ސަލްމާން ރަސްގެފާން ބާލީގައި ޗުއްޓީ ހޭދަކުރައްވާ ހޮޓާ ހިމެނޭ ކަނޑުގެ ސަރަހައްދު އިންޑޮނީޝިއާގެ ކަނޑުގެ ސިފައިން ބަލަހައްޓަނީ.
08 މާޗް 2017 - 13:33
22 comments
ޖަކާޓާ (މާޗް 8) - އިންޑޮނީޝިއާގެ ބާލީ އަށް މާބޮޑަށް ހިތްޕުޅާވެ ސައުދީ ރަސްގެފާން ސަލްމާންގެ ޗުއްޓީ އިތުރު ކުރައްވަން ނިންމަވާފައިވާ ކަމަށް އޮފިޝަލުން ބުނެފި އެވެ.
ޖަކާޓާގައި ހުންނަ ސައުދީ އަރަބިއާގެ ރޯޔަލް އެމްބަސީން އިންޑޮނީޝިއާގެ ފޮރިން މިނިސްޓްރީ އަށް ފޮނުވާފައިވާ ސިޓީއެއްގައި ބުނެފައި ވަނީ ރަސްގެފާނުގެ ބާލީ ޗުއްޓީ ދަތުރުފުޅު މި މަހު 12 އާ ހަމައަށް އިތުރު ކުރައްވަން ނިންމަވާފައިވާ ކަމަށެވެ.
ސަލްމާން ރަސްގެފާން އިންޑޮނީޝިއާ އަށް ވަޑައިގެންނެވީ މި މަހު 1 ވަނަ ދުވަހު އެވެ. ޖަކާޓާގައި ތިން ދުވަހު ހޭދަކުރެއްވުމަށް ފަހު ބާލީ އަށް ޗުއްޓީ އަށް ވަޑައިގެންނެވީ މި މަހު 4 ވަނަ ދުވަހު އެވެ. އަދި އިންޑޮނީޝިއާ އިން ފުރާވަޑައިގަތުމަށް ކުރިން ހަމަޖައްސާފައި އޮތީ 9 ވަނަ ދުވަހު އެވެ. ރަސްގެފާން ސަލްމާނާއި އެމަނިކުފާނާ އެކު ވަޑައިގެންނެވި 1،500 މެންބަރުންގެ ވަފުދުގެ ބޭފުޅުން ތިއްބަވަނީ ބާލީގެ އެންމެ އަގު ބޮޑު ހޮޓާތަކުގަ އެވެ.
ބާލީ ފުލުހުންގެ ތަރުޖަމާނަކު ވެސް ވިދާޅުވީ ސަލްމާން ރަސްގެފާނުގެ ޗުއްޓީ އިތުރު ކުރެއްވިކަން އަންގާފައިވާ ކަމަށެވެ.
"ރަސްގެފާނުގެ ޗުއްޓީ ވަނީ އިތުރު ކުރައްވާފައި. ބާލީ އަށް ރަސްގެފާން ވަރަށް ބޮޑަށް ހިތްޕުޅާވޭ،" ތަރުޖަމާން ވިދާޅުވި އެވެ.
ބާލީގައި ސަލްމާން ޗުއްޓީ ހޭދަކުރައްވަނީ މަޝްހޫރު ރީޖިސް ހޮޓަލުގަ އެވެ. އެ ހޮޓަލުގެ ކުރިމަތީގައި އޮންނަ ޖީޖާ ބީޗު ރަސްގެފާނަށް ވަރަށް ހިތްހަމަޖެހޭ ކަމަށްވެ އެވެ. ރަސްގެފާނަށް ޕްރައިވަސީ ދިނުމުގެ ގޮތުން އެ ބީޗު ވަށާ ވަނީ އޮނުން ފެންސެއް ޖަހައިފަ އެވެ. ބާލީގައި ޓޫރިސްޓުންނަށް ގަޔާވާ ތަންތަނަށް ރަސްގެފާން ވަޑައިނުގަންނަވާ ކަމަށް އޮފިޝަލުން ބުނެ އެވެ.
