މޯލްޑިވިއަންގެ ފުރަތަމަ ވައިޑް-ބޮޑީ އެއާކްރާފްޓް ގެނެސްފި

މޯލްޑިވިއަންގެ ފުރަތަމަ ވައިޑް-ބޮޑީ އެއާކްރާފްޓް، އޭ330 މަތިންދާބޯޓު ވެލާނާ އިންޓަނޭޝަނަލް އެއާޕޯޓަށް މީގެ އިރުކޮޅެއް ޖައްސަނީ.---ފޮޓޯ: ނިޝާން އަލީ| މިހާރު

ފާތިމަތު ޝަނާ މުހައްމަދު، މިހާރު

06 ޖެނުއަރީ 2025 - 17:49

77 comments

ރާއްޖޭގެ ގައުމީ އެއާލައިން، މޯލްޑިވިއަންގެ ފުރަތަމަ ވައިޑް-ބޮޑީ އެއާކްރާފްޓް، އޭ330 މަތިންދާބޯޓު މިއަދު ރާއްޖެ ގެެނެސްފި އެވެ.

ވައިޑް-ބޮޑީ އެއާކްރާފްޓު ގެނެސް، މޯލްޑިވިއަން އެއާލައިންގެ ހިދުމަތް ފުޅާކުރުމަކީ ރައީސް ޑރ. މުއިއްޒުގެ ރިޔާސީ ވައުދެކެވެ.

މޯލްޑިިވިއަން އެއާލައިންގެ ފުރަތަމަ ވައިޑް-ބޮޑީ މަތިންދާބޯޓު ސިންގަޕޫރުން މާލެ ގެނައި އިރު، އެ ދުއްވަން ތިބީ މުޅިން ވެސް ދިވެހި ޕައިލެޓުންނެވެ. އެއީ ކެޕްޓަން ހުނައިނާއި ކެޕްޓަން މައުމޫނެވެ. އަދި އެ ބޯޓުގެ ފަސްޓް އޮފިސަރެއްގެ ގޮތުގައި ހުންނެވީ އޭވިއޭޝަން ދާއިރާގައި 21 އަހަރުގެ ތަޖުރިބާކާރު ކެޕްޓަން މުހައްމަދު ތޮއްލަތު އަންވަރެވެ. އޭނާ މިވަގުތު މަސައްކަތް ކުރައްވަނީ ގަތަރު އެއާލައިންގަ އެވެ. އިންޖިނިއަރަކަށް ވެސް ހުރީ ދިވެއްސެއް ކަމަށްވާ އަހުމަދު ޝިއުޒެވެ. ކްރޫއިންގެ ގޮތުގައި ވެސް ހަރަކާތްތެރިވީ ދިވެހިންނެވެ.

މޯލްޑިވިއަން އެއާލައިނަށް ގެނައި ފުރަތަމަ ވައިޑް-ބޮޑީ ބޯޓު ވެލާނާ އިންޓަނޭޝަނަލް އެއާޕޯޓަށް މިއަދު ހަވީރު ޖައްސަނީ.---ފޮޓޯ: ނިޝާން އަލީ| މިހާރު

ވެލާނާ އިންޓަނޭޝަނަލް އެއާޕޯޓަށް މިއަދު ހަވީރު އެ އެއާކްރާފްޓު ޖެއްސުމުގެ ކުރިން ވަނީ އެއާ ޝޯއެއް ވެސް ބާއްވައިފަ އެވެ. އެ ހަރަކާތުގައި މޯލްޑިވިއަންގެ އެއާބަސް އޭ330 ބޯޓާއި މޯލްޑިވިއަންގެ އޭޓީއާރް ހަތަރު ބޯޓާ އެކު މާލެ އާއި ހުޅުމާލެ ސަރަހައްދުގައި ދަތުރުކުރި އެވެ.

