އެމްއެންޔޫގެ ގްރެޖުއޭޝަން ރަސްމިއްޔާތެއް: އެ ޔުނިވާސިޓީގެ ރިސާޗް ސެންޓަރުގައި ޕާޓް ޓައިމްކޮށް މަސައްކަތްކުރާނެ ކޮންސަލްޓެންޓަކު ހޯދަން އިއުލާންކުރި އިރު ޕީއެޗްޑީ އާއި 10 އަހަރުގެ ތަޖުރިބާ އަށް ކަނޑައަޅާފައިވަނީ 10،000 ރުފިޔާގެ މުސާރައެއް.
19 އެޕްރީލް 2017 - 11:12
64 comments
ދިވެހި ގައުމީ ޔުނިވާސިޓީ (އެމްއެންޔޫ) އިން އިއުލާންކުރި ވަޒީފާއަކަށް ކަނޑައަޅާފައިވާ މުސާރަ އެ ވަޒީފާ އަށް ބޭނުންވާ ފެންވަރާއި ޝަރުތާ ނުބައްދަލުކަމުން މީހުން ހައިރާންކޮށްލައިފި އެވެ.
ސަރުކާރުގެ ގެޒެޓުގައި ހޯމަދުވަހު ކުރި އިއުލާނެއްގައި، ޔުނިވާސިޓީގެ ރިސާޗު ސެންޓަރުގައި މަސައްކަތްކުރާނެ ކޮންސަލްޓެންޓަކު ހޯދަން ފުރުސަތު ހުޅުވާލީ މަހަކު 10،000 ރުފިޔާގެ މުސާރައަކަށެވެ. އެއީ ހުރިހާ އެއްޗެއް ހިމަނައިގެންނެވެ. އެކަމަކު އެ މަގާމަށް ޝަރުތު ހަމަވަނީ ތައުލީމް ދިނުން ނުވަތަ އެކަމާ ގުޅުން ހުރި ދާއިރާއަކުން ޕީއެޗްޑީ ހާސިލްކޮށްފައިވާ ނަމަ އެވެ. ނުވި ތާކަށް، ދިރާސާކުރުމުގައި އަމަލީ ގޮތުން ބައިވެރިވެ މަދުވެގެން 10 އަހަރުގެ ތަޖުރިބާ ހޯދާފައިވާ މީހަކަށް ވެސް ވާން ޖެހެ އެވެ.
އެކަމަކު މިއީ ޕާޓް ޓައިމް ވަޒީފާއެކެވެ.
ބާރަ މަސް ދުވަހަށް ހަވާލުކުރާ މަގާމްގެ މުއްދަތު، ބޭނުންވެއްޖެ ހިނދެއްގައި އަދި އެ މީހެއްގެ މަސައްކަތުގެ ފެންވަރަށް ބަލައި، އިތުރުކުރާ ގޮތަށް ވަނީ ހަމަޖެހިފަ އެވެ.
ޓެކްނޮލޮޖީ ބޭނުންކޮށްގެން ކިޔަވައިދޭން ޖެހޭ މި ވަޒީފާގެ މަސްއޫލިއްޔަތުތައް ވެސް، މުސާރައާ އަޅާބަލާ އިރު، ވަރަށް ބޮޑެވެ. އޭގެ ތެރޭގައި އެކި ދިރާސާތައް ހެދުމާއި ޓެކްނޮލޮޖީ ބޭނުންކޮށްގެން އެމްއެންޔޫގައި ކިޔަވައިދިނުމާ ބެހޭ ސްޓްރެޓެޖީތައް އެކުލަވާލުމާއި މުވައްޒަފުންނަށާއި ދަރިވަރުންގެ ޕްރޮޖެކްޓްތަކަށް އިރުޝާދުދިނުމާއި މާސްޓާސް އަދި ޕީއެޗްޑީ ދަރިވަރުން ސުޕަވައިޒްކުރުމުގެ އިތުރުން ވެސް އެތައް ކަމެއް ހިމެނެ އެވެ.
މި އިއުލާނާ އެކު ސޯޝަލް މީޑިއާގައި ހައިރާންކަން ފާޅުކުރި ބައެއް މީހުން ވަނީ ތައުލީމީ އެންމެ މަތީ ފެންވަރުގެ ތަޖުރިބާކާރުންގެ އަގަކީ 10،000 ރުފިޔާތޯ ސުވާލުކޮށްފަ އެވެ. އަދި މިއީ އެފަދަ އެއްވެސް ފެންވަރެއް އަދި ޝަރުތެއް ހުންނަން ނުޖެހޭ ސިޔާސީ ކޯޑިނޭޓަރުންގެ މުސާރަ އަށް ވުރެ ވެސް ކުޑަ އުޖޫރައެއް ކަން ފާހަގަކޮށް ބައެއް މީހުން ފާޑުކިޔެވެ. ރައީސުލްޖުމްހޫރިއްޔާ އައްޔަންކުރައްވާ ކޯޑިނޭޓަރުންގެ މުސާރައަކީ 15،000-20،000 ރުފިޔާ އެވެ.
އެއް ބަޔަކު ފާހަގަކުރި ގޮތުގައި މުސާރަ ކުޑައީ ކޮންސަލްޓެންޓެއްގެ މަގާމަށް ވެފައި ޕާޓް ޓައިމް ވަޒީފާއަކަށް ވާތީ ކަމަށް ވެދާނެ އެވެ. އެކަމަކު އެ ގޮތަށް ބަލާ އިރު ވެސް 10،000 ރުފިޔާއަކީ ޕީއެޗްޑީ އޮތް އަދި އެވަރުގެ ތަޖުރިބާކާރަކު އަދާކުރަން ޖެހޭ ޒިންމާތަކަށް އެކަށޭނަ އުޖޫރައެއް ނޫން ކަމަށް އެ މީހުން ދެކެ އެވެ.
މި މަގާމަށް އެދި އަންނަ ހޯމަދުވަހުގެ ކުރިން ކުރިމަތިލާން ޖެހެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑަކުޓަރު
20 April 2017
ގަރޭޑް 7 ނިންމާފައި ފޯއްކޮށިޔަސް މިޔައްވުރެ ރަނގަޅުވާނެ
ޕީއެޗްޑި
20 April 2017
އެއްވެސް މައްސަލައެއްނެތް ތިކަމުގަ. ރާއްޖޭގަ ކޮންސަލްޓެންޓުންގެ ގޮތުގައި މަސައްކަތްކުރާކަށް ތި އަދަދު ކުޑައެއްނޫން!
މަ
20 April 2017
ހާސްނުވޭ އިކޮނޮމިސްޓްގެ ނިންމެވުންތަށް އަހަރުމެންނަކަށް ފަހުމެއް ނުވާނެ!!! މިތާކު ނެތެއްނު ޕީއެޗްޑީ ފެންވަރުގެ މީހަކު ކޮމެއްޓެއް ކޮށްފަވެސް؟؟ އެހެންވީމާ މާނަ އަކީ މީތި އަސްލު ގޯހެއް ނޫނޭ!!!
ވޮށުފިލާ
20 April 2017
ޕާޓްޓައިމް ވިޔަސް ފުލްޓައިމް ވިޔަސް ކުރާ މަސައްކަތާ ޒިންމާއާ ދިމާވާން ޖެހޭނެ.
ބުރޯ
20 April 2017
ތިކަމަށް އެންމެ ގާބިލް ވާނީ " އަސްލު މީހާ"
އަޑީބް އެންޑް ބަދީއް
20 April 2017
މިގައުމުގެ ތަރައްގީއަށް ޕީއެޑީ މީހުން ބޭނުމެއްނުވޭ. ގައުމު ހިންގާލަން ބޭނުންވަނީ ޖާހިލު ހަޔާތްކުޑަ ހަޑިހުތުރުއެއްޗެހި ކިޔަންދަންނަ މީހުން.
އަލީ
19 April 2017
ސިޔާސީ މަގާމުތައް ގިނަވެ އެމީހުންގެ މުސާރަތައް ބޮޑުވެ ކޮރަޕްޝަނުން ގެއްލޭ ފައިސާތައް ގިނަވުމުން ދެން ކިތަންމެ މަސްއޫލިއްޔަތުބޮޑު ތައުލީމީ ޝަރުތުތައްބޮޑު މަގާމަކައް މީހަކު ބޭނުންވިޔަސް ދެވޭނެ އެއްޗެއް ނޫނީ އެފަދަ މީހަކައް ދޭން ބޭނުންވާ އެއްޗެއް އޮންނާނެބާ. ތި މަގާމަކީވެސް ސިޔާސީ މަގާމެއްނަމަ މުސާރައެތައް ގުނައެއްއިތުރުވެ ޝަރުތުތައް އެތައްގުނައެއް ކުޑަވީސްކަން ޔަގީން.
ކޯޑިނޭޓަރ
19 April 2017
ބާރަށް ހަޅޭއްލަވާ ކޯޑިނޭޓަރަށް 15000ރ. ދެނީ ކޮންތާކުން ކާކުދޭ ފައިސާއެއް. އެއީ އިލްމީބަޔަކު ރާވާ ޕްލޭންުކުރި ދިވެހި ގައުމުގެ އިގްތިސާދުތެރެެއިން ލިބޭ އެއްޗެހި.
ޛަޔާ
19 April 2017
ޕާރޓް ޓައިމް ވަޒީފާއަކަށް ވަރިހަމަ އެއްނު ޕީއެޗްޑީ ވިއަސް ދިހަޙާސް ރުފިޔާ އަހުން އަންތަރީސްވީ ފުލްޓައިމް ވަޒީފާއެއް ކަމަށްހީކޮށް އެހެންނޤ ފަހެ
މަންސޫރު
19 April 2017
މީގެ އަހަރުތަކެއް ކުރިން ސްކޫލް ނިންމާއިރަށް ގެންގޮސް ސިފައިންގެޔަށް ވައްދަ. މުސާރަ 1،000ރ އަށްވުރެ ބޮޑު. ނަމަވެސް އޭރު ޕީއެޗްޑީ މީހުން ބޭނުންވާ މަގާމަށް 750ރ މުސާރަ ޖަހާފައި އިންދާ އަހަރެން ދުށިން.
ނައީމާ
19 April 2017
އޯ ޕްލީޒް. އެއީ ކޮންއިރެއް. އަދިވެސް ތިޔަ އުޅުއްވަނީ 17ވަނަގަރުނުގައި އުތަ؟
މަންސޫރު
20 April 2017
ނައީމާ ބުރޯ، އެއީ 1987 ވަނަ އަހަރު ސްކޫލް ތަކަށް ސަރުކާރުގައި ހުރި ވަޒީފާ އަންގައިދޭން ޕްރިންޓުކޮށް ސްކޫލް ކުދިންނަށް ދެއްކި ފޮތެއްގައި އިން އެގްރިކަލްޗަރ މިނިސްޓްރީއަށް ޕީއެޗްޑި މީހެއް ބޭނުންވާ ވަޒީފާއެއް. ނައީމާ ބުރޯ އަށް 17 ވަނަ ގަރުނު އަދި އިނގޭހެނެއް ހިޔެއް ނުވެ.
ބޭމިސާލު
20 April 2017
1987 ވަނަ އަހަރު 700 ރުފިޔާގެ މުސާރައެއް ލިބޭނަމަ އެއީ ބޮޑުމުދާރައެކެވެ. އޭރު ޑިރެކްޓަރަކަށް ލިބެނީ 650 ރުފިޔާއެވެ. ބޭފުޅާގެ އުމުރުން ކިހާވަރެއްތަ؟ މިރާއްޖެއަށް ދިމާވި މައްސަލަޔަކީ މިއީ. އިހަށް ދުވަޖާހަމަޔަށް އުމުރުން 15 އަހަރުގައިވެސް ސޯޓުބުރިލައިގެން ފުށްގަނޑެއް ކައްކައި ބޮއިގެން އުޅުނުމީހުން މިއަދު އެންމެ މޮޅކާއެއްޗެއްސާއި އަންނައުނާއި އެހެން ވަސީލަތްތައް ތަނަވަސްވެލިބެން ހުރުން. އެހެންވީމާ ފެންވަރުއޮޅުނީ. 1987 ހާތާގައި ޕީއެޗްޑީގެ އެކަކު ދެމީހަކު ނޫނީ ރާއްޖޭގައި ނޫޅޭނެ. އެހެންވީމާ ތިހެދީވެސް ބޮޑުދޮގެއް. ޕީއެޗްޑީ އޮންނާތީ ގޯއްޗާއި މިނިސްޓަރުކަން ދިން ޒަމާން އެއީ.