ހިތަދޫ މޫލެކެޑެ ސަރަހައްދު ނުހިއްކަން އެދި ރައީސަށް ސިޓީއެއް

ރައީސް މުއިއްޒު އައްޑުއަށް އިއްޔެ ކުރެއްވި ދަތުރުފުޅުގެ ތެރެއިން: ހިތަދޫ މޭލެކެޑެ ސަރަހައްދު ނުހިއްކަން އެދި ރައީސަށް ސިޓީއެއް ވަނީ ހުށަހަޅާފައި --- ފޮޓޯ/ރައީސް އޮފީސް

މުހައްމަދު ނަސީމް، މިހާރު

06 ނޮވެމްބަރ 2025 - 10:46

10 comments

އައްޑޫ ހިތަދޫގެ ތެރެއަށް ވަދެފައި އޮންނަ ގޮންޏެއް ކަމަށްވާ "މޫލެކެޑޭ ފިށިމަތި" ސަރަހައްދު ހިއްކައިގެން މަގު ހަދަން ސަރުކާރުން ރާވާފައިވާ މަޝްރޫއު ހުއްޓާލަން އައްޑޫގައި ތިމާވެށި ހިމާޔަތްކުރަން މަސައްކަތްކުރާ ޖަމިއްޔާއަކުން އެދިއްޖެ އެވެ.

އެ ސަަރަހައްދު ހިއްކަން ސަރުކާރުން ކުރިން ނިންމީ ލިންކް ރޯޑް ސީދާ ކުރުމާއި އެ ސަރަހައްދުން ނުބައި ވަސްދުވުން ފަދަ މައްސަލަތައް ހައްލުކުރަން އެދި ހިތަދޫގެ ބައެއް ރައްޔިތުން ޕެޓިޝަނެއް ހުށަހެޅުމުންނެވެ. އެހެން ނަމަވެސް އެތަން ނުހިއްކުމަށް "ތިމާވެށި ޕްރޮޖެކްޓް" ނަމަކަށް ކިޔާ ޖަމިއްޔާއަކުން އެދުނީ ރައީސް ޑރ. މުހައްމަދު މުއިއްޒު އިއްޔެ އައްޑޫއަށް ކުރެއްވި ދަތުރުފުޅުގެ ތެރެއިން، ރައްޔިތުންނާ އެމަނިކުފާނު ސަލާން ކުރައްވަމުން ގެންދަވަނިކޮށް އެމަނިކުފާނާ ހަވާލު ކުރެއްވި ސިޓީއަކުންނެވެ.

އެ ސިޓީގައިވަނީ މަޝްރޫއު ހިންގަން އެދި ހިތަދޫން ރައީސަށް ހުށަހެޅި ޕެޓިޝަނުގައި ސޮއިކޮށްފައިވަނީ ނިސްބަތުން ވަރަށް މަދު ބައެއް ކަމަށާއި އެގޮތުން، މޫލެކެޑެ ސަަރަހައްދުގައި 5،439 މީހުން ދިރިއުޅޭއިރު ޕެޓިޝަނުގައި ސޮއިކޮށްފައި ވަނީ އެންމެ 122 މީހުން ކަމަށް އެ ސިޓީގައިވެ އެވެ. އަދި އެ ސަރަހައްދު ހިއްކިޔަސް، ހިތަދުއަށް ކުރިމަތިވެފައިވާ ބިމުގެ ދަތިކަމާއި ނުބައި ވަސް ދުވުމުގެ މައްސަލައަށް އެ މަޝްރޫއުގެ ސަބަބުން ހައްލެއް ނުލިބޭނެ ކަމަށް އެ ސިޓީގައިވެ އެވެ.

"މަޝްރޫއުގެ ސަބަބުން ގަވައިދާ ހިލާފަށް ކުނި ނައްތާލުމާއި ތަން ތަގައްޔަރުވުމަކީ މާ ގާތް ކަމެއް،" ސިޓީގައިވެ އެވެ.

ތިމާވެށި ޕްރޮޖެކްޓުން ބުނީ ފިށިމަތި ސަރަހައްދަކީ އައްޑޫގައި ހިމާޔަތްކޮށްފައިވާ ސަރަހައްދުތަކުގެ ތެރެއިން އެންމެ ދުވަސްވީ އެއް ތަން ކަމަށްވާ ނޭޗާ ޕާކާ ވަރަށް ކައިރީގައި އަދި އެ ސަރަހައްދުގެ "ބަފާ ޒޯނެއް"ގެ ގޮތުގައި އޮތް ތަނެއް ކަމަށެވެ. އެހެންވެ އެތަން ހިއްކުމާ ސްޓޭކްހޯލްޑަރުން ދެކޮޅު ހަދާފައިވާ ކަމަށެވެ.

ހިތަދޫ މޫލެކެޑެ ފިށިމަތި ހިއްކުމުގެ ބަދަލުގައި ތަރައްގީކުރެވިދާނެ ގޮތުގެ ތަސައްވުރެއް.

އެ ސަރަހައްދު ހިއްކުމުގެ ބަދަލުގައި ތަރައްގީ ކުރެވިދާނެ ގޮތުގެ ޕްލޭނެއް އެންވަޔަރްމެންޓަލް އިމްޕެކްޓް އެސެސްމަންޓް (އީއައިއޭ) ރިޕޯޓްގައި ހިމަނާފައިވާ ކަމަށާއި އެއީ ތިމާވެށި ޕްރޮޖެކްޓް ޖަމިއްޔާ އާއި އެ ސަރަހައްދު ހިއްކުމާ ދެކޮޅު ރައްޔިތުން ގަބޫލުކުރާ ޕްލޭނެއްް ކަމަށް ވެސް އެ ސިޓީގައިވެ އެވެ.

