ޕްރޮސިކިއުޓަ ޖެނެރަލް އައިޝަތު ބިޝާމް ޖަލްސާއެއްގައި ބައިވެރިވެވަޑައިގަންނަވަނީ: ކުށުގެ މާހައުލުން ނޫން ގޮތަކަށް މަޖިލިހުގެ މެމްބަރަކު ހައްޔަރުކުރަން އެދެން ޖެހެނީ ޕީޖީގެ ފަރާތުން
12 އެޕްރީލް 2017 - 11:07
24 comments
ރައްޔިތުންގެ މަޖިލީހުގެ އިމްތިޔާޒުތަކާއި ބާރުތަކުގެ ގާނޫނާ ހިލާފަށް ޖުމްހޫރީ ޕާޓީގެ ލީޑަރު އަދި މާމިގިލީ ދާއިރާގެ މެމްބަރު ގާސިމް އިބްރާހިމް ހައްޔަރުކޮށްފައިވާ އިރު ޕްރޮސިކިއުޓަ ޖެނެރަލް އައިޝަތު ބިޝާމްގެ ޒިންމާ އަދާނުކުރައްވާ "ހިމޭނުން" ހުންނެވި ކަމަށް ބުނެ ފާޑުކިއުންތައް އަމާޒުވެއްޖެ އެވެ.
ގާނޫނީ ވަކީލުން ވިދާޅުވާ ގޮތުގައި ގާސިމް ހައްޔަރުކުރުމުގެ އަމުރަކަށް ކޯޓުގައި އެދެން ޖެހޭނީ، ގާނޫނުގައި އޮތް ގޮތުން، ޕްރޮސިކިއުޓަ ޖެނެރަލް އެވެ. އޭގެ ބަދަލުގައި ފުލުހުން އަމުރު ހޯދީ އެތަނުން ސީދާ ކްރިމިނަލް ކޯޓަށް ހުށަހަޅައިގެންނެވެ.
މި މައްސަލާގައި މީޑިއާތަކުން ތަކުރާރުކޮށް ސުވާލުކުރުމުން ވެސް ޕީޖީ އޮފީހުން އެއްވެސް ވާހަކައެއް ނުދެއްކި އެވެ.
އެ އޮފީހުގެ މީޑިއާ އޮފިޝަލް ވިދާޅުވީ އިސްތިއުނާފްގައި އޮތް މައްސަލައަކަށް ވާތީ މިވަގުތު އެއްޗެއް ބުނަން ޕީޖީ އޮފީހުން ބޭނުން ނުވާ ކަމަށެވެ.
ގާނޫނީ ވަކީލަކު ވިދާޅުވީ ގާނޫނާ ހިލާފަށް ހައްޔަރުކޮށް އެއްވެސް ރައްޔިތެއްގެ ހައްގެއް ގެއްލިގެންދާ ކަމަށް ވާ ނަމަ، ފިޔަވަޅު އެޅުމަކީ ގާނޫނުއަސާސީގައި ޕްރޮސިކިއުޓަ ޖެނެރަލްއާ މަތިކޮށްފައި އޮތް ޒިންމާއެއް ކަމަށެވެ.
"އެ ޒިންމާ އަދާނުކުރައްވައި ހިމޭނުން އެ ހުންނަވަނީ. ގާނޫނުއަސާސީގެ 223 ވަނަ މާއްދާގައި އެބަ އޮވޭ، ޝަރީއަތަށް މައްސަލައެއް ހުށަހެޅުމުގެ ކުރީގައި މީހަކު ހައްޔަރުކޮށް ނުވަތަ ބަންދުކޮށް ނުވަތަ މި ނޫންވެސް ގޮތަކުން މީހެއްގެ މިނިވަންކަން ހިފެހެއްޓޭނެ ހާލަތްތަކާއި ޝަރުތުތައް މުތާލިއާ ކުރުމާއި މުރާޖައާކުރަމުން ގެންދިއުމާއި އެ އުސޫލްތަކާ އެއްގޮތަށް އަމަލުކުރަމުން ގެންދޭތޯ ބެލުމަކީ ޕްރޮސިކިއުޓަ ޖެނެރަލް ކުރައްވަން ޖެހިވަޑައިގަންނަވާ ކަމެއް،" ނަން ނުޖަހަން އެދިވަޑައިގެން ވާހަކަ ދައްކެވި ވަކީލު ވިދާޅުވި އެވެ.
ޖުމްހޫރީ ޕާޓީގެ ލީޑަރު ގާސިމް އިބްރާހިމް ހައްޔަރުކޮށް، ބަންދުގެ މުއްދަތު އިތުރުކުރުމަށް ފަހު ފުލުހުންގެ ލޯންޗެއްގައި ދޫނިދޫއަށް ގެންދަނީ -- ފޮޓޯ: ހުސެން ވަހީދު/މިހާރު
މަޖިލިހުގެ އިމްތިޔާޒްތަކާއި ބާރުތަކުގެ ގާނޫނުގެ 13 ވަނަ މާއްދާގެ (ހ) ގައި ވަނީ، "ޖިނާއީ ކުށެއް ކުރަނިކޮށް ހިފިއްޖެ ހިނދެއްގައި މެނުވީ ރައްޔިތުންގެ މަޖިލީހުގެ މެމްބަރަކު ޖިނާއީ މައްސަލައެއްގެ ތަހުގީގަށް ހައްޔަރުކުރަން ބޭނުންވެއްޖެ ނަމަ އެކަން ކުރަން ވާނީ ސުޕީރިއާ ކޯޓެއް ނުވަތަ އެއަށް ވުރެ މަތީ ކޯޓެއްގެ އަމުރަކަށް" ކަމަށެވެ. އެފަދަ އަމުރަކަށް އެ ކޯޓުގައި އެދޭނީ "އެ މައްސަލަ ތަހުގީގުކުރާ ފަރާތުން ޕްރޮސިކިއުޓަ ޖެނެރަލް އަށް ހުށަހެޅުމުން ޕްރޮސިކިއުޓަ ޖެެނެރަލް އަށް ފެނިއްޖެ ނަމަ އޭނާ" ކަމަށް ވެސް ގާނޫނުގައިވެ އެވެ.
"އެހެންވީމަ ޕީޖީ އަށް ލާޒިމް ކަމެއް ގާނޫނުގައި މަތިކޮށްފައި އޮތް ޒިންމާ އަދާކުރެއްވުމަކީ."
ރިޝްވަތު ހުށަހަޅަން އުޅުމާއި ރަސްމީ ހައިސިއްޔަތުން ކުރަން ޖެހޭ ކަމަކަށް ނުފޫޒު ފޯރުވަން އުޅުމާއި ވޯޓު ދޭން ހުރި މީހަކަށް ނުފޫޒެެއް ފޯރުވަން އުޅުނު ކަމުގެ ދައުވާކޮށް، ޕީޖީން މިހާރު ވަނީ ކްރިމިނަލް ކޯޓަށް މައްސަލަ ހުށަހަޅައިފަ އެވެ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާހަމަ
11 July 2017
ތީ ކުރާ ގޯސްކަންތައް ޒިންމާބޮލުގަ އަޅުވަން ފައިސާ ދީފަ ބައިތިއްބާފަތިބޭ ރޮބަޓުން. ތިތަންތަން ހުރުމަށްވުރެ ރައްޔިތުންނަށް ފައިދާބޮޑީ ނެތުމުން.
ވިޔަފާރިވެރިޔާ
25 April 2017
ކުދިންނޭ ހާޑްވެއަރ ތަކަށް މިހާރު މި ގެންނަނީ ހާދަ ތަތްގަދަ ތެރަހެކޭ! ގައިމު އެއީކީ ޗައިނާއެއްޗިއްސެއްނޫން. އެމީހުން ބޭނުންކުރަނީ ލޯ ނުހުޅުވޭ ވައްތަރު، އެކަމަކު މިއީ އަނގަ ނުހުޅުވޭ ވައްތަރު. އަޅެ މިކަމެއް ބަލަންވެއްޖެ. އަހަންނަށް ހީވަނީ ބޮޑު މުސާރަލިބޭ މީހުންގެ ތެރެއިން ހިމަ ފަޅީގައި ތިބި މީހުންނަށް އެކަނިހެން މި ތެރަސް ލިބެނީ.
އަހަ
13 April 2017
ޕީޖި އަށް ނޭގި ހިގާ ކަމެއްގެ ވާހަކަ ޕީޖީ ދައްކާކަށް ނުޖެހޭ. އެކަމެއް ކުރި ބަޔަކު އެކަން ނިންމާމެ.
ބޮޑު
13 April 2017
ތި ގާނޫނުވެސް މާދަން ބަދަލު ކުރީމަ ނިމުނީތާ. އެވަގުތަކަށް ބޭނުންވާ ގޮތަކަށް ގާނޫނުވެސް ހެދިދާނެ މަޖިލިހުން.
އުދުހޭ
13 April 2017
މީހަރު އިސްތިއުނާފު އެ ނިމުނީނުން. ދެން އަނގަފުޅު ހުޅުވަންވީނުން؟
ރީތިރަށް
12 April 2017
ޕީޖީ އަކީ ވަރަށް މަޑުމައިތިރި ބޭކަނބަލެއް، އެހެންވެ އެހެން އެވަނީ....
GAN Island
12 April 2017
ދައުލަތުގެ މަޤާމެއްގައި ހުރެ އޭނާ އަދާކުރާންޖެހޭ ޤާނޫނީ ވާޖިބު އަދާނުކޮށް ''ހަނުހުރުމަކީ'' އޭނާއަށް ކުރެވޭނެ ކަމެއްނޫން. . . . ޙައްޤަށް ބަސްބުނާން ނުކެރޭ އަމިއްލަ ނަފުސަށް އިތުބާރު ނުކުރެވޭ މީހުންނަކީ ޑިމޮކްރެޓިކް އުސޫލުން ހިންގާން ބޭނުންވާ ވެރިކަމެއްގައި އެއްވެސް މަސްއޫލީއްޔަތެއް ހަވާލު ކުރަން ހެޔޮވާވަރުގެ ބައެއްނޫން.
އިބްރަތް
12 April 2017
ބިޝާމާ ދުވަހެއް އެބައޮތް. އެއީ ވަރަށް ގާތުގައިވާ ދުވަހެއް. އެ ދުވަހުން ޖަވާބު ދާރީ ނުވެ ނުހުރެވޭނެ. އަދި ސަލާމަތްކޮށްދޭނެ މީހަކުވެސް ނުހުންނާނެ. ވަގުތު ޖެހުމުން ބިސާމާގެ ވެސް ބާރުދާނެ. މިހާރު މުހްތާޒް ކޮބާ؟
އަލީ
12 April 2017
އައްޔަންކުރި އިރުވެސް ބިސާމަކީ އެފަދަ މަގާމަކަށް އެކަށިގެންވާ މީހެއްނޫންކަމަށް ދާއިރާގައި މަސައްކަތްކުރާ އެންމެންވެސް ދިޔައީ ބުނަމުން. މިއަދު ފެނިގެން މިދަނީ އެކަމުގެ ނަތީޖާ.ކަންކުރުމުގެ ކުރިން ކުރެވޭ ކަންކަމާ މެދުގައި ވިސްނަންޖެހެނީ މިހެން ވެގެން ނޫންތޯ؟ކޮންމެ މީހަކަށްވެސް ވިސްނެނީ އެމީހަކަށް އެކަމެއް ކުރިމަތިވީމާ. ގައުމާމެދުގައި ރަގަޅަށް ވިސްނާ
އަޙްމަދު
12 April 2017
ޕީޖީގެ ބޭފުޅުން ނުކުމެ ސަރުކާރާއި ދެކޮޅައް ޤާސިމާއި އެއްކޮޅައް މުޒާހަރާ ކުރަން ވީތޯ؟ ހަމަހިމޭންކަމަކީ މިގައުމަށް ބޭނުން ނުވާއެޗަކީތޯ؟ ނުވަތަ ކަމެއްގައި ހަމަހިމޭންކަން އިޙްތިޔާރުކުރުމަކީ ފާފަވެެރިވާ ކަމެއްތޯ؟ މިހާރު މިގައުމުގައި ވެރިމީހާޔައް ކިޔަމަންގަތުމަކީ ލަދުކަމަކައްވެއްޖެ! ހުރި ހިތާމަޔެއްގެ ބޮޑުކަމާއޭ!!!
އަލީޝާކިރު
12 April 2017
ނޫނޭ، ޕީޖީގެ ބޭފުޅުން ކުރަންވީކަމަކީ، ގާނޫނަށް ބަލައިލުމެއް ވެސް ނެތި ސަރުކާރުން ބުނާހާގޮތަކަށް މީހުންގެ މައްޗަށް ދައުވާތައް ކޯޓްތަކަށް ފޮނުވަންވީ.