ޓްރަމްޕް ތައާރަފް ކުރެއްވި ނިޒާމުން 14 މިލިއަން މީހުންނަށް ސިއްހީ އިންޝުއަރެންސް ގެއްލެނީ

ރިޕަބްލިކަން ޕާޓީން ބުނަމުން ދަނީ ހެލްތުކެއާ އާ ޕްލޭނުގެ ބޭނުމަކީ ޚަރަދުތައް ކުޑަކުރުން ކަމަށް. --ފޮޓޯ:އޭޕީ

ހަސަން އާމިރު، މިހާރު

14 މާޗް 2017 - 10:41

ވޮޝިންޓަން (މާޗް 14) - ރައީސް ޑޮނަލްޑް ޓްރަމްޕް ތައާރަފް ކުރެއްވި ހެލްތުކެއާ ޕްލޭނުގެ ސަބަބުން އެމެރިކާގެ 14 މިލިއަނަށް ވުރެ ގިނަ މީހުންނަށް އަންނަ އަހަރު ސިއްހީ އިންޝުއަރެންސް ގެއްލޭނެ ކަމަށް ބަޖެޓުގެ ދިރާސާ އިން ދައްކައިފި އެވެ.

ރިޕަބްލިކަން ޕާޓީގެ ޕްލޭން ކޮންގްރެސްގެ ބަޖެޓް އޮފީސް (ސީބީއޯ) އިން ދިރާސާ ކުރުމަށް ފަހު ބުނެފައި ވަނީ 2026 ވަނަ އަހަރު 24 މިލިއަން މީހުންނަށް އިންޝުއަރެންސް ގެއްލޭނެ ކަމަށެވެ.

ރައީސް ބަރަކް އޮބާމާގެ ވެރިކަމުގައި ފާސްކޮށްފައިވާ އެފޯޑެބްލް ކެއާ އެކްޓް ނުވަތަ އޮބާމާކެއާގެ ބަދަލުގައި ރިޕަބްލިކަން ސަރުކާރުން ތައާރަފް ކުރި އެމެރިކަން ހެލްތު ކެއާ އެކްޓަށް ޓްރަމްޕް ވަނީ ތާއީދު ކުރައްވައިފަ އެވެ. ޓްރަމްޕް ވިދާޅުވެފައި ވަނީ އާ ނިޒާމުގެ ސަބަބުން ބަޖެޓުން ކުރާ ހޭދަ ކުޑަވާނެ ކަމަށެވެ. ރިޕަބްލިކަން ޕާޓީގެ މެންބަރުން ވެސް ބުނަމުން ދަނީ ޓްރަމްޕް ތައާރަފް ކުރެއްވި ނިޒާމުން ދައްކަން ޖެހޭ ޕްރިމިއަން ކުޑަވާނެ ކަމަށެވެ.

ރިޔާސީ އިންތިޚާބުގެ ކެމްޕޭން ދުވަސްވަރު ޓްރަމްޕް ވަނީ އޮބާމާކެއާ ބިލް އުވާލައްވާނެ ކަމަށް ވިދާޅުވެފަ އެވެ.

އޮބާމާކެއާ އުވާލަން އުޅޭތީ ޑިމޮކްރެޓިކް ޕާޓީން ބުނަމުން ދަނީ މިއީ ރައީސް އޮބާމާ އާއި އެ ޕާޓީގެ އަގު ވައްޓާލަން ރިޕަބްލިކަން ޕާޓީން ކުރަން އުޅޭ ކަމެއް ކަމަށެވެ.

ހެލްތު އިންޝުއަރެންސް އެމެރިކާ ޑޮނަލްޑް ޓްރަމްޕް

3 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްދުއްލާ އަލީ

14 March 2017

ރާއްޖޭގަ ކުރިކަހަލަ ކަމެއް މިއީ ، މައުމޫނު މަދަނަ ހައްދަވައިގެން ހިލޭބޭސް ފަރުވާ ފެއްޓި ހިސާބުން ވެރިކަމަށް އާދެވުނީ ނަސީދަށް ، ދުވަސްކޮޅަކު މަދަނަ އިގެ ނަން އާސަންދަ އަށް ބަދަލު ކޮށްފި އެމެރިކާގަވެސް މިކުރަނީ މިކަހަލަ ކަމެއް .ފަގީރުންގެ ބޭ\ސްފަރުވާއަށް އޮބާމާ ކެއާ ހަދާފަ ވަނިކޮށް މިހާރު އެއުޅެނީ ޓްރަމްޕް ކެާ ހަދަން. އެކަކަށް ވެސް އަމިއްލަ ހައިސިއްޔަތު ނުވައްދާ ކަމެއް ކުރަން ނޭގެނީދޯ ؟