ވިޔަފާރި / ދައުލަތުގެ ބަޖެޓު 2026

އަންނަ އަހަރު އަސްކަރީ ހަރަދުތަކަށް 2.8 ބިލިއަން

ޑިފެންސްއަށް 2.8 ބިލިއަން ރުފިޔާގެ ބަޖެޓެއް ވަނީ ކަނޑައަޅަފައި -- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

31 އޮކްޓޯބަރ 2025 - 13:58

24 comments

އަންނަ އަހަރުގެ ބަޖެޓުން ރާއްޖޭގެ އަސްކަރީ ހަރަދުތަކަށް 2.8 ބިލިއަން ރުފިޔާގެ ބަޖެޓެއް ކަނޑައަޅައިފި އެވެ.

ސަރުކާރުން ރައްޔިތުންގެ ރައްޔިތުންގެ މަޖިލީހަށް ފޮނުވާފައިވާ، އަންނަ އަހަރަށް ލަފާކުރާ ބަޖެޓުގައިވާ ގޮތުން، އަސްކަރީ ކަންކަމަށް ކަނޑައަޅާފައިވަނީ މި އަހަރުގެ ބަޖެޓުގައި އޮތް ވަރަށް ވުރެ ގާތްގަނޑަކަށް 450 މިލިއަން ރުފިޔާ އިތުރު އަދަދެކެވެ. މިދިޔަ އަހަރު އެފަދަ ކަންކަމަށް ކަނޑައަޅާފައިވަނީ 2.3 ބިލިއަން ރުފިޔާ އެވެ.

މިލިޓަރީ ހަރަކާތްތަކުގެ އިތުރުން ފުލުހުންގެ ދިފާއީ ހަރަކާތްތަކަށް ކަނޑައަޅާފައިވަނީ 42 މިލިއަން ރުފިޔާ އެވެ. އެއީ މި އަހަރަށް ވުރެ ހަތް މިލިއަން ރުފިޔާ ދަށް އަދަދެކެވެ.

އަސްކަރީ ބަޖެޓުގެ ތެރެއިން ދިފާއީ ކަންކަން ބެލެހެއްޓުމަށް ވަނީ 247 މިލިއަން ރުފިޔާ ކަނޑައަޅައިފަ އެވެ. މިއީ މި އަހަރާ ބަލާއިރު 161 މިލިއަން ރުފިޔާ އިތުރު އަދަދެކެވެ.

މި އަހަރުގެ ބަޖެޓުގައި، ދިފާއީ ކަންކަން ބެލެހެއްޓުމަށް 86 މިލިއަން ރުފިޔާ ކަނޑައަޅާފައިވެ އެވެ. އެހެންވެ، އަންނަ އަހަރު ދިފާއީ ކަންކަން ބެލެހެއްޓުމަށް ކުރާ ހޭދަ ވަނީ 35 ޕަސެންޓް އިތުރުވެފަ އެވެ. ދިފާއީ ކަންކަން ބެލެހެއްޓުމަށް މިދިޔަ އަހަރު ކަނޑައެޅީ 16 މިލިއަން ރުފިޔާ އެވެ. މިދިޔަ ދެ އަހަރުން ދިފާއީ ކަންކަމުގެ ބަޖެޓު ވަނީ ގާތްގަނޑަކަށް 15 ގުނަ އިތުރުވެފަ އެވެ.

އަންނަ އަހަރުގެ ބަޖެޓުގައި ގައުމީ ދިފާއީ ބާރުގެ ބަޖެޓުން ލޮޖިސްޓިކްސް ސަޕޯޓު ހިދުމަތްތަކަށް 1.5 ބިލިއަން ރުފިޔާ ކަނޑައަޅާފައިވެ އެވެ. އެއީ އަސްކަރީ ބަޖެޓުން އެންމެ ބޮޑު ހޭދަ އެވެ. ކޮމްބެޓް އެންޑް މެނޫވާ ފޯސަސް އަށް 910 މިލިއަން ރުފިޔާ ހޭދަކުރާ އިރު ކޮމްބެޓަންޓް ކޮމާންޑްސްއަށް 79 މިލިއަން ރުފިޔާ ވަނީ އަންނަ އަހަރުގެ ބަޖެޓުގައި ހިމަނައިފަ އެވެ. މި އަހަރުގެ ބަޖެޓާ އަޅާ ބަލާ އިރު އެ ތިން ބަޔަށް ޑިފެންސް މިނިސްޓްރީގެ ބަޖެޓުން ކުރާ ހޭދަވެސް ވަނީ ގާތްގަނޑަކަށް 20 ޕަސެންޓް އިތުރުވެފަ އެވެ.

ސަރުކާރުން އަންނަ އަހަރަށް ލަފާކޮށް ރައްޔިތުންގެ މަޖިލީހަށް ހުށަހެޅީ 64.3 ބިލިއަން ރުފިޔާގެ ބަޖެޓެކެވެ. އަންނަ އަހަރަކީ ރާއްޖޭގެ ތާރީހުގައި ވެސް އެންމެ ބޮޑު ދަރަނި އަދާކުރަން ޖެހޭ އަހަރެވެ. އެގޮތުން އެއް ފަހަރާ 600 މިލިއަން ޑޮލަރު (9.2 ބިލިއަން ރުފިޔާ) ދައްކަން ޖެހެ އެވެ.

އެމްއެންޑީއެފް ދައުލަތުގެ ބަޖެޓް ދައުލަތުގެ ބަޖެޓު 2026 ދިވެހި ސިފައިން ޑްރޯން ރައީސް ޑރ. މުހައްމަދު މުއިއްޒު

24 ކޮމެންޓް, 36 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަށީދު

02 November 2025

ކޮން ގައުމަކަށް ހަނގުރާމައަށް ދަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައިސް

01 November 2025

ސިފައިންގެ އެކި ފޯރސަސް ގެ ކުދިން ކޮޅެއް އޭނަގެ ދުވަހުގެ މަސައްކަތް މިކޮމެންޓްގެ ރިޕްލައިގަ ލިޔެދީބަލަ. ބަޖެޓް ގޭ ބޭނޫން ބަލާކަށް ބޭނުމެއްވެސް ނޫން. ކުރާ މަސައްކަތް އެގިލަން ބޭނުންވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައްކޫ

01 November 2025

މިއަންނަ އަހަރު ހަނގުރާމައެއް ކުރަންޖެހުނީތަ؟ މާ ބޮޑު ޚަރަދެއްކުރަމން މިޖެހުނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުﷲ

01 November 2025

މިރާއްޖެއަކީ މާތްﷲ ގެ ރަހްމަތް ފުޅުން އަވައްޓެރި ގައުމުތަކުގެ އިމާއި ހެދި ދެބަސްވެ ހަނގގުރާމަމަތީ ހާލަތަކަށް ތައްޔާރުވެ އޮންނަން ޖެހޭ ގައުމެއް ނޫން. ނަމަވެސް ގައުމީ ދިފާއީ ބާރު އޭގެ އެއްމެ ފުރިހަމަ ގޮަތުގައި ތައްޔާރުވެ އޮތުން މުހިއްމު. ގައުމީ ދިފާއީ ބާރުގެ ޚަރަދު ކުޑަކޮށްލެވެނެ ގޮތްތަކެއް ހޯދުން ރަނގަޅު ކަމަށް ފެނޭ. އެގޮތުން އޭވިއޭޝަން ކޮމާންޑާއި، ކަސްޓަމްސް، އަދި ފުލުހުންގެ ތެރޭގައި މަސައްކަތް ކުރުމަށް ސިފައިންގެ ބަޔަކު ބޭނުން ކުރަން ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަނޑި

01 November 2025

ފުލުހުންނާއި ސިފައިނަނަށް ތިޔަވަރަށް ހަރަދު ކުރުމަކީ ރައްޔިތުންގެ ފައިސާއަށްވާބޮޑު އިހްމާލެއް. ތިޔަ 2 މުވައްސަސާގެ މާބޮޑު ބޭނުމެއް ނުހިފޭ. ތިޔަ 2 ތަން ބޭނުންކޮށްގެން ސިޔާސީ މީހުންްނާއި އެތަންތަނުގެ ވެރިން ކުރަނީ ރައްޔިތުންގެ ފައިސާއިން ވައްކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

01 November 2025

މިއީ ހަނގުރާމަ އެއް ކުރާ ތަނެއް ނޫނެވެ. އުފެއްދުންތެރިކަން އޮތް ތަނެއް ނޫނެވެ. ކައިގެން ޑިއުޓީ ކުރުމެވެ. އަސްކަރިއްޔާ ގަ ޔުނިޓް އެއް ހަދާފަ ފަގީރު ރައްތުންގެ އިޖްތިމާއީ ކަންކަން ކޮށްދީ އެހީވާން ވީ އެވެ. ފަގީރު ނިކަމެތިން ނަށް ތަންތަން މަރާމާތު ކުރުމަށް އެހީވާން ވީ އެވެ. އޭރުން މަސައްކަތެއްވެސް ދަސްވާނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

01 November 2025

ފަލަސްތީނުގެ ޖިހާދަށް ތައްޔާރު ވަނީ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލާވެރިކަން

01 November 2025

ގައުމުގެ އެތައް މައްސަލައަކާ ގުޅިފައިވާ އެކަމަކަށް މުޅިގައުމުގެ ރައްޔަތުން އެދިއެދި ތިބި ބޯހިޔާވަހިކަމަށް 3.8 ބިލިއަން 2.8 ބިލިއަން އަސްކަރިއްޔާއަށް ގައުމު ހިންގަން މިތިބީ ހަމަ ހޭގަ ތިބިބައެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢއއ2

01 November 2025

އަސްކަރިއްޔާ ކުރި އަރާނެ އެންމެ ފަސޭހަ ގޮތަކީ އެ ތަނުގައި އުޅޭ މީހުން އިސްލާހުވުން.. އެކަމަށް 2.8 ބިލިޔަން ބޭނުމެއް ނުވާނެ.. ފުރަތަމަ ސިފްކޯގެ ވައްކަން ބަލާބަލަ... ވަރަށް ސަލާމް..