ކޮންޓްރެކްޓަރު ރިޕޯޓުތައް ހުށަނާޅާތީ ތިނަދޫ އެއާޕޯޓު މަޝްރޫއު މަޑުޖެހިއްޖެ

ތިނަދޫގައި އިންޓަނޭޝަނަލް އެއާޕޯޓު އެޅުމުގެ އެއްބަސްވުމުގައި ކޮންސްޓްރަކްޝަން މިނިސްޓަރު މުއްތަލިބު އަދި ތައިލެންޑުގެ ޕޭން ޕެސިފިކްގެ ސީއީއޯ ޒިރާޓް ސޮއިކުރެއްވުމަށްފަހު ފޮޓޯއަކަށް ހުއްޓިވަޑައިގެން.-- ފޮޓޯ: ރައީސް އޮފީސް

އާސިމާ ނިޒާރު، މިހާރު

06 މާޗް 2025 - 14:23

24 comments

ގދ. ތިނަދޫގައި އިންޓަނޭޝަނަލް އެއާޕޯޓެއް ހަދަން ތައިލެންޑުގެ ކުންފުންޏަކާ އެކު، ދިވެހި ސަރުކާރުން އެމްއޯޔޫގައި ސޮއިކޮށްފައިވީ ނަމަވެސް އެ ކުންފުނިން ރިޕޯޓުތައް ހުށަނާޅާތީ މަސައްކަތް މަޑުޖެހިއްޖެ އެވެ.

ރައީސް ޑރ. މުހައްމަދު މުއިއްޒު މިދިޔަ އަހަރުގެ ފެބްރުއަރީ މަހު ހުވަދުއަތޮޅަށް ކުރެއްވި ދަތުރުފުޅުގައި ވަނީ ތިނަދޫގައި އެއާޕޯޓެއް އަޅަން ތައިލެންޑުގެ ޕޭން ޕެސިފިކްއާއާ އެކު އެމްއޯޔޫއެއްގައި ސޮއިކޮށްފަ އެވެ.

އެ ރަށު ސްކޫލުގެ ހޯލުގައި ފެބްރުއަރީ 20، 2024 ބޭއްވި ރަސްމިއްޔާތުގައި 400-600 މިލިއަން ޑޮލަރުގެ އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ ކޮންސްޓްރަކްޝަން އެންޑް އިންފްރާސްޓްރަކްޗާ މިނިސްޓަރު ޑރ. އަބްދުﷲ މުއްތަލިބެވެ. ތައިލެންޑުގެ ޕޭން ޕެސިފިކްއާގެ ފަރާތުން ސޮއި ކުރެއްވީ އެ ކުންފުނީގެ ސީއީއޯ ޒިރާޓް ޕެތްނުންތަވޮންގެވެ.

އެ އެއްބަސްވުމުގައި ސޮއިކުރިތާ އަހަރަށް ވެގެން ދިޔަ ނަމަވެސް އޭގެ އެއްވެސް ތަފްސީލެއް އަދި ނުލިބެ އެވެ.

މައުލޫމާތު ހޯދައި ލިބިގަތުމުގެ ގާނޫނުގެ ދަށުން "މިހާރު" އިން މިދިޔަ އަހަރުގެ ޑިސެމްބަރު 25 ގައި ފޮނުވި ސުވާލުތަކަށް، އިންފޮމޭޝަން ކޮމިޝަނަރުގެ އޮފީހުގެ އަޑުއެހުމަކަށް ފަހު މިއަދު ވަނީ ޖަވާބު ދީފަ އެވެ.

ތިނަދޫގައި ހަދާ އިންޓަނޭޝަނަލް އެއާޕޯޓުގެ ކުރެހުމެއް: މި ތަން ހެދުމަށް ހަވާލުކުރީ ތައިލެންޑުގެ ކުންފުންޏަކާ.

އެ ޖަވާބުގައި މިނިސްޓްރީން ބުނީ އެއާޕޯޓު އެއްބަސްވުމުގައި ސޮއިކުރީ ޕަބްލިކް ސެކްޓާ އިންވެސްޓްމަންޓް ޕްރޮޖެކްޓުގެ ދަށުން ކޮންޓްރެކްޓަރު ހުށަހަޅާފައިވާ ޕްރޮޕޯޒަލަށް ރިއާޔަތް ކުރުމަށް ފަހު ކަމަށެވެ.

އެކަމަކު، ކޮންޓްރެކްޓަރުގެ ފަރާތުން ތިނަދޫ އެއާޕޯޓުގެ ޓެކްނިކަލް އަދި ފައިނޭންޝަލް ޕްރޮޕޯޒަލް މިނިސްޓްރީ އަށް ހުށަހަޅާފައި ނުވާތީ އެ މަޝްރޫއު މަޑުޖެހިފައިވާ ކަމަށް ބުންޏެވެ.

އެކަމާ ގުޅޭގޮތުން ހަ ސުވާލެއް މިނިސްޓްރީ އަށް ފޮނުވި ނަމަވެސް އިތުރު އެއްވެސް މައުލޫމާތެއް ނުލިބެ އެވެ.

މުއްތޮލިބު ކުރިން ވިދާޅުވެފައި ވަނީ ކޮންޓްރެކްޓް އެއްބަަސްވުމުގައި ސޮއިކުރާނީ ތައިލެންޑުގެ ކުންފުނީގެ ފަންނީ އަދި މާލީ ގާބިލްކަން ކަށަވަރު ކުރުމަށް ފަހު ކަމަށެވެ.

ތިނަދޫ އެއާޕޯޓުގެ އެމްއޯޔޫގައި ސޮއިކުރުމުގެ ރަސްމިއްޔާތުގައި އޭނާ ވިދާޅުވީ، އެ އެއާޕޯޓު ހެދުމުގެ މަޝްރޫއަށް ދިވެހި ސަރުކާރުން އެއްވެސް ހަރަދެއް ނުކުރާނެ ކަމަށާއި އެ ހުރިހާ ކަމެއް ކުރާނީ ސީދާ އިންވެސްޓަރު ކަމަށެވެ.

600 million dollar ge international airport eh Thinadhoo gai hadhan havaalu koffi, hurihaa haradheh e kunfunin

The most trusted news source in the Maldives

Mihaaru

އެ އެއްބަސްވުމުގެ ދަށުން ތިނަދޫ ފަޅުގައި އެއާޕޯޓު އެޅުމާއެކު، ގދ. އަތޮޅުގައި ޓޫރިޒަމް ސިނާއަތާއި އެހެނިހެން އިގުތިސާދީ ކަންކަމަށް ވެސް އިންވެސްޓްކުރުން ހިމެނެ އެވެ.

މުއްތޮލިބު ވިދާޅުވި ގޮތުގައި ގދ. އަތޮޅުގައި ވަސީލަތްތައް ހުއްޓަސް އަތޮޅުން ތަރައްގީ ނުފެންނަނީ ސަރުކާރުތަކުން އަޅާ ނުލައި އޮތުމުންނެވެ. އެހެންވެ، އިތުރު އެއާޕޯޓެއް އެޅުމަކީ އަތޮޅުގެ ތަރައްގީ އަށް މުހިއްމު ކަމެއް ކަމަށް މިނިސްޓަރު ވިދާޅުވި އެވެ.

ތިނަދޫގައި ހަދާނީ އެންމެ ބޮޑެތި ބޯޓުތައް ރަންވޭގައި ޖެއްސޭ ފަދަ އެއާޕޯޓު ކަމަށާއި އެތަނުގައި ފްލައިން ޕޫލަކާއި ކާގޯ ހިދުމަތް ދެވޭނެ ތަނަކާއި ފިއުލް ފާމެއް ވެސް ގާއިމު ކުރައްވާނެ ކަމަށް ވެސް އޭނާ އޭރު ވިދާޅުވި އެވެ.

އެއާޕޯޓާއެކު ކޮންޓްރެކްޓަރު ވަނީ އެ ސަރަހައްދުގައި 12 ރިސޯޓު ތަަރައްގީ ކުރަން ވެސް ހުށަހަޅައިފަ އެވެ. އޭގެ ސަބަބުން އެތައް އެނދެއް އެތަނުގައި ގާއިމުކޮށް، ހުވަދު އަތޮޅަށް ބޮޑު ބަދަލެއް އަންނާނެކަން މިނިސްޓަރު ފާހަގަކުރެއްވި އެވެ.

ގދ. ތިނަދޫ ތަރައްގީގެ މަޝްރޫއުތައް ކޮންސްޓްރަކްޝަން މިނިސްޓްރީ ޑރ. އަބްދުﷲ މުއްތޮލިބް (މިނިސްޓަރު)

24 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކީކޭ ބުނާނީ

07 March 2025

ކޮންމެ ރަށެއްގަ އެއާރޕޯރްޓް ތި އަޅަނީ އަހަރެމެން މިތިބީ ރަންވަޅެއް މަތީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިޔޯ ކޮސްގޮވަނީ

07 March 2025

ސަރުކާރަކުން ހިނގަންއުޅޭކަމެއްގަ, ހާވާލުވެގެން އުޅޭމީހަކު އެކަން ނުކުރީމާ ކުރެވޭނެ ގޮތް ހެދުމަކީ ވެރިކަމުގަ ހުންނަމީހެއްގެ ޒިންމާއެއް. ހިވަނީ ބަތްކައްކާކުޅޭ ކުޑަކުދިންތަކެއް ދައްކާކަހަލަވާހަކަ ދައްކާ ބައެއް ހެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައްކުބޭ

07 March 2025

5 މިނިޓް ދުރުމިނުގައި އެއަރޕޯރޓެއް އެބައޮތް، މިދެން ކިހާ ދެރަކަމެއް، އަހަރެމެން ތި ފަދަ އެއަރޕޯރޓް 5 މިނިޓުން ދެވޭ ހިސާބުގައި އޮއްވާ މި އަޅަންއުޅޭ އެއަރޕޯރޓް އަދި ބްރިޖް ފަދަ ކަންކަމަކީ ކުރަންޖެހޭ ކަމެއް ނޫން، ދައުލަތުގެ ފައިސާ ބޭކާރުގޮތުގައި ޚަރަދުކުރުކުގެ ބަދަލުގައި ރައްޔިތުންނަށް ފައިދާހުރި ކަންކަމަށް ފައިސަާ ޚަރަދުކުރުން މާ ރަގަލު، މިސާލަކަށް ބާވެފަވާ ކާޑެެއދޫ އެެަރޕޯރޓް އަޕްގްރޭޑް ކުރުން މަާ ރަގަޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯރަބޜ

07 March 2025

ސަރުކާރުގެ މަގުސަދަކީ މަޖިލިސްއިންތިހާބު ކާމިޔަބު ކުރުން އެކަށް ކިތައްމެ ރަގަޅަކަށް ވެސް ކޮށްފި. ލައްކަވާހަކަ މީ އެވާހަކަ ބުނެލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

06 March 2025

ތިނަދޫ މީހުންނަށް ކިހާބޮޑު ލަނޑެއް މުއްތަލިބު ތި ދެއްވީ. ފައިސާ ހޯދާނޭ ގޮތެއްވެސް ނުށަނުހަޅައި އަދި މަސައްކަތްކުރާނެ ގޮތެއްވެސް ހުށަނުހަޅައި ފޮނުވި ސިޓީއަކަށް ނުވަތަ އީމެއިލަކަށްތަ 400 މިލިއަންޑޮލަރުގެ ޕްރޮޖެކްޓެއް ތިޙަވާލު ކުރީ. ބަލަ ޕްރޮޕޯސަލް ހުށަހަޅާއިރުގައި ފައިސާ ނެތިއްޔާ ފައިސާ ހޯދާނެ ގޮތާއި މަސައްކަތް ކުރިއަށް ގެންދާނެ ގޮތްވެސް ޕްރޮޕޯސަލުގައި އޮންނާނެ. އެހެންނުވެ ދެން ކޮންކަމެއް 1 އަހަރާއި 6 މަސްދުވަސް ތި ދުއްވާލީ. ފޫގަޅަންވެސްނޭގޭދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

06 March 2025

މިއީ ވެސް ކަރުދާހުގައި ސޮއިކުރުމާއި ބިންގާ އެޅުމާއި ވައުދުތައްވުމާއި ރަސްމިއްޔާތުތަކާއި މީޑިއާ މެދުވެރިކޮށް ސަޅިބައިސާ ކެނޑުމާ ހަމައިން ތަރައްގީ ގެންނަ ސަރުކާރެއް. ދަރަނި އެހާބޮޑު އިރު އެއްބަޔަކު އިތުރަށް ފައިސާ ނުދޭނެ. ލިބޭ އާމްދަނީން ޚަރަދުކުރަނީ ސިޔާސީ މަގާމުތަކުގައި އަދަދު ނޭގޭ މީހުންނަށް ބޮޑެތި އަދަދުން މުސާރަދޭން. އީދު ބައްތި ދިއްލާފައި މަސްދަަޅުކޭސް ބެހުމުން ދެން ނިމުނީ ހުރިހާ ކަމެއް. މި ބޭކާރު ޚަރަދުތަކުން ކުންފުނިތައް ބަނގުރޫޓުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމިނާ

06 March 2025

އެހެންނޭވާނީ ރައްޔިތުންނަށް އަސްލުނޫން ގޮތްގޮތް ދައްކަން އުޅޭނަމަ. ރީތިކޮށް ބުނާނަމަ ފޭކު ޖައްސަންޏާމު. ގައުމުގަ ފައިސާ އެބަހުއްޓޭބުނާއިރު ނެތޭ. ބަޖެޓް ހަމަޖެހިއްޖޭ ބުނާއިރު ފައިސާއެއްނެތޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ ކުރުސީ

06 March 2025

ސަރުކާރުން ވޯޓު ހޯދަން ކުޅުނު ގޭމެއްތީ! ކޮބާ ޕަރފޮމަންސް ގެރެންޓީ؟ ކުންފުނީގެ ފައިނޭންޝަލް ކެޕޭސިޓީ އަންގައިދޭ ލިޔެކިއުންތައް؟ ނުހުންނާނެ! ޔާމީނު އިރުއްސުރެ ފޭކު ޕްރޮޖެކްޓް ހިފައިގެން އެނބުރޭ ބައެއްތީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާނީ މީދޫ

06 March 2025

މިސްރު އަންހެނަކާއި އެކު އައްޑޫ ބުރިޖް އަޅަންވެސް ކުރީ ތިކަހަލަ ސޮޔެއް. މިހާރު ނޫހުން އެ ބުރިޖުގެ މަސައްކަތް ގޮސްފައިއޮތް ހިސާބެއް ވެސް ބަލާދީބަލަ. ސޮއި ކުރިފަހުން އޭގެ ވެސް އެއްވެސް މަސައްކަތެއް ނުކުރޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔޫބެ

07 March 2025

15 މިނިޓުންގެ ދަތުރަކަށް 500 މިލިއަން ޑޮލަރުގެ ބްރިޖެއް ހެދުމަށްވުރެ، ސްޕީޑް ބޯޓް ދަތުރުތަކުގެ ފްރީކްއުންސީބއިތުރުކޮށް ތިފައިސާ ގެސްޓްހައުސް ހަދަން ތި ޙަރަދުކުރުން މާ ރަގަޅު އައްޑުއަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަމެންދޯ

06 March 2025

ތިނަދޫ ގައި އެއަރޕޯރޓް އައްޑޫ ގައި އެއަރޕޯރޓް ނާޅާނެ ވިޔާފާރިގެ އަލިފުބާ ދަންނަ އެކަކު ވެސް އެއީ ޔަގީން ކަމެކޭ ތިނަދޫއަކީ އާބާދީގައި 10 ހާސް މީހުން އުޅޭ ކަމަށް ވެސް މަކަރާއި ހީލަތުން އެކަން ކޮށްގެން އުޅޭ ބައެކޭ ތިނަދޫގައި ދިރިނޫޅޭ 4 ހާސް މީހުން ދެން ކިހިނެއް 10 ހާހަށް އަރާނީ މިކަން ކަން ބަލާނެއޭ ބޭރުގެ އިންވެސްޓަރުން ވަރަށް ރަނގަޅަށް ތިނަދޫގައި އެއާރޕޯރޓް އަޅައިގެން އެވިޔާފާރި ދެކޮޅު ނުޖެހޭނެ ޖެހިގެން ކާޑެއްދޫ އެއަރޕޯރޓް އޮތްހާ ހިނދަކު ގަމާރުންނޭ