އިދިކޮޅު ޕާޓީތައް ގުޅިގެން ބޭއްވި ޖަލްސާގައި ގާސިމް ވާހަކަ ދައްކަވަނީ: ރައީސް ޔާމީނަށް ދުވަހަކު ވެސް ދެން ތާއީދު ނުކުރައްވާނެ ކަމަށް ތަކުރާރުކޮށް ވިދާޅުވި. --ފޮޓޯ: ހުސެއިން ވަހީދު/ މިހާރު
25 މާޗް 2017 - 00:07
25 comments
ސިޔާސީ ލީޑަރުންތައް އެއްގަލަކަށް އަރައި 2013 ގައި ރައީސް އަބްދުﷲ ޔާމީނަށް ވެރިކަން ހޯދައިދިނުމުން، ރައްޔިތުންނަށް ދަރަނިވެރިވެ "ހިތި ތަޖުރިބާ" ކުރެވިފައިވާ ކަމަށާއި އެެ ގޯސް ދެން ނުހައްދަވާނެ ކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް މިރޭ ވިދާޅުވެއްޖެ އެވެ.
އިދިކޮޅު ޕާޓީތައް ގުޅިގެން ޖުމްހޫރީ ޕާޓީގެ ހަރުގޭގައި ބޭއްވި ޖަލްސާގައި ގާސިމް ވިދާޅުވީ ރައްޔިތުންގެ ގާތު އެދުނު ގޮތަށް 2013 ގެ އިންތިހާބުގައި ވޯޓު ދީފައިވާ ކަމަށެވެ. އެކަމަކު، އެއީ ހެދުނު ބޮޑު ގޯހެއް ކަމަށާއި ސިޔާސީ އެއްވެސް ލީޑަރަކު އެކަން ތަކުރާރު ނުކުރައްވާނެ ކަމަށް ވިދާޅުވި އެވެ.
ގާސިމް ވިދާޅުވި ގޮތުގައި، ރައީސް ޔާމީން ވެރިކަމަށް ގެންނެވުމަށް ބުރަ މަސައްކަތްޕުޅު ކުރެއްވި އެމަނިކުފާނުގެ ބޭބޭފުޅު، ރައީސް މައުމޫން އަބްދުލްގައްޔޫމް ސަރުކާރަށް ކުރެއްވި ތާއީދު އަނބުރާ ގެންނެވުމުން އިތުރަށް ސަރުކާރުގެ މިސްރާބާ ދޭތެރޭ ސުވާލު އުފައްދައި ވަކި ގޮތަށް ވިސްނުން ގެންގުޅުމުގެ ޖާގައެއް ނެތެވެ. ރައީސް ޔާމީނަށް ކުރެއްވި ތާއީދު، މައުމޫން އަނބުރާ ގެންދެވުމުން ސަރުކާރުގެ ހުރިހާ ކަމެއް ސާފުވެފައިވާ ކަމަށް ވެސް ގާސިމް ވިދާޅުވި އެވެ.
"ސިޔާސީ މަސްރަހުން މި ލިބުނު ފިލާވަޅުތަކުގެ އަލީގައި އަޅުގަނޑުމެން ދެން އެ މިސްޓޭކެއް ނަަހަދާނަން އިނގޭތޯ، ނަހަދާނަން. އަޅުގަނޑުމެން ދާނީ އެކަތިގަނޑެއްގެ ގޮތުގައި،" ރައީސް ޔާމީން ވެރިކަމަށް ގެންނެވި ހުރިހާ ލީޑަރުން މިހާރު ތިއްބެވީ އެމަނިކުފާނާ ދެކޮޅަށް ކަން ފާހަގަކުރައްވައި ގާސިމް ވިދާޅުވި އެވެ.
"އަޅުގަނޑުމެން ދެން އެކައްޗެއް ކިޔާނަން އިރާދަކުރެއްވިއްޔާ. ވިސްނާވަޑައިގަންނަވާ އަންނަ ހޯމަ ދުވަހު ތިޔަބޭފުޅުން [މަޖިލިސް މެމްބަރުން] އަޅުގަނޑުމެންނާ ދެކޮޅަށް ވޯޓު ދެއްވާފައި ދެން ކޮންތާކަށްތޯ ނިކުންނާނީ، ކޮން ކެންޑިޑޭޓެއްތޯ ހޮވޭނީ. ކޮން ރައްޔިތެއްތޯ ވޯޓުލާން ތިބީ."
ރައީސް ޔާމީން ވެރިކަމަށް ގެންނެވުމަށް ފަހު ވެސް، ގޯސްކޮށް ކަންކަން ކުރައްވަން ފެއްޓެވެމުން ފެއަށް ޖެހިވަޑައިގެން، ގައުމަށްޓަކައި މައުމޫން "ޖިހާދަކުރައްވަމުން" ގެންދަވާ ކަމަށް ވިދާޅުވެ ގާސިމް ވަރަށް ބޮޑަށް އެމަނިކުފާނަށް ތައުރީފް ކުރެއްވި އެވެ. އެއާއެކު، ރައީސް މުހައްމަދު ނަޝީދު ޖަލު ބަންދުގައި ހުންނަވައިގެންނާއި އެ ނޫން ގޮތްގޮތަށް ގައުމަށް ވެވަޑައިގަންނަވާ ގުރުބާނީ ދުވަހަކު ވެސް ދިވެހިންގެ ހިތުން ފިލައިގެން ނުދާނެ ކަމަށް ވިދާޅުވި އެވެ.
އިދިކޮޅު ސިޔާސީ ޕާޓީތައް ގުޅިގެން ބޭއްވި ޖަލްސާގައި ޕާޓީތަކުގެ އިސް ބޭފުޅުން ބައިވެރިވެވަޑައިގަންނަވަނީ. --ފޮޓޯ: ހުސެއިން ވަހީދު/ މިހާރު
ރައްޔިތުންގެ ހައްގުގައި އަދާލަތު ޕާޓީގެ ރައީސް އިމްރާން އަބްދުﷲ ކުރައްވާ މަސައްކަތްތަކަށް ވެސް ގާސިމް ޝުކުރު އާދަކުރެއްވި އެވެ.
"އަޅުގަނޑު އެ ބޭފުޅުންނަށް ސެލިއުޓް ނަގަން،" މައުމޫނާއި ނަޝީދު އަދި އިމްރާނަށް ނިސްބަތްކުރައްވައި ގާސިމް ވިދާޅުވި އެވެ.
އެއްވެސް އިންތިހާބެއްގައި، ގާސިމް ވިދާޅުވި ގޮތުގައި، ރައީސް ޔާމީނަށް ދެނެއް ވޯޓެއް ނުދެއްވާނެ އެވެ.
"ރައްޔިތުން ފެލާލަންތޯ ޔާމީން އަބްދުލްގައްޔޫމަށް ވޯޓު ދޭން ޖެހެނީ. ނޫން ނުޖެހޭނެ ދޭކަށް. ކޮބައިތޯ އިންސާފު؟ ކޮބައިތޯ ގައުމިއްޔަތު؟ ކޮބައިތޯ މި ދައުލަތުގެ ކަރާމާތާއި ސިންގާ ސަނާ. ކޮބައިތޯ؟ ގާދޫކޮލުން ނިކުމެގެން ހިނގައްޖެ،" ގާސިމް ވިދާޅުވި އެވެ.
އޭނާ ވިދާޅުވި ގޮތުގައި ރިޔާސީ އިންތިހާބުގައި ރައީސް ޔާމީން ވެރިކަމަށް ގެނައުމަށް ތާއީދުކުރެއްވީ ސިފައިންނާއި ފުލުހުން އަދި ޖުޑިޝަރީގެ އިސް ބޭފުޅުންތަކެއް ވަޑައިގެން ބައްދަލުކުރައްވައި ރައީސް ޔާމީނަށް ތާއީދުކޮށްދޭން އެދިވަޑައިގަތުމުންނެވެ. އެކަމަށް އެދިވަޑައިގަތް ބޭފުޅުންނަށް ގައުމު މިހާރު އޮތް ހާލަތު އިހްސާސްކުރެވި ރައީސް ޔާމީނަކީ "ކޮން ބޭފުޅެއް ކަން" ވެސް އެނގިވަޑައިގަންނަވާނެ ކަމަށް ވިދާޅުވި އެވެ.
ގާނޫނުއަސާސީ އާއި ގާނޫނުތަކަށް ސަރުކާރުން ގެންނަމުންދާ ބަދަލުތަކަށް ވަރަށް ބޮޑަށް ފާޑުވިދާޅުވަމުން ގާސިމް ވިދާޅުވީ ރައީސް ޔާމީންގެ ވެރިކަމުގައި ގައުމު ވަރަށް ބޮޑަށް ފަހަތަށް ގޮސްފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނޑުކޮސްމާހިރު
25 March 2017
ރައްޔިތުން ދަރުވާފަ ދެން ވިއްކާނެ މުކޮސްވެސް ނެތުނީމަ ބޯއި އޮނަށް ވެ ހުސް ތޮށިގަނޑަށްވީމަ ރާއްޖޭގެ ހުސް ތޮށިގަނޑު ދޮލަނގަށް ލައިގެން ގަންނާނެ ބާއޭ ގޮވަމުން ވިއްކަން ހިނގަނީ
އިންތިގާލީ
25 March 2017
އެންމެންވެސް ގާސިމް ބޭނުންވެއެވެ. ސަބަބަކީ ސިޔާސީ ދާއިރާގައި ގާސިމަކީ "ހިކަދި ފަތެވެ". ރިހަ ކައްކާއިރު ހިކަނދިފަތް އަޅަން ޖެހެއެވެ. އެ ނާޅައެއް ނުވެއެވެ. ނަމަވެސް އެޅިޔަސް ކާއިރު ހުންނާނީ އެއް ފަރާތްް ކޮށްފައެވެ. ކައި ނިމުމުން އުކާލާނެއެވެ.
މައާފު
25 March 2017
އެއްމެ ފުރަތަމަ ރައީސް ނަޝީދާއި ރައްޔަތުން ކިބައިން މައާފައް އެދިވަޑައި ގަންނަވާ. ދެވަނަ ކަމަކައް 7ފެބްރުއަރީއާއި 2013ގެ އިންތިހާބުގައި ގެންގުޅުއްވި "ހަސަދަ ސީޔާސަތު" ދޫކޮށް ލައްވާ. ހަސަދަޔައް ވުރެބޮޑައް އިންސާނާ ހަލާކު ކުރާ އެއވެސް ކަމެއް ނެތް.
އަޑީބް އެންޑް ބަދީއް
25 March 2017
އަބަދުވެސް ހައްދަވަނީ ގޯސް. މިސާލް: ފެބުރުއަރީ 7.
ވަޒީރު ދޮންބެ
25 March 2017
ސާބަހޭ މަނިކުފާނު.
ދިވެހި ޒުވާނެއްގެ ހިތުން
25 March 2017
އަންނިއާއި މައުމޫނަށް އަދި އިމްރާނަށް ސެލިއުޓްކުރާވާހަކަ ވިދާޅުވި ވަގުތު ލޮލުން ކަރުނަ އޮހުނު. ވަރަށް އުފާވި. އަހަރެމެންބޭނިމީ ތިފަދައިން އެކުގައި ގައުމީކަންކަމުގައި ތިބުމަށް
ފަޅުވެރިން
25 March 2017
ތިޔައޭ މައްސަލައަކީ ކޮއިފުޅާ. އިމޯޝަނަލް ވާ މީހުންނަކަށް ޕޮލިޓިކްސް އެއް ނުކުޅެވޭނެ! އަނބިމީހާ ރޮއިހޭރިގަންނައިރަށް ވެރިކަން ދޫކޮށްފައި ފިލާރައްކާވާނެ. އެފަދަ މީހުނަށް ވެރިކަން ދޭން ހެޔޮނުވާނެ! ތިޔައިގެ ތެރޭގައި ތިޔައުޅޭ މީހުންނަށް ކޮންމެހެންވެސް "ލީޑަރު" ކިޔަން ބޭނުމިއްޔާ އޭގެ ކުރިއަށް "ޓެސްޓެޑް އެންޑް ފެއިލްޑް"، ނޫނީ "ބާވެފައިވާ"، ނޫނީ "ބާކީވެފައިވާ" މިފަދަ ނަންއިތުރެއް އިތުރުކޮށްލާފައި ލީޑަރު ކިޔާ. އެހެންނޫނީ ފުރިހަމައެއް ނުވާނެދޯ؟
ފުވައްމުލަކު މީހާ
25 March 2017
ޅޮސް ގަހެއްގައި ދުވަހަކު އާރެއްނުލާނެ. އެކަމުދާނީ ހަމައެކަނި ސަންދޯއް ފިލަޔަށް.
ފަޅުވެރިން
25 March 2017
ސޭޓު ތިޔަކުޅުއްވާ ނާޓަކަކީ ދިވެހިން ބަލައިފޫހިވެފައިވާ ނާޓަކެއް. ކިޔައިބާވެފައިވާ ސްކްރިޕްޓެއް. ބަދަލުވެފައިވަނީ ސޭޓުގެ މޮއިހިރުގައި އުޅޭ މޫނުތައް އެކަނި. 2008 ގައި ވަކި ޓީމެއް. 2013 ގައި ވަކި ޓީމެއް. މިހާރު އަނެއްކާ މުޅިން އެހެން ޓީމެއް. ކޮންމެ ފަހަރަކުވެސް އެއަންނަ ޓީމްތައް ދަނޑުން ފައިބައިގެންދަނީ ވަރަށް މާލީނަފާ ލިބިގަނެގެން. އެހެންވީމާ ކޮންމެ ފަހަރަކުވެސް އަންނާނީ އައު ޓީމެއް. ބާ ޓީމުގެ މީހެއް އައިސްފިއްޔާ ސޭޓަށްވެސް އެނގޭނެތާދޯ މިއީ އެއްކަލަ ކުރީފަހަރު މަށަށް ލަނޑުދިން މީހާކަން. ނަހުލާ ނޫނީ ޓެޑްރީ ކައިރީގައި ބުނެގެން ނަމަވެސް އައު ސްކްރިޕްޓެއް ލިޔެވޭތޯ އުޅޭ. އެއިރުން ފަހަރުގައި ކަމުފޮޅާގޮތް ވެދާނެ!
އަހައްމަދު އަހައްމަދޭ
25 March 2017
ރާއްޖޭގަ ކަންހިނގާދިޔަ މަގައް ބަލާއިރު ވެރިކަމާތޮޅެން މިތިބެނީ އެއްބައެއް މިއީ މިމީހުންގެ ތަރިކަ މުދާހެން ހީވަނީ ، މާދަމާ ޔާމީނު ގެ ވެރިކަން ނިމުނަސް ގާސިމުވެސް ބޭނުންވާނެ މަޖިލީހުން އެބޭފުޅާއަސް ގެއްލުވާލި ރައީސްކަންކުރުމުގެ ހައްގު ސީލްޖަހާފައިވާ 65 އަހަރު ބާތިލް ކުރަން މައުމޫނު ނުއުޅެފާނެ އެއީ މައުމޫނުގެދަރިން ކޮޅު އެބަ އުޅުއްވާ އެކަމުގަ، ދެން އޮތީ ބޯކިބާ ބޯކިބާ ފަޅިފަޅި ކުރާނެގޮތް ނޭގިގެން އުޅޭ ހާލަތުގަ 5 އަހަރު ދުއްވާލާނެ ރައްޔަތުންގެ ހަނދާނެއް ހުރި އެއްވެސް ޝަހުސިއްޔަތެއްނެތިގެން އަނެއްކާވެސް ގާސިމު ދުއްވައިގަންނާނެ ގައުމައްތަކާ ދީނައްޓަކާ ހެއު ނުވާނެ މި ގައުމުގަ އެބަތިބި މިނިވަން އިންސާފުވެރި ގޮތުގަ ވެރިކަން ހިންގާ ރައްޔަތުންނަށް ހައްގު މިންވަރު ކަޝަވަރު ކޮއްދޭނޭ ގާބިލު ދަރީން ކީއްތަވަނީ އެއިން ދަރިއަކަސް އެފުރުސަތު ތަނަވަސްކޮއް ދިނިއްޔާ ،ގައިމު ހަސަން ސައީދު ގިނިކަންޏާ ނުކުމެ ހޯއްދެވި ތާއީދު ،ޝޭހު ޝަހީމުވެސް ހޮއްދަވާނެ އެބޭފުޅާ ކުރިއަށް ނެރުއްވާފި ނަމަ ޖުމްހޫރީ ޕާރޓީވެސް ޑަބަލްވެގެންގޮސް ގާސިމުގެ ތާއީދައި މައުމޫނު ތާއީދުން ވެސް އެއޮތީ ޖުޑިސަރީ މިނިވަންވެފަ، ގައުމުގެ ހަމައެކަނި މައްސަލަ އަކީ ކޮރަޕްޝަނާއި މިނިވަން އިންސާފްވެރި އަދުލުވެރި ޝަރީ އަތޭ ކިޔާ އަޑު އިވެނީ ، އެކަމަށް ބޭނުންވަނީ ﷲ އަސް ބިރުވެތި ވާބަޔަކު ވެރިކަން ހިންގަން
އައުޓް
25 March 2017
ގާސިމް އިބްރާހިމް އަކީ އެއީ ޕޮލިޓިކަލް ސައެންސް ގެ އަލިފުބާ ވެސް ދަންނަ މީހެއް ނޫނެވެ. މަމެން ނުދެނެ ހުރިން އޭނާ ޕޮލިޓިކަލް ސައެންސްގެ ލެސަންސް ތަކެއް ޕްރޮފެސޯރީ މެން ގާތުން ނެގި ކަމަށް. މަމެންގެ ދިރާސާ ދައްކާ ގޮތުން އޭނާ އަކީ ވަރަށް އަވަހަށް އީގޯ ވާ މީހެކެވެ. އޭނާ އަކީ އަބަދުވެސް ހިޔަންޏަށް މުޑި ނަގައިގެން ރައީސް ޔާމީން އާއި ޒަމާނުއްސުރެން ވިއްދާފައި ހުންނަ މީހެކެވެ. އެއީ އިއްލިބެ އަށް ވެރިކަން ހޯދާ ދޭން ކަމަށް ގޮސިޕްސް ކުރީގައި ބުނީ. މިހާރު މިއެނގެނީ މީ އޭނާ އަމިއްލަ އަށް ވެރިކަން ބޭނުން ވެގެން ކަން މިޔާ އީގޯ ސިންޑްރޯމް ވެގެން މިއުޅެނީ. ގާސިމް ކޮންމެހެން ތަމެން ދެން ގޯސް ނަހަދަން ވެސް އަދި ހަދަން ވެސް މިރާއްޖޭގެ ސިޔާސީ މައިދާނުގައި އުޅޭނެ ކަމެއް ނެތޭ. މަމެންގެ ބުއްދި އަށް ގަބޫލު ނުކުރެވެނީއޭ ތަމެންގެ އެތެރޭގައި އެހާ ޓެކްނިކަލް ކެޕޭސިޓީ ހުރެދާނެ ކަމަށް. އަޅެ މި ނޯޓް ޕެޑް ގައި އިނގިރޭސި އަކުރުން ރީއްޗަށް ލިޔެލާބަލަ ޕޮލިޓިކަލް ސައެންސް އާރކިޓެކްޓްރަލް ފޮންޓް އިން ސްޕެލް މިސްޓޭކެއް ނެތި. މަމެން ލޮނު ލައިގެން ބަތެއް ނުކާނަން އެކަން ތަމެންނަށް ވެއްޖެނަމަ... އައުޓް އައުޓް އައުޓް. ބެޓަރ އޮފް ދިސްވޭ.