ކުރީގެ ރައީސް މައުމޫން: ހަމަޖެހިފައި އޮންނަ އުސޫލުން މައުމޫނަށް ވެސް ސެކިއުރިޓީ ދެމުން އަންނަ ކަަމަށް އެމްއެންޑީއެފުން ބުނޭ. --ފޮޓޯ: ހުސެއިން ވަހީދު/ މިހާރު
12 މާޗް 2017 - 17:11
8 comments
ކުރީގެ ރައީސް މައުމޫން އަބްދުލްގައްޔޫމަށް ސެކިއުރިޓީ ދިނުން ހުއްޓާލާފައި ނުވާ ކަމަށް މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އިން މިއަދު ބުނެފި އެވެ.
އެންއެންޑީއެފްގެ މީޑިއާ އޮފިޝަލް، ކެޕްޓަން، އިބްރާހިމް އާޒިމް ވިދާޅުވީ މައުމޫނަށް ސެކިއުރިޓީ ދިނުން ހުއްޓާލާފައިވާ ކަމަށް ސޯޝަލް މީޑިއާގައި ވާހަކަ ފެތުރުނު ނަމަވެސް އެމަނިކުފާނުގެ ސެކިއުރިޓީ ހުއްޓާނުލާ ކަމަށެވެ. ހަމަޖެހިފައިވާ ގަވާއިދާއި އުސޫލަށް ސެކިއުރިޓީގެ އެންމެންހާ ކަންކަން މައުމޫނަށް ފޯރިކޮށްދެމުން އަންނަ ކަމަށް އޭނާ ވިދާޅުވި އެވެ.
އުސޫލާ އެއްގޮތަށް މައުމޫނަށް ސެކިއުރިޓީ ދެމުން އަންނަ ކަމަށް އެމްއެންޑީއެފުން ބުނިއިރު، އަމިއްލަ ދަތުރުފުޅެއްގައި މައުމޫންގެ ދެކަނބަލުން މިދިޔަ ބުރާސްފަތި ދުވަހު އިންޑިއާ އަށް ވަޑައިގެންނެވިއިރު ސެކިއުރިޓީން ދަތުރުކުރުން ވަނީ މަނާކޮށްފަ އެވެ. މައުމޫނާ އެކު ފުރަން ނިންމި، ދެ ސެކިއުރިޓީން ނުފުރައި އަނބުރާ މާލެ އަންނަން އެމްއެންޑީއެފުން އެންގީ ވެލާނާ އިންޓަނޭޝަނަލް އެއާޕޯޓުން ޗެކިން ވެސް ކުރި ފަހުންނެވެ.
ޕީޕީއެމްގެ މައުމޫން ފެކްޝަންގެ އިސްބޭފުޅަކު ވިދާޅުވެފައިވާ ގޮތުގައި، މައުމޫނާ އެކު އެމަނިކުފާނުގެ ބޮޑީގާޑުން ފުރުން ކުއްލި ގޮތަކަށް މަނާކުރީ، ލިޔުމުން ރަސްމީކޮށް އެމްއެންޑީއެފްގައި އެދިފައި ނުވާތީ ކަމަށް ބުނެ އެވެ. އެކަމަކު އެމަނިކުފާނު ފުރާވަޑައިގަންނަވާ އެއްވެސް ފަހަރަކު ސެކިއުރިޓީ ހަމަޖައްސައިދިނުމަށް އެދި ރަސްމީކޮށް ލިޔުމުން ހުށަނާޅާ ކަމަށް ވެސް އޭނާ ވިދާޅުވި އެވެ.
ފަހުވަގުތު ދެ ސެކިއުރިޓީން ފުރުން އެމްއެންޑީއެފުން މަނާކުރުމުން، މައުމޫން ދަތުރު ކުރެއްވި ސްރީލަންކަން އެއާލައިންސްގެ މަތިންދާބޯޓު ފުރަން އޮތް ގަޑިއަށް ވުރެ ގަޑިއެއް ހާއިރު ލަސްވި ކަމަށް މައުމޫންގެ އަރިސްބޭފުޅަކު ވަނީ ވިދާޅުވެފަ އެވެ.
ކުރީގެ ރައީސުންނަށް ރައްކާތެރިކަން ދޭ ގާނޫނުގެ ދަށުން ސެކިއުރިޓީ ހަމަޖައްސައިދޭން އެމްއެންޑީއެފްގެ މައްޗަށް އޮންނަނީ ލާޒިމްކޮށްފަ އެވެ.
