ހުޅުމާލެ ހޮސްޕިޓަލަށް ދިމާވި ކަރަންޓުގެ މައްސަލަ ހައްލުކޮށް އޯޕީޑީގެ ހިދުމަތް އަލުން ފަށައިފި

ހުޅުމާލެ ހޮސްޕިޓަލަށް ރެއިން ފެށިގެން ދިމާވި ކަރަންޓުގެ މައްސަލަ ހައްލުކޮށް، އޯޕީޑީގެ ހިދުމަތް އަލުން މިއަދު ފަށައިފި އެވެ.

ހުޅުމާލެ ހޮސްޕިޓަލުން ދެންމެ ބުނީ ކަރަންޓަށް ދިމާވި މައްސަލަ މިހާރު އެއްކޮށް ހައްލުކޮށްފައިވާ ކަމަށާއި މެދުކަނޑާލަން ޖެހުނު ހިދުމަތްތައް މިހާރު އަލުން ފަށާފައިވާ ކަމަށެވެ.

އެ މައްސަލަ ހައްލުކުރުމަށް ހޮސްޕިޓަލުގެ މުވައްޒަފުންނާއި ސްޓެލްކޯ އާއި އެމްއެންޑީއެފްގެ އެހީތެރިކަން ލިބުނުކަން ފާހަގަކޮށް، އެ ފަރާތްތަކަށް ހުޅުމާލެ ހޮސްޕިޓަލުން ވަނީ ޝުކުރު އަދާކޮށްފަ އެވެ.

ހުޅުމާލެ ހޮސްޕިޓަލުގެ މައި ކަރަންޓު ޕެނަލަށް ދިމާވި އެ މައްސަލަ ހައްލުވަންދެން، އެ ހޮސްޕިޓަލުގެ އޯޕީޑީ ހިދުމަތްތައް ވަގުތީ ގޮތުން ވަނީ ހުޅުމާލެ 2 ގެ ހިޔާ ފްލެޓު 16 ގައި ހުންނަ ޖެނެރަލް ޕްރެކްޓިސް ކްލިނިކަށް ބަދަލުކޮށްފަ އެވެ.

މާލެ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހިމް އަބްދުއްރައްޒާގު ހަލީމް މިއަދު "މިހާރު" އަށް ވިދާޅުވީ ހުޅުމާލެ ހޮސްޕިޓަލުން ކަރަންޓު ކެނޑެން މެދުވެރިވީ ޓްރާންސްފޯމަރުން ހޮސްޕިޓަލްގެ މައި އިމާރާތަށް ކަރަންޓު ދޭން ބޭނުންކުރާ ކޭބަލަށް ދިމާވި މައްސަލައަކާ ގުޅިގެން ކަމަށެވެ.

"ކަރަންޓު ޖައްސާއިރަށް ކެނޑެނީ. އެހެންވެ، ސްޓެލްކޯގެ މުވައްޒަފުންގެ ބުރަ މަސައްކަތުން މިހާރު ވަނީ ވަގުތީ ކޭބަލެއް ގުޅާފައި. އެ ކޭބަލް އަޅައި މިއަދުގެ ހެނދުނު 8:33 އިން ފެށިގެން މިދަނީ ފުލް ލޯޑުގައި ހޮސްޕިޓަލަށް ކަރަންޓު ދެމުން،" ހަލީމް ވިދާޅުވި އެވެ.

Kuri ah oiy 1 gadi iru ge thereygai Hulhumale hospital aamu haalathah geneveyne: Haleem

The most trusted news source in the Maldives

Mihaaru

އޯޕީޑީ ހިދުމަތް ވަގުތީ ގޮތުން ކްލިނިކަށް ބަދަލުކުރުން ފިޔަވައި، އެ ހޮސްޕިޓަލުގެ އިތުރު އެއްވެސް ހިދުމަތްތަކަށް އެ މައްސަލައާ ގުޅިގެން ބުރޫއަރާފައިނުވެ އެވެ.