އެ ޕްލޭންގައިވާ ގޮތުން ފިށިމަތި ގޮނީގައި ހަދާނީ ހިނގާފައި ހުރަސްކުރާ، ތިމާވެށްޓަށް ގެއްލުން ނުލިބޭ ގޮތަށް އަޅާ ފާލަމެކެވެ.

ސިޓީގައި ހުށަހަޅާފައިވާ ކަންތައްތައްތަކަކީ ސިޔާސީ ހުށަހެޅުންތަކެއް ނޫން ކަމަށާއި އެހެންވެ، އެ މަޝްރޫއު ހުއްޓާލަން އެދޭ ކަމަށް ވެސް އެ ސިޓީގައިވެ އެވެ.

ތިމާވެށި ސ. ހިތަދޫ އައްޑޫ ރައީސް ޑރ. މުހައްމަދު މުއިއްޒު

10 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުލޭ

06 November 2025

އެއްބަޔަކު އެދެނީ ހިއްކަން. އަނެއް ބަޔަކު އެދެެނީ ނުހިއްކަން. ޕެޓިޝަނުގައި ސޮއިކުރީ 122 މީހުންނޭ ހިއްކުން ހުއްޓާލާށޭ ބުނާއިރު ތިޔަ ސިޓީގައި ކިތައް މީހުން ސޮއިކުރިބާ!.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

06 November 2025

ލިންކް ރޯޑް ގައި ހުރި ވަަލުތަކަށް ސިމެންތި ކޮޅެއް އަޅާލަން އެތައް ސަތޭކަ މިލިޔަން ރުފިޔާ ޙަރަދު ކުރުމުގެ ބަދަލުގައި ދައުލަތުގެ ބަޖޭޓުންނާއި ޖެޕާން ސަރުކާރު ފަދަ ފަރާތެއްގެ އެހީ ހޯދައިގެން އައްޑޫސިޓީގެ ފުއްޓަރު ފަރާތު ރަށް ގިރުމުގެ މައްސަލައަށް ވެސް ހައްލު ލިބޭފަދަ ގޮތަކަށް ކޯއްޓޭ ކޮޅުން ފެށިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކިބަނޑަބެއްުޔާ

06 November 2025

އޯކޭ މޫލެކެޑެ ކުނިވާން ބާއްވާފަ ހަންކެޑެ ހިއްކާލަންވީނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑުބްލިކޭޓް

06 November 2025

ފާއިތުވެދިޔަތަނުގަ ހިތަދޫ ރައްޔިތުން، އެމީހުންނަށް ހަޖޫޖެހި، ޔާމީން ފަދަ މީހުންނަށް ބޮޑުތަނުން ނޫނެކޭ ބުނިގޮތައް، އަންނަ ރިޔާސީއިންތިހާބުގަ މުއިޒު އަށްވެސް ހިތަދޫ ރައްޔިތުންގެ ވަރަށްބޮޑު ޢައުލަބިއްޔަތަކުން ނޫނެކޭ ބުނާނެކަން ޔަޤީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ ވާންޗޯ

06 November 2025

ތިޔަ ފާލަމުގެސަބަބުން ތިޔަތަން އިތުރަށްބެދި ކުނިވަސް އިތުރުވާނީ. ތީ އޮއެ ދައުރުނުވާގޮތަށް އޮތްތަނެއް ހިއްކާލީމަ މާރަނގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހެހޭ

06 November 2025

މިއީ އެއްކަލަ މާލެ ދެފަޅިވެދާނެތީ ހަޅޭއްލެވި ޖަމްއިއްޔާ ފަދަ ޖަމްއިއްޔާއެއް. ބްރިޖް އަޅާތީ ވަރުނުލާ ރާޅުގަނޑު ގެއްލިގެން ހިނގައިދާނެތީ އުޅުނު ފަދަ ޖަމްއިއްޔާއެއް. އަނެއްކާވެސް ހަމަ އެކަހަލަ ކަމަކާ އެކަހަލަ ޖަމްޢިއްޔާއެއް މިއޮތީ ނުކުމެފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަސދަސ

06 November 2025

ސަޅިވާނެ އަހަރުމެނަށް ކުނި އުކާލަން ދާން ފަސޭހަ މަގެއް ތި އިނީ ކުރަހާލާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަސދފގހ

06 November 2025

ސިޓީއަަކަށްވީމަ ތިމާވެއްޓެއް ނޯންނާނެ…

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުމާ

06 November 2025

ކޮންކަމެއްތަ ކުރެވެނީ! ނުލާހިކު ރަނގަޅުތަންތަނުން ބިންދޫކުރެވެންއޮތްވާ ބިންދޫކުރިގޮތްވެސް އެހެރީ ފެންނަން. ރަނގަޅުހިސާބުހިސާބުންބިންދޫކުރަނީ އަޑިއަޢިންރައްޓެހިންނަށްއެކަނި. ކަރަންޓެއްފެނެއްނެތްތަންތަނުން ބިންދީފައިއެކަމެއްވެސްކޮށްދެނީއެއްނޫން.ކޮންކަމެއްތަ ސިޓީކައުންސިލަށް ކުރެވުނީ. ރުއްފަށާހަލާކުކޮށް ގަސްތައްކަނޑާހެދިއިރުތުލިބުނާޖަމިއްޔާއެއްއޮތީހުމާރަޖާއަޅައިގެންތަ؟މުއިއްޒުގެވެރިކަމުގަތިކަންވެސްކޮއްފާނެތީބިރުންތިއުޅެނީރިބަންކަނޑާނުލެވިގެން.