ފިނޭންސް މިނިސްޓްރީން މިދިޔަ އަހަރު ފަހުކޮޅު އެކުލަވާލި އުސޫލުގެ ދަށުން ކުރީގެ ރައީސުންނަށް ދޭ އިނާޔަތްތައް ކުޑަކޮށްފައިވީ ނަމަވެސް ސެކިއުރިޓީ އުސޫލްތަކަށް އެއްވެސް ބަދަލެއް ގެނެސްފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެންވަރު
13 March 2017
އެހެންވީމަ މައުމޫނު މިފަހަރު މިއޮތީ އެމް.އެން.ޑީ.އެފް އޭ ކިޔައިގްނ ދޮގުހަދާފަދޯ. އަވަހަށް ދީނޭ އިސްތިޤްލާލޭ ސަލަމާތޭ ކިޔާފަ އަބުރުގެ ދައުވާއެއްކޮށްލާ. ސަރުކާރުގެ ނެތް އަގު ވައްޓާލީވިއްޔަ. ހެހެހެ.
އަސާސީ ޤާނޫނު
12 March 2017
މައުމޫނުގެ ސެކިއުރިޓީ ހުއްޓައެއް ނުލަމެވެ. މައޫނަށް ސެކިއުރިޓީ ނުދެނީ އެވެ.
ފާތުމަ
12 March 2017
ހެހެހެ ހަމަ ފެއިލް.....މިހާރު ވާނުވައެއް ނޭނގޭ... ޢެކިދުވަހު އެކި ގޮތަށް..
ދޮންރުއް
13 March 2017
މައުމޫނުވެސް އެނބުރެނީ ޢެކިދުވަހު އެކި ގޮތަށް.. އެހެންވިމާ ސެކިއުރިޓީ ދިނުމަށް ސްޓްރެޓެޖި އަށް ރާވަމުން ދަނީ ކަންނެނޫންތަ.. ؟
ޢަހްމަދު
12 March 2017
މިފަހަރު ގާނޫނާ ޚިލާފުވީ ކޮންބައެއް
އިބުރާހިމް އާސިފް
12 March 2017
އެމް އެންޑީ އެފުގެ ބަޔާންދޮގެކޭ ބުނެވޭކަށެއްނެތް.... ރައީސު މައުމޫނުގެ ސެކިޔުރެޓީ ހުއްޓުވައިފައި ހީއެއްނުވޭ އިތުރު އެހެންފަރާތަކަށް ވަކި އިސްކަމެއްދެވޭނެކަމަކަށް... ސެކިޔުރެޓީ ތިޔަދެމުންގެންދާ ކޮންމެ މީހަކީވެސް ގާނޫނު އަސާސީން އެބަޔަކަށް ސެކިޔުރެޓީ ދޭންވާނެކަމައް އަންގަވައިފައި ވާތީ ކަމައްވާނަމަ މައުމޫނުގެ ސެކިޔުރެޓީ އަކީ ވެސް އެއުސޫލުން ދޭންމަޖުބޫރު ވާކަމެއް،،، ހިތާމައަކީ ތިޔަ މުވައްސަސާ މިހާރު ތިޔަކުރެއްވި ކަމަކުން ވަނީ މުޅިދުނިޔޭގެ ކުރިމަތީގައި ކިހިނެއްވެފައިތޯ އަމިއްލައަށް ސުވާލުކުރައްވާ ނަފުސާއި....
ރަދީފް އެންޑް ރަފައިދާ
12 March 2017
ނަޝީދަށް ސެކިއުރިޓީދޭތޯ ކޮންމެސްކުއްޖެއް ސާފުކޮށްލަދީބަލަ.
ޕޮކަންޑި މޭން
12 March 2017
ނަޝީދަކަށް ސެކިއުރިޓީއެއްވެސް ނުދެވެ، ނަޝީދު ގެ ޕޕ ހިފެހެއްޓިއަސް ދަތުރު އެބަކުރޭ، ރެޑްނޯޓި ސްނެރެގެން ހިފާ ހައްޔަރެއްވެސް ނުމެ ކުރެވުނު، ހުރި ޤާބިލުކަމެއްގެ ބޮޑު ކަމާއެވެ. ލަދު ދެއްތޮ.