ހޫނުގަދަ ދުވަހެއްގައި މީހަކު މާލޭގެ މަގަކުން ކުޑައެއް ނަގައިގެން މަގު ހުރަސްކުރަނީ.-- ފޮޓޯ: މިހާރު
16 މާޗް 2025 - 12:14
15 comments
ހޫނު މޫސުމުގައި ރާއްޖެއަށް އިހުސާސްކުރެވޭ ހޫނުމިން މި އަހަރު ވެސް ވަރަށް ބޮޑަށް މައްޗަށް ދާން ފަށައިފި އެވެ.
މެޓް އޮފީހުން މިއަދު އާންމުކޮށްފައިވާ ރެކޯޑްތަކުން ދައްކާ ގޮތުގައި، ހެނދުނު 11:00 ގައި މާލެ ސަރަހައްދުގައި އިހުސާސްކުރެވޭ ހޫނުމިން ހުރީ 37.2 ޑިގްރީ ސެލްސިއަސްގަ އެވެ. ރާއްޖޭގެ އެހެން ހުރިހާ ހިސާބެއްގައި ވެސް އިހުސާސްކުރެވޭ ހޫނުމިން ހުރީ 36 ޑިގްރީ ސެލްސިއަސް އަށް ވުރެ މަތީގަ އެވެ.
އިހުސާސްކުރެވޭ ހޫނުމިން މިގޮތަށް މައްޗަށް ދާން ފެށިތާ މިހާރު ހަފުތާއެއްހާ ދުވަސް ވަނީ އެވެ.
އާންމު ފިނިހޫނުމިން މިއަދު ހުރީ ހުރިހާ ހިސާބަކަށް ވެސް 30 ޑިގްރީ ސެލްސިއަސް އަށް ވުރެ މަތީގަ އެވެ.
އާންމު ވައިގެ ހޫނުމިނަށް ވުރެ އިހުސާސްކުރެވޭ ހޫނުމިން މައްޗަށް ދަނީ މި ދުވަސްވަރު ވައި މަޑުކަމުން ވައިގެ ތެއްކަން މަތިކޮށް ހިފެހެއްޓިފައި ހުރުމުންނެވެ.
ހޫނުގަދަ ދުވަހެއްގައި މާލޭ މާރުކޭޓު ސަރަހައްދުގައި މީހަކު ފިޔާ ބަސްތާތަކެއް އުފުލަނީ.-- ފޮޓޯ: މިހާރު
އިރުވައި މޫސުން ފަށައި، ޖެނުއަރީން ޖޫން މަހާ ހަމައަށް އެއީ އާންމުކޮށް ރާއްޖެއަށް އެންމެ ހޫނުގަދަ ދުވަސްވަރެވެ. އަދި އާންމުކޮށް އެންމެ ހޫނުގަދަވަނީ އެޕްރީލް މަހު އެވެ.
މިދިޔަ އަހަރުގެ އެޕްރީލް މަހުގެ އެއްވަނަ ދުވަހު މާލެ ސަރަހައްދަށް ހޫނުކަން އިހުސާސް ކުރެވޭ ވަރު ރެކޯޑް އަދަދަކަށް މައްޗަށް ވެސް ދިޔަ އެވެ. އެއީ 48 ޑިގްރީ ސެލްސިއަސް އަށެވެ. އެފަހަރު ހޫނު މޫސުމުގައި ރާއްޖޭގެ ހުރިހާ ހިސާބަކަށް ވެސް ވަނީ އާދަޔާ ހިލާފަށް ހޫނުކަން އިހުސާސްކުރެވިފަ އެވެ.
އާދަޔާ ހިލާފަށް ހޫނުވެ، ރާއްޖޭގައި ގާ ހުދުވުމުގެ މައްސަލަ މި އަހަރު ވެސް ވަރަށް ބޮޑުވާނެ ކަމަށް، ދުނިޔޭގެ ކަނޑުގެ ފިނިހޫނުމިން އެނަލައިޒްކޮށް، ގަވާއިދުން އާންމުކުރާ "ކޮރަލް ރީފް ވޮޗް" އިން ވަނީ ލަފާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހެއްވާކަން
17 March 2025
ދިވެހިންނަށް އަލަށްތަ "އިހުސާސްކުރެވޭ ހޫނުމިން" ދަސްވެގެން މިއުޅެނީ؟ މެޓް އޮފީހުން އަބަދުވެސް ބަލާ އެއްޗެއް. މިދިޔަ ދެއަހަރުދުވަހު ހަމަ އަވި ދިއްލާލާއިރަށް "އިހުސާސްކުރެވޭ ހޫނުމިން މައްޗަށް ގޮސްފި" ކިޔާފަ ނޫހުގަ ޖެހީމަ މީ ރައްޔިތުން ހާސްކަމުގެ ތެރެއަށް ވައްޓާލުން
ދަރިކަލުން
17 March 2025
ތިއީ ވޭޕާ ގުޅުންހުރިކަމެއް ކަމުގައި ބެލެވެއެވެ!
ތުނޑު ހަސަނު
16 March 2025
ގަސްތައް ކަނޑައި ކޮންކްރީޓް ގިނަކޮށް ހުސް ބިންކޮޅެއް މަގެއް ފަދަ ތަނެއް އޮތިއްޔާ ތާރު އަޅައިލީމަ ފިނިވެދާނެ ތޯއްޗެއް. އަހަރެމެންގެ ޢަމަލުތަކުގެ ނަތީޖާ މިފެންނަނީ. އެންމެން ވެސް ބޭނުމީ ތަރައްޤީ. ތަރައްޤީ މިންކުރާ މިންގަނޑަކީ ހޫނުކަން އިޙްސާސް ވާ މިންވަރު. ތަރައްގީ ވެފައި އޮތްވަރު އަދިި ތަންކޮޅެއް ކުޑަކަމަށް ފެންނަނީ. ވަރަށް ސަލާން.
2025
16 March 2025
އުޅެވޭގޮތެއް ހިތަކަށްނާރާ ހޫނުވީމާ ހޫނުވާ ވާހަކަ ދައްކާނީ...... ބޮއިހަލަކި
އަހުމަދުބޭ
16 March 2025
މިދެން ރޯދަމަހަށްދޭން އުޅުނު ކަރަންޓުބިލްގެ ޑިސްކައުންޓް މިދިޔައީ އިހުސާސްކުރެވޭ ހޫނުމިނަށް އަރައިގެން ﷲގެ އިރާދަފުޅުން ސްޓެލްކޯގެ ބެކްލޮގް ފިލުވައިލައި ރޯދަމަހު ދެކަރަންޓް ބިލް ފޮނުވައި ލެވިއްޖެ، ދެން ޑިސްކައުންޓު އަންނަންވާ އިރަށް މިއައީ އިހްސާސްކުރެވޭ ހޫނުކަމެއް، ވަﷲ އަޢުލަމް
އޮނަރަބްލް އަފީފު ދީދީ
16 March 2025
އަވީގެހޫނުކަން އިޙްސާސްކުރެވޭގޮތަށް ތިރަށު ޖައްވުގައި ހުރި ބަލިތަށް ލޮލަށް ފެންނަނަމަ ސައުތުއޭޝިޔާގެ އެންމެމުޑުދާރު ވެރިރަށުގެގޮތުގައި މަޝްހޫރުވެފައިވާ ސްލަމްއެއްފަދަ ކ.އަތޮޅުމާލޭގެ ނަޖިސް މަގުތަކާއި، ޕާކް އަދި ތިރަށު ގޮނޑުދޮށްތަކާއި މީހުން ކައިރިނުވާނެ. ކުނި ގޮނޑެއްފަދަ މަގުތައް އެކިފާޑުފާޑު ބަލިޖެހިފައިވާ ބުޅަލުން ފުރިފައިވާއިރު، ޕާކްތަކުގައިވަނީ ބެލެނިވެރިކަމެއް ބެލެހެއްޓުމެއްނެތް އެފަދަ ކޮތަރުތައް. މިހާރު ތިރަށަކީ ދިރިއުޅެންކަމުދާ ތަނެއްނޫން.
މުލޭޒް
16 March 2025
އަފީފް ދީދީ އެކަމަކު އުޅުއްވަނީ މާލޭގައި ނޫންތޯ؟
މުސްތަފާބެ
16 March 2025
ތި އުޅެނީ ކަރަންޓް ބިލް ބޮޑުކުރަން ދޯ
ޢަލިކޮއެ/ހުޅުމާލެ
16 March 2025
ޢުޅެވޭ ގޮތެއް ނޭނގޭ ވިއްޔަ…
ކަނީރު1
16 March 2025
އަރާހުންނަ ވެރިއެއްގެ ނުބައި މަކަރުވެރިކަމުގެ ސަބަބުން ގައުމަށް ސުންޕާ ކަން ކަން ލައިގަނޭ.
ޏާއްކޮ
17 March 2025
ވެރި އެކަނި ނުބައިވަނީ. ރައްޔިތުން ވަރިހަމަ ލެއްވިހާ ފާފައެއް ކުރިއަސް.
ޑރ ވާންޗޯ
16 March 2025
އަނެއްކާ ކަރަންޓްބިލްވެސް މިފަހަރު އިހުސާސްނުކުރެވޭ ހިސާބަށްދަނީބާ؟. %10 ޑިސްކައުންޓުގަ %100 ބިލްބޮޑުވީމަ ހުންނާނީ ހުރިހާރޯދައެެއް އެެއްފަހަރާ ވީއްލިފަ.