ހިޔާ ފްލެޓްގެ ޓަވަރެއްގެ ދެވަނަ ފްލޯއިން މިއަދު މީހަކު ވެއްޓި އަނިޔާވެއްޖެ އެވެ.
ފުލުހުންގެ މީޑިއާ އޮފިޝަލަކު ވިދާޅުވީ ހިޔާގެ ތިން ވަނަ ޓަވަރުގެ ދެވަނަ ފަންގިފިލާއިން މީހަކު ވެއްޓިގެން ރިޕޯޓުކޮށްފައިވާ ކަމަށެވެ.
އަނިޔާވި 39 އަހަރުގެ ފިރިހެން މީހާއަށް ހުޅުމާލޭ ހޮސްޕިޓަލުގައި އަންނަނީ ފަރުވާ ދެމުންނެވެ. އެ ހޮސްޕިޓަލުގެ އޮފިޝަލަކު ވިދާޅުވީ އަނިޔާވި މީހާގެ ހާލު ސްޓޭބަލް ކަމަށާއި ބޮޑު އަނިޔާއެއް ނުލިބޭ ކަމަށެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ. އެހެންވެ، އިތުރު މައުލޫމާތެއް އަދި ނުލިބެ އެވެ.
ދާދިފަހުން ވެސް ހިޔާ ފްލެޓުން ވެއްޓި 16 އަހަރުގެ ފިރިހެން ކުއްޖަކު ވަނީ މަރުވެފަ އެވެ.