ރަސްގެފާން ޗުއްޓީ ހޭދަކުރައްވާ އިރު ފުލުހުންނާއި ސިފައިން ގެންދަނީ ވަރަށް ބޮޑަށް ސަލާމަތީ ކަންކަން ބަލަހައްޓަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހެޔޮހިތުން
14 March 2017
މަނިކުފާނު ޗުއްޓީ ހޭދަކުރެއްވުމަކީ ވެސް އެތަށް ބަޔަކަށް އާމްދަނީ ލިބޭނެ ކަމެކެވެ. ތި ދިގު ދަރުރުފުޅުގެ ސަބަބަުން އޭޝިޔާގެ ޤައުމު ތަކުގެ ރައްޔިތުން ނަށް ގިނަގުނަ މަންފާތަކެއް ލިބިގެން ދާނެ އެވެ. ތި ކުރައްވަނީ ވެސް އިންވެސްޓްމެންޓް އެކެވެ.ރަސްގެފާނަށް ފުރިހަމަ ސިއްހަތަކާއި ދިގު އުމުރު ފުޅަކަށް އެދެމެވެ.އާމީން
ައައްޑޫ ސޮރު
10 March 2017
އަޅުގަނޑަށް ހީވަނީ ރަނގަޅު ގޮތަކީ ސެން ރީޖެސް St. Regis Bali Resort .. ދާލޫ އަތޮޅު ވޮއްމުލި ރިސޯޓަކީ ވެސް ސްޓާރވުޑް އިން ހިންގާ ސެން ރީޖެސް ބްރޭންޑް ގެ ރަށެއް ..
އާދަނު
09 March 2017
އަދި ހިމިތިއަށް މާ ގަޔާވެވަޑައިގަންނަވާނެ ފަހަރުގައި ސައުދީގެ ވެރިރަށަކީ ހިމިތިކަމުގައި ނިންމަވާވެސް ފާނެ.
ދިވެހި
09 March 2017
އެ ރަސްގެފާނުގެ ހިއްޕުޅު ބާލީ އަށް ބަދަލުވީކަންނޭނގެ.... ނުވާވަރެއް ނޫނެއްނު.
ފފ
09 March 2017
ތިޔައްވުރެން ދިވެހިރާއްޖެ މާރީތިވާނެ މާބޮޑަށް ރަސްގެފާނު ހިއްޕުޅާއިވާނެ!
ޕޮކަންޑި މޭން
09 March 2017
އުއްމީދަކީ ސަލްމާން ރަސްގެފާނު ރާއްޖެއާ ހިތްޕުޅާވެ މުޅި އުމުރަށް މިޤައުމުގައި އުޅެން ގަސްދުކުރުން.
އައިޝާ
09 March 2017
ތި ރަސްގެފާނު ރާއްޖެއަށް އަތުވެއްޖެއްޔާ ނުވެސް ދާނެ ކަންނޭނގެ.
ތުބޫ
10 March 2017
ތެޅިތެޅިތިބޭ
ރަސްގެފާނު
09 March 2017
އަހަރެން މިހާރު ހަމަ ހަޤީޤަތުގަވެސް ބިރު އެބަގަނޭ. އަހަރުމެންގެ މުޅި ރާއްޖެ ރަސްގެފާނު ހިތްޕުޅާ ވެދާނެތީ.. އޭރުން އަހަރުމެން ކޮންމެވެސް ހަތަރެސްކަން ގޮޅިއަކަށް އަޅާލާފަ ކޮންކްރީޓް ބަގީޗާއެއްގައި ގަނަތެޅެންޖެހޭނީ.
ބޭބެ
09 March 2017
ރަންނަމާރި މަތިން ހަދާން ވަނީ ...
ދޮންދީނި
08 March 2017
ތިޔައީ ވ ބިރުވެރި ސިގްނަލެއް ދިވެހިންނޭ.....ހަމަ ޔަޤީނޭ ރާއްޖެ ރަސްގެފާނުގެ ހިތްޕުޅުހަމަޖެހޭނެކަން....ދެން އެންމެ ފަހުން ވާނެ ގޮތް ތަސައްވަރު ކޮށްލެއްވުމަށް ތިޔަ ބޭފުޅުންނަށް ދޫކޮށްލާނަމެވެ..