް ފަހުން. ދެމެހެއްޓެވި ޓްއަރިޒަމަކަށް ވިސްނާނަމަ މިހެން ކުއްލި ކުއްލިއަށް ބަދަލުތަށް ގެނައުމަކީ އިންވެސްޓަރުންގެ މެދުގައި އިތުބާރުގެއްލޭނެ ކަމެއް. ޓެކްސް ބޮޑުކުރަން ޖެހޭނަމަ ބޮޑުކުރުން އޯކޭ އެކަމަކު ކުއްލިއަކަށް ބޮޑުނުކޮށް އަހަރުތަކަކަށް ބަހާލުން އެއީ އެހެންތަންތާވެސް ކަންކުރާގޮތަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިސް ޓީ

14 December 2024

ދަށަށް ދިޔައިއްޔާ ޕީކަށް އެރީ ކިހިނެތް؟! ޓުއަރިޒަމް ދާއިރާއިން ޑާޓާ އެއްކުރުން ވަރުގަަދަކޮށް މާރކެޓިން އަދި ޕީއާރު ވަރުގަދަކުރަން ޖެހޭ. މިހާރުގެ ރަންވޭ އާއި ޓާރމިނަލް ބަޖެޓް އެއާރލައިން ތަކަށް ޚާއްސަކޮށް ޓެކްސް އާއި ޢެއާރޕޯރޓް ޗާރޖް އެ އެާރލައިންތަކަށް ކުޑަކޮށް ރާއްޖެ އައުމާއި ފުރުން އަތްފޯރާފަށަށް ތިރިކުރަން ފެނޭ