އައިޖީއެމްއެޗްގެ މުވައްޒަފުންތަކެއް މަސައްކަތުގައި: ސްވައިން ފްލޫއާ ގުޅިގެން ޓޫރިޒަމަށް ވެސް ދަނީ ނޭދެވޭ އަސަރުކުރަމުން. - ފޮޓޯ: ނިޝާން އަލީ/ މިހާރު
20 މާޗް 2017 - 15:45
16 comments
ރާއްޖޭގައި ހަލުއިކަމާއެކު މިހާރު ސްވައިން ފްލޫ އެޗް1އެން1 ފެތުރެމުންދާތީ، ރިސޯޓްތަކަށް އަންނަން ޓޫރިސްޓުން ހަދާފައިވާ ބައެއް ބުކިންސްތައް ކެންސަލް ކުރަން ފަށައިފި އެވެ.
ރާއްޖޭގެ ޓުއާ އޮޕަރޭޓަރުންނާއި ޓްރެވަލް އެޖެންސީތައް ތަމްސީލުކުރާ (މަޓާޓޯ) ގެ ރައީސް އަބްދުﷲ ގިޔާސް މިއަދު ވިދާޅުވީ ސްވައިން ފްލޫއާ ގުޅިގެން މަދުން ނަމަވެސް ބުކިންސްތައް ކެންސަލް ކުރަމުންދާ ކަމުގެ މައުލޫމާތު ލިބިފައިވާ ކަމަށެވެ.
"ކެންސަލޭޝަންތައް އަންނާތީ އަޅުގަނޑުމެން މިދަނީ ރިސޯޓްތަކާއި އޮޕަރޭޓަރުންނާ ގުޅިގެން ބޭރުގެ ފަރާތްތަކަށް ރަނގަޅު މައުލޫމާތުތައް ފޯރުކޮށްދެމުން. އަޅުގަނޑުމެން ދެންނެވިން މިހާރު ފެތުރެމުންދާ ރޯގާގެ އެއްވެސް އަސަރެއް ރިސޯޓްތަކަށް ނުކުރާ ކަމަށް. އަދި ޓޫރިސްޓުން އެއާޕޯޓުން ސީދާ ދާން ޖެހޭނީ ރިސޯޓްތަކަށް ކަމަށް އަންގާފައިވާނެ،" ގިޔާސް ވިދާޅުވި އެވެ.
އޭނާ ވިދާޅުވީ ހުމުގެ ރޯގާ ކޮންޓްރޯލް ކުރެވި އަދި ބޭރުގެ ފަރާތްތަކަށް ރަނގަޅު މައުލޫމާތު ފޯރުކޮށްދެވޭ ނަމަ ބުކިންސްތައް ކެންސަލްވުން މަދުކުރެވޭނެ ކަމަށެވެ. އަދި އޭގެ ސަބަބުން ޓޫރިޒަމަށް ކުރާނެ ނޭދެވޭ އަސަރު ކުޑަކުރެވޭނެ ކަމަށް ވެސް ގިޔާސް ވިދާޅުވި އެވެ.
އެޗް1އެން1 އާ ގުޅިގެން ބައެއް ރިސޯޓްތަކުން އަންނަނީ ރައްކާތެރިކަމުގެ ފިޔަވަޅުތައް އަޅަމުންނެވެ. އޭގެ ތެރޭގައި ޓޫރިސްޓުންނާއި މުވައްޒަފުން މާލެ އާއި އެހެން ރަށްރަށަށް ދަތުރުކުރުމުގައި ސަމާލުވުމަށް އެންގުން ހިމެނެ އެވެ.
އެޗް1އެން1 ރާއްޖޭގައި ފެތުރި މިހާތަނަށް 147 މީހަކު އެ އަށް ޕޮޒިޓިވްވެ ތިން މީހަކު ވަނީ މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
modaf
21 March 2017
މިކަހަލަ ޚަބަރު ނުޖަހާ. ޓެރަރިޒަމްގެ ދައުވާކޮއްފާނެ.
ޒެޑްސް
21 March 2017
ބަލަގަ މަތިންދާބޯޓުގައި ތިބޭ ދޯ ސްވައިން ޖެހިފައި ތިބި މީހުން. އެއަޕޯޓުން ސީދާ ރިސޯޓަށް ދިޔައަސް ހަމަ ބޯޓު ތެރޭން މި ޓޫރިސްޓް މީހާ އަށް ލިބިދާނެ. ދެނޯ؟ ރައްކާތެރީ ބުކިން ކެންސަލްކުރުން ދޯ
އޫރުރޯގާ
20 March 2017
އިއުލާނކުރުމާ އެސްއެމް އެސް ފޮނުވުން މިއީ ކުރާހާވެސް ކަމަކީ ކާނުތައްސާފުކޮށް މަދިރި ނައްތާލާކަށް އަދިވެސް ނުފަށާ އޭގެ އަސްލަށް ނުބަލާ މި ކުރަނީ މުޅިން އެހެން ކަންތައްގަނޑެއް ގައުމު މި ވަނީ ދެރަވަރުގެ ހާލަތެއްގަ
އަފިހުން ގޮއްޔެ
20 March 2017
ކީއްކުރާނީ ސަރުކާރަށް މުހިންމުވެގެން އުޅެނީ، މަސީހުގެ ވޯޓު ކަންތައް ނޫންބާ!
މަންސޫރު
20 March 2017
ބުރޯ އޫރުރޯގާ އަކީ މަދިރީން ޖެހޭ އެއްޗެއް ނޫނޭ.
ޒީރޯ
20 March 2017
ﷲ އެންމެން މިބަލިން ރައްކާތެރިކުރައްވައި ތާއަބަދު ރައްކާތެރިތަނެއްގެ ގޮތުގައި މިގައުމު ލައްވާށި. މަޒް ކޮންމެކަމެއްވެސް ކުރެވޭނީ އެކަމެއްކުރުމަށް ހަމަޖެހިފައި އޮންނަ ނިޒާމުގެ ދަށުންނެވެ. ގެސްޓކުވެސް އެއިން އިސްތިސްނާ ނުކުރެވޭނެއެވެ.
ހާރޫނު
20 March 2017
އަނެއްކާ ބުކިންސްތައް ކެންސަލް ކުރަނީ ނަޝީދު ބޮއިކޮޓު ކޮށްގެނެއް ނޫންތަ؟ މިފަހަރު އެހެން ބުނާނެ ބަޔަކު އަދި ނުނިކުމޭތަ؟
ފޮނިޓައްޕު ހަސަނު
20 March 2017
އެކި ގައުމުތަކަށް މުސީބާތް އަންނަނީ އެކި ގޮތްގޮތަށް. ބައެއް ގައުމުތަކަށް ހަނަފަސްކަންވެރިވެ ދަނދުތައް ހަލާކުވެ އެގައުމުގެ މީހުން ބަނޑަށް ޖެހެނީ. އަނެއްބައި ގައުމުތަކަށް ކޮންމެވެސް ކަހަލަ ހަނގުރާމައެއް ކުރިމަތިވެ އެގައުމުގެ މީހުން ވިއްސިވިހާލިވަނީ. ތަނެއްގައި ނުބައިކަން މާމައްޗައްދާނަމަ ކޮންމެ ފަދަ ކޯފާއެއް އައުން މާދުރެއްވެސް ނޫން. ވީމާ ﷲ އަށް ބިރުވެތިވޭ. ގައުމުގެ ރައްޔިތުންނަށް އަދުލު އިންސާފު ވެރިވޭ.
މަޒް
20 March 2017
ގެސްޓަކަށް ތި ބަލި ރާއްޖޭން ޖެހުނަސް ވެކްސިން ޖަހަންޏާ ޕީޕީއެއްއަށް ސޮއި ކުރަން ޖެހޭނެބާ؟؟؟؟
ޖަންގަލީ
20 March 2017
ހާދަ މޮޔަ ސޮރެއް އެއާރޕޯރޓަައް ނުވަދެ ދެވޭނަމަ ރޯގާ ޖެހުން ދުރު ވެދާނެ އެކަމަކު ފުރާ ގެމަތަ ތަކުގާ ގިނަ ވާނީ ދިވެހިން ބަލި ޖެހުން ވަރައް ކައިރި
ބަލިމަޑުކަން
20 March 2017
ރަސްގެފާނުވެސް ކެންސަލްކުރީ ފުލޫއާހެދި.. ރަސްގެފާނުވެސްމާލެގައެއްނޫން ހުންނަވަންއޮތީކީ.. ތިބުނިގޮތެއްނޫން މައުލޫމާތުދޭންވީކީ.. ބުނަންވީ ރިސޯޓުތަކުގައިމިފެތުރުމުގެ ޗާންސްކުޑައޭ.. ރިސޯޓުތަކުގެ މުވައްޒަފުން ވެކްސިންވެސްޖަހައިގެންނޭތިބެނީ.. ރަށައްއަރާފައިބައި ނޫޅެވެއޭ ކޮންމެކޮމެމީހަކަށް..
ހަމީދު
20 March 2017
މިގައުމުގެ ބޮޑު އެއްވެސް ބޭފުޅެއް ނުބުނޭ މިގައުމު އޮތީ ނުރާއްކާތެރި ހާލަތެއްގައޭ. އެޗްޕީއޭއިން އެލާޓްލެވެލް 3 ކޭ ބުނިތާވެސް ގަރުނެއް ވެއްޖެ. އެއީ ކިހާވާރެއްގެ ނުރައްކަލެއްކަންވެސް ރަގަޅަކަށް ނުބުނެދޭ.