ލޯކަލް ކައުންސިލް އިންތިހާބުގައި ޖޭޕީން ކުރިމަތިލި ކެންޑިޑޭޓަކާ، އެ ޕާޓީގެ ލީޑަރު ގާސިމް ރޭ ޓިކެޓު ހަވާލުކޮށް ދެއްވަނީ، - ފޮޓޯ: ވީނިއުސް
20 މާޗް 2017 - 13:28
38 comments
ވިލާ ކުންފުންޏާ ދެކޮޅަށް "ބޮޑު ރާޅެއް ނަގާހެން" އެބަ ހީވާ ކަމަށާއި އެކަމަކު ދުވަހަކު ވެސް ގޯހެއް ހައްދަވާފައި ނުވާނެ ކަމަށް ޖުމްހޫރީ ޕާޓީގެ ލީޑަރު، މާމިގިލީ ދާއިރާގެ މެމްބަރު ގާސިމް އިބްރާހިމް ރޭ ވިދާޅުވެއްޖެ އެވެ.
ލޯކަލް ކައުންސިލްތަކުގެ އިންތިޚާބަށް ޖޭޕީން ކުރިމަތިލި ކެންޑިޑޭޓުން ތައާރަފް ކުރުމަށް މ. ކުނޫޒުގައި ބޭއްވި ޖަލްސާގައި ގާސިމް ވަނީ ވިލާ އިން ކުރަމުން އަންނަ ވިޔަފާރިތަކަށް ފިއްތުންތައް ކުރިމަތި ކުރަން ތަފާތު އެކި ގޮތް ގޮތުން މަސައްކަތް ކުރަމުންދާ ފަދަ މޭރުމަކުން ވާހަކަ ދައްކަވައިފަ އެވެ. އެ ގޮތުން ބައެއް ކޯޓުތަކުގައި އޮތް މައްސަލަތަކާ ބެހޭ ގޮތުން އޭނާ ވާހަކަ ދެއްކެވި އެވެ.
ގާސިމް ވިދާޅުވި ގޮތުގައި ވިލާ އެއާ ޕްރައިވެޓް ލިމިޓެޑާ ހަވާލުކޮށްގެން ހިންގަމުން އައި ގދ. ކާޑެއްދޫ އެއާޕޯޓު އަތުލައި، އެ ތަން ރީޖަނަލް އެއާޕޯޓްސްއާ ސަރުކާރުން ހަވާލުކުރީ ރަނގަޅަކަށް ނޫނެވެ. ސަބަބަކީ، ސިވިލް އޭވިއޭޝަނުން މި މަހުގެ ނިޔަލަށް ވިލާ އަށް ލައިސަންސް ދީފައި އޮތުން ކަމަށް އޭނާ ވިދާޅުވި އެވެ.
"ކޯޓުން އަޅުގަނޑުމެންނާ އެއްކޮޅަށް އެކަން ނިމުނު، ހައި ކޯޓަށް ދިޔައީމަ، ބޯޅައެއް ދާހެން އެބަދޭ ރާސްލާފައި،" ކާޑެއްދޫ އެއާޕޯޓުގެ މައްސަލަ އަށް އިޝާރާތް ކުރައްވައި ގާސިމް ވިދާޅުވި އެވެ.
މީގެ އިތުރުން ވިލާ ކުންފުންޏަށް ހުޅުމާލެ އިން ދޫކުރި ބިމެއް ސަރުކާރުން އަތުލީ ރަނގަޅަށް ކަމަށް ދަށު ކޯޓުން ނިންމާފައި ވަނިކޮށް އެފަދަ އިތުރު ބިމެއްގެ މައްސަލަ ވެސް ވިލާއާ ދެކޮޅަށް ހައި ކޯޓުން ހުކުމްކޮށްފައިވާ ކަން ގާސިމް ފާހަގަކުރެއްވި އެވެ. އަދި އިތުރު މައްސަލަތަކެއް ކޯޓުގައި ހިންގުމަށް ތައްޔާރުވެފައި އޮތް ކަމަށް އޭނާ ވިދާޅުވި އެވެ.
"ބޮޑު ރާޅެއް ނަގަނީހެން ހީވަނީ، ވިލާ ޝިޕިން ކޮމްޕެނީގެ ހުރިހާ އެކައުންޓްތަކެއް އަނެއްކާ ފްރީޒް ކުރަން އުޅެނީހެން ހީވަނީ،" ކޯޓުގައި ހިނގަމުން އަންނަ މައްސަލަތަކާ ގުޅޭ ގޮތުން ގާސިމް ވިދާޅުވި އެވެ.
