ކެންދޫގެ ބަނދަރު މަޝްރޫއު އާއި ބިން ހިއްކުމުގެ މަޝްރޫއުގެ އެއްބަސްވުމުގައި އެމްޓީސީސީގެ ސީއީއޯ އަހުމަދު ސައުދީ އަދި ހައުސިން މިނިސްޓަރު ޑރ. އަބްދުﷲ މުއްތަލިބު ސޮއި ކުރެއްވުން.
11 އޯގަސްޓް 2025 - 18:41
ބ. ކެންދޫގައި އާ ބަނދަރެއް ތަރައްގީކުރުމާ އެކު އެ ރަށުގެ ބިން ހިއްކުމުގެ މަޝްރޫއު ކުރިއަށް ގެންދިއުމަށް އެމްޓީސީސީއާ ހަވާލުކޮށްފި އެވެ.
ކެންދޫގައި އާ ބަނދަރެއް ހެދުމާ އެކު އެރަށުގެ ބިން ހިއްކުމުގެ މަޝްރޫއަކީ މިދިޔަ މާޗު މަހުގެ ތެރޭގައި ރައީސް ޑރ. މުހައްމަދު މުއިއްޒު އެ ރަށުގެ ރައްޔިތުންނަށް ވެވަޑައިގަތް ވައުދުފުޅެކެވެ.
އެހެންވެ، އެ މަޝްރޫއުތައް ކުރިއަށް ގެންދިއުމަށް އެމްޓީސީސީއާ ހަވާލުކޮށްފައި ވަނީ އެމަނިކުފާނު ބ. އަތޮޅަށް މިހާރު ކުރައްވަމުން ގެންދަވާ ދަތުރުފުޅުގައި ކެންދޫއަށް ވަޑައިގެން މިއަދު އެވެ.
އެމްޓީސީސީގެ ފަރާތުން އެކަމުގެ އެއްބަސްވުމުގައި ސޮއި ކުރެއްވީ އެ ކުންފުނީގެ ސީއީއޯ އަހުމަދު ސައުދީ އެވެ. އަދި ސަރުކާރުގެ ފަރާތުން ސޮއި ކުރެއްވީ ހައުސިން މިނިސްޓަރު ޑރ. އަބްދުﷲ މުއްތަލިބެވެ.
ހައުސިން މިނިސްޓްރީން ބުނީ އެ މަޝްރޫއުގެ ދަށުން 112،016 އަކަ މީޓަރުގެ ސަރަހަައްދެއް ހިއްކާނެ ކަމަށެވެ. އަދި 278 މީޓަރުގެ އެއްގަމުތޮށި ޖެހުމާއި 10 މޫރިން ބޮއި ހަރުކުރުމާއި 971 މީޓަރުގެ ރިވެޓްމަންޓް ޖެހުމާއި 62 މީޓަރު ފައިކަށި ޖެހުމާއި 29 މީޓަރު ނެރު ފައިކަށި ޖެހުން ހިމެނެ އެވެ.
މިނިސްޓްރީން ބުނި ގޮތުގައި 119.3 މިލިއަން ރުފިޔާގެ އެ މަޝްރޫއު ހަވާލުކުރީ 450 ދުވަހުގެ ތެރޭގައި ނިންމާ ގޮތަށެވެ.
ކެންދޫގެ ބަނދަރު މަޝްރޫއު އާއި ބިން ހިއްކުމުގެ މަޝްރޫއުގެ އެއްބަސްވުމުގައި އެމްޓީސީސީގެ ސީއީއޯ އަހުމަދު ސައުދީ އަދި ހައުސިން މިނިސްޓަރު ޑރ. އަބްދުﷲ މުއްތަލިބު ސޮއި ކުރައްވަނީ.
އެ ދަތުރުފުޅުގައި ރައީސް ވަނީ ކެންދޫގެ ފެނާއި ނަރުދަމާގެ ހިދުމަތާއި ބީއެމްއެލް އޭޓީއެމްގެ ހިދުމަތް ވެސް އިފްތިތާހުކޮށްދެއްވައިފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ސައްދާމް މުހައްމަދު
12 August 2025
މިކަން އަހަރުމެން ސޯލިހް އަދި ޔާމީން ކައިރީވެސް ބުނިން. ނުކޮށްދިން. ރައީސް މުއިއްޒް މިކަންވެސް މިކޮށްދިނީ.
ގުދަނު
11 August 2025
ކެންދޫ ގޯނި އިބްރާހީމް ހުރިހާ ހިނދަކު ކަމެއް ނުވާނެ
ޟމމމމމ
11 August 2025
ޢެމް.ޓީ.ސީ.ސީ ގާތު ބުނެބަލަ މަ ބުންޏޭ ށަވިޔަނި އަތޮޅުގަ ނަރުދޫ ކިޔާ ރަށެއްގަ އެބައޮތޯ ނިމިދިޔަ ސަރުކާރުން އެމް.ޓީ.ސީ.ސީ އާ ހަވާލުކޮށް މަސައްކަތް ފަށާ ވެރިކަން ބަދަލުވިއިރު ބޮޑުބައެއް ކޮނެ ވާޓަރު އެއްކޮށް ނިންމާ އަދި ވެރިކަން ބަދަލުވުމަށްފަހު 2 އަހަރު ވާއިރުވެސް މަސައްކަތް މާބޮޑަށް ކުރިއަށްނުދާ، އެއްވެސް މަސައްކަތެއް ކުރިއަށް ނުދާތާ ގިނަ ދުވަސްތަކެއް ވެފައި އޮތް ބަނދަރެއް. މިކަމުގެ ސަބަބުން ކުރިން ހެދި ވާޓަރު ހަލާކުވެ ކޮނުނު ބައި ފޮރުވެނީއޭ މިހާރު
އަދިއްޕޭ
11 August 2025
މިފްކޯއަށް ބޭުނުންވާ މަސް ހޯދުމަށް އެމްޓީސީސީން ކުދި ކަންނެލި އޮޑިފަހަރަށް އަރައިގެން މަހަށްވެސް ދާން ފަށަންވީނު. މިވަރުން ދަންޏާއި، ކުޑި ބޮއްކުރާ ފަހަރަށް އަރައިގެން މާލޭ ފަޅުން ކުނިހޮވުމުގެ ބޮޑު މަޝްރޫއުވެސް އެމްޓީސީސީން ހަވާލުވާނެ. ރަށުތެރޭގައި ކުރާނެ މަސައްކަތް ހުއްޓިއްޖެ. އަމިއްލަ ކުންފުނިތަކަށް މަސައްކަތް ނުލިބި، ގެންގުޅުނު އުދެލި، ފަކީރާ އާއި ރާނާ ހަންޖަން ދާންދެއް ވިއްކަނީ. ހެޔޮވާނީ ކިހިނެތް، ކުންފުނިތަކަށް ޖެނެރަލުން ލައިގެން. ހެހެ