ޚަބަރު / އިސްލާމިކް މިނިސްޓްރީ

ހުޅުމާލޭގެ ވަގްފު އިމާރާތް އަޅަން 244 މިލިއަން ރުފިޔާ އަށް އާރުސީސީއާ ހަވާލުކޮށްފި

ހުޅުމާލޭގެ ވަގުފު އިމާރާތުން އަހަރަކު 52 މިލިއަނަށް ވުރެ ގިނަ ރުފިޔާ އާމްދަނީއެއް ލިބޭނެ ކަމަށް އިސްލާމިކް މިނިސްޓްރީން ލަފާކުރޭ.

ހުޅުމާލޭގައި އަޅާ ވަގްފް އިމާރާތުގެ މަސައްކަތުގެ އެއްބަސްވުމުގައި އިސްލާމިކް މިނިސްޓަރު ޝަހީމާއި އާރުސީސީގެ އެމްޑީ ރަޝީދު މިއަދު ސޮއިކުރައްވަނީ.---ފޮޓޯ: އިސްލާމިކް މިނިސްޓްރީ

މުހައްމަދު ނަސީމް، މިހާރު

17 ނޮވެމްބަރ 2025 - 16:14

7 comments

ހުޅުމާލެ 1 ގައި އަޅާ ދާރުއްސަލާމް ވަގްފު އިމާރާތުގެ މަސައްކަތް އިސްލާމިކް މިނިސްޓްރީން 244 މިލިއަން ރުފިޔާ އަށް އާރުސީސީއާ މިއަދު ހަވާލުކޮށްފި އެވެ.

އެ މަސައްކަތުގެ އެއްބަސްވުމުގައި ސޮއިކުރީ އިސްލާމީ މަރުކަޒުގެ ޖަލްސާކުރާ މާލަމުގައި ބޭއްވި ރަސްމިއްޔާތެއްގަ އެވެ. އެ އެއްބަސްވުމުގައި ސަރުކާރުގެ ފަރާތުން ސޮއިކުރެއްވީ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދެވެ. އާރުސީސީން އެ އެއްބަސްވުމުގައި ސޮއިކުރެއްވީ މެނޭޖިން ޑިރެކްޓަރު އިބްރާހިމް ރަޝީދު އެވެ.

އާރުސީސީއާ އެ މަސައްކަތް ހަވާލުކުރީ 24 މަސް ދުވަހުގެ ތެރޭގައި ނިންމާ ގޮތަށް 244,508,842.00 ރުފިޔާ އަށެވެ. މަޝްރޫއު ނިންމުމަށް ފަހު، ފަސް އަހަރު ދުވަހަށް އިމާރާތުގެ މެއިންޓެނަންސް މަސައްކަތް އެ ކުންފުނިން ކުރާ ގޮތަށް ވަނީ ހަމަޖެހިފަ އެވެ.

އިސްލާމިކް މިނިސްޓްރީން ބުނި ގޮތުގައި އެއީ ބޭންކް އޮފް މޯލްޑިވްސްގެ އިސްލާމިކް ފައިނޭނިންސްގެ ދަށުން ހަރަދުކުރާ މަޝްރޫއެކެވެ.

ހުޅުމާލޭގައި އަޅާ ވަގްފް އިމާރާތުގެ މަސައްކަތުގެ އެއްބަސްވުމުގައި އިސްލާމިކް މިނިސްޓަރު ޝަހީމާއި އާރުސީސީގެ އެމްޑީ ރަޝީދު މިއަދު ސޮއިކުރެއްވުމަށް ފަހު ފޮޓޯއަކަށް ހުއްޓިވަޑައިގެން.---ފޮޓޯ: އިސްލާމިކް މިނިސްޓްރީ

އިސްލާމިކް މިނިސްޓްރީން ބުނީ ދާރުއްސަލާމް ވަގްފު އިމާރާތަކީ ޒަމާނީ ވަސީލަތްތަކާއެކު އަޅާ 12 ބުރީގެ އިާރާތެއް ކަމަށެވެ އެ އިމާރާތުގެ ބޭސްމަންޓުގައި ހާއްސަ ޕާކިން ސަރަހައްދެއް ހެދުމަށް ހަމަޖެހިފައިވާއިރު ގްރައުންޑް ފްލޯގައި ހުންނާނީ ރިސެޕްޝަން ސަރަހައްދާއި އިތުރު ޕާކިން ޖާގަ އެވެ.