ހުޅުމާލެ އިން ދިން ބިންތަކުގެ އިތުރުން ރިސޯޓް ހެދުމަށް ވިލާ އަށް ދޫކުރި ބައެއް ރަށްތަކާއި ފަޅުތައް ވެސް 2015 ގައި ސަރުކާރުން އަތުލި އެވެ. އެ މައްސަލަތަކުގައި ވިލާއާ އެއްކޮޅަށް ދަށު ކޯޓުން ހުކުމްކޮށްފައި ވަނިކޮށް އެ މައްސަލަ ދައުލަތުން އިސްތިއުނާފް ކުރުމުން ހައި ކޯޓުން އޭގެ ހުރިހާ މައްސަލައެއް ވެސް ނިމުނީ ވިލާއާ ދެކޮޅަށެވެ.
ގާސިމް ވިދާޅުވި ގޮތުގައި ކޯޓުތަކުން ކޮންމެ ގޮތަކަށް މައްސަލަތައް ނިންމި ކަމުގައިވިޔަސް، އެކަމާ ކަންބޮޑުވެވަޑައިނުގަންނަވާ ކަމަށެވެ. ނަމަވެސް އެ ކައުންޓްތައް ފްރީޒްކޮށްގެން ވިލާ ކުންފުނީގައި މަސައްކަތް ކުރާ 5000 މުވައްޒަފުންނަށް މުސާރަ ނުދެވޭނެތީ އެކަމާ ހިތާމަ ކުރައްވާ ކަމަށް އޭނާ ވިދާޅުވި އެވެ.
ގާސިމް އިބްރާހިމްގެ ވިލާ ޝިޕިން އަށް ދޫކޮށްފައިވާ ރަށްތަކުގެ އެގްރިމަންޓްތައް 2015 ގައި ބާތިލުކުރީ ސަރުކާރާ ދެމެދު އޮތް ގުޅުން ގޯސްވެ އިދިކޮޅު ފަރާތްތަކާ ގުޅިގެން ހަރަކާތްތައް ހިންގަން ފެށުމުން ކަމަށް ޖުމްހޫރީ ޕާޓީން ތުހުމަތު ކުރެ އެވެ. އެ އެގްރިމަންޓްތައް ބާތިލުކުރުމަށްފަހު 30 ދުވަހުގެ ތެރޭގައި 100 މިލިއަނެއްހާ ޑޮލަރު ދެއްކުމަށް ގާސިމްގެ ވިލާ ޝިޕިންއަށް އަންގާފައިވެ އެވެ. އަދި އެ ފައިސާ ނުދެއްކުމުން އެ ކުންފުނީގެ އެކައުންޓްތައް ފްރީޒް ވެސް ކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރު
21 March 2017
ރާޅުނަގާނެ، ރައީސްކަމަށް ކިރިޔާވެސް ޝައުގުވެރިކަމެއް ހުރި ބަޔަކުވެއްޖެއްޔާ އެމީހަކުގެ ބޮލަށް ރާޅު ބިންދާލާނެ
ބަބުރުކަލޯ
21 March 2017
ގާސިމަކަށް އެއްވެސް މީހަކަށް އެހީތެރިއެއް ނުވެވޭނެ. ސަބަބަކީ ގާސިމް ދެއިރު އެކައްޗެއްނުކިޔާތީ. މިހާރު ސަރުކާރުގެ ގޯސްވާހަކަ ދައްކާފަ ހަމަ ބޮޑުދަތީގަލާފަ ކުޑަކޮށް ބާރުކޮށްލާއިރަށް އިދިކޮޅުމީހުން ގޯސްވާހަކަ ދައްކަންފަށާނެ. އެންމެފަހުން ދެމީދާފެހި ބުޅަލަށްވީވަރުވެސް ގާސިމަށްނުވާނެ...
މާރިޔާ
21 March 2017
އަދިވެސް ކުރާވަރު ކުޑަ ތިޔައީ މިގައުމުގެ ހަލާކު
އަލީ
21 March 2017
ފޭހުނު އިލޮށި ހެރެނީއެވެ. ކެތްކޮއްލާށެވެ.