މޯލްޑިވިއަންގެ އެއާ ޝޯގައި އެ އެއާލައިންގެ ދެ ސީޕްލޭނެއް އުދުހެނީ. -- ފޮޓޯ: ނިޝާން އަލީ | މިހާރު

އެއާބަސް އޭ 330 ބޯޓަކީ 260 މީހުންގެ ޖާގައިގެ ބޯޓެކެވެ. ބިޒްނަސް، ޕްރިމިއަމް އިކޮނޮމީ އަދި އިކޮނޮމީ ކްލާހުގައި ދަތުރު ކުރެވޭނެ އެވެ. ދިގު ދަތުރުތައް ކުރުމުގެ ގާބިލްކަން ހުރި އެ ބޯޓުގައި ޓްރާންސިޓު ނުކޮށް، ދަތުރު ކުރެވޭނެ އެވެ. އެ ބޯޓުން 10 ޓަނުގެ ކާގޯ އުފުލޭނެ އެވެ.

އެއާބަސް އޭ 330 ބޯޓާ އެކު، ޗައިނާގެ ތިން މަންޒިލަކަށް ދަތުރުތައް ކުރާނެ އެވެ. އެއީ ބެއިންޖިން އާއި ޝެންހާއީ އާއި ޗެންގްޑޫ އެވެ.

މޯލްޑިވިއަން އެއާޕައިންގެ ފުރަތަމަ ވައިޑް ބޮޑީ ބޯޓު ވެލާނާ އިންޓަނޭޝަނަލް އެއާޕޯޓަށް ޖެއްސުމާ އެކު، ވޯޓަ ސެލިއުޓެއް ދެނީ.---ފޮޓޯ: ނިޝާން އަލީ| މިހާރު

މި ވަގުތު މޯލްޑިވިއަންގެ ފްލީޓުގައި 24 ބޯޓު އެބައޮތެވެ. އެއީ، އެއާބަސް އޭ320 މަރުކާގެ އެއް ބޯޓާއި ޑޭޝް މަރުކާގެ އަށް ބޯޓާއި އޭޓީއާރުގެ ހަތަރު ބޯޓާއި ސީ ޕްލޭންގެ 11 އޭޓީއާރްގެ ހަތަރު ބޯޓާއި ޑޭޝް ޓުވިން އޮޓާގެ 11 ބޯޓެވެ. މި ވަގުތު ބޭރު ދަތުރުތައް ކުރުމަށް ބޭނުންކުރަނީ އެއާބަސް އޭ320 މަރުކާގެ ބޯޓު އެކަންޏެވެ.

މޯލްޑިވިއަން އެއާޕައިންގެ ފުރަތަމަ ވައިޑް ބޮޑީ ބޯޓު ވެލާނާ އިންޓަނޭޝަނަލް އެއާޕޯޓަށް މިއަދު ހަވީރު ޖައްސަނީ.---ފޮޓޯ: ނިޝާން އަލީ| މިހާރު

މޯލްޑިވިއަން ގެ ހިދުމަތް 2000 ވަނަ އަހަރު ފެށީ ޑޯނިއާ 228 އާއި ޑޭޝް-8 މަރުކާގެ ދެ ބޯޓާ އެކު އެވެ. މިއަދު މޯލްޑިވިއަނަށް ގެންނަ އެއާބަސް އޭ330 ބޯޓާ އެކު އެ އެއާލައިންގެ ފްލީޓުގެ އަދަދު 25 އަށް އިތުރުވާނެ އެވެ. އެއާލައިނުން އަންނަނީ 29 މަންޒިލަކަށް ދަތުރުތައް ކުރަމުންނެވެ. ވޭތުވެދިޔަ އަހަރު ތެރޭ އެ އެއާލައިނުން ވަނީ 50،000 ފްލައިޓް އޮޕަރޭޓްކޮށް އެއް މިލިއަން ފަސިންޖަރުން އުފުލާފަ އެވެ.

