ކުރިއަށް އޮތް އެއް ގަޑިއިރުގެ ތެރޭގައި ހުޅުމާލެ ހޮސްޕިޓަލް އާންމު ހާލަތަށް ގެނެވޭނެ: ހަލީމް

27 ޖޫން 2025 - 10:11

ހުޅުމާލެ ހޮސްޕިޓަލަށް ރެއިން ފެށިގެން ދިމާވި ކަރަންޓުގެ މައްސަލަ ހައްލުކޮށް، ކުރިއަށް އޮތް ގަޑިއެއްހާއިރުގެ ތެރޭގައި ހިދުމަތްތައް އާންމު ހާލަތަކަށް ގެނެވޭނެ ކަމަށް މާލެ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހިމް އަބްދުއްރައްޒާގު ހަލީމް ދެންމެ ވިދާޅުވެއްޖެ އެވެ.

ހުޅުމާލެ ހޮސްޕިޓަލުގެ މައި ކަރަންޓު ޕެނަލަށް ދިމާވި އެ މައްސަލަ ހައްލުވަންދެން، އެ ހޮސްޕިޓަލުގެ އޯޕީޑީ ހިދުމަތްތައް ވަގުތީ ގޮތުން، ހުޅުމާލެ 2 ގެ ހިޔާ ފްލެޓު 16 ގައި ގާއިމުކޮށްފައިވާ ޖެނެރަލް ޕްރެކްޓިސް ކްލިނިކަށް ބަދަލުކޮށްފައިވާ ކަމަށް އެ ހޮސްޕިޓަލުން ވަނީ ބުނެފަ އެވެ.

އެކަމާ ގުޅޭގޮތުން ހަލީމް "މިހާރު" އަށް ވިދާޅުވީ، އެ ހޮސްޕިޓަލުން ކަރަންޓު ކެނޑެން މެދުވެރިވީ ޓްރާންސްފޯމަރުން ހޮސްޕިޓަލްގެ މައި އިމާރާތަށް ކަރަންޓު ދޭން ބޭނުންކުރާ ކޭބަލް އަށް ދިމާވި މައްސަލައަކާ ގުޅިގެން ކަމަށެވެ.

"ކަރަންޓު ޖައްސާައިރަށް ކެނޑެނީ. އެހެންވެ، ސްޓެލްކޯގެ މުވައްޒަފުންގެ ބުރަ މަސައްކަތުން މިހާރު ވަނީ ވަގުތީ ކޭބަލެއް ގުޅާފައި. އެ ކޭބަލް އަޅައި މިއަދުގެ ހެނދުނު 8:33 އިން ފެށިގެން މިދަނީ ފުލް ލޯޑުގައި ހޮސްޕިޓަލަށް ކަރަންޓު ދެމުން،" ހަލީމް ވިދާޅުވި އެވެ.

"އެހެންވީމާ، ކުރިއަށް އޮތް ގަޑިއިރެއްހާއިރުގެ ތެރޭގައި ހޮސްޕިޓަލުގެ ހިދުމަތްތައް އާންމު ހާލަތަށް ގެނެވޭނެ. އިތުރަށް ބަލަންޖެހޭ ކަންކަން ބަލަން ވަގުތުކޮޅެއް މި ނަގަނީ."

ނަމަވެސް، އޯޕީޑީ ވަގުތީގޮތުން ކްލިނިކަށް ބަދަލުކުރުމުން ފިޔަވައި، އެ ހޮސްޕިޓަލުގެ އިތުރު ހިދުމަތްތައް މި މައްސަލައާ ގުޅިގެން ބުރޫ އަރާފައިނުވާ ކަމަށް ވެސް އޭނާ ވިދާޅުވި އެވެ.

"ބަރާބަރަށް ހިދުމަތްތައް އެބަދެން،" ހަލީމް ވިދާޅުވި އެވެ.

ހުޅުމާލެ ހޮސްޕިޓަލް އިބްރާހިމް ހަލީމް (ދަރުމަވަންތަ ހޮސްޕިޓަލް) ހުޅުމާލެ

8 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޕޭޝަންޓް

27 June 2025

ރެއިން ފެށިގެން ދިމާވާ ކަމެއްނޫން. ރެއިން ފެށިގެން މުޅި ހޮސްޕިޓަލުން ކަރަންޓު ކެނޑެނީ. 25ވަނަ ދުވަހުން ފެށިގެން ކަނބިލި ބިލްޑިންގ އިން އިރުކޮޅުކޮޅުން ކަރަންޓް ކެނޑެމުންދަނީ. މައި ކޭބަލް އެކަނިއެއްނޫން، އެހެން މައްސަލަތަކެއްވެސް ދިމާވަމުންދަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޭދުވާ

27 June 2025

އަނެއްކާ ބަޤާވާތެއް ނުންބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

27 June 2025

ޙޫމް. ތިންވަނަ ދުނިޔޭގެ ޓިނު-ތެލި، ދޮންކެޔޮ ޖުމްހޫރިއްޔަތެއް ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މނ

27 June 2025

eކޓިވިސްޓުން ލައިގެން ނުހިންގޭނެ ހޮސްޕިޓަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައަމަދު

27 June 2025

ނުދެވޭ ހިދުމަތެއަ ކުލިނިކައް ދިޔައަމަ އިންޓަނެޓް ނެތޭ ކިޔާފަ ފޮނުވާލަނީ, ދެކޮޅައް ބަލިމީހާ ގޮވައިގެން ދުވަންޖެހެނީ. މާރަގަޅުވާނެ ައައިޖީއެމްއެޗް އަށް ދާށޭ ބުނިނަމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޯއްޅަވަހި

27 June 2025

ތިވެސް ސްކޭމެއް.. ގުރިޑް އަނބުރާ ވަރަކަށް ކަރަންޓްދަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

27 June 2025

ހޮސްޕިޓަލްގެ މެއިންބޯޑަށް ދިމާވިމައްސަލަ އެންމެފަހުން ސްޓެލްކޯ ނުވަތަ ސްޓެލްކޯގެ އެމްޑީއާއި ދިމާލަށް އަބުރާލަންވެގެންތޯ ކަރަންޓްގެކަންކަން އެއްވެސްވަރަކަށް ނޭގޭމީހަކު މައްސަލަ ދިމާވީ ސްޓެކްކޯގެ ޓްރާންސްފޯމަރުން ހޮސްޕިޓަލަށް ކަރަންޓް ދޫކޮށްފައިވާ ކޭބަލްގެ މައްސަލައަކުންކަމަށް ވިދާޅުވީ؟ ކަރަންޓް ދީފައިހުރި ކޭބަލް ކުއްލިއަކަށް ބުރިވެގެން ކަރަންޓް ކެޑުނީ ތިސަރަޙައްދަށް ކުއްލި ބިން ހެލުމެއް އައިސްގެންތޯ؟! ނުވަތަ ޒިންމާއިން ރެކެން ދެއްކި ވާހަކަ އެއްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިކްލީލް

27 June 2025

ރެއިން ފެށިގެންނޭ؟ 2 ދުވަސް ވަނީ، އޭގެ ކުރީ ދުވަހު އަހަރެން ލެބް ކައުންޓަރުގަ ހުއްޓާ 2 ފަހަރަކު ލެބުން ކަރަންޓު ދިޔަ. އެހެން އެކަން ވާކަން އެނގިހުރެ މުޅި އޯޕީޑީ ބަންދު ކުރަންޖެހެންދެން އެ މައްސަލަ ހައްލުނުކުރެވުނީ ކީއްވެ؟ ފުރަތަމަ ދުވަހުވެސް ސްޓެލްކޯ މީހުން ގެނެސް ތި ޕެނަލް ބަލާ ވަގުތީ ކޭބަލް އެޅިނަމަ މުޅި އޯޕީޑީ ބަންދުކުރަން ނުޖެހުނީސް ދޯ. އަނެއްކާ ކަރަންޓު ދާން ފެށީމަ އެނގުނީ އެމަޖެންސީ ލައިޓު މަސައްކަތް ނުކުރާކަން. އެ ވެސް ބަދަލު ކުރީ ރޭގަ.