ކުރީގެ ރައީސް މައުމޫން ދަރިކަނބަލުން ޔުމްނާއާ އެކު: އެމަނިކުފާގެ ގެކޮޅުގެ ސެކިއުރިޓީ ވަނީ ވަރުގަދަކޮށްފައި.
09 ޖެނުއަރީ 2018 - 09:33
42 comments
ކުރީގެ ރައީސް މައުމޫން އަބްދުލްގައްޔޫމްގެ ހަށިކޮޅަށް ގެއްލުމެއް ދޭން އުޅޭ ކަމަށް ބުނެ އެމަނިކުފާނު ދިރިއުޅުއްވާ ގެކޮޅުގެ ސެކިއުރިޓީ މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އިން ވަރުގަދަކޮށްފި އެވެ.
މައުމޫންގެ އަރިސް ބޭފުޅަކު މިއަދު ވިދާޅުވީ، މ. އެންދެރިމާގޭގެ ސެކިއުރިޓީ ވަރުގަދަކޮށް ރެ އިން ފެށިގެން އެ ގެކޮޅުގައި ސިފައިން ހަރަކާތްތެރިވަމުން އަންނަ ކަމަށެވެ. އެއީ، އެމަނިކުފާނަށް ގެއްލުމެއް ދޭން އުޅޭ ކަމަށް ލިބުނު ރިޕޯޓަކާ ގުޅިގެން ކަމަށް އެމްއެންޑީއެފުން މައުލޫމާތު ދީފައިވާ ކަމަށް ވެސް އޭނާ ވިދާޅުވި އެވެ.
"ޑިއުޓީ ބަހައިގެން ގެކޮޅުގައި ސިފައިން ފޯރިމަރަމުން އަންނަނީ،" "މިހާރު"އާ ވާހަކަ ދެއްކެވި މައުމޫންގެ އަރިސް ބޭފުޅާ ވިދާޅުވި އެވެ.
މިކަމާ ގުޅޭ ގޮތުން އެމްއެންޑީއެފުން އަދި ވާހަކައެއް ނުދައްކަ އެވެ.
މައުމޫނަށް ގެއްލުމެއް ދޭން އުޅޭ ކަމަށް ބުނެ ސެކިއުރިޓީ ބަލަހައްޓަން ފެށީ، އިދިކޮޅު ބައެއް މީހުން ތުހުމަތުކުރާ ގޮތުގައި، އެ ގެކޮޅަށް ވަދެ ނިކުމެ އުޅޭ މީހުން ބެލުމަށެވެ. އެ ނޫން، ނިޔަތެއް އެކަމުގައި ނެތް ކަމަށް އެ މީހުން ދެކެ އެވެ.
މީގެކުރިން، އެމަނިކުފާނުގެ ސެކިއުރިޓީ ދަށްކޮށްފައި ވެ އެވެ. މިދިޔަ އަހަރުގެ މާޗް މަހުގެ ތެރޭގައި އެމަނިކުފާނު ރާއްޖެއިން ބޭރަށް ވަޑައިގެންނެވިއިރު ސެކިއުރިޓީން ދަތުރުކުރުން ވަނީ މަނާކުރި އެވެ. މައުމޫނާ އެކު ފުރަން ނިންމި، ދެ ސެކިއުރިޓީން ނުފުރައި އަނބުރާ މާލެ އަންނަން އެ ފަހަރު އެމްއެންޑީއެފުން އެންގީ ވެލާނާ އިންޓަނޭޝަނަލް އެއާޕޯޓުން ޗެކިން ވެސް ކުރި ފަހުންނެވެ.
ރައީސް އަބްދުﷲ ޔާމީން ވެރިކަން ކުރައްވާ ގޮތާ މެދު ހިތްޕުޅުހަމަޖެހިވަޑައިނުގެން، އިދިކޮޅު ފަރާތްތަކާ އެކު މައުމޫން މަސައްކަތްޕުޅު ކުރައްވާއިރު އިންތިހާބަށް އެއް ކެންޑިޑޭޓަކު ނެރުމުގެ މަޝްވަރާތައް ވަނީ ފަށައިފަ އެވެ. މައުމޫންގެ ފަރާތްޕުޅުން ވެސް މަންދޫބުން ހިމެނިވަޑައިގަންނަވާ އެ ކޮމެޓީގެ މަޝްވަރާތަކުގައި، ރައީސް ޔާމީން ބަލިކުރަން ކެންޑިޑޭޓަކު ނެރުމުގެ އިތުރުން، ރިޔާސީ އިންތިހާބުގައި ޕާޓީތައް ގުޅިގެން މަސައްކަތްތައް ކުރެވޭނެ ގޮތްތަކެއް ކަނޑައަޅަން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުދަ އާދަނު
10 January 2018
މީމައުމޫނަށް ތާއިދުކުރާ މީހުންގެ ސަޕޯޓް ޔާޟިން ހޯދުމަށް ކުރާ ކަމެއކަން ޔަގީން.
މުހައްމަދު އަހްމަދު
10 January 2018
ރައީސް މައުމޫނަކީ، ތަރައްޤީގެ ބާނީ..... ދިވެހިން ދުށް އެންމެ މޮޅު އިލްމުވެރިޔާ
އަލީ އަހްމަދު
10 January 2018
އެމްޑީޕީ އާއި، ޕީޕީ އެމާއި، އަދާލަތާއި، ޖޭޕީ އަކުންވެސް މަނިކުފާނަށް ރައްކާތެރިކަމެއް ނެތް... އެވެރިންނަކީ މަނިކުފާނު ދެކެ ނުހަނު ހަސަދަވެރިވާ ބައެއް... މީ ހަގީގަތް..
އަހްމަދު އަހްމަދު
09 January 2018
9ޖެނުއަރީ ދުވަހުގެރޭ 8 ޖެހިއިރު އަހަރެން އެންދެރިމާގެ ކާރިން ދިޔައިން އެއްވެސް ސިފައިންގެމީހެއް ޕޮލިސް މީހެއްވެސް އެހިސާބަކުނެތް. ސެކިޔުރިޓީ ވަރުގަދަ ވާހަކައޮތީމާ އެތާ ކުޑައިރުކޮޅަކު މަޑުވެސް ކޮށްލިން. އެކަހަލަކމެއް ނުފެނުނު. ކޮން ގެކޮޅެއްގެ ސެކިޔުރިޓީއެއްބާ ވަރުގަދަކުރީ.
މުހައްމަދު އަހްމަދު
09 January 2018
މައުމޫނަކީ ދިވެރާއްޖޭގެ ތަރައްޤީގެ ބާނީ.. ރަން 30 އަހަރުގެ ރައީސް... އެމަނިކުފާނަށް ސެކިއުރިޓީ ރަނގަޅު ފެންވަރެއްގެ ދެއްވަން ޖެހޭނެ... ސެކިއުރިޓީ ދެއްވުމަކީ އެމަނިކުފާނުގެ ސިޔާސީ ހަރަކާތަށް އެޅުނު ހުރަހެއް ކަމަށް ދެކުމަކީ، އެގޮތަށްދެކޭ ބައެއްގެ ނުކުޅެދޭކަން... އެމަނިކުފާނުގެ ސިޔާސީ ހަރަކާތްތަކަކީ ޤާނޫނީ އިމުގެ ތެރެއިން ހިންގަވާ ހަރަކާތެއް ކަމަށްވާނަމަ، އެމަނިކުފާނަށް ގެއްލުމެއްނެތް.. އެކަމަކު އެމަނިކުފާނު ޤާނޫނާ ޚިލާފު ހަރަކާތެއް ހިންގަވަން އުޅުއްވާނަމަ، ސެކިއުރިޓީގެ ސަބަބުން އެކަމެއް ނުކުރެއްވޭނެ...
މުކައްބަ
09 January 2018
ވަގުތާއި، ހިނގާ ކަންކަމާއި، ދެކެވޭ ވާހަކަތަކާއި، ކަންފަތަށް އިވެމުންދާ އަޑުތަކާއި، ކޯޅޭ ކޯޅުން ތަކާއި، ފެންނަމުންދާ މަންޒަރު ތަކާއި، ކުރިމަތި ވަމުން އަންނަ ރިޔާސީ އިންތިޚާބާއި، ކުރިން ކަންހިނގާފައިވާ ގޮތާއި، މިއަދުގެ ޙާލަތަށް ވިސްނާލާއިރު، ވަރަށް ގިނަ ގޮތްގޮތަށް ވާހަކަ ދެއްކުމުގެ ފުރުޞަތު ލިބޭކެމެއް ސެކިއުރިޓީ ވަރުގަދަ ކުރުމަކީ.
ފާތީ
09 January 2018
އެމަނިކުފާނުގެ ހަށިރައްކަލަށް ސެކިއުރިޓީ ވަރުގަދަކުރީމަވެސް ގޯސްމިވީ ސަރުކާރު. ކަމެއްވިނަމަވެސް ގޯސްވާނީ ސަރުކާރު. މިސަރުކާރަކަށް އެނގޭއިދިކޮޅުގައިތިބީކޮންބައެއްކަން. ވެރިކަމުގެދަހިވެތިކަމުގައި މައުމޫނުކޮށާކުދިކުރަންވެސް ފަސްނުޖެހޭވަރުގެ އިއްތިހާދެއްއޮތީ.
ޙަސަން
09 January 2018
ދެން އެހެންޏާ ފަހެ...ޔާމީނު ހަށި ރައްކަލަކަށް އާރަށުގައި ބެހެއްޓުން މައްސަލަ އަކަށް ވާންވީ ކީއްވެ... ތިބުނީ ރަނގަޅަށް އަބަދުވެސް ގޯސްވާނީ ސަރުކާރު..
އަޖައިބެއް
09 January 2018
ވަންނަ އެންމެންގެ ނަން ނޯޓުކުރުން އެއީ ސެކިއުރިޓީ ވަރުގަދަ ކުރުން؟
ޙްމް
09 January 2018
ނާޒިމް އަށްވެސް ހަށި ރައްކަލަކަށް ތޯ އެހުރީ ޖަލުގަ؟
ނޫސް ކިޔާމީހެއް
09 January 2018
މުޅިން ފޭކު އުފެއްދުމެއް. މައުމޫނުގެ ހަށިކޮޅަށް ގެއްލުންދޭނެބަޔަކު އެހެންތާކުން ނުނިކުންނާނެ މިއަދަކު . އެފަދަ ކަމެއް އައީވިއްޔާ އަންނާނެނީ ކޮންދިމާލަކުންކަން އެންްމެން ދަނޭ، ބޭނުމަކީ މައުމޫނު ފިއްތާލާފައި ބެހެއްޓުން. ކިރިޔާވެސް ހެންހީވާމީހަކުވިއްޔާ ކޮންމެސް ތުހުމަތެއް އަޅުވައި ބަންދުކުރާނެކަން ހަމަޔަޤީން
ޝަހާމު ޝަރީފް
09 January 2018
މައުމޫނު ލިޓްރަލީ ހައްޔަރު ތިޔަ ކުރެވުނީ. ދެން ހިމާޔަތުގެ ނަމުގައި އެމްއެންޑީއެފް އިން ދާނީ މައުމޫނުގެ ހުރިހާ ކަމެއް ބަލަހައްޓަވަމުން. ހަގީގަތުގައި މިހުރިހާ ދަންތޫރައެއް މިޖެހެނީ މައުމޫނުގެ ދަރިއަކަށް ވެރިކަން ފުރޮޅާލަން ކުރާ މަސައްކަތުގެ ދަށުންކަން އެންމެނެންނަށްވެސް އިނގޭ. މިހާރު މުސްކުޅިފުޅުވެ ގައިބާރު ދެރަވެ އެކަނި ހިނގާބިނގާވެ އުޅެން ދަތިވެފައިވާއިރު، ރީތިކޮށް ކަންކަމާ ބެހިވަޑައިނުގެން ހުންނަވާނަމަ މައުމޫނަށްވެސް އިއްޒަތްތެރިކަމާ އެކު ދިރިއުޅެވުނީސް. ސިޔާސީ ކަންކަމުގައި މުހާރު އުޅެވިއްޖެއެއްނޫންތޯ! ގައުމެއްގެ ޖީލެއް ހަލާކުވެގެން ދިޔައީ ހުދު މައުމޫނު މަނިކުފާނުގެ ވެރިކަމުގަވިއްޔާ!
ނޫރުބާނު
09 January 2018
ހަލާކުވެ ދިޔަ ޖީލުގެ އެކަކަށް ކަލޭވެސް ވާނެތާ.
އަވައިނުވާ
09 January 2018
ރައީސް މައުމޫނުގެ ދޮށީ ފިރިހެން ބޭފުޅާ ޖަލުގައި ހައްޔަރުކޮށްފަ ރައީސް މައުމޫނު ވަށައިގެން އަސްވާރުން ބައިތިއްބާފަ ބައްދަލްކުރަނީ ކޮންބަޔަކާތޯ ބަލަބަލާ