ބޮޑު ރާޅު
20 March 2017
ބައްލަވާ، މި ޤަޢުމަށް ތިޔަބޭފުޅާގެ ރާޅު ނަގާތާ މިހާރު އަހަރުތަކެއް ވެއްޖެ. ސިޔާސީ ވެށީގެ ތެރެއަށް ތިޔަ ބޭފުޅާ 2008 ވަނަ އަހަރު ވެންނެވީއްސުރެ، ތިޔަ ބޭފުޅާގެ ރާޅުން މިޤަޢުމަށް އަންނަނީ ފޫނުބެއްދޭ ވަރުގެ ގެެއްލުންވަމުން. ހަނދުމަފުޅު އެބަހުރިތޯ 2008 ގެ އިންތިޚާބަށް ހިއްޕެވި ބަޔަތު؟ އެއަށްފަހު ދެއްވި ދޯކާ؟ ހަނދުމަފުޅު އެބަހުރިތޯ 2014 ވަނަ އަހަރު ރިޔާސީ އިންތިޚާބުން ފޭލިވެވަޑައިގަތުމުން، އިންތިޚާބު ބާތިލް ކުރަން މަނިކުފާނު ކޯޓަށް ވަޑައިގެން އެކަން ކުރިޔަށް ގެންދެވުމުގެ ސަބަބުން މި ޤައުމަށް ދިމާވި އިޔާދަނުކުރެވޭވަރުގެ ގެއްލުން؟ ހަނދުމަފުޅު އެބަހުރިތޯ މި ސަރުކާރަށް ބަޔަތު ހިއްޕަވާފައި، އަޑިއަޑިން ދޯކާ ދެއްވަން ކުރެއްވި މަސައްކަތްޕުޅުތައް؟ އެކަމުގެ ސަބަބުން މި ޤައުމަށް ހަމަޖެހުމުގެ ނޭވާއެއް ނުލެވިގެން އުޅޭކަން ވިސްނިވަޑައިގަންނަވަމުތޯ؟ ވީމާ، ތިޔަ ވިދާޅުވާ ރާޅަށްވުރެ ތިޔަ ބޭފުޅާ ކޮންމެ ފަހަރަކު އަމިއްލަ އެދުން އިސްކުރުމުގެ ރާޅުން މިޤަޢުމަށް ލިބޭ ގެއްލުން ހާސްގުނަ ބޮޑެވެ. އެކަން މިހާރު ގިނަ ރައްޔިތުންނަށް ވިސްނި ޤަބޫލު ކުރެވެއެވެ.
ވީއާ ވީލާ
20 March 2017
ވީލާ ކުންފުންޏާއީ ކުޅެގެން ސަރުކާރައް ލީބެން އޮތް ވޯޓުވެސް ގެއްލީގެންދާނީ.. އެކުންފުނީގައީ ގީނައީ ދީވެހީ މުއައްޒަފުން އަދީ ކުންފުންޏައް ލީބޭ ކޮންމެ ގެއްލުމަުން އެތައްހާސް އާއީލާއަކައް އަސަރުކުރާނެ..އަދީ އެތާ މުއައްޒަފުންނަކީ އެތާގައީ އެތައްއަހަރެއް ވޭތުކޮއްފައީތީބީ މީހުން އެމީހުން ނުވެސް ގަނެވޭނެ..
ހަސަންއަލީ
20 March 2017
ބަގާވާތުގެ ހިތި ރަހަ ގާސިމު ތި ދެކެނީ. ވަރަށް ދެރަ. ޔާމީނު އާ ބައިއަތު ހިފީމަ ރީތި ވެއްޖެ އެއްނު. ހަޔާުތުގައި ގާސިމުގެ ވިސްނުމާ މަސައްކަތާ އެކު ކޮއްފަ ހުރި ހުރިހާ ކަމެއް ހަމަ ސިކުންތު ކޮޅެއް ތެރޭ ފުނޑާލުމުގެ ބާރު ޔާމީނު ނަގާފަ އެއޮތީ
ހަސަން
20 March 2017
މިހާރު ކިތައްއަހަރު ވެއްޖެ ހުޅުމާލޭގާ ޤާސިމައް ހަވާލުކުރި ބިންތައް އަދިވެސް އެހުރީ ނަހަދާ ވަރައްފަހުން ދިނަތަންތަން މިހާރު ހަދާނިމްމަނީ ކީއްކުރަން ނަހަދާ ޤާސިމް ތިހުރީ ތިތަންތަން ހެދީމަދޯ ރައްއިތުންނައް ފައިދާވާނީ އަތުލީމައް ބުނާނެ އަތުލައިފިއޭ.
ތަރައްގީ
20 March 2017
ޤާސިމް ކިހިނެއްވެގެން ތިއުޅުއްވަނީ ހަމައިން ނެއްޓިގެން މިރާއްޖެ މިހާރަކު މަނިކުފާނައް ތާއީދެއްނެއް.
މިލިޓަރީ
20 March 2017
މަނިކުފާނު އަމިލްލައެދުން ވަރައްބޮޑު މީހެއް މަނިކުފާނު ވެރިކަމާހެދި ގައުމު ހަލާކުވަނީ.