އެ މިނިސްޓްރީން ބުނިގޮތުގައި އެ އިމާރާތުގެ ފުރަތަމަ ފަންގިފިލާ ވިޔަފާރި ބޭނުންތަކަށް ދޫކުރާނެ އެވެ. އަދި ތިން ވަނަ ފަންގިފިލާ އިން ފެށިގެން 12 ވަނަ ފަންގިފިލައާ ހަމައަށް ހުރި ފަންގިފިލާތަކުގައި ހުންނާނީ ޒަމާނީ އޮފީސްތަކާއި ނަމާދު ކޮޓަރިތަކައި މީޓިން ރޫމްތަކެވެ. ޢިމާރާތުގެ ދެވަނަ އަދި 11 ވަނަ ފަންގިފިލާގައި ގިނަ ބޭނުންތަކަށް ބޭނުންކުރެވޭ ޒަމާނީ ހޯލެއް ހުންނާނެ ކަމަށާއި ފުރާޅު ނުވަތަ ރޫފްޓޮޕްއަކީ އާންމު ޓެރަސްއެއް ކަމަށް ވެސް އެ މިނިސްޓްރީން ބުންޏެވެ.

އެ އިމާރާތުގައި ޑޭ ކެއާ ސެންޓަރެއް ގާއިމްކުރަން ހަމަޖެހިފައިވާކަމަށް ވެސް އެ މިނިސްރީން ބުންޏެވެ.

ހުޅުމާލޭގެ ވަގުފު އިމާރާތުން އަހަރަކު 52 މިލިއަނަށް ވުރެ ގިނަ ރުފިޔާ އާމްދަނީއެއް ލިބޭނެ ކަމަށް އިސްލާމިކް މިނިސްޓްރީން ލަފާކުރެ އެވެ. އޭގެ 20 ޕަސެންޓް ޒަކާތު ހައުސް އަށް ޖަމާކުރުމަށް ހަމަޖެހިފައިވާ ކަމަށް ވެސް އެ މިނިސްޓްރީން ބުންޏެވެ. އާމްދަނީގެ 80 ޕަސެންޓް ޖަމާކުރާނީ އިސްލާމިކް ވަގްފު ފަންޑަށެވެ.

ހުޅުމާލެ އިސްލާމިކް މިނިސްޓްރީ އާރުސީސީ ޑރ. މުހައްމަދު ޝަހީމް އަލީ ސައީދު (މިނިސްޓަރު)

7 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދުު

17 November 2025

52 މިލިއަން އަހަރަކު. 12 ބުރީގެ އިމާރާތަކުން. މާނައަކީ، މަހަކަށް 4 މިލައަނަށްވުރެ މަތީގަ... ހަމަ އަސްލުތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާހިމް

17 November 2025

ޕާކިންގ ކިހިނެއްބާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިފަހަރު

17 November 2025

މިކަމުގަ މާލޭ މޭޔަރުގެ ވެސް މަސްލަހަތު އެބައޮތް އަލީ އާޒިމް އަށް މަގޭ ތާއިދު މިފަހަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

17 November 2025

ޝަހީމް .،،،،،، އެސްޖޭ އިން ހުޅުމާލޭ ފޭސް ދޭއްގަ ހަދަމް ހަވާލު ކުރި މިސކިތް ވަނީ ހުއްޓިފަ އެވެ. އެތައް އަހަރެއް ވެއްޖެ އެވެ. ޑިއުޓީ ފްރީ ކޮށް މިސްކިތުގެ ނަމުގަ އެއްޗެހިގެނެސް އެހެން ކަންކަމަށް ބޭނުން ކުރަނީ ތޯ ބަލާލަ ބަލާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދސޗދސ

17 November 2025

ދޮގުވާހަކަ ނުދައްކާ. މިސްކިތް ދަނީ ބަރާބަރަށް ނިންމަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

17 November 2025

މިސްކިތް ނިންމަން ފުރަތަމަ ދިނީ ކިތައް އަހަރަށް ތޯ އެވެ.؟ މިސްކިތް ހަވާލު ކުރި ފަހުން ކިތައް އަހަރު ވެއްޖެ ތޯ އެވެ.؟ މުއްދަތަށް ނިންމުނުތޯ އެވެ؟ އޭރުން ތެދު ވާހަކަ ހާމަ ވާނެ އެވެ.