އައިލެންޑް އޭވިއޭޝަން މޯލްޑިވިއަން އެއާލައިން މަތިންދާބޯޓު އުފުލާ މަނަވަރު ވައިގެ ދަތުރުފަތުރު

77 ކޮމެންޓް, 31 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދިރުވާލައިފި

07 January 2025

މައުމޫން ދައުރުގަ ކުރި ކަމެއްގެވެސް މެޑަލި ޖަހަން އެބައުޅޭ. ދޮގުހެދުމާ އޮޅުވާލުން އެއީ ގައުމިއްޔަތު ދިރުވުން ކަމުގާވާނަމަ މި ސަރުކާރުން އެބަ ގައުމިއްޔަތު އެބަ ދިރުވަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާ.

07 January 2025

މައުމޫނު ދައުރުގައި މޯލްޑިވިއަނެއް ނޯންނާނެ. ރަނގަޅަށް ކިޔާފައި ޚިޔާލުފާޅުކުރާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސައިން

07 January 2025

2/2 ވައިޑް ބޮޑީ އިން އަންނަ މީހުނަށް އިސްލާމީ ދަޢުވަތު ދޭންވީ ނޫންތޯ؟ ހުރިހާ މެޓީރިއަލްސް ތައް އޮންލައިންކޮށް ލިބެން ހުރޭ. އިސްލާމިކް ޕެމްފްލެޓްސް ސާރޗް ކޮށްލައްވާ. އެކި ޓޮޕިކް ތަކަށް ތަފާތު އެތަށް ބަހުން ލިޔެފައިވާ ޕެމްފްލެޓްސް ތައް ހުރޭ. ތިބާގެ ފަރާތުން މީހަކަށް ޙިދާޔަތް ލިބުމަކީ ތިލިބޭ އެތަށް މިލިއަން ޑޮލަރ އަކަށްވުރެ ފައިދާ ހުރިކަމެއް. ރިސޯރޓް ދާއިރާގައި އުޅޭމީހުނަށް ވ. ފަސޭހަކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސައިން

07 January 2025

ވައިޑް ބޮޑީ ތަކުން އަންނަ ފަތުރުވެރިން ގިނަވާނެ. ނަމަވެސް އެމީހުންގެ ފަރާތުން ނޭދެވޭ ކަންތައް ފެނޭ. ޚާއްސަކޮށް އަންހެންވެރިން އަޅައިގެން އުޅޭ ހެދުމުން. އެއާރޕޯރޓް ވަނީ ލޯ ނުހުޅުވޭ ވަރަށް ތަޢައްޔަރުވެފައި. އެމީހުން އެކުރާ ތަޢައްޔަރަށް ވުރ ބޮޑަށް އެމީހުނަށް އެއާރޕޯރޓް އިން ފެށިގެން ރިސޯރޓް ތަކާއި ހަމައަށް ދަޢުވަތު ދެވޭނަމަ، އެއަރޕޯރޓް ގެ ކައުންޓަރާއި ރިސޯރޓް ގެ ރޫމްތަކުގައި ދީނީ މަޢުލޫމާތު ހިމެނޭ ލީފްލެޓް ތަކާއި ގުރްއާންގެ ތަރުޖަމާ ބެހެއްޓިދާނެ 1/2

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

07 January 2025

ކާމިޔާބީ އަށް އެދެން. އެއަރ މޯލްޑިވްސް އަށް ޖެހުނު ހާލު ނުޖެހި ދިވެހިންގެ ބޮލުގަ އަނެއް ބޮޑު ދަރަނި ނޭޅި ތިކަން ވެއްޖިއްޔާ ރަގަޅު. އަނެއް ކަމަކީ ތިގޮތަށް ކުއްޔަށް ބޯޓު ނަގައިގެން ދުއްވުމަކީ ވަރަށް ރިސްކީ ކަމެއް. ވަރަށް ރޭވުންތެރިކަމާ އެކީ ދަތުރުތަކުން ފައިދާ ނެރެން ޖެހޭނެ. އެންމެ ލާސްޓް ޕޮއިންޓަކީ ތި ބޯޓުގެ އެތެރެ އެއްގޮތަކަށް ނުދެއްކީ ކީއްވެތޯ؟ އެތެރެ ހަޑީތޯ ނޫނީ ބަލީތޯ ނޫނީ ހުހީ ތޯ؟ ވަރަށް އެގެން ބޭނުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުމީހާ.

07 January 2025

ޓީވީން އެތެރެ ދެއްކި. ބެލީމާއެއްނު ފެންނާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޝްމަލް މުހައްމަދު

07 January 2025

ދަތި އުދަގޫ ކަމުން ގައުމު ނަގާ ރައީސް މިދަނީ ސަލާމަތުގެ އައްސޭރިއަށް ގެންދަމުން. މިގައުމަށް ކުރިންވެސް މިކަހަލަ ހިންގުންތެރި ވެރިޔެއް ލިބުނުނަމަ ކިހާ ރަނގަޅުވީސް ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮބާހް އަހްމަދު

07 January 2025

މީ އެތައް ފައިދާއެއް ހުރި ކަމެއް. މީގެ ސަބަބުން މޯލްޑިވިއަން އަށް އެތައް ގުނައަކަށް ލާރި ވަންނާނެ. އަދި މަންޒިލްތައް އިތުރުކޮށްލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު ސަނީހް

07 January 2025

އަލްހަމްދުﷲ. އަހަރުމެންގެ ގައުމުގެ ދިދަ ޖެހި ބޮޑު ބޯޓް ދެން ދަތުރުކުރާނެ ދުނިޔޭގެ އެކި މަންޒިލްތަކަށް ފަތުރުވެރިން އުފުލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުރެން

07 January 2025

ކުއްޔަށް ގެނެސްފަ އޮތް 14 އަހަރުވީ ބޯޓެއް. ތަރުޖަމާނު ޓުވިޓާގައި ވިދާޅުވެފަ އެބައޮތް މިއީ ދިވެހި ރާއްޖެއަށް އަލަށް ގެނައި ވައިޑް ބޮޑީ އެއަރ ކްރާފްޓެއް ކަމަށް. ނަމަވެސް މައުމޫނު ވެރިކަމުގައި އެއަރމޯލްޑިވްސް އިން 300އޭ އަދި 310އޭ ގެ ވައިޑްބޮޑީ އެއަރ ކްރާފްޓު ގެންގުޅުނު. އަޅުގަޑުވެސް އޭގަ ދަތުރު ކުރިން. ދޮގު ތަކެއް ނުހަދާ ހަމަ އެއްވެސް ކަމެއް ނުކުރެވެނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސަ

07 January 2025

އެންމެންކުރާ ސުވާލެއް އަދި އަޅުގަނޑުވެސް އެގެން ބޭނުންވާ މަޢުލޫމާތެއް އަދި މިވައިޓް ބޮޑީ މަތިންދާ ބޮޓާ ގުޅެގޮތުން އެބައޮތް! އެއީ މިއީ މުޅިން އާ ބޯޓެއްތޯ ނުވަތަ ރިފާބިޝް ބޯޓެއްތޯ؟ މިއަށް ޖަވާބެއް ލިބޭގޮތަށް އަޅެ އާޓިކަލްއެއް ލިޔެފަ އޮންނަތަން ދެކެން ބޭނުން! ބޯޓު ގެނައުމަކީ ވަރަށް ރަގަނޅުކަމެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާޖަރާ

07 January 2025

އާ ބޯޓެއްނޫން، ބާ ބޯޓެއް. އަދި ފުރަތަމަ ގެނައި ވައިޑްބޮޑީ ބޯޓެއްވެސްނޫން، މައުމޫން ދައުރުގަ މީގެ ބޯޓެއް ގެނަސް ދުއްވި. މީ އަލަށް ކުރިކަމެއްނޫން އޮޅުވާލްން ނޫޅޭ.