ހުމާ ގުޅިގެން އެއްވެސް ސްކޫލެއް ބަންދުކުރަން އަދި ނުނިންމަން: އެޑިއުކޭޝަން

އިމާދުއްދީން ސްކޫލުގެ ދަރިވަރުންތަކެއް: ހުމާ ގުޅިގެން އެއްވެސް ސްކޫލެއް އަދި ބަންދު ނުކުރާ ކަމަށް މިނިސްޓްރީން ބުނޭ.-- ފޮޓޯ: ހުސެއިން ވަހީދު/ މިހާރު

އާމިނަތު ޝިފްލީން، މިހާރު

13 މާޗް 2017 - 10:41

9 comments

ރާއްޖޭގެ އެކި ސަރަހައްދުތަކުގައި ހަލުއިކަމާ އެކު މިހާރު ފެތުރެމުންދާ ހުމުގެ ރޯގާތަކާ ގުޅިގެން އަދި އެއްވެސް ސްކޫލެއް ބަންދުކުރަން ނިންމާފައި ނުވާ ކަމަށް އެޑިއުކޭޝަން މިނިސްޓްރީން ބުނެފި އެވެ.

ނޭވާލާ ނިޒާމަށް ޖެހޭ ބަލިތަކާއި އިންފްލުއެންޒާ ޖެހޭ މީހުންގެ އަދަދު އިތުރުވެފައިވާ ކަމަށާއި އޭގެ ތެރެއިން ބައެއް މީހުން އެޗް1އެން1 ނުވަތަ ސްވައިން ފްލޫ އަށް ޕޮޒިޓިވް ވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ވަނީ ބުނެފަ އެވެ.

އަދި އަރިދަފުސް ރޯގާ އާއި ވައިރަލް ހުން ހަލުއި ކަމާއެކު ފެތުރެމުންދާ ކަމަށް ވެސް އެތަނުން ބުންޏެވެ.

އެޑިއުކޭޝަން މިނިސްޓްރީގެ އޮފިޝަލަކު ވިދާޅުވީ ސްކޫލުތައް ބަންދު ކުރުމާ މެދު ގޮތެއް ނިންމާނީ އެޗްޕީއޭ އިން އެންގުމުން ކަމަށާއި އެކަމާ ގުޅޭގޮތުން އެޗްޕީއޭ އިން މިހާތަނަށް ވަކި އެއްޗެއް އަންގާފައި ނުވާ ކަމަށެވެ.

ހުމާ ގުޅިގެން އެޑިއުކޭޝަން މިނިސްޓްރީން ސްކޫލުތައް ބަންދު ނުކުރި ނަމަވެސް މާލޭގެ އަމިއްލަ ޕްރީ ސްކޫލެއް އިއްޔެ ވަނީ ބަންދުކޮށްފަ އެވެ.

އެޗްޕީއޭ އިން ނެރުނު ބަޔާނެއްގައި ބުނެފައި ވަނީ ރޯގާ ޖެހި ކެއްސާ ނަމަ މީހުން އެއްވެ އުޅޭ ތަންތަނަށް ދިޔުން ރަނގަޅު ނޫން ކަމަށާއި ކުޑަކުދިން އެ ފަދަ ތަންތަނަށް ނުގެންދިޔުމަށެވެ.

އެ އެޖެންސީގެ ބަޔާނުގައި ބުނީ މިހާރު ފެތުރެމުންދާ ރޯގާގައި ބައެއް ފަހަރު ބަލި މީހާގެ ހާލު ވަރަށް ދަށްވާ ކަމަށެވެ. އަދި ކުޑަކުދިންނާއި އުމުރުން ދުވަސްވީ މީހުންނާއި ފުއްޕާމޭގެ ބަލިތައް ފަދަ ސިއްހީ ބޮޑެތި މައްސަލަތައް ހުންނަ މީހުންނަށް އެޗް1އެން1 ޖެހިއްޖެ ނަމަ ނުރައްކާ ވެދާނެ ކަމަށް ވެސް އެތަނުން ބުންޏެވެ.

ސްކޫލް އެޑިއުކޭޝަން މިނިސްޓްރީ އާންމު ބަލިތައް ވައިރަލް ހުން ސްވައިން ފްލޫ

9 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވޯލް

13 March 2017

ތިަޔަށް ކިޔަނީ ޒިންމާ ބޮލުން ކަޓުވާލުން. އެޗްޕީއޭ އިން ނާގާތީއޭ ކިޔާފައި ކަމެއް ނުކޮށް ތިބެގެން ނުވާނެ. އިސްވެ އެވެރިނަށް ގުޅައިގެން އޮޅުން ފިލުވަންޖެހޭ. އެޑިއުކޭޝަން މިނިސްޓްރީއަކީ (ސްކޫލްގެ މާހައުލުގައި ދިމާވެދާނެ ކަންކަމުގެ) ރާއްޖޭގައި ކިޔަވާ ހުރިހާ ކުދިންގެ ޒިންމާ ނަގަންޖެހޭ ހިސްފަރާތް. ސޮއި ކޮށްލާފައި ގޮސް ގަޑިއަކި އެއްފަޖަރު ކޮޕީ ބޮވޭނެ. އެނިމުނީ ތިވެރިންގެ މަސައްކަތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

13 March 2017

ސްކޫލުތަށް ބަންދުނުކުރަންޏާ އަހަރެމެންގެ ދަރި ސްކޫލަށް ނުފޮނުވާނަން، ސަރުކާރަކަށް ޒިންމާ ނުނެގޭ، ސަރުކާރު ހުސްވެފައިވަނީ ސައުދީ ރަސްގެފާނަށް، ސަރުކާރަކަށް ވަގުތެއް ނުދެވޭ ޤައުމުގެ އިޖްތިމާއީ ކަންކަން ރަނގަޅުކުރުމަކަށް، އަދި އިޤްތިސާދީ ކަންކަން އިސްލާހްކުރުމަކަށް، ޓެކުސްގެ ފައިސާއިން ހަރަދުކޮށްގެން ފަސޭހަކަމާއި އެކުގައި އުޅޭތަން މިފެންނަނީ