ގޭންގް ކުށްތަކާއި ނުރައްކާތެރި ކުށްތަކުގެ އާ ގާނޫނުގެ ދަށުން ބަޔަކު ހައްޔަރުކޮށްފި

ގޭންގް ކުށްތަކާއި ނުރައްކާތެރި ކުށްތައް ހުއްޓުވުމުގެ ގާނޫނުގެ ދަށުން ފުރަތަމަ ފަހަރަށް ހައްޔަރުކުރި ތިން މީހުން. -- ފޮޓޯ: ޕޮލިސް

05 ސެޕްޓެމްބަރ 2025 - 20:41

17 comments

ގޭންގް ކުށްތަކާއި ނުރައްކާތެރި ކުށްތަކާ ދެކޮޅަށް ހަރުކަށި ފިޔަވަޅު އެޅޭ ގޮތަށް މިދިޔަ މަހު އަމަލުކުރަން ފެށި އާ ގާނޫނުގެ ދަށުން، ތޫނު ހަތިޔާރު ގެންގުޅުމުގެ ތުހުމަތުގައި ބަޔަކު ހައްޔަރުކޮށްފި އެވެ.

ގޭންގް ކުށްތަކާއި ނުރައްކާތެރި ކުށްތައް ހުއްޓުވުމުގެ ގާނޫނުގެ ދަށުން މާލެއިން ހައްޔަރުކުރި މީހުން ބަންދުކުރަން ކްރިމިނަލް ކޯޓުން އިއްޔެ ނެރެފައިވާ އަމުރުގައިވާ ގޮތުން އެ މީހުން ހައްޔަރުކުރީ ދެ ވަޅި ގެންގުޅުމުގެ ތުހުމަތުގަ އެވެ.

އެ މީހުންނަކީ މއ.މޯނިން ވިއު އިބްރާހީމް ޒައިދާން، ހަމަ އެ ގޭ އަހުމަދު ނަވާޒް އަދި ލ.މާބައިދޫ، ބަށިމާގެ މުހައްމަދު ޝިދާދު އެވެ.

ބަންދު އަމުރުތަކުގައިވާ ގޮތުން ހާދިސާގެ ރިޕޯޓާއި އިންޓެލިޖެންސް ރިޕޯޓް އަދި ކުށުގެ ވެށިން ފެނުނު ދެ ވަޅީގެ ފޮޓޯ، ހެކީގެ ގޮތުގައި ފުލުހުން ކޯޓަށް ހުށަހެޅި އެވެ.

މިދިޔަ މަހު އަމަލުކުރަން ފެށި ގޭންގް ކުށްތަކާއި ނުރައްކާތެރި ކުށްތައް ހުއްޓުވުމުގެ ގާނޫނުގެ ދަށުން ހައްޔަރުކުރި އެ ތިން މީހުންގެ ތެރެއިން އެކަކުގެ ބަންދަށް 30 ދުވަސް އަދި ދެން ތިބި ދެ މީހުން 15 ދުވަހަށް ބަންދުކުރަން ކޯޓުން ވަނީ އަމުރުކޮށްފަ އެވެ.

ނަމަވެސް އެ ތިން މީހުން ހައްޔަރު ކުރުމާ ގުޅޭ ތަފްސީލުތައް ފުލުހުން އަދި ހާމައެއް ނުުކުރެ އެވެ.

ކުރިން އަމަލުކުރި ގޭންގް ކުށްތަކާ ބެހޭ ގާނޫނުގައި ހުރި ގާނޫނީ ހުރަސްތަކާ ހެދި އެ ގާނޫނު އުވާލުމަށްފަހު އަމަލުކުރަން ފެށި އާ ގާނޫނުގައި، ގޭންގްތަކާއި ގޭންގްތަކުން ހިންގާ ކުށްތަކާއި އެ ނޫން ވެސް ނުރައްކާތެރި ކުށްތަކަށް ބޮޑެތި އަދަބު ދީ އަދި ހަރުކަށި ފިޔަވަޅު އެޅޭ ގޮތަށް ހިމަނާފައިވެ އެވެ.

ކުށްކުރުން ފުލުހުން ގޭންގް ހަމަނުޖެހުން ކްރިމިނަލް ކޯޓް ޖިނާއީ އަދުލުގެ ނިޒާމު

17 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޗިލްކޭ

07 September 2025

މިތާ އައްޑު ސޮރެއް ނެތްދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާއެނގޭ

06 September 2025

މާދަމާ ދޫކޮށްލާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޫންޑޭރި

06 September 2025

މާދަމާ ދޫކޮށްލި ވާހަކަ ލިޔަންދޯ؟ ޞަދަލުވެސް ދޭންވާނެ...ކަމެއް ނިމެންދެން ހިފަހައްޓާލަން ނުކެރޭނެ...ކޮރަޕްޝަން މޫލާފަ ހުރިހާތާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަބްރާ

06 September 2025

ދޫކޮށް ލާނެ! މި ބުނީ ދޫކޮށްލާނެ! ގޭންގުތަށް ގުޅި ލާމެހިފަވަނީ ވެރިކަން ކުރާ ސިޔާސީ ޕާޓީ ހިމަނައިގެން ރާއްޖޭގެ ހުރިހާ ސިޔާސީ ޕާޓީތަކާއި! މިއީ މިއަދުގެ ހަގީގަތް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޭންގްގޭންގް

06 September 2025

ވަރަށް ދޯހަޅި ގަވައިދެއް. ގޭގަ ކައްކާ ވަޅި ހުއްޓަސް ތޫނު ހަތިޔާރޭ ކިޔައުގެން ހައްޔަރު ކުރެވޭނެ މިހާރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސުލު ދިވެހިން

06 September 2025

ތިޔަކުޅެނީ ފިލްމެއް .. ތީތޯ މިޤައުމުގަ ތިބި ގެންގުކުއްކުރާ މީހުން.. ދެން ބުނަންވީ ޤާނޫނު ތަންފީޒު ކުރަނީޔޯ .. އެއްވެސް އިހުލާސްތެރިކަމެއް ނެތް.. ޤާނޫނު ހިގާނީ ނިކަމެތިންނަށް މި ޤައުމުގަ..