ޚަބަރު / ޚިޔާލުފާޅުކުރުމުގެ މިނިވަންކަން

އިދިކޮޅު މުޒާހަރާ އަށް ފުރުސަތު ދިނުމުން، ހިޔާލުފާޅު ކުރުމުގެ ހައްގަށް ދޭ އިސްކަން ފެނިއްޖެ: ހީނާ

ހީނާ ވިދާޅުވީ، ރައީސް މުއިއްޒުގެ ސިޔާސަތަކީ، ހިޔާލުފާޅު ކުރުމުގެ މިނިވަންކަން ލިއްބައިދީ، ހިމާޔަތްކުރުން ކަމަށް.

ރައީސް އޮފީހުގެ ތަރުޖަމާން ހީނާ ނޫސްވެރިންނާ ވާހަކަ ދައްކަވަނީ.

01 ފެބުރުއަރީ 2025 - 00:08

އިދިކޮޅު އެމްޑީޕީން ރޭ މާލޭގައި ބޭއްވި ބޮޑު ހިނގާލުމަށް، ސަރުކާރުން އެންމެ ފުޅާމިނުމުގައި ޖާގަ ދިނުމުން ފެންނަނީ، ގާނޫނުއަސާސީން ލިއްބައިދީފައިވާ އެއްވެ އުޅުމާއި ހިޔާލުފާޅުކުރުމުގެ ހައްގުތައް ހިމާޔަތްކޮށްދީ، ކަށަވަރު ކޮށްދޭން މި ސަރުކާރުން ދޭ އަހައްމިއްޔަތުކަން ކަމަށް ރައީސް އޮފީހުގެ ތަރުޖަމާނު ހީނާ ވަލީދު ވިދާޅުވެއްޖެ އެވެ.

އެމްޑީޕީން ރޭ ބޭއްވީ މި ސަރުކާރު ވެރިކަމަށް އައި ފަހު، އިދިިކޮޅުން މިހާތަނަށް މާލޭގައި ބޭއްވި އެންމެ ބޮޑު ހިނގާލުމެވެ.

އެމްޑީޕީން ރޭ މާލޭގައި ބޭއްވި ހިނގާލުމުގެ ބައިވެރިން ސަރުކާރާ ދެކޮޅަށް އަޑުއުފުލަނީ.--- ފޮޓޯ: ނިޝާން އަލީ/ މިހާރު

އާޓިފިޝަލް ބީޗުން އެތައް ސަތޭކަ ސަޕޯޓަރުންނާއެކު ފެށި މުޒާހަރާގެ ބައިވެރިން ވަނީ ސަރުކާރާ ދެކޮޅު އެކި ޝިއާރުތަކާއެކު އަޑު އުފުލައިފަ އެވެ.

Sarukaaraa dhekolhah adu ufulai, MDP in bodu hingaalumeh baavvaifi

The most trusted news source in the Maldives

Mihaaru

The opposition rally tonight, with the presence of law enforcement, is a testament to how this Administration values rights enshrined in the Constitution, such as freedom of assembly and speech. President Dr @MMuizzu’s policy is to protect & ensure freedom of expression.
— Heena Waleed (@MvSpokesperson) January 31, 2025

ސުލްހަވެރިކަމާ އެކު ކުރިއަށް ގެންދިޔަ މުޒާހަރާ ނިންމައިލުމާ އެކު، ރައީސް އޮފީހުގެ ތަރުޖަމާން ހީނާ އެކްސްގައި ކުރެއްވި ޕޯސްޓެއްގައި ވިދާޅުވީ، ސަލާމަތީ ކަންކަން ބެލެހެއްޓުމަށް ފުލުހުން ހަރަކާތްތެރިވެ، އެ މުޒާހަރާ ކުރިއަށް ގެންދިޔުމަށް އެއްވެސް ހުރަހެއް ނެތި ފުރުސަތު ދިނުމުން، އެއްވެ އުޅުމާއި ހިޔާލުފާޅުކުރުމުގެ ހައްގުތަކަށް، މި ސަރުކާރުން ގަދަރުކުރާ މިންވަރު ސާފުކޮށް ފެނިގެން ގޮސްފައިވާ ކަމަށެވެ.

"ރައީސް ޑރ. މުހައްމަދު މުއިއްޒުގެ ސިޔާސަތަކީ، ހިޔާލުފާޅު ކުރުމުގެ މިނިވަންކަން ލިއްބައިދީ، ހިމާޔަތްކުރުން،" ހީނާ ވިދާޅުވި އެވެ.

އެމްޑީޕީގެ އެއްވުމުގެ އެއްވެސް ހިސާބަކުން ހަމަނުޖެހުމެއް ނުހިނގަ އެވެ. އަދި މާލޭގެ އެކި ސަރަހައްދުތަކުގައި ފުލުހުން ތިބި ނަމަވެސް އެއްވުމަށް ހުރަސް އަޅަން އެއްވެސް މަސައްކަތެއް ކޮށްފައެއް ނެތެވެ.

ސުލްހަވެރިކަމާއެކު ކުރިއަށް ގެންދިޔަ މުޒާރަހާގެ ބައިވެރިން ވަނީ މާލޭގެ އެކި ސަރަހައްދުތަކަށް މަޑުކޮށް ސަރުކާރާ ދެކޮޅަށް އަޑު އުފުލައިފަ އެވެ. ބޮޑެތި މަގުތަކުގައި ހިނގުމަށް ފަހު އެއްވުން ނިންމާލާފައިވަނީ ވެސް އާޓިފިޝަލް ބީޗު ސަރަހައްދުންނެވެ. އަދި ރައީސް މުއިއްޒާއި ބައެއް ވަޒީރުންގެ އިސްތިއުފާ އަށް ވެސް ގޮވި